Hebreos 11:13 - Nuevo Testamento Uwotjüja

¹³ Juätümä̧ o'katoi'ünä̧tä̧ wa'ü ikuinä̧tü̧ Dio iya päinü̧mä̧ ttȩmo̧ka̧'a̧tä̧; ja̧'wa̧nü̧ ja̧'a̧nä̧ ta̧'kua̧ ttu̧wȩnä̧ro̧mȩttü̧, otonä̧tä̧ topinä̧tü̧, esetü ukuokuinä̧tü̧ pi̧jä̧mä̧ ttü̧ja̧mä̧kü̧jä̧, ujutumä̧ 'kuäokuä ttü̧ja̧jä̧, pä'ü.

TÄ̧DO Ä̧CUÄ̧ I̧HUȨNȨ

¹³ Jahuätö, Abraham ahuaruhuä o'cotö, o'ca toi'önä hua'ö icuinätödo, Dios iya päinö ttȩmo̧ca̧'a̧nä̧. Ja̧'hua̧nö̧ ja̧'a̧nä̧ Diosrö tteseta'attö, oto kä̧nö̧ Dios iya päinö topö esehuinätödo. Ja̧'hua̧nö̧ ttesehua'anä: “Pi̧jä̧nä̧, korotö tti̧rȩjä̧nä̧ cuettächö'a̧nö̧ cue'ächätöjä”, pä'inätödo.

Hebreos 11:13 Referans Kwoze

Hebreos 11:27

A̧'kua̧ u̧wȩnä̧ra̧'a̧ttü̧, Moisé-mä̧ Egito-ttümä̧ rä'opächinü̧, ru̧wa̧ ü̧ra̧wä̧rü̧'i̧nä̧ yekuoka'a; jua'amä̧ Uwäpokürü totta'a 'kua̧rü̧nä̧ to̧pä̧rü̧ ü̧ji̧na̧'a̧ttü̧.

San Juan 8:56

Kuä'otuku Abraha̧-mi̧nä̧mä̧, ttü chu̧mo̧ro̧ toa pä'ü esewinü̧; ja̧'wa̧nü̧ ji̧na̧'a̧ topümä̧ rü̧ȩnä̧ esewinü̧.

Hebreos 11:39

Juätü o'katoi'ünä̧ tta̧'kua̧ ttu̧wȩnä̧ra̧'a̧ttü̧, adiu ttukuotünä̧ rȩbȩä̧kuä̧wi̧nä̧tü̧ ja̧'wa̧nü̧ ja̧'a̧nä̧ Dio iya päinü̧mä̧ po̧kui̧po̧ko̧tü̧ pinä̧tü̧;

Efesios 2:19

Ja̧'wa̧nü̧ ji̧no̧mȩttü̧, Dio ä'kattümä̧, kko̧ro̧jä̧ ttü̧ja̧mä̧kü̧jä̧. Jitämä̧, pärokua'akutä Dio umüwäyotü surojü jui'ätü jü̧nä̧, i̧tti̧mü̧ jü̧nä̧ wotüjä̧.

Romanos 8:24

Isopäi'ünä̧ ujutu surojüttü tü̧ji̧pä̧kuȩmä̧ tta̧'ä̧rü̧ kkä̧kuä̧wä̧tä̧ ja̧'a̧; ja̧'wa̧nü̧ ja̧'a̧nä̧ täkü totümä̧, ¿tta̧'a̧nü̧ pä'ü tta̧tä̧rü̧kua̧ttü̧?

1 Pedro 2:11

Chi̧jä̧wa̧tü̧, ro̧'ȩpü̧ ji̧dä̧wä̧u̧jä̧ kko̧ro̧jä̧ttü̧ ichäkuäwotü pi̧jä̧nä̧ kue'ächätürü 'kua̧rü̧nä̧, ttidepä kkü'kekunä̧mä̧ kuiyäwätukuä tta̧'kua̧rü̧ rowäwukumä̧.

