Hebreos 12:25 - Nuevo Testamento Uwotjüja

²⁵ Ja̧'wa̧nü̧ ja̧'a̧ttü̧, ttu̧'ȩpä̧rü̧nü̧ esetätukui Dio ukuokuomȩnä̧mä̧. Isopäi'ünä̧ pi̧jä̧nä̧ttü̧ ro̧ȩpi̧nü̧ jarodinä̧tü̧mä̧ to'e'ächinä̧tü̧. Juȩnȩ abonä̧nü̧ tü̧ja̧kui̧'ü̧ juiyü'anü̧ ja̧'a̧ mo̧ro̧jä̧ra̧'a̧ttü̧ ro̧ȩpo̧mȩnä̧mä̧.

TÄ̧DO Ä̧CUÄ̧ I̧HUȨNȨ

²⁵ Ja̧'hua̧nö̧ ja̧'a̧ttö̧ ucuturu ucuocuru cujö'cätucu juiyönä jȩcu̧'ä̧tu̧cuo̧ca̧'a̧, ttu̧ȩcuä̧nä̧ ka̧cuä̧tu̧cui̧. Pi̧jä̧nä̧ ka̧cui̧nä̧tö̧ Diosrö jarodinätörö jittähuomenä, tö'ipächö ka̧cui̧po̧co̧tö̧ pi̧nä̧tö̧do. Ujutu'inä kärächi'ö jarodö tötipächöttömä, ka̧cui̧po̧co̧tö̧jä̧ mo̧ro̧jä̧ra̧'a̧ttö̧ jiähuomenä.

Hebreos 12:25 Referans Kwoze

Hebreos 8:5

Juätü sacerdote-tü̧ ttaditäwämä̧ mo̧ro̧jä̧nä̧ kkü̧ a̧'kua̧juä̧tä̧ aditätü, jua'amä̧ Moisé-rü Tabenákuro pättomȩ aditäkua'a jiäwino̧mȩttü̧ topü pä'ätüjä̧: «Ttu̧'ȩpä̧rü̧nü̧ topü aditijó, mü̧ä̧'kattü tabenákuro a̧'kua̧juä̧ to'kunä̧ chi̧jȩpi̧nä̧'a̧ku̧tä̧,» päinä̧ku̧.

Hebreos 11:7

A̧'kua̧ u̧wȩnä̧ra̧'a̧ttü̧, Nuémä̧, Dio jiäwomȩnä̧mä̧, ji̧nä̧ 'kuäopäkuȩmä̧ tooka'anä̧ esetü woi'ka aditinü̧ i̧tti̧mü̧tä̧ku̧ ü̧ji̧pa̧ pä'ümä̧. Ja̧'wa̧nü̧ a̧'kua̧ u̧wȩnä̧ro̧mȩnä̧mä̧ pi̧jä̧ ttü̧ja̧mä̧ to'e'inä̧tü̧ ja̧'wa̧nü̧ ja̧'a̧nä̧ Nuémä̧ Dio-ttü ȩmi̧nü̧ adiwäjuei, Churutä tta̧'kua̧ wȩnä̧rä̧tü̧rü̧ iyü.

San Mateo 8:4

Ja̧'wa̧ta̧nü̧ Jesú-mä̧ päinä̧ku̧: —Topittü̧, ya̧tȩrü̧'i̧nä̧ jikuäwoka'a, sacerdote wa̧rü̧tä̧ i̧jȩkuä̧ji̧ Moisé weinüta'anü̧ kuiäre ofrenda iyükkä̧nü̧, sacerdote-tü̧ ttu̧wo̧juä̧kua̧'a̧nü̧.

2 Timoteo 4:4

Ttü̧ja̧mä̧ isopäi'ünä̧ wȩnȩmä̧ ä̧ju̧kuo̧ko̧tü̧ ttäkuotü, ttä̧ju̧kua̧jueimä̧ o'kajuiyünä̧ täbokü wȩnȩtä̧ adiu ttu̧'ȩpä̧rü̧nü̧ ttä̧ju̧kuä̧kuo̧tü̧.

1 Tesalonicenses 5:15

Ya̧tȩ suronä̧ jȩo̧mȩnä̧, pärokua'aku suronä̧ jȩa̧'a̧nä̧ ja̧'a̧tä̧ to'kuätukuä. Pärokua'aku adiutätä jȩpä̧tu̧kui̧, kkorotürü'i̧nä̧, o'katoi'ünä̧ku̧tä̧.

