Hebreos 11:25 - Nuevo Testamento Uwotjüja

²⁵ Dio i̧tti̧mü̧ku̧tä̧, juätürü jü̧ta̧'a̧nü̧ suronä̧ jȩtta̧'a̧ usurä ȩmä̧wa̧ pä'inü̧, pi̧jä̧ üadiwänä̧ suronä̧ jȩpü̧ ü̧ja̧ pä'ü jui'ü.

TÄ̧DO Ä̧CUÄ̧ I̧HUȨNȨ

²⁵ Chutä, korotö eseunu jitörötä pä̧huä̧ rö̧jä̧u̧ suronä jȩtta̧'a̧ öjö'coca'attö, Dios umöhuäyotöcu ubara ttuhua pä'inödo.

Hebreos 11:25 Referans Kwoze

2 Corintios 5:17

Ja̧'wa̧nü̧ ja̧'a̧ttü̧, ya̧tȩ Crito-nä̧ ü̧jü̧ttü̧mä̧, jareünä̧ uwäbe'äkuäwa̧ ja̧'a̧. Täbo jäwä ji̧nü̧mä̧ 'kuäopina̧'a̧; o'kajuiyünä̧tä̧ jareünä̧ pärotü ikuäwätä ja̧'a̧.

Apocalipsis 18:7

Kka̧mü̧nä̧ pa̧ja̧tü̧ ukuo te'äkuäu, kkidepä wea'aku eseu kki̧nä̧ju̧, rü̧ȩnä̧ ajuäu, usurä kkȩmä̧u̧nä̧ jȩpä̧tu̧kui̧ju̧. Jua'amä̧ kka̧mi̧ iso'kinä̧ pa̧'a̧nü̧ päja'attü̧: Ttümä̧, pȩnȩmä̧ ruwaju jü̧nä̧ pä̧ju̧sä̧, ttümä̧ rekuamä̧ku̧sä̧, usurä'i̧nä̧ ȩmä̧wo̧ko̧ju̧sä̧ pä'ü kka̧mü̧kuäda'attü̧.

1 Pedro 2:10

Ä'kojimä̧ yoriso ukutumä̧ awaruwä jü̧nä̧mä̧ wokotü pinä̧tü̧jä̧, ja̧'wa̧nü̧ ja̧'a̧nä̧ jitämä̧ Dio a̧wa̧ru̧wä̧jä̧; ä'kojimä̧ Dio rȩrü̧jü̧ tooko̧u̧ pinä̧tü̧jä̧, ja̧'wa̧nü̧ ja̧'a̧nä̧ jitämä̧ rȩrü̧jü̧ to̧ä̧u̧jä̧.

Santiago 5:5

Pi̧jä̧nä̧ttü̧mä̧ adiu a̧'kua̧kui̧'ü̧, ja̧'wa̧ta̧nü̧ kuidepätuku pä̧wä̧rü̧jü̧nä̧ päkäyä ubärewächa'a jä̧'i̧nü̧'a̧nü̧ ku̧ja̧kuä̧'i̧jä̧tu̧kua̧'a̧nä̧ ¡Täkü ukuturu kuä'äu tti̧kuä̧kuȩ mo̧ro̧ rȩbȩä̧kuä̧wa̧'a̧!

Santiago 1:20

Isopäi'ünä̧ pä̧i̧kua̧mä̧, Dio ä'ka jo̧mȩttü̧mä̧ adiwäjueimä̧ jȩpo̧kü̧.

Hebreos 11:37

Kkorotümä̧ inä̧dunä̧ ikuäu kuä'ü ttikuä̧u̧'i̧nä̧, kkä'kotünä ro'ü ttikuä̧u̧'i̧nä̧, kurodänä̧ kuä'ü ttikuä̧u̧'i̧nä̧ 'korujuo'ächinä̧tü̧; oweja-tü'i̧nä̧, cabra-tü̧'i̧nä̧ tti̧jȩti̧yu̧ttü̧ adikuä 'ka̧tä̧u̧ kue'ächinä̧tü̧; usurä ȩmä̧u̧, ajuäkuäu, kuäkuäpü jȩttä̧u̧.

