Hebreos 11:1 - Nuevo Testamento Uwotjüja

¹ Isopäi'ünä̧ tta̧'kua̧ wȩnä̧rä̧kuä̧wä̧mä̧, tta̧dä̧rü̧mä̧ chȩmä̧kua̧sä̧ pä'ü jo̧mȩnü̧ wo̧juä̧wä̧ ja̧'a̧; kkoro juei totokü'i̧nä̧ isopäi'ünä̧ jä̧kua̧'a̧ pä'ü wo̧juä̧wä̧ ja̧'a̧.

TÄ̧DO Ä̧CUÄ̧ I̧HUȨNȨ

¹ Diosrö esetäcuähuänä, o'ca juiyönä tta̧tä̧rö̧mä̧ tȩmä̧cuo̧tö̧jä̧ pä'ö huo̧juä̧tö̧jä̧. Ja̧'hua̧ta̧nö̧ Diosrö esetäcuähuänä, koro juäi totocö juäi'inä iso päi'önä ja̧'a̧ huo̧juä̧tö̧jä̧.

Hebreos 11:1 Referans Kwoze

2 Corintios 5:7

Jua'amä̧ ti'ärenä̧ topü ti̧'cho̧ka̧'a̧, tta̧'kua̧ wȩnä̧rä̧kuä̧wä̧nä̧tä̧ ti̧'cha̧'a̧ttü̧;

2 Corintios 4:18

ujutumä̧ ti'ärenä̧ totütä tottajü jueimä̧, ti'ärenä̧ tottokü jueitä tota pä'ü ja̧'a̧; isopäi'ünä̧ ti'ärenä̧ totümä̧ 'kuäopächü jäwä ja̧'a̧ ja̧'wa̧nü̧ ja̧'a̧nä̧ ti'ärenä̧ totokü jäwämä̧, beipokü jäwä ja̧'a̧.

Hebreos 11:7

A̧'kua̧ u̧wȩnä̧ra̧'a̧ttü̧, Nuémä̧, Dio jiäwomȩnä̧mä̧, ji̧nä̧ 'kuäopäkuȩmä̧ tooka'anä̧ esetü woi'ka aditinü̧ i̧tti̧mü̧tä̧ku̧ ü̧ji̧pa̧ pä'ümä̧. Ja̧'wa̧nü̧ a̧'kua̧ u̧wȩnä̧ro̧mȩnä̧mä̧ pi̧jä̧ ttü̧ja̧mä̧ to'e'inä̧tü̧ ja̧'wa̧nü̧ ja̧'a̧nä̧ Nuémä̧ Dio-ttü ȩmi̧nü̧ adiwäjuei, Churutä tta̧'kua̧ wȩnä̧rä̧tü̧rü̧ iyü.

Hebreos 10:22

Ja̧'wa̧nü̧ ji̧na̧'a̧ttü̧, tütü'küwächätukua Dio-rümä̧ tamiso'kinä̧ jueünä̧tä̧ amükuädü, jo̧mȩnü̧tä̧ tta̧'kua̧ wȩnä̧rü̧, surojü juiyünä̧ adiunä̧tä̧ amükuädünü̧ tamiso'kinä̧mä̧ ja̧'wa̧ta̧nü̧ jättäpäyotü ajiya päkuoyanä tükäu ikuipü.

Hebreos 11:27

A̧'kua̧ u̧wȩnä̧ra̧'a̧ttü̧, Moisé-mä̧ Egito-ttümä̧ rä'opächinü̧, ru̧wa̧ ü̧ra̧wä̧rü̧'i̧nä̧ yekuoka'a; jua'amä̧ Uwäpokürü totta'a 'kua̧rü̧nä̧ to̧pä̧rü̧ ü̧ji̧na̧'a̧ttü̧.

Hebreos 6:12

Kutäwächätukuamä pä'okotüjä̧, pärokuänä̧ jitü Dio-rü tta̧'kua̧ wȩnä̧rä̧tü̧ tti̧'chü̧'a̧nü̧, ku̧jä̧tu̧kua̧ pä'ätüjä̧ ja̧'wa̧nü̧ jȩpü̧ ku̧jä̧tu̧ku̧ttü̧mä̧ kuȩmä̧tu̧kuao̧tü̧jä̧ Dio iya päinü̧mä̧.

Hebreos 10:39

Ja̧'wa̧nü̧ ja̧'a̧ttü̧ ujutumä̧ tto'ka'aku ppa̧'ä̧chü̧ toe'ächäkuäwä isotümä̧kü̧jä̧ ja̧'wa̧nü̧ ja̧jü̧ jueimä̧ ta̧'kua̧ wȩnä̧rü̧, ta̧'kua̧rü̧ kki̧'i̧kuä̧ isotüjä̧.

1 Corintios 13:13

Ja̧'wa̧nü̧ ja̧'a̧ttü̧, jitämä̧ wäbodäkuä jo̧mȩnä̧ kka̧'a̧ 'kuäopünä̧: Tta̧'kua̧ wȩnä̧rä̧kuä̧wä̧'i̧nä̧, tta̧'ä̧rü̧ kkä̧kuä̧wä̧'i̧nä̧ eseu repe'ü kkä̧kuä̧wä̧'i̧nä̧, jü̧nä̧; ja̧'wa̧nü̧ ja̧'a̧nä̧, pi̧yȩ wäbodäkuättü yabonä̧nü̧ jü̧mä̧ eseu repe'ü kkä̧kuä̧wä̧tä̧ ja̧'a̧.