Hechos 7:35

Jua̧u̧, Moisé-rü kkü'kü jui'ü, ¿Ukumä̧ tu̧ru̧wa̧ juez jü̧nä̧mä̧, dí ütinä̧ku̧ttü̧? pättinä̧ku̧ru̧,» Dio-mä̧ ttu̧ru̧wa̧, juorü rä'epü i̧kuä̧kua̧ jü̧nä̧tä̧, weinä̧ku̧, á̧gȩ-mä̧ zarza daunä̧ i̧jȩku̧.

Hebreos 3:17

¿Titü ji̧na̧'a̧jä̧ttü̧ cuarenta-nü̧ año jo̧mȩnä̧ Dio üjü'kü juiyünä̧ jȩpi̧nä̧tü̧mä̧? Juätümä̧ jitütä ji̧na̧'a̧ surojü jȩpi̧nä̧tü̧, rȩbi̧yu̧ dȩ'a̧ra̧'a̧ttü̧ to'e'ächinä̧tü̧mä̧.

San Mateo 17:5

Peduru-mä̧ ji̧nä̧ ukuoku ü̧ja̧'a̧nä̧, ajiya isoppa kkȩdȩpoppa juätü ttu̧wä̧mȩ jo̧mȩ mȩyȩwi̧a̧'a̧ttü̧, juoppattü ya̧tȩ i̧wȩnȩ rȩmi̧pi̧na̧'a̧: «Pidemä̧ ttü chi̧tti̧ rü̧ȩnä̧ eseu repedäku: Jua̧u̧ru̧mä̧ ä̧ju̧kuä̧tu̧kui̧», jü̧nä̧.

Apocalipsis 22:9

Ja̧'wa̧nü̧ jȩchi̧yä̧ku̧ jua̧u̧mä̧ päinä̧ku̧sä̧: «Ja̧'wa̧nü̧mä̧ jȩ'kuä̧, ttü'i̧nä̧ Dio u̧mü̧wä̧ya̧sä̧, uku jü̧ta̧'a̧nü̧, uku ku̧jä̧wa̧tü̧ profeta wotü jü̧ta̧'a̧nü̧ ja̧'wa̧ta̧nü̧ o'katoi'ünä̧ pi'tä kuyäru'tänä̧ wȩyu̧kua̧'a̧ pȩjü̧ ukuotätü jü̧ta̧'a̧nü̧ wa̧sä̧. Dio-rütä esewi.»

Apocalipsis 19:10

Á̧gȩ-rü̧ ä'ka jo̧mȩ chiwe'kiyunä̧ pä̧mä̧dü̧, chesewarü pä'ü jȩchä̧ku̧ päinä̧ku̧sä̧: Ja̧'wa̧nü̧mä̧ jȩ'kuä̧, ttü'i̧nä̧ ukuta'a̧nü̧ u̧mü̧wä̧ya̧sä̧, ku̧jä̧wa̧tü̧ Jesú jiäwinü̧nä̧ ukuotü kka̧kuä̧tü̧ jü̧ta̧'a̧nü̧ Dio u̧mü̧wä̧ya̧sä̧, Dio-rütä esewi. Isopäi'ünä̧ Jesú wo̧juȩtü̧ jiäwinü̧tä̧ ja̧'a̧ profeta wotürü yaboku tti̧'chü̧nä̧ jȩü̧mä̧.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

Hebreos 1:1

Mo̧ täbokütä päi'ünä̧ Dio-mä̧ tü̧tä̧mü̧ mi̧nä̧rü̧mä̧, profeta-nä̧'i̧nä̧, kkoro jueinä̧'i̧nä̧, rü̧ȩnä̧ ukuokuinü̧'ka̧.

Hebreos 3:12

Chawaruwä chü̧jä̧wa̧tü̧, to̧pä̧rä̧kuä̧wä̧tu̧kui̧ kua̧mi̧so'kitukunä̧, surojünä̧ amükuädü, a̧'kua̧rä̧kuä̧wä̧ i̧sa̧ Dio-ttü 'kȩkui̧pä̧chä̧tu̧ku̧ juiyäkua'anü̧.

Hebreos 12:19

ä̧ju̧kui̧nä̧tü̧ trompeta rä̧mi̧pa̧'a̧ ja̧'wa̧ta̧nü̧ Dio ukuoku'i̧nä̧ rä̧mi̧pä̧u̧, yaboku ukuoku juiyünä̧ jä'epü ajuäkuäwinä̧tü̧.