Hebreos 11:7 - Nuevo Testamento Uwotjüja

⁷ A̧'kua̧ u̧wȩnä̧ra̧'a̧ttü̧, Nuémä̧, Dio jiäwomȩnä̧mä̧, ji̧nä̧ 'kuäopäkuȩmä̧ tooka'anä̧ esetü woi'ka aditinü̧ i̧tti̧mü̧tä̧ku̧ ü̧ji̧pa̧ pä'ümä̧. Ja̧'wa̧nü̧ a̧'kua̧ u̧wȩnä̧ro̧mȩnä̧mä̧ pi̧jä̧ ttü̧ja̧mä̧ to'e'inä̧tü̧ ja̧'wa̧nü̧ ja̧'a̧nä̧ Nuémä̧ Dio-ttü ȩmi̧nü̧ adiwäjuei, Churutä tta̧'kua̧ wȩnä̧rä̧tü̧rü̧ iyü.

TÄ̧DO Ä̧CUÄ̧ I̧HUȨNȨ

⁷ Diosrö esetö, Dios, koro juäi ji̧nä̧ tottocö 'cuäopäcua'a jiähuomenä, Dios päinö ta'anö jȩpi̧nö̧do Noémä. Huoi'ca rö̧ä'ca aditinödo ahuaruhuäcu ö̧ji̧pa̧ pä'ö. Noé Diosrö eseta'attö, pi̧jä̧ ttö̧ja̧rö̧ ro̧ȩcuä̧ 'cuäopina'ado. Ja̧'hua̧ta̧nö̧ Diosrö esetomenä, Dios esehuinäcudo o'ca toi'önä Diosrö esetätörö eseu'a̧nö̧.

Hebreos 11:7 Referans Kwoze

1 Pedro 3:20

Pitümä̧ mo̧tä̧ päi'ünä̧ ukuotokotü pinä̧tü̧ ji̧na̧'a̧, Nué ü̧ji̧nü̧ mo̧ro̧, Dio woi'ka ttadita'anä̧ tta̧wä̧rinü̧ pänä̧tä̧ päi'ünä̧, juätüttümä̧ kko̧ro̧mü̧ttü̧nü̧ wä̧mȩtukuätä ja̧'a̧ ajettü kka̧kui̧pi̧nä̧tü̧mä̧.

Romanos 4:13

Isopäi'ünä̧ Abraha̧-rü̧ i̧rȩjä̧, churutä'i̧nä̧ iyü kkä̧nü̧, i̧tti̧mü̧rü̧'i̧nä̧ Dio iya pä'ina̧'a̧mä̧, weäwä wȩnȩ ukuotomȩttü̧mä̧ jo̧ka̧'a̧ ji̧na̧'a̧. Jua'amä̧ Dio-rü, churutä a̧'kua̧ u̧wȩnä̧ro̧mȩttü̧ ji̧na̧'a̧; Dio adiwä i̧sa̧ jü̧nä̧ pärotü ikumä̧.

San Lucas 17:26

Nué ü̧ji̧nü̧ mo̧ro̧ ji̧nü̧ta'anü̧ jä̧kua̧'a̧, ubo I̧tti̧ weü mo̧ro̧ päi'omȩnä̧mä̧.

Filipenses 3:9

Jua̧u̧ku̧ todeunä̧ chü̧ja̧ pä'ü; weäwä wȩnȩ päü'a̧kuä̧ adiu jȩcha̧ pä'oküsä, ji̧nä̧somä̧ Crito-rü cha̧'kua̧ wȩnä̧rü̧, tta̧'kua̧ wȩnä̧rä̧kuä̧wä̧nä̧ Dio iyü adiwä juei chȩma̧ pä'üsä.

Gálatas 5:5

Ja̧'wa̧nü̧ ja̧'a̧nä̧, ujutumä̧ Epíritu jueünä̧ jiäwä̧u̧jä̧, Crito-nä̧ Dio ujuturu ȩma̧'a̧mä̧.

Hebreos 5:7

Crito pi̧jä̧nä̧ ü̧ji̧nü̧mä̧, Dio-rü rü̧ȩnä̧ ujuruku ukuoku ajuäkuäwinü̧ i̧'chȩrȩjaku, wa'arettü rä'epü ikuäwä ujuru kku̧nä̧rü̧rü̧, jua̧u̧ttü̧ rä'epü ikuarü pä'ü; ja̧'wa̧nü̧ ja̧'a̧mä̧ ä̧ju̧kui̧nä̧ku̧ ye'ekunü̧ ukuotomȩttü̧.

