Hebreos 12:15 - Nuevo Testamento Uwotjüja

¹⁵ Adiu topäkuäu kka̧kuä̧tu̧kui̧, Dio rettü iyümä̧ ya̧tȩ'i̧nä̧ ku̧ja̧kui̧'ä̧tu̧kuo̧ka̧'a̧ kuȩmä̧tu̧kuä̧kua̧'a̧nü̧; pä̧i̧ jakuänä̧ ȩki̧pa̧'a̧ püttächi'ü ttoepomȩnä̧, rekuätürü surojuoepü juiyäkua'anü̧.

TÄ̧DO Ä̧CUÄ̧ I̧HUȨNȨ

¹⁵ Ya̧tȩttö̧'i̧nä̧ Dios ppädäcuähuä iya päinö ȩmo̧ca̧'a̧ ö̧ji̧pö̧ juiya pä'ö, ttu̧ȩcuä̧nä̧ ka̧cuä̧tu̧cui̧. Ja̧'hua̧ta̧nö̧ koro juäi surä'cua ya̧mö̧'cua̧ bahua'a jä̧'i̧nö̧'a̧nö̧ cu̧ja̧cuä̧tu̧cuä̧'. Ja̧'hua̧nö̧ jȩpö̧ kä̧nö̧, korotörö suronä jȩtta̧ pä'ö cu̧huo̧juȩtä̧tu̧cu̧ juiya pä'ö, ttu̧ȩcuä̧nä̧ ka̧cuä̧tu̧cui̧.

Hebreos 12:15 Referans Kwoze

Hebreos 3:12

Chawaruwä chü̧jä̧wa̧tü̧, to̧pä̧rä̧kuä̧wä̧tu̧kui̧ kua̧mi̧so'kitukunä̧, surojünä̧ amükuädü, a̧'kua̧rä̧kuä̧wä̧ i̧sa̧ Dio-ttü 'kȩkui̧pä̧chä̧tu̧ku̧ juiyäkua'anü̧.

Gálatas 5:4

Jitü, Dio ȩma̧tü̧ pä'ü weäwä wȩnȩ jȩpä̧tü̧mä̧, Crito rȩrü̧jü̧ topü ppädinü̧ kkü'kü jui'ü, jua̧u̧ttü̧mä̧ rä'ekuächätü.

2 Corintios 6:1

Ja̧'wa̧nü̧ Dio aditäwä ppä̧dä̧rä̧kuä̧wä̧ isotü ta'attü̧, ukuturu jä'epätüjä̧, Dio rettü iyinü̧mä̧, mikuäwokü jäwä 'kua̧rü̧nä̧mä̧ kuȩmä̧tu̧ku̧ juiya pä'ü.

2 Juan 1:8

Ttu̧'ȩpä̧rü̧nü̧ kka̧kuä̧tu̧kui̧, taditäwä u̧wä̧ju̧ tote'ächü juiyäkua'anü̧, totte'ächajueimä̧ iya päinü̧mä̧ jo̧mȩnü̧tä̧ kuȩmä̧tu̧kuä̧kua̧'a̧nü̧.

1 Corintios 15:33

Ttüyaparewa'anä̧ kuiyäwätukuä. Ja̧'wa̧ta̧nü̧ pä'inä̧tü̧: «Suronä̧ jȩpä̧tü̧ku̧ ppä̧kuä̧chä̧rä̧tu̧kuä̧, adiu jȩttä̧'i̧jü̧mä̧ totte'ächüdo,» pä'inä̧tü̧.

2 Pedro 3:14

Ja̧'wa̧nü̧ ja̧'a̧ttü̧ chi̧jä̧wa̧tü̧, ji̧nä̧ pi̧yȩ tta̧'a̧rü̧ kkä̧nü̧, o'kajuiyünä̧ jȩ'kuä̧tu̧ku̧'a̧nü̧ jü̧mä̧ jȩpä̧tu̧kui̧, wȩnȩ'i̧nä̧ juiyünä̧, surojü'i̧nä̧ jȩpo̧ko̧tü̧ jü̧nä̧ ja̧'wa̧ta̧nü̧ idiku'i̧nä̧ juiyünä̧ Dio-mä̧ ü̧'o̧kui̧'ä̧kua̧'a̧nü̧.