Hebreos 11:13

Juätümä̧ o'katoi'ünä̧tä̧ wa'ü ikuinä̧tü̧ Dio iya päinü̧mä̧ ttȩmo̧ka̧'a̧tä̧; ja̧'wa̧nü̧ ja̧'a̧nä̧ ta̧'kua̧ ttu̧wȩnä̧ro̧mȩttü̧, otonä̧tä̧ topinä̧tü̧, esetü ukuokuinä̧tü̧ pi̧jä̧mä̧ ttü̧ja̧mä̧kü̧jä̧, ujutumä̧ 'kuäokuä ttü̧ja̧jä̧, pä'ü.

Hebreos 3:14

Isopäi'ünä̧ ujutumä̧ Crito-ku ji̧nä̧ ji̧yȩtȩnä̧ juo'ächinä̧tü̧jä̧, ä̧kuo̧mȩnä̧ ji̧nü̧ta'anü̧ ta̧mi̧ 'ki'ächi'ü ti̧'chü̧ttü̧mä̧ adiwäkua'a.

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.

2 Corintios 5:17

Ja̧'wa̧nü̧ ja̧'a̧ttü̧, ya̧tȩ Crito-nä̧ ü̧jü̧ttü̧mä̧, jareünä̧ uwäbe'äkuäwa̧ ja̧'a̧. Täbo jäwä ji̧nü̧mä̧ 'kuäopina̧'a̧; o'kajuiyünä̧tä̧ jareünä̧ pärotü ikuäwätä ja̧'a̧.

2 Pedro 1:1

Ttü Simón Peduru, Jesucrito wȩ'ä̧wa̧ ja̧'wa̧ta̧nü̧ u̧mü̧wä̧ya̧ wa̧, te'äusä ujutu jü̧ta̧'a̧nü̧ adiwäjuei tta̧'kua̧ wȩnä̧rä̧kuä̧wä̧nä̧ rȩbȩwi̧nä̧tü̧rü̧, isopäi'ünä̧ tü̧ä̧nä̧wa̧ Dio'i̧nä̧, Jesucrito ra̧wä̧pi̧jü̧ttü̧ kki̧'i̧kuä̧ i̧sa̧'i̧nä̧ adiwä i̧sa̧ jo̧mȩttü̧.

Hechos 20:21

Judío-rü'i̧nä̧, griego-rü'i̧nä̧, ji'äwä'ijüsä Dio-ku ppa̧'ä̧chü̧, Tu̧ru̧wa̧ Jesucrito-rü tteseta pä'ümä̧.

Tito 1:1

Pauru wȩyu̧tu̧ weinü̧, Dio u̧mü̧wä̧ya̧ ja̧'wa̧ta̧nü̧ Jesucrito u̧mü̧wä̧ya̧ apóto jü̧nä̧, chutä weinä̧ku̧ Dio pojopü ȩmi̧nä̧u̧ tta̧'kua̧ wȩnä̧rä̧kuä̧wä̧ tti̧rȩbȩwi̧ya̧rü̧ pä'ü ja̧'wa̧ta̧nü̧ isopäi'ünä̧ wȩnȩ ujutu tesetü jäwä ttu̧wo̧jui̧pi̧ya̧rü̧ pä'ü,

Hebreos 2:3

Rü̧ȩnä̧ jü̧ ra̧wä̧pi̧jü̧ttü̧ kki̧'i̧kuä̧'i̧nä̧ ja̧'a̧tä̧ tota'amä̧ ¿toku tü̧ja̧kui̧'ä̧kua̧'a̧jä̧ttü̧? Jua̧u̧mä̧ Chutä Tu̧ru̧wa̧ jiäwinü̧ o'ka'a, Jua̧u̧ru̧ ä̧ju̧kui̧nä̧tü̧'i̧nä̧ ji'äwinä̧tü̧.

2 Corintios 11:17

Ji̧yȩtȩ pädäu̧jä̧, jua'amä̧ Dio päümä̧kü̧. Ttütä wo̧juä̧kuä̧u̧sä̧, cha̧mü̧nä̧ chüadiwä chukuokuomȩnä̧mä̧, suripätü ttukuokutä ukuokusä pä'ümä̧.

2 Corintios 9:4

Jo̧mȩnü̧ jȩpü̧ ku̧ju̧nä̧tu̧kuo̧ka̧'a̧nä̧, Macedonia ttü̧ja̧, yotüte ttüku ttichüttümä̧ dä'ä ttutu 'kua̧ra̧'a̧, ta̧'kua̧ tu̧wȩnä̧rä'i̧ja̧'a̧mä̧, ukututä'i̧nä̧ dä'ä ttukuätukuä pä'üsä, pä'ü.

Hebreos 3:6

Ja̧'wa̧nü̧ ja̧'a̧nä̧ Crito-mä̧, Dio I̧tti̧ ja̧'a̧, Chutä ojusode tta̧wä̧rä̧kuä̧wä̧ i̧sa̧, juodemä̧ ujututä ja̧'a̧. Ja̧'wa̧ta̧nü̧ ujutumä̧ juätütä isotüjä̧ isopäi'ünä̧ eseunu̧ ta̧mi̧ 'ki'ächi'ü ti̧'chü̧ttü̧mä̧, surojüttü kki̧'ä̧kuä̧wä̧ tȩmä̧kuo̧tü̧jä̧.