Romanos 3:22

O'katoi'ünä̧ Jesucrito-rü esetü tta̧'kua̧ wȩnä̧rä̧tü̧rü̧mä̧, Dio-mä̧ adiwä juei isotü jü̧nä̧ juo'epü. Judío'i̧nä̧, judío pokotürü'i̧nä̧ yoräteunä̧tä̧,

Romanos 1:17

Isopäi'ünä̧ jareü wȩnȩmä̧, Dio ujuturu adiwomȩnä̧ jȩü̧mä̧ i̧jȩkuä̧cha̧'a̧; tta̧'kua̧ ttu̧wȩnä̧ro̧mȩttü̧ kkä̧mä̧dü̧, yaboku tta̧'kua̧ ttu̧wȩnä̧rü̧nä̧, wȩyu̧kuä̧ wȩnȩmä̧ pa̧'a̧nü̧ pä'attü̧: «adiwä juei jȩpü̧ kkü̧mä̧ a̧'kua̧ wȩnä̧rü̧tä̧ ü̧jä̧kua̧.»

San Mateo 3:7

Ja̧'wa̧nü̧ ja̧'a̧nä̧, rekuätü fariseo wotü'i̧nä̧, saduceo wotü'i̧nä̧, Ju̧a̧ bautizo jȩa̧'a̧ topü ttichäja'a, päinä̧u̧. «¡Ukutumä̧ ä̧ka̧tü̧ isotü wotüjä̧!» ¿Dí jiäwinä̧tu̧kuä̧ku̧ttü̧ usurä ttȩmä̧u̧nä̧ ro̧ȩpä̧kuȩttü̧ tü'ipächü ku̧ji̧pä̧tu̧kua̧ pä'ümä̧?

2 Pedro 3:6

Ja̧'wa̧ta̧nü̧ ji̧yȩnü̧ pä̧nä̧mä̧ juoya ajiyanä̧tä̧ suädi'ünä̧ pi̧jä̧mä̧ si'epü ikuinü̧.

2 Pedro 2:5

Ja̧'wa̧ta̧nü̧ Dio-mä̧ mo̧ kka̧kui̧nä̧tü̧rü̧'i̧nä̧ surojü jȩpo̧ko̧tü̧ jü̧nä̧mä̧ jȩpo̧kü̧ pinü̧, ja̧'wa̧nü̧ ja̧jü̧jueimä̧ juätü ttü̧ja̧ suropätürümä̧ ajiyatä suädünä̧ wea'anä̧ suro Nué adiunä̧ kkä̧nü̧ ji'äwinü̧tä̧ ja̧u̧ttü̧ kki̧'i̧nü̧mä̧ ja̧'wa̧ta̧nü̧ kkorotü sietenü̧ wotükutä.

2 Pedro 1:1

Ttü Simón Peduru, Jesucrito wȩ'ä̧wa̧ ja̧'wa̧ta̧nü̧ u̧mü̧wä̧ya̧ wa̧, te'äusä ujutu jü̧ta̧'a̧nü̧ adiwäjuei tta̧'kua̧ wȩnä̧rä̧kuä̧wä̧nä̧ rȩbȩwi̧nä̧tü̧rü̧, isopäi'ünä̧ tü̧ä̧nä̧wa̧ Dio'i̧nä̧, Jesucrito ra̧wä̧pi̧jü̧ttü̧ kki̧'i̧kuä̧ i̧sa̧'i̧nä̧ adiwä i̧sa̧ jo̧mȩttü̧.

Hebreos 11:1

Isopäi'ünä̧ tta̧'kua̧ wȩnä̧rä̧kuä̧wä̧mä̧, tta̧dä̧rü̧mä̧ chȩmä̧kua̧sä̧ pä'ü jo̧mȩnü̧ wo̧juä̧wä̧ ja̧'a̧; kkoro juei totokü'i̧nä̧ isopäi'ünä̧ jä̧kua̧'a̧ pä'ü wo̧juä̧wä̧ ja̧'a̧.

