Hebreos 13:2 - Nuevo Testamento Uwotjüja

² Do'ächü ichätürü eseunu̧ ttä'a we'ätukui. Ja̧'wa̧nü̧ jȩpü̧, yotukunä̧ mo̧'i̧nä̧ á̧gȩrȩ-rü, ttieruwa'a jakuänä̧ do'ädü ä'epinä̧tü̧.

TÄ̧DO Ä̧CUÄ̧ I̧HUȨNȨ

² Korotö cuojusodenä do'ächö ichätörö, jahuätörö adiu ppäcuhuäda pä'ö cunichi'ätucuä'. Ja̧'hua̧nö̧ jȩpö̧ korotö ttieruhua'anä ángelesrö ppä'ädinätödo.

Hebreos 13:2 Referans Kwoze

San Mateo 25:35

Isopäi'ünä̧ chukua ppä̧i̧rü̧jo̧mȩnä̧'i̧nä̧, chukua pä'ü iyinä̧tü̧jä̧; chawa a̧di̧ri̧jo̧mȩnä̧'i̧nä̧, chawa pä'ü iyinä̧tü̧jä̧; kkorotü tti̧rȩjä̧nä̧ kuedächomȩnä̧'i̧nä̧, kuojusodenä̧ dokuädinä̧tu̧kuä̧ku̧sä̧;

Romanos 12:13

Crito-rü esetätümä̧ rekuä rü̧jo̧mȩnä̧ ppä'ädäkuäu tätukui; do'ächü ttichomȩnä̧, kuojusodenä̧ ttä'a pä'ü we'ätukui.

1 Pedro 4:9

Kuojusodetukunä̧mä̧ kkorotü kkorotünü̧ do'ädätukui, ya̧tȩrü̧'i̧nä̧ suronä̧ ukuokuäwä juiyünä̧.

San Mateo 25:43

kko̧ro̧jä̧nä̧ kuedächomȩnä̧'i̧nä̧, kuojusodenä̧ dokuädätukuokoku pinü̧sä̧; chü̧'ka̧tä̧wä̧ta̧ juidomȩnä̧'i̧nä̧, iyokotü pinä̧tü̧jä̧; na̧dä̧cho̧mȩnä̧'i̧nä̧, kärenä̧ chü̧'o̧mȩnä̧'i̧nä̧ do'ächü ichokotü pinä̧tü̧jä̧;

Tito 1:8

Ja̧'wa̧nü̧ ja̧jü̧jueimä̧ 'kuäopünä̧ ttü̧ja̧rü̧ ojusodenä̧ ttä'a päü do'ädü ja̧'a̧ ja̧'wa̧ta̧nü̧ jua̧u̧ ttü̧ja̧sa̧mä̧ adiu kkü̧, adiu ro̧'ȩkua̧, suronä̧ jȩpä̧'cho̧kü̧, surojü'i̧nä̧ jui̧'a̧, ja̧'wa̧ta̧nü̧ jua̧u̧mä̧ adiu ji̧'ä̧wä̧rü̧ pü̧ttä̧dä̧kuä̧wa̧ ja̧'a̧.

San Mateo 25:40

Pättomȩnä̧ Ru̧wa̧ Rey-mä̧ ä̧dä̧tä̧kuä̧u̧: Isopäi'ünä̧ pä'üsä ukuturu o'kajuiyünä̧ pitü chi̧jä̧wa̧tü̧ttü̧ ppo̧'ä̧tü̧rü̧ ya̧tȩrü̧ ja̧ pä'ü'i̧nä̧ ppäkuädinä̧tu̧ku̧mä̧, ttürütä ppä'ädinä̧tü̧jä̧.

1 Timoteo 5:10

Kkaditäwä adiwäjuei jȩjü̧ttü̧ ttu̧wo̧juä̧kuo̧ju̧, kki̧tti̧mü̧rü̧ adiu kku'utädinomettü̧; kkojusodenä̧ rȩbȩwä̧tü̧rü̧ adiu dojädino̧mȩttü̧; surojü jui'ätürü ttü̧jä̧pi̧yä̧ kkütükinomȩttü̧ ja̧'wa̧ta̧nü̧ usurä ȩmä̧wä̧tü̧rü̧ ppäjädinomȩttü̧. Rüjinä̧mä̧ kkorottü'i̧nä̧ abonä̧nü̧ kkorojuei o'kajuiyünä̧ adiu jȩji̧nomȩttü̧.

1 Timoteo 3:2

Ja̧'wa̧nü̧ ja̧'a̧ttü̧, pi̧yȩ aditäwä kku̧nä̧rü̧mä̧, surojü jȩpä̧'i̧jü̧ jü̧nä̧mä̧ pä'äwokü ja̧'a̧. Irekuarümä̧ yajuterütä u̧ju̧nä̧ra̧ pä'ü ja̧'a̧, idepä kkü'kekumä̧ o'kajuiyünä̧tä̧ tta̧wä̧rä̧kuä̧wa̧ pä'ü wa̧, ja̧'wa̧ta̧nü̧ jȩä̧kuȩ'i̧nä̧ todärenä̧ amükuäda pä'ü ja̧'a̧. Ojusodenä̧ ttü̧ja̧rü̧ doäda pä'ümä̧ 'kuäopünä̧tä̧ jo̧mȩnü̧ ü̧ja̧ pä'ü ja̧'a̧; ja̧'wa̧ta̧nü̧ u̧wo̧juȩta̧ pä'ü'i̧nä̧ jo̧mȩnü̧ wa̧;

Romanos 16:23

Ja̧'wa̧ta̧nü̧ teäwä̧u̧jä̧ Gayo'i̧nä̧, ojusodenä̧ chü̧ji̧yä̧ku̧ ja̧'wa̧ta̧nü̧ Dio-rü esetätürümä̧ iweye ppä'ädü ja̧'a̧. Ja̧'wa̧ta̧nü̧ Erasto, ütawiyä ttü̧ja̧ ttiäre pärätä tta̧wä̧rä̧kuä̧wä̧ i̧sa̧'i̧nä̧ ja̧'wa̧ta̧nü̧ ti̧jä̧wa̧ Cuarto'i̧nä̧ teäwä̧u̧jä̧. [

Hechos 16:15

Juäjumä̧, kkawaruwätäku Bautizo jȩttä̧jä̧kua̧ o'kaju, jäjepinä̧u̧jä̧: —Isopäi'ünä̧ Tu̧ru̧wa̧rü̧ ukuotäju päkuätukuttümä̧, chojusodera̧'a̧ kuä'ekuätukua ichätukui. Ja̧'wa̧nü̧ pä'ü kkojusodenä̧ tü̧ja̧kui̧'a̧ pä'ü jäjepinä̧u̧jä̧.

3 Juan 1:5

Cha̧wa̧ru̧wa̧ chi̧jä̧wa̧, adiwomȩnä̧ jȩpü̧jä̧ kkorotü tawaruwä tü̧jä̧wa̧tü̧rü̧ ppäkuäda'amä̧, ji̧nä̧somä̧ kko̧ro̧jä̧ttü̧ rȩbȩwä̧tü̧rü̧.