Hebreos 10:39 - Nuevo Testamento Uwotjüja

³⁹ Ja̧'wa̧nü̧ ja̧'a̧ttü̧ ujutumä̧ tto'ka'aku ppa̧'ä̧chü̧ toe'ächäkuäwä isotümä̧kü̧jä̧ ja̧'wa̧nü̧ ja̧jü̧ jueimä̧ ta̧'kua̧ wȩnä̧rü̧, ta̧'kua̧rü̧ kki̧'i̧kuä̧ isotüjä̧.

TÄ̧DO Ä̧CUÄ̧ I̧HUȨNȨ

³⁹ Ja̧'hua̧nö̧ ja̧'a̧nä̧ o'ca'acu ppa̧'ä̧chö̧, be'ipächätö isotömäcö̧jä̧ ujutumä. Ujutu Diosrö esetätöjä. Ja̧'hua̧nö̧ esetö kä̧nö̧, ta̧'cua̧ru̧hua̧rö̧ adiu tta̧'ä̧rä̧cuä̧huä̧tö̧jä̧.

Hebreos 10:39 Referans Kwoze

1 Juan 5:5

Jesucrito-mä̧ Dio I̧tti̧ ja̧'a̧ pä'ü esetümä̧ pi̧jä̧ jäwä surojü kkȩdü̧ iku.

1 Pedro 1:5

Ukutumä̧ Dio-rü kua̧'kua̧ ku̧wȩnä̧rä̧tu̧kuo̧mȩnä̧, ujurunä̧ tta̧wä̧rä̧u̧jä̧ ra̧wä̧pi̧jü̧ttü̧ kki̧'ä̧kuä̧wä̧ jo̧mȩnü̧ jȩpü̧ u̧ju̧ni̧nü̧ra̧'a̧ kui̧'chi̧'ä̧tu̧kua̧ pä'ü, ja̧u̧mä̧ rüjí mo̧ro̧ i̧jȩpä̧kuȩ.

San Marcos 16:16

Esetürü, bautizo jȩttä̧ku̧mä̧ ra̧wä̧pi̧jü̧ttü̧ ü̧ji̧pä̧kua̧; ja̧'wa̧nü̧ ja̧'a̧nä̧, esetokürümä̧ usurä ȩmä̧wa̧ pä'ütä pätetü kku̧nä̧wä̧kua̧'a̧.

1 Juan 5:16

Ya̧tȩ ta̧wa̧ru̧wa̧ ti̧jä̧wa̧ Dio-ttü jo̧mȩnü̧ 'kȩ'ȩpü̧ ikuokü surojü jȩo̧mȩnä̧mä̧, jua̧u̧ru̧ Dio-rü ukuokui, jua̧u̧ru̧ Dio kkä̧kuä̧wä̧ iyarü, jua'a'i̧nä̧ Dio-ttü jo̧mȩnü̧ 'kȩ'ȩpü̧ ikuokü surojü jȩo̧mȩnä̧tä̧. Ja̧'wa̧nü̧ ja̧'a̧nä̧ kkoro surojü kka̧'a̧ Dio-ttü jo̧mȩnü̧ 'kȩ'ȩpü̧ iku, jua̧u̧ jȩü̧ttü̧mä̧, Dio-rümä̧ jättepa pä'oküsä.

2 Pedro 3:7

Ja̧'wa̧nü̧ ja̧'a̧nä̧ mo̧ro̧jä̧'i̧nä̧, rȩjȩ'i̧nä̧ jitä kkä̧jä̧mä̧, i̧wȩnȩnä̧ okuränä̧ kkuwü ttikua pä'ütä jȩpü̧ kku̧nä̧wa̧'a̧. Jȩtti̧nü̧'a̧kuä̧ pojokuä mo̧ro̧ päi'omȩnä̧ ja̧'wa̧ta̧nü̧ suropätü totte'ächü mo̧ro̧ juarä okurämä̧ kkuwü ikuäkua'a.

Hebreos 11:1

Isopäi'ünä̧ tta̧'kua̧ wȩnä̧rä̧kuä̧wä̧mä̧, tta̧dä̧rü̧mä̧ chȩmä̧kua̧sä̧ pä'ü jo̧mȩnü̧ wo̧juä̧wä̧ ja̧'a̧; kkoro juei totokü'i̧nä̧ isopäi'ünä̧ jä̧kua̧'a̧ pä'ü wo̧juä̧wä̧ ja̧'a̧.

1 Tesalonicenses 5:9

Isopäi'ünä̧ Dio-mä̧ usurä tȩmä̧u̧nä̧ ro̧ȩpa̧tü̧ pä'ümä̧ i'ätȩto̧ko̧u̧ pinä̧tü̧jä̧. Tu̧ru̧wa̧ Jesucrito-nä̧, ra̧wä̧pi̧jü̧ttü̧ kki̧'i̧kuä̧tä̧ tȩma̧ päinä̧u̧jä̧.

San Juan 17:12

Pi̧jä̧nä̧ juätütäku chü̧jä̧i̧mä̧ ukú kui̧mi̧nä̧ tta̧dä̧rä̧'i̧jä̧u̧; ttürü kuiyinä̧u̧ru̧mä̧ tta̧'ä̧rä̧'i̧jü̧sä̧ ya̧tȩ'i̧nä̧ toe'ächü juiyünä̧tä̧ ja̧'wa̧nü̧ ja̧'a̧nä̧ to'e'ächinü̧ ä̧tȩkuä̧nä̧ toe'ächa pä'ü winütä̧, wȩyu̧kuä̧ wȩnȩnä̧ pä'ijü jo̧mȩnü̧ päi'a pä'ütä.

