Hebreos 12:3 - Nuevo Testamento Uwotjüja

³ Ja̧'wa̧nü̧ ja̧'a̧ttü̧, Jesú jȩi̧nü̧tä̧ amükuädätukui, rekuätü ttü̧ja̧ surojünä̧ kka̧kuä̧tü̧ suronä̧ jȩtta̧'a̧nä̧'i̧nä̧ yaboku 'chi̧nü̧rü̧ amükuädätukui; ja̧'wa̧nü̧ ja̧'a̧ttü̧ juiyupächi'ümä̧ 'kuäkuächi'ätukuä.

TÄ̧DO Ä̧CUÄ̧ I̧HUȨNȨ

³ Ja̧'hua̧ ja̧'a̧ttö̧ Jesús ö̧ji̧nö̧'a̧nö̧ amöcuädätucui. Chutä suronä jȩpä̧tö̧ ttu̧mö̧nä̧ ubara ttu'inödo. Ja̧'hua̧nö̧ ja̧'a̧ttö̧ cuijuiyuhuätucuä'. Ja̧'hua̧ta̧nö̧ 'cuäcuhuächi'ätucuä'.

Hebreos 12:3 Referans Kwoze

Gálatas 6:9

Ja̧'wa̧nü̧ ja̧'a̧ttü̧ adiwä juei jȩpü̧mä̧ 'kuäkuächi'ätukuä; isopäi'ünä̧ tijuiyuwächi'oka'a jü̧ttü̧mä̧, ji̧yȩtä̧ mo̧ro̧ päi'omȩnä̧ u̧wä̧ju̧ tȩmä̧kuo̧tü̧jä̧.

2 Corintios 4:16

Ja̧'wa̧nü̧ ja̧'a̧ttü̧, juiyupächi'okotüjä̧. Wä̧mȩnä̧ tidepämä̧ 'kuo̧pa̧ja̧'a̧nä̧ surojuoächa'anä̧, jakuänä̧ ta̧'kua̧rü̧mä̧ mo̧ro̧ji̧nü̧'a̧kuä̧ jareünä̧tä̧ juoächa'a.

Apocalipsis 2:3

Ja̧'wa̧ta̧nü̧ ttü chi̧mi̧ eseu repe'ümä̧ rü̧ȩnä̧ usurä ȩmä̧u̧, käkuädi'oka'a aditä'ijüjä̧.

1 Corintios 15:58

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, kua̧mi̧'ki'ächi'ü yaboku tätukui, yabonü̧, 'kuäopünä̧tä̧ Tu̧ru̧wa̧ aditäwä aditü; Tu̧ru̧wa̧nä̧ adikuämä̧ yaparemä̧ adikuokü pä'ü.

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

2 Corintios 4:1

Ja̧'wa̧nü̧ ja̧'a̧ttü̧, pi̧yȩ taditäwämä̧ Dio rȩrü̧jü̧ topü iyinä̧u̧ ta'attü̧ 'kuä'ächi'okotüjä̧.

San Juan 5:16

Ja̧'wa̧nü̧ sawaru mo̧ro̧ jȩi̧yä̧u̧ judío-mä̧, Jesú-ru kuä'ü ttikua pä'ü jȩpi̧nä̧tü̧.

Hebreos 12:5

Ja̧'wa̧ta̧nü̧ unichi'inä̧tü̧jä̧, Dio i̧tti̧mü̧rü̧, pa̧'a̧nü̧ ro̧ȩpi̧nü̧mä̧: «Chi̧tti̧, Tu̧ru̧wa̧ ro̧ȩpo̧mȩnä̧mä̧ ya̧kuo̧kuä̧rä̧, ja̧'wa̧ta̧nü̧ suronä̧ jȩ'kui̧yä̧ku̧ jiäwomȩnä̧ kuijuiyuwächi'ä, pä'ijümä̧.

San Lucas 14:1

Jesú-mä̧, sawaru mo̧ro̧ fariseo wotü ttu̧ru̧wa̧ ojusodera̧'a̧ttü̧ u̧kuȩ kuä̧nü̧ i̧'chä̧ja̧'a̧, kkorotü fariseo wotü'i̧nä̧ ji̧nä̧ ttiweyettü to̧ttä̧ri̧nä̧ku̧.

2 Tesalonicenses 3:13

Ja̧'wa̧nü̧ ja̧'a̧nä̧, chi̧jä̧wa̧tü̧ adiwäjuei jȩpü̧ ku̧ja̧kuä̧tu̧ku̧mä̧ 'kuäkuächi'ätukuä.