1 Pedro 1:17

Ukutu Dio-rü, «Chä'o» pä'ü okuätukuttümä̧ yotukunä̧ ttaditäwä jü̧'a̧kuä̧, yoräteunä̧tä̧ pä'ätukuitü, pi̧jä̧nä̧ ku̧jä̧tu̧kuä̧i̧mä̧ kukuotätukumä̧ i̧jȩpä̧tu̧kui̧.

Romanos 4:21

Jo̧mȩnü̧tä̧ Abraha̧-mä̧ wo̧jui̧nü̧, Dio iya päinü̧mä̧ o'kajuiyünä̧ ujuru u̧ju̧nä̧ra̧'a̧ttü̧ i̧yä̧kua̧sä̧ pä'ü.

1 Juan 3:19

Pi̧yȩttü̧ topü wo̧juä̧wä̧tü̧jä̧, jueü wȩnȩ isotüjä̧ pä'ümä̧. Jua̧u̧ Dio ä'kattü ta̧mi̧ iso'ki totäkuäwomȩnä̧ adiu tü̧jü̧nä̧ jä̧u̧;

San Mateo 13:17

Isopäi'ünä̧ ukuturu pä'üsä: Profeta winä̧tü̧'i̧nä̧, adiwäjueinä̧ kka̧kui̧nä̧tü̧'i̧nä̧ ukutu to'kuätuku, totta pätta'anä̧, topokotü pinä̧tü̧ ja̧'wa̧ta̧nü̧ kuäju̧kuä̧tu̧ku̧'i̧nä̧, ttä̧ju̧kua̧ pätta'anä̧ ä̧ju̧kuo̧ko̧tü̧ pinä̧tü̧.

San Juan 12:41

Isaía-mä̧ Jesú ütü'kü ukuokuinü̧, jua̧u̧ ukuo jäwä topü.

2 Corintios 4:18

ujutumä̧ ti'ärenä̧ totütä tottajü jueimä̧, ti'ärenä̧ tottokü jueitä tota pä'ü ja̧'a̧; isopäi'ünä̧ ti'ärenä̧ totümä̧ 'kuäopächü jäwä ja̧'a̧ ja̧'wa̧nü̧ ja̧'a̧nä̧ ti'ärenä̧ totokü jäwämä̧, beipokü jäwä ja̧'a̧.

2 Corintios 5:6

Ja̧'wa̧nü̧ ja̧'a̧ttü̧, 'kuäopünä̧tä̧ eseäkuäwünü̧ kka̧kuä̧tü̧jä̧ ja̧'wa̧ta̧nü̧ tidepänä̧ tü̧jä̧i̧mä̧ Tu̧ru̧wa̧ttü̧mä̧ otó wotüjä̧ pä'ü wo̧juä̧tü̧jä̧.

Hebreos 11:14

Ja̧'wa̧nü̧ pättomȩnä̧mä̧, wäjuönä̧ tu̧wo̧jui̧pü̧nä̧ ja̧'a̧ ja̧'wa̧nü̧ pä'ümä̧ tti̧rȩjä̧ usätütä päwä pä'ü.

Hebreos 11:17

A̧'kua̧ u̧wȩnä̧ra̧'a̧ttü̧, Abraha̧-mä̧, Dio kka̧kuä̧mü̧ topü weäjäkumä̧, Isaa-rü sacrificio jü̧nä̧ iyinü̧. I̧tti̧ chu̧'ä̧kua̧rü̧ iya pä'ümä̧ jo̧mȩnü̧tä̧ winü̧, Dio-mä̧ chi̧yä̧kua̧jä̧ päinä̧ku̧ ja̧'a̧ttü̧:

1 Pedro 1:1

Ttü Peduru, Jesucrito u̧mü̧wä̧ya̧ te'äusä, ttidepiyuttü pperekuächino'kotü ichäkuäwotü jü̧nä̧ ponto-nä̧'inä̧, Galacia-nä̧'i̧nä̧, Capadosia-nä'i̧nä̧, asianä̧'i̧nä̧ Bitinia-nä̧'i̧nä̧ kka̧kuä̧tü̧rü̧,