Hebreos 12:9 - Nuevo Testamento Uwotjüja

⁹ Ja̧'wa̧nü̧ jo̧ka̧'a̧, ppo̧'ä̧tü̧ täimä̧, pi̧jä̧ttü̧ tä̧'o̧tü̧rü̧mä̧ ro̧ȩkuä̧nä̧ ro̧ttȩpä̧u̧ ukuotinä̧tü̧jä̧. Jua'a yabonä̧, ¿Tta̧'a̧nü̧ pä'ü, epíritu-tu̧ ttä'orü tukuotoka'ajä̧ttü̧, kkä̧kuä̧wä̧ tȩma̧ pä'ümä̧?

TÄ̧DO Ä̧CUÄ̧ I̧HUȨNȨ

⁹ Ja̧'hua̧ta̧nö̧ ji̧nä̧ ta̧'u̧cuä̧i̧, pi̧jä̧ttö̧ tä̧'o̧tö̧ ujuturu ro̧'ȩpi̧nä̧tö̧do. Ja̧'hua̧nö̧ ro̧ttȩpa̧'a̧, jahuätörö ucuotinätöjä. Ja̧'hua̧ ja̧'a̧ttö̧ Tä'o mo̧ro̧jä̧nä̧ kö̧rö̧ ji̧nä̧ isocu repetö'a̧nö̧ ja̧'a̧, kä̧cuä̧huä̧ i'co tu̧ju̧nä̧ra̧ pä'ö.

Hebreos 12:9 Referans Kwoze

San Juan 3:6

Ttü̧ja̧ttü̧ uwäpächümä̧, ttü̧ja̧sa̧ ja̧'a̧; ja̧'wa̧ta̧nü̧ Epíritu-ttü uwäpächümä̧ Epíritu i̧sa̧ ja̧'a̧.

1 Pedro 5:6

Ja̧'wa̧nü̧ ja̧'a̧ttü̧ kukuomä̧ tekuäwätukuä, Dio ju̧ru̧wa̧ u̧mü̧ dȩa̧'a̧ttü̧mä̧ u̧mo̧ro̧ mo̧ro̧ pätekuächomȩnä̧ ukuturu esewäkua'anü̧.

Santiago 4:7

Ja̧'wa̧nü̧ ja̧'a̧ttü̧ Dio-rütä ukuotätükui. Äwettärümä̧ yaokuätukui, ja̧'wa̧nü̧ jo̧mȩnä̧tä̧ äwettämä̧ ukututtü tüipächä̧kua̧.

Romanos 9:5

Ja̧'wa̧ta̧nü̧ juätü tü̧tä̧mü̧mi̧nä̧ttü̧tä̧; Crito-mä̧ ichinü̧ ukuojattümä̧, jua̧u̧mä̧ o'kajuiyünä̧tä̧ u̧wä̧mȩnä̧ wa̧, jua̧u̧tä̧ ja̧'a̧ «Dio, 'kuäopünä̧tä̧ eseäkuä̧wa̧mä̧.» Amȩ́.

Santiago 4:10

Ku̧ä̧nä̧wa̧ ä'ka jo̧mȩ kuiwe'kiyunä̧ kkä̧mä̧dä̧tu̧kui̧, ja̧'wa̧nü̧ jo̧mȩnä̧tä̧ chutämä̧ esewäkuotüjä̧.

Romanos 9:3

Isopäi'ünä̧ chidepättü chawaruwärümä̧ rü̧ȩnä̧ repeda'amä̧, wä̧i̧nä̧ suronä̧ pättäku chüttü'i̧nä̧, Crito-ttü 'kȩdi̧pä̧chü̧ttü̧'i̧nä̧ wä̧i̧nä̧ wa̧sä̧ rettü chawaruwärü ppädäda pä'ümä̧.

Romanos 1:3

Jua̧u̧ wȩä̧kua̧mä̧ I̧tti̧, Tu̧ru̧wa̧ Jesucrito ji̧na̧'a̧, ü̧tä̧mü̧ttü̧mä̧ Dawi isotü i̧sa̧ pinü̧,

Hechos 2:30

Ja̧'wa̧nü̧ ji̧na̧'a̧nä̧ Dawi-mä̧ profeta ja̧'a̧ttü̧, Dio-mä̧ i̧tti̧mü̧ttü̧ Crito-rü äräbe'äkua'a jiäwinä̧ku̧.

San Lucas 18:2

Pa̧'a̧nü̧ päinä̧u̧: yo̧mȩtȩ ütawiyänä̧, ya̧tȩ juez pättäku kki̧nü̧, Dio-rü'i̧nä̧ ye'ekuokü ja̧'wa̧ta̧nü̧ ttü̧ja̧rü̧'i̧nä̧ ukuotokü.

San Lucas 18:4

Rekuo jä̧'ȩpä̧rü̧ kuejächa'anä̧, juez-mä̧ ppäda päokokua pinä̧ju̧. Ja̧'wa̧nü̧ jȩpü̧mä̧ amükuädi'inü̧: Dio-rü'i̧nä̧ ye'ekuokü cha'anä̧, ttü̧ja̧rü̧'i̧nä̧ ukuotokü cha'anä̧,

Apocalipsis 22:6

Ja̧'wa̧ta̧nü̧ á̧gȩ-mä̧ päinä̧ku̧sä̧: «Pi̧yȩ wȩnȩmä̧ isopäi'ünä̧ wȩnȩ ja̧'a̧ ja̧'wa̧ta̧nü̧ jueü wȩnȩ ja̧'a̧. Tu̧ru̧wa̧, Dio profeta wotünä̧ jiäkuäwä i̧sa̧mä̧, u̧mü̧wä̧ya̧ ya̧tȩ á̧gȩ-rü̧ umüwäyotü wotürü jitätä ja̧'a̧ku̧ 'kuäopä̧kuȩ jiäwa pä'ü we'äji.»