Hebreos 11:4 - Nuevo Testamento Uwotjüja

⁴ A̧'kua̧ u̧wȩnä̧ro̧mȩttü̧, Abel-mä̧ Caín iyinü̧ttü̧'i̧nä̧ abonä̧nü̧ adiu sacrificio pättü Dio-rü iyinü ja̧'wa̧nü̧ jȩo̧mȩttü̧ Dio-mä̧ üäre ofrenda eseu ȩmi̧ni̧yä̧ku̧, churutämä̧ surojü jui̧'a̧ jü̧nä̧tä̧ jȩpü̧ iku; ja̧'wa̧nü̧ ja̧'a̧ttü̧ Abelmä̧ 'korujuoächina̧'a̧nä̧'i̧nä̧, jitä'i̧nä̧ jua̧u̧ jȩi̧nü̧nä̧tä̧ tu̧wo̧jui̧pü̧nä̧ ukuokuä̧u̧jä̧.

TÄ̧DO Ä̧CUÄ̧ I̧HUȨNȨ

⁴ Diosrö esetö, Abelmä, Caínttö'inä abonänö adihuä juäi sacrificio iyinödo Diosrö. Ja̧'hua̧nö̧ ja̧'a̧ttö̧ Dios esehuinäcudo. Iyinömä ȩmi̧nö̧do. Ja̧'hua̧ ja̧'a̧ttö̧ Abel 'corupäi'inö o'ca'a, Diosrö esetina'attö ji̧nä̧ ucuocua'ado.

Hebreos 11:4 Referans Kwoze

Hebreos 12:24

Ja̧'wa̧ta̧nü̧ ichinä̧tü̧jä̧ Jesú-ku jareünä̧ esekuäkuäwänä̧ todetü iyinü̧ku̧. Ja̧'wa̧ta̧nü̧ ukuojanä̧ ujuturu toinoyanä̧, Abel ukuojattü'i̧nä̧ abonä̧nü̧ ppädinoyanä̧.

Judas 1:11

¡Juätüwe!, juätümä̧ Caín ji̧nü̧ta'anü̧ jȩpü̧ kka̧kuä̧tü̧. Balaam ji̧nü̧ta̧'a̧nü̧tä̧, pärätä amükuä̧rü̧tä̧ jȩpä̧tü̧. Coré pä'ü mi̧kua̧ ji̧nü̧ta̧'a̧nü̧tä̧, jarode'ü pä̧i̧nä̧tä̧ totte'ächäkuotü.

San Mateo 23:35

Ja̧'wa̧nü̧ ja̧'a̧ttü̧ Abel-ttü kkä̧mä̧di̧na̧'a̧mä̧, Berequías i̧tti̧ Zacaría-bü suronä̧ jȩpo̧ko̧tü̧rü̧ ofrenda ttujuwä'ijomȩ, santuario pättomȩ 'kä̧tȩttü̧ kuä'äu kuikuinä̧tu̧ku̧mä̧ ukututä kuimitäwäkuotüjä̧.

Hebreos 9:22

Ja̧'wa̧nü̧ ja̧'a̧ttü̧ weäwä wȩnȩ päü'anü̧, o'kajuiyünä̧ päi'a pä'ümä̧ a̧'u̧ku̧nä̧tä̧ juiyünä̧ ttukuojanä̧tä̧ suronä̧ jȩttä̧'i̧jü̧mä̧ tükächi'ina̧'a̧; ja̧'wa̧nü̧ ja̧'a̧nä̧ ukuoja juiyünä̧mä̧ Dio-mä̧ suronä̧ jȩttä̧'i̧jü̧mä̧ jȩpü̧ ikuokü ji̧na̧'a̧.

Hebreos 12:1

Ja̧'wa̧nü̧ ji̧nü̧ta'anü̧, ujutu'i̧nä̧, tta̧'kua̧ wȩnä̧ri̧nä̧tü̧rü̧ rekuätürü tippeyänä tu̧ju̧nä̧ra̧'a̧ttü̧, o'kajuiyünä̧ tto̧ȩpä̧rü̧mä̧, suronä̧ jȩä̧kuä̧wä̧'i̧nä̧ kä'ädi'ü, joäkuäwämä̧, tujuruku ta̧mi̧ 'ki'ächi'ü jotätukua.

San Lucas 11:51

Abel to'e'ächinü̧ ukuojattü kkä̧mä̧dü̧, Zacaría santuario mi̧kuomȩ, altar mi̧kuomȩ 'kä̧tȩ jo̧mȩttü̧ toe'ino̧mȩbü päi'ünä̧. Ja̧'wa̧nü̧ ja̧'a̧ttü̧ Dio-mä̧, juätü totte'ächinü̧mä̧, pi̧yȩ pä̧nä̧ ttü̧ja̧rü̧ jä̧ȩpä̧kua̧.

Tito 1:16

Juätümä̧ Dio-rümä̧ wo̧juä̧tü̧mä̧ pä'ätü, ja̧'wa̧nü̧ ja̧'a̧nä̧ suronä̧ jȩtta̧'a̧ topü isopäi'ünä̧ jo̧ka̧'a̧ pä'ü wo̧juä̧tü̧jä̧; juätümä̧ kkü'kokotü, ja̧'wa̧ta̧nü̧ ttukuotokomȩttü̧ kkorojuei adiwäjueimä̧ jȩpo̧ko̧tü̧.

Hebreos 5:1

O'katoi'ünä̧ sacerdote-tü̧ tturuwotümä̧ ttü̧ja̧ ttü̧'kä̧tȩttü̧ pojopü ȩmä̧wo̧tü̧ ja̧'a̧, Dio ä'ka jo̧mȩ ttü̧ja̧ tti̧mi̧nä̧ ttukuokua pä'ü ja̧'wa̧ta̧nü̧ ofrenda jȩtta̧ pä'ü'i̧nä̧, suronä̧ jȩttä̧'i̧ja̧'a̧ sacrificio pättü jȩtta̧ pä'ü'i̧nä̧, jü̧nä̧.

Hebreos 11:2

Dio-mä̧, tü̧tä̧mü̧ mi̧nä̧rü̧mä̧ tta̧'kua̧ ttu̧wȩnä̧ro̧mȩttü̧ adiu esewinä̧u̧.

2 Pedro 2:8

Pide surojü jȩpo̧kü̧ juätü ttü̧'kȩtȩnä̧ kki̧nü̧mä̧, a̧mi̧so'kinä̧mä̧ adiwä i̧sa̧ jo̧mȩttü̧ mo̧ro̧ji̧nü̧'a̧kuä̧ surojü jȩttü̧ topü'i̧nä̧, ä̧ju̧ku̧'i̧nä̧ usurä ȩmä̧wi̧nü̧.