Hebreos 4:1

Ja̧'wa̧nü̧ ja̧'a̧ttü̧, yetekua pä'ü ja̧'a̧, 'kuä'ächi'ü kkä̧kuä̧wä̧ Dio-mä̧ iya päina̧'a̧nä̧, ttu̧'ȩpä̧rä̧kuä̧wä̧tu̧kui̧, yotukunä̧mä̧ dokuächätuku juiyü 'kua̧ra̧'a̧.

1 Corintios 5:6

Pi̧yȩ jäwänä̧ ukuo te'äu kueseäkuäwätukua pä'ümä̧ jui'ätüjä̧. ¿Ukutumä̧ jerupätüjä̧ tä̧jí̧?: ¿«Levadura-mä̧ a̧'u̧ku̧nä̧tä̧ ja̧'a̧nä̧'i̧nä̧ isäwa ppü̧ä̧mi̧'ü̧nä̧ jü̧ pä'ümä̧»?

Hebreos 4:11

Ja̧'wa̧nü̧ ja̧'a̧ttü̧, kujuruku amükuädätukui juȩnȩ 'kuä'ächi'ü kkä̧kuä̧wo̧mȩ dode'kuätukua, ya̧tȩ'i̧nä̧ ukuotokotü pinä̧tü̧ jȩtti̧nü̧nä̧ jȩpü̧ i̧'chü̧ juiyäkua'anü̧.

2 Corintios 13:5

Isopäi'ünä̧ tta̧'kua̧ wȩnä̧rä̧kuä̧wä̧nä̧ ku̧jä̧tu̧kua̧ja̧ pä'ü, kua̧mü̧nä̧tä̧ topäkuäwätukui; ukututä kka̧kuä̧mä̧kuä̧u̧ topäkuäwätukui. ¿Jesucrito ukutunä̧ ü̧ja̧'a̧mä̧ kuieruwätukua'a tä̧jí̧? ¡ja̧'wa̧nü̧ jo̧ka̧'a̧ jü̧ttü̧mä̧ Crito-mä̧ ukutunä̧mä̧ kko̧kü̧!

1 Corintios 10:12

Ja̧'wa̧nü̧ ja̧'a̧ttü̧, ttümä̧ 'kiyünä̧ kkü̧sä̧ pä'ü amükuädümä̧, ma̧kuä̧chü̧ juiya pä'ütä amükuädü kkä̧wi̧.

Hebreos 6:11

Ja̧'wa̧nü̧ ja̧'a̧nä̧ ukutu yotukunä̧ jua̧u̧ kuesewätukumä̧ rüjibü päi'ünä̧ tottünä̧ jȩpü̧ ku̧jä̧tu̧kua̧ pä̧wä̧rü̧jä̧u̧jä̧ ujutumä̧, tta̧'a̧rü̧ ku̧jä̧'i̧jä̧tu̧ku̧ jo̧mȩnü̧ jä̧kua̧'a̧nü̧.

2 Pedro 2:18

Kkorojueimä̧ pä̧i̧ku̧nä̧ pätta'anä̧ jui'ätü, ja̧'wa̧ta̧nü̧ ji̧yȩnä̧tä̧ juoächäkuäwänä̧, ttü̧ja̧rü̧ pä̧wä̧rü̧jü̧nä̧, suronä̧ jȩttü̧ttü̧ rättopächa pä'ü kka̧kuä̧tü̧rü̧ ttesetipünä̧ jȩpä̧tü̧.