San Juan 18:22

Ja̧'wa̧nü̧, Jesú ädätiyäku, su̧ro̧do̧u̧ i̧sa̧ ppeyänä̧ kkü̧mä̧, Jesú i'ebabanä̧ ppeopo'ächinü̧, pa̧'a̧nü̧ pä'ünü̧: —¿Ja̧'wa̧nü̧ kuädäta'a, sacerdote-tü̧ ttu̧ru̧wa̧rü̧mä̧?, pä'ünü̧.

San Juan 8:52

Judío-mä̧ ttädätinä̧ku̧: —Jitämä̧, isopäi'ünä̧ epíritu su̧ro̧pa̧ ü̧jä̧ku̧ pä'ü wo̧juä̧tü̧jä̧. Abraha̧'i̧nä̧, profeta-tü̧'i̧nä̧ wa'ü ttikuina̧'a̧nä̧, ukumä̧, ttü chi̧wȩnȩ ukuotätümä̧ wa'ü ikuokotü ttäkuotü päkua'attü̧.

San Juan 8:59

Päomȩnä̧, juätü judío-mä̧ inä̧du ȩmi̧nä̧tü̧ ikuäu ttikuarü pä'ü; ja̧'wa̧nü̧ ja̧'a̧nä̧ Jesú-mä̧, ttü̧ja̧ ttü̧'kä̧tȩ jo̧mȩnä̧ dajawächü Dio-rü ukuokuäkuäwodettümä̧ rä'opächinü̧.

San Juan 8:13

Päomȩnä̧ fariseo wotümä̧ pä'inä̧tü̧: —Ukumä̧ kua̧mü̧nä̧ pa̧ja̧tü̧ kuadiwä ji'äkuäujä̧ ja̧'wa̧nü̧ ja̧'a̧ttü̧ jikuäumä̧ mikuäwokü ja̧'a̧.

San Juan 7:12

Ja̧'wa̧nü̧ ja̧'a̧, Jua̧u̧ ütü'kü ttü̧ja̧mä̧ rü̧ȩnä̧ ukuokuinä̧tü̧: kkorotümä̧, «adiwä i̧sa̧ pä'ijü pätta'anä̧, kkorotümä̧ ttü̧ja̧rü̧ surojuo'epü» pä'ü.

San Lucas 16:14

Ja̧'wa̧nü̧ jiäwa'a fariseo wotümä̧, pärätä kkü'kätü ja̧'a̧ ä̧ju̧kuä̧rü̧, Jesú-ru ya̧'a̧wȩ'i̧nä̧tü̧.

San Lucas 15:2

Ja̧'wa̧nü̧ ji̧yä̧u̧ fariseo wotü'i̧nä̧, weäwä wȩnȩ wo̧juȩkuä̧ isotü'i̧nä̧, pä'ä'chinä̧tü̧: —Suronä̧ jȩpä̧tü̧ku̧tä̧ eseku, juätükutä u̧kuȩ'i̧nä̧ kuä'chü jȩpü̧, jü̧nä̧.

San Lucas 5:21

Ja̧'wa̧nü̧ pä̧i̧yä̧u̧, weäwä wȩnȩ wo̧juȩkuä̧ isotü'i̧nä̧, fariseo wotü'i̧nä̧ ukuokuinä̧tü̧: ¿Díjä̧ttü̧ ja̧'wa̧nü̧ Dio-rü suronä̧ pä'ümä̧? ¡suronä̧ jȩttü̧ jȩpü̧ iku Dio-mä̧, ya̧tȩtä̧ ja̧'a̧!, pä'ü

San Lucas 2:34

Ja̧'wa̧nü̧ ja̧'a̧ttü̧ Simeón-mä̧, juätürü Dio ppädiyarü pä'ünü̧, María-rü pä'inü̧: —Pide ji̧'ki̧cha̧wa̧mä̧ Irae ttü̧ja̧ rekuätü ttä̧rä̧mu̧nä̧'i̧nä̧, ja̧'wa̧ta̧nü̧ rekuätü ma̧ttä̧chü̧nä̧'i̧nä̧ ja̧ pä'ü wȩ'ä̧wa̧ ja̧'a̧. Ja̧'wa̧nü̧ ja̧'a̧ttü̧ jua̧u̧ru̧ to'ija̧'a̧ku̧ ttukuokuäkuotü.