San Juan 6:40

Isopäi'ünä̧ Chä'orü pä̧wä̧rü̧jü̧mä̧, o'katoi'ünä̧ I̧tti̧rü̧ topü, jua̧u̧ru̧ esetätümä̧ kkä̧kuä̧wä̧ i'ko ttu̧ju̧nä̧ri̧ya̧rü̧ pä'ü; rüjí mo̧ro̧ päi'omȩnä̧ juätürü wa'arettü ttodäda pä'ü.

San Lucas 11:26

Ja̧'wa̧nü̧ ji̧yä̧ku̧, ppa̧'ä̧chä̧chü̧ kkorotü, chutättü'i̧nä̧ abonä̧nü̧ suropätürü o'ü i̧wä̧ji̧, do'ächü kka̧kuä̧tü̧ jua̧u̧nä̧; ja̧'wa̧nü̧ ja̧'a̧ttü̧ jua̧u̧ ttü̧ja̧sa̧mä̧, ä̧kuo̧mȩnä̧ ji̧no̧mȩttü̧'i̧nä̧ abonä̧nü̧ surojuo'ächü.

2 Tesalonicenses 2:3

Ya̧tȩ'i̧nä̧ üyaparewa'anä̧mä̧ kuiyäwätukuä; ji̧yȩnü̧ mo̧ro̧ jä̧kua̧'a̧ ä'kanä̧mä̧ Dio aboiyotümä̧ chutä Dio-ku ttürowäwäkuotü ja̧'wa̧ta̧nü̧ ttü̧ja̧sa̧ suronä̧ jȩpä̧'i̧jü̧mä̧ jua̧u̧nü̧ i̧jȩkuä̧chä̧kua̧, toe'ächa pä'ü pätetü kku̧nä̧wa̧mä̧.

San Juan 20:31

Ja̧'wa̧nü̧ ja̧'a̧nä̧, pi̧yȩmä̧ wȩyu̧kui̧'i̧na̧'a̧, Jesú-mä̧ Crito ja̧'a̧, Dio I̧tti̧ pä'ü esetü, jua̧u̧ i̧mi̧nä̧ kkä̧kuä̧wä̧ i'ko ttu̧ju̧nä̧ra̧ pä'ü.

Apocalipsis 17:11

I̧sa̧ büó betia ä̧kuo̧mȩnä̧ ü̧ji̧na̧'a̧nä̧, jitä kko̧kü̧ päjimä̧, juätü kko̧ro̧mü̧ttü̧nü̧ ta̧ju̧ ruwotü päjätü i̧sa̧ ja̧'a̧. Pä'äjita'anü̧ ruwo we'ü i̧chä̧kua̧, kko̧ro̧mü̧ttü̧nü̧ wäbodäkuä päi'ünä̧ ja̧'wa̧nü̧ ja̧'a̧nä̧, jo̧mȩnü̧, ya'utekutä si'epü ikuäwä̧kua̧.»

Hebreos 10:26

Isopäi'ünä̧, jo̧mȩnü̧ jueü wȩnȩ wo̧jui̧'i̧nü̧'kotü, ujuturu pä̧wä̧rü̧jo̧mȩnä̧ surojü jȩto̧mȩnä̧mä̧, sacrificio pättü jȩto̧mȩnä̧dä̧jä̧, Dio-mä̧ surojümä̧ jȩpü̧ ikuoko̧u̧jä̧;

1 Timoteo 6:9

Ja̧'wa̧nü̧ ja̧'a̧nä̧ ruwotü juotta pä'ätümä̧ äwettä ma̧ttä̧cha̧ pä'ü jȩpü̧ u̧ju̧no̧mȩ ma̧'ä̧chä̧tü̧, ja̧'wa̧ta̧nü̧ tta̧mü̧kuädoka'a pä̧wä̧rü̧jü̧nä̧ surojuoepä̧u̧mä̧, surojuo'ächü to'epächätü.

San Juan 5:24

Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

Apocalipsis 17:8

Jua̧u̧ i̧sa̧ büó betia to'kuäjäkumä̧, ya̧tȩ kki̧nü̧ ja̧'a̧ ja̧'wa̧nü̧ ja̧'a̧nä̧ jitämä̧ täkü kko̧kü̧; ja̧'wa̧nü̧ ja̧'a̧nä̧, rȩjȩku̧ 'kuȩya̧ppa̧nü̧ ja̧'a̧ttü̧ räopä̧kua̧, jo̧mȩnü̧ kuä'ü ikuäwarü pä'ü. Pi̧jä̧ ttü̧ja̧, pi̧jä̧ uwäbeinomȩttü̧ kkä̧mä̧dü̧, kkä̧kuä̧wä̧ kuyäru'tänä̧ tti̧mi̧pi̧yä̧ jui'ätümä̧, jua̧u̧ i̧sa̧ büó betia, täbokü kki̧nü̧ ja̧'a̧nä̧, jitämä̧ kko̧kü̧rü̧, ja̧'wa̧ta̧nü̧ ü̧jä̧kua̧rü̧ topü, to̧o̧ to̧ttä̧rä̧kuo̧tü̧, jua̧u̧ru̧ topü.»

Hebreos 10:38

Ja̧'wa̧nü̧ ja̧'a̧ttü̧, adiwä jueinä̧ jȩpü̧ kkü̧mä̧, tta̧'kua̧ wȩnä̧rä̧kuä̧wä̧nä̧tä̧ ü̧jä̧kua̧; ja̧'wa̧nü̧ ja̧'a̧nä̧ o'ka'aku ppa̧'a̧chä̧chü̧rü̧mä̧, cha̧'kua̧rü̧ esewoka'a jä̧kua̧'a̧.