Colosenses 3:5

Ja̧'wa̧nü̧ ja̧'a̧ttü̧, pi̧jä̧ jäwä surojü ukutunä̧ kka̧ku̧mä̧ o'kajuiyünä̧ wa'ü ikunä̧ jȩpä̧tu̧kui̧: irekua wokojuku jȩä̧'chä̧kuä̧wä̧'i̧nä̧, surojütä jȩä̧'chä̧kuä̧wä̧'i̧nä̧, kuidepä kkü'keku kkä̧kuä̧wä̧'i̧nä̧, surojütä kkü'käwä'i̧nä̧, o'kajuiyünä̧ obonä̧nü̧ ttu̧ju̧nä̧ra̧ pä'ü tta̧'kua̧ roekuäkuä'i̧nä̧ juiyünä̧ (ttü̧ä̧nä̧wa̧rü̧ ttukuota'a 'kua̧rü̧nä̧mä̧) jȩ'kuä̧.

Efesios 5:3

Ja̧'wa̧nü̧ ja̧'a̧nä̧, nä̧tü̧rü̧ jȩä̧'chä̧kuä̧wä̧mä̧, surojümä̧, o'kajuiyütä kkü'käwämä̧, ukutu jȩ'kuä̧tu̧kua̧'a̧ ukuowa pä'ümä̧ juiya'a, surojü jui'ätü kuätukua'attü.

Gálatas 2:13

Ja̧'wa̧nü̧ ä'koyättü Peduru jȩü̧ta̧'a̧nü̧ jȩpi̧nä̧tü̧, kkorotü judío'i̧nä̧, ji̧nä̧ Bernawé'i̧nä̧ ja̧'wa̧ta̧nü̧tä̧ jȩpi̧nü̧.

1 Corintios 13:8

Eseu repeäkuäwämä̧ yorisotä beipächokü ja̧'a̧; ja̧'wa̧nü̧ ja̧'a̧nä̧ Dio i̧mi̧nä̧ jiäkuäwämä̧ beipächä̧kuȩ ja̧'a̧, tti̧wȩnȩ pünä̧ ukuokuäkuäwä'i̧nä̧ beipächä̧kuȩ ja̧'a̧, ja̧'wa̧ta̧nü̧ ttu̧wo̧juö̧ wȩnȩ'i̧nä̧ beipächä̧kuȩ ja̧'a̧.

2 Pedro 3:11

Pi̧yȩ o'kajuiyünä̧mä̧ pa̧'a̧nü̧tä̧ toe'ächäkua'a, ¡ukutumä̧ adiu jȩpü̧ Dio-rütätä kukuotätukua'anü̧ ja̧'a̧!

2 Pedro 1:10

Ja̧'wa̧nü̧ ja̧'a̧ttü̧, chi̧jä̧wa̧tü̧, täkü Dio-mä̧ wopü pojopü ȩmi̧nä̧u̧jä̧ aditü 'kiyünä̧ kka̧kuä̧tu̧kui̧, ja̧'wa̧nü̧ jȩ'kuä̧tu̧ku̧ttü̧mä̧ yoriso ma̧'ä̧cho̧ko̧tü̧ kuäkuotüjä̧.

San Lucas 22:32

Ja̧'wa̧nü̧ ja̧'a̧nä̧, ttümä̧ jä'epäjisä, kua̧'kua̧ ku̧wȩnä̧rü̧tä̧ juikuächi'ü juiya pä'ü. Ja̧'wa̧nü̧ ja̧'a̧ttü̧ pä'äjita'anü̧ ttüku ppa̧kuä̧cho̧mȩnä̧mä̧, kuawaruwä kuijä̧wa̧tü̧rü̧ ji̧yȩtȩnä̧tä̧ ti̧'chü̧nä̧ jikuäwajä̧.

Tito 1:15

Isopäi'ünä̧ Jesucrito-rü ukuotätümä̧ o'kajuiyünä̧ adiwäjueitä jä̧u̧, ja̧'wa̧nü̧ ja̧'a̧nä̧ ukuotokotü tta̧'kua̧ wȩnä̧ro̧ko̧tü̧rü̧mä̧ adiwäjueimä̧ jo̧ka̧'a̧, ja̧'wa̧nü̧ ja̧'a̧ttü̧ tta̧mü̧kuädünä̧'i̧nä̧ surojütä amükuädätü.