Romanos 10:6

Ja̧'wa̧nü̧ ja̧'a̧nä̧ Dio-rü tta̧'kua̧ wȩnä̧rü̧ adiwä jueiku pärowächäkuäwämä̧, pa̧'a̧nü̧ pä'a: «Kua̧mi̧'iso'kinä̧mä̧, kuamükuädä ¿dí jä̧kua̧'a̧jä̧ttü̧ mo̧ro̧jä̧ra̧'a̧ 'cha̧wä̧chä̧kua̧mä̧, pä'ümä̧?» —Jua̧u̧ pä'ümä̧, Crito-rü mȩyȩdü̧ iku päwä ja̧'a̧—;

Romanos 4:11

Isopäi'ünä̧ Abraha̧-mä̧ circuncisión pättüjuei jȩtti̧nä̧ku̧, Dio-rü, churutä a̧'kua̧ u̧wȩnä̧rä̧jä̧ku̧, sello jä̧'i̧nü̧'a̧nü̧ ttu̧wo̧jua̧rü̧ pä'ütä. Ja̧'wa̧nü̧ jo̧mȩnä̧ Abraha̧-mä̧, pärowächinü̧ o'katoi'ünä̧ Dio-rü tta̧'kua̧ wȩnä̧rä̧tü̧mä̧ ttä'o jü̧nä̧tä̧, circuncisió̧-mä̧ jȩttä̧kuä̧wo̧ka̧'a̧nä̧. Ja̧'wa̧nü̧ ja̧'a̧ttü̧ Dio-mä̧ adiu jȩpä̧tü̧ jü̧nä̧tä̧ to̧ä̧u̧.

San Mateo 24:38

Ji̧yȩnü̧ mo̧ro̧mä̧, rü̧ä̧ a̧'ȩ ma̧ä̧mä̧kua̧'a̧ ä'kanä̧mä̧, ttü̧ja̧mä̧ a̧wä̧rü̧ pȩjü̧, ttu̧kuȩ kuä̧nü̧, tti̧rȩkua̧mü̧rü̧ ȩmä̧kuä̧u̧ jȩpi̧nä̧tü̧, Nué woi'kanä̧ doächomebü päi'ünä̧.

San Mateo 24:25

Täkü, ä'kanä̧ ji̧dä̧wä̧u̧jä̧.

Romanos 9:30

¿Jua̧u̧nu̧mä̧, pi̧yȩ tü'kümä̧ toku pätäkua'ajä̧ttü̧? Judío pokotü adiwä wȩnȩnä̧ 'cho̧ko̧tü̧ pinä̧tü̧ ja̧'a̧nä̧, adiwä wȩnȩ po̧kui̧pi̧nä̧tü̧, tta̧'kua̧ ttu̧wȩnä̧ra̧'a̧ttü̧;

San Mateo 24:15

Ja̧'wa̧nü̧ ja̧'a̧ttü̧ 'kuäopäkua'a, Lugar Sa̧tu̧ pättomȩttü̧ jȩä̧kuä̧wo̧kü̧ surojü ofrenda jȩtta̧'a̧ topümä̧ tikuipätukuajä̧ (profeta Daniel, wȩyu̧kuä̧ topümä̧ wo̧jui̧'i̧ päinü̧ta'anü̧).

San Mateo 2:12

Ja̧'wa̧nü̧ jä̧ji̧ o'ka'a, Dio-mä̧ ttu̧'kuo̧ti̧nä̧ Herode ü̧ja̧'a̧ ppa̧ttä̧chü̧ juiyünä̧ päjä̧u̧, kko̧ro̧mä̧nä̧tä̧ ppa̧'ä̧chü̧ i̧wi̧nä̧tü̧ tti̧rȩjä̧ra̧'a̧mä̧.

Hebreos 8:5

Juätü sacerdote-tü̧ ttaditäwämä̧ mo̧ro̧jä̧nä̧ kkü̧ a̧'kua̧juä̧tä̧ aditätü, jua'amä̧ Moisé-rü Tabenákuro pättomȩ aditäkua'a jiäwino̧mȩttü̧ topü pä'ätüjä̧: «Ttu̧'ȩpä̧rü̧nü̧ topü aditijó, mü̧ä̧'kattü tabenákuro a̧'kua̧juä̧ to'kunä̧ chi̧jȩpi̧nä̧'a̧ku̧tä̧,» päinä̧ku̧.

Hebreos 12:25

Ja̧'wa̧nü̧ ja̧'a̧ttü̧, ttu̧'ȩpä̧rü̧nü̧ esetätukui Dio ukuokuomȩnä̧mä̧. Isopäi'ünä̧ pi̧jä̧nä̧ttü̧ ro̧ȩpi̧nü̧ jarodinä̧tü̧mä̧ to'e'ächinä̧tü̧. Juȩnȩ abonä̧nü̧ tü̧ja̧kui̧'ü̧ juiyü'anü̧ ja̧'a̧ mo̧ro̧jä̧ra̧'a̧ttü̧ ro̧ȩpo̧mȩnä̧mä̧.