San Mateo 22:15

Ja̧u̧ jä̧ji̧ o'ka'a, fariseo wotümä̧ ka̧ka̧kui̧pü̧, Jesú-ru suronä̧ päomȩnä̧ ji̧yȩnä̧tä̧ ttu̧wȩnȩta̧rü̧ pä'ü, ukuokuäkuäu kku̧ni̧nä̧tü̧.

San Mateo 21:46

Ja̧'wa̧nü̧ wo̧jui̧'ü̧ 'chuttädarü pätta'anä̧ ttü̧ja̧mä̧ Jesú-ru profeta wa̧ pä'ü tteseti̧yä̧u̧ ye'ekuinä̧tü̧.

San Mateo 21:23

Jesú-mä̧ pi̧yȩ 'kuäopäji o'ka'a Dio-rü ukuokuäkuäwodenä̧ do'ächi'inü̧. Ji̧nä̧ juȩnȩ wo̧juȩtü̧ ü̧ja̧'a̧nä̧ sacerdote turuwotü'i̧nä̧ ja̧'wa̧ta̧nü̧ judío-ttü a̧ci̧a̧nu̧ wotü ichi'ü jä'epü ä̧ju̧kui̧nä̧tü̧: —¿Dí weäwänä̧ pi̧yȩmä̧ jȩ'kua̧'a̧ttü̧? ¿Dí iyinä̧ku̧ttü̧ kukuomä̧?

San Mateo 15:2

—¿Tta̧'a̧nü̧ pä'ü ku̧wo̧juȩtä̧u̧mä̧ tü̧tä̧mü̧ mi̧nä̧ wettinü̧ ukuotokotüjä̧ttü̧? ¿Tta̧'a̧nü̧ pä'ü ttu̧mü̧ tükäwokotüjä̧ttü̧ ttu̧kuȩ ttukuäkua'a ä'kanä̧mä̧?

San Mateo 12:24

Ja̧'wa̧nü̧ pätta'a ä̧ju̧ku̧ fariseo wotümä̧ pä'inä̧tü̧: «epíritu-tu̧ suropätürü, rä'epü ikua'amä̧ ttu̧ru̧wa̧ Beelzebú ujurunä̧tä̧, rä'epe'ü iku ja̧'a̧.»

San Mateo 11:19

Jua̧u̧nü̧ o'ka'a ubo I̧tti̧ ichinü̧ u̧kuȩ'i̧nä̧ kuäkuäwä i̧sa̧ ja̧'wa̧ta̧nü̧ au'i̧nä̧ awäwä i̧sa̧ pä'ätü, ja̧'wa̧nü̧ ichina̧'a̧mä̧ pä'ä'ijätü: Pidemä̧ 'kuäopünä̧tä̧ kuäkuäwä i̧sa̧, vino-tä̧ awäwä i̧sa̧, suronä̧ jȩpä̧'i̧jä̧tü̧tä̧ ja̧'wa̧ta̧nü̧ pärätä ka̧ka̧tä̧'i̧jä̧tü̧tä̧ tta̧wa̧ru̧wa̧tä̧ wa̧, jü̧nä̧. Ja̧'wa̧nü̧ ja̧'a̧nä̧ Dio iyü wo̧juä̧wä̧ wȩnȩmä̧ jȩttü̧ttü̧tä̧ topü wo̧juä̧wä̧ ja̧'a̧.

San Juan 9:40

Pi̧yȩ ä̧ju̧ku̧, yotukunä̧ fariseo wotü, juȩnȩ kka̧kuä̧tü̧mä̧ pä'inä̧tü̧: —¿Jua̧u̧ttü̧mä̧, ujutu'i̧nä̧ ä̧to̧kä̧tü̧jä̧?

San Juan 10:20

Juätüttü rekuätü, pä'inä̧tü̧: —¿Tta̧'a̧nü̧ pä'ü kuä̧ju̧kuä̧tu̧kuä̧ku̧ttü̧, Roco juo'ächü, epíritu su̧ro̧pa̧rü̧ kku̧nä̧rü̧rü̧mä̧?

1 Pedro 2:23

Suronä̧ pättä'chomȩnä̧mä̧, suronä̧ pä'ümä̧ ädätokü pinü̧; usurä ȩmä̧u̧nä̧ jȩttä̧ku̧'i̧nä̧, suronä̧mä̧ jȩpo̧kü̧ pinü̧, ja̧'wa̧nü̧ jȩtta̧jueimä̧ Dio jueünä̧tä̧ pä'ürütä iyäwinü̧.