Hebreos 10:32

Ja̧'wa̧nü̧ ja̧'a̧nä̧, ukutumä̧ amükuädätukui ji̧yȩnü̧ mo̧ro̧, tȩya̧u̧ ȩmä̧jä̧'kotümä̧ rü̧ȩnä̧ usurä kuȩmä̧wä̧tu̧kua̧'a̧nä̧ kujuruku 'kuä'opinä̧tü̧jä̧.

Hebreos 4:9

Ja̧'wa̧nü̧ ja̧'a̧ttü̧, ji̧yȩtȩ 'kuä'ächi'ü kkä̧kuä̧wä̧ mo̧ro̧ kka̧'a̧, Dio i̧tti̧mü̧rü̧ i̧yä̧kuȩ mo̧ro̧;

2 Timoteo 1:8

Ja̧'wa̧ta̧nü̧ ku̧ru̧wa̧ Jesucrito ütü'kü jikuäwomȩnä̧'i̧nä̧; ja̧'wa̧ta̧nü̧ chu̧ru̧wa̧ Jesucrito jäwänä̧ kärenä̧ pü̧ chütü'kü jikuäwomȩnä̧'i̧nä̧ kudäpekuä, ja̧'wa̧nü̧ ja̧jü̧ jueimä̧ jareü wȩnȩ ji'äu kkä̧nü̧ Dio ujuru päü'anü̧ usurä ȩmä̧wi̧.

Colosenses 1:24

Jitämä̧ eseusä ukutu jäwänä̧ usurä ȩmä̧u̧, ja̧'wa̧nü̧ jo̧mȩnä̧mä̧ ttü chidepänä̧, Crito usurä ȩmä̧wi̧nü̧ yabonü̧ usurä ȩmä̧u̧sä̧, igresia wotünä̧. Jua̧u̧ igresia-mä̧ chutä jä̧ttä̧pä̧ya̧ ja̧'a̧ttü̧.

Romanos 5:3

Suro jua̧u̧tä̧mä̧kü̧, usurä tȩmä̧kuä̧wa̧'a̧'i̧nä̧ esewätüjä̧, jua̧u̧ usurä ȩmä̧wä̧kuä̧wä̧mä̧, tta̧'a̧rü̧ weye wotünä̧ ppädü pä'ü tu̧wo̧jua̧'a̧ttü̧;

San Lucas 16:25

Päomȩnä̧ Abraha̧-mä̧ ädätinä̧ku̧: Chi̧tti̧ amükuädi, kua̧'kua̧rä̧i̧mä̧ adiu eseu kki̧nü̧jä̧. Ja̧'wa̧ta̧nü̧ Rázaru-mä̧ surojü usurä ȩmä̧u̧ ü̧ja̧'a̧nä̧. Jitämä̧, pä̧ro̧kua̧ eseu kkü̧, uku usurä kuȩmä̧wa̧'a̧nä̧.

San Mateo 13:21

kkada'ka 'chu̧ä̧ro̧mȩ juitta'a, 'kiyünä̧ kko̧ko̧tü̧rü̧; Dio i̧wȩnȩ jäwänä̧ surojü rȩbȩä̧kuä̧wo̧mȩnä̧, ma̧'ä̧chä̧tü̧rü̧.

Hechos 7:34

Isopäi'ünä̧ chi̧tti̧mü̧ Egito-ttü usurä ttȩmä̧wa̧'a̧mä̧ topüsä. Ja̧'wa̧nü̧ usurä ȩmä̧u̧ ttajuäkuäwa'a topü, jua̧u̧ttü̧ rä'epü chikuatü pä'ü mȩyȩwä̧ji̧sä̧. Ja̧'wa̧nü̧ ja̧'a̧ttü̧, Egito-ra̧'a̧ kui̧'cha̧ wedaku täi.