Hebreos 10:34 - Nuevo Testamento Uwotjüja

³⁴ Ja̧'wa̧ta̧nü̧ re kki̧nä̧tü̧jä̧ kärenä̧ pȩjä̧tü̧rü̧; ja̧'wa̧ta̧nü̧ kuiäretuku 'chottipe'a'anä̧'i̧nä̧ eseunu̧ 'kuä'opinä̧tü̧jä̧, mo̧ro̧jä̧ra̧'a̧mä̧ juȩnȩ obonä̧nü̧ adiu'i̧nä̧, toe'ächokü'i̧nä̧ tiäremä̧ kku̧nä̧rä̧tü̧jä̧ päkuätukua'attü̧.

TÄ̧DO Ä̧CUÄ̧ I̧HUȨNȨ

³⁴ Ja̧'hua̧ta̧nö̧ cärenä pȩjä̧tö̧rö̧ re rö̧jö̧nä̧ topö amöcuädinätöjä. Cuhuäretucu 'chottipomenä, ja̧'a̧tä̧ eseunu to̧pä̧ri̧nä̧tö̧jä̧. Ja̧'hua̧nö̧ jȩtta̧'a̧ ja̧u̧ juäittö'inä abonänö adihuä juäi, yoröiso beipocö juäi, mo̧ro̧jä̧ra̧'a̧ cu̧ju̧nä̧rä̧tu̧cua̧'a̧ huo̧jui̧nä̧tö̧jä̧.

Hebreos 10:34 Referans Kwoze

1 Pedro 1:4

Ja̧'wa̧ta̧nü̧ ukutu Dio mo̧ro̧jä̧nä̧ adiu jȩpü̧ u̧ju̧ni̧nü̧ toe'ächokü, joächächokü ju'to kuiäretuku päi'ünä̧ kuȩmä̧tu̧ku̧nä̧ jȩä̧kuä̧u̧jä̧.

2 Timoteo 1:16

Tü̧ä̧nä̧wa̧tä̧ Onesíforo awaruwärümä̧ rȩrü̧jü̧ to̧ä̧kua̧, jua'amä̧ kko̧ro̧nü̧ jü̧ta̧'a̧nü̧ cha̧'kua̧ chȩmu̧nä̧ ppä'ädinü̧ kärenä̧ chü̧'a̧'a̧'i̧nä̧ dä'ättuwoka'a ji̧no̧mȩttü̧.

Santiago 1:2

Chawaruwä chü̧jä̧wa̧tü̧, kka̧kuä̧mȩ'ü̧ toä'chünä̧ rü̧ä̧nä̧ 'kuäkuopätukua'anä̧ kua̧mi̧ 'ki'ächi'ü yabokutä eseäkuäwätukui.

Hebreos 13:3

Ja̧'wa̧ta̧nü̧ kärenä̧ pȩjä̧tü̧rü̧ amükuädätukui, ukutu'i̧nä̧ juätütäku ttü̧'ȩja̧'a̧ 'kua̧rü̧nä̧. Ja̧'wa̧ta̧nü̧ suronä̧ jȩttä̧'i̧jä̧u̧rü'i̧nä̧ amükuädätukui, ukutu'i̧nä̧ juätütäku ku̧jä̧tu̧kua̧'a̧ 'kua̧rü̧nä̧.

Efesios 6:20

Tu̧ru̧wa̧mä̧ weinä̧ku̧sä̧ kko̧ro̧jä̧ ttü̧ja̧sa̧ jü̧nä̧ pi̧yȩ wȩnȩ jidäwa pä'ü, ja̧'wa̧nü̧ jo̧mȩttü̧ kärenä̧ pü̧sä̧ jitämä̧. Dio-rütä jä'epätukui, jua̧u̧ ütü'kü yekuäkuäwä juiyünä̧ chujuruku jidäwäkua'anü̧.

San Lucas 12:33

Ku̧ju̧nä̧rä̧tu̧ku̧mä̧ mikuä pä'ü iyä'chü ikuätukui, usurä isotürü ppäkuädätukua; kusakuyutuku kerächokoyutä, mo̧ro̧jä̧ra̧'a̧ pärätä beipokomȩtä̧ aditätukui, nä̧u̧kuä̧rü̧'i̧nä̧ doächokomȩtä̧ ja̧'wa̧ta̧nü̧ isotü'i̧nä̧ surojuottepokomȩtä̧.

1 Juan 3:2

Chawaruwä chi̧jä̧wa̧tü̧, täkü jitämä̧ Dio i̧tti̧mü̧jä̧ ja̧'wa̧nü̧ ja̧'a̧nä̧, ji̧nä̧ yodoji tä̧kuȩmä̧ wokotüjä̧, Jesucrito ichomȩnä̧mä̧ chutä jü̧ta̧'a̧nü̧ täkuotüjä̧, jua'amä̧ churutä tota'attü̧.

Hebreos 11:16

ja̧'wa̧nü̧ ja̧'a̧nä̧ juätümä̧ tti̧rȩjä̧ adiwä̧jä̧ pä̧wä̧rü̧ji̧nä̧u̧, juä̧jä̧mä̧ mo̧ro̧jä̧ rȩjȩ ja̧'a̧. Ja̧'wa̧nü̧ ja̧'a̧ttü̧, Dio-mä̧ juätü ttü̧ä̧nä̧wa̧ ja̧'a̧mä̧ dä̧'ä̧rü̧jo̧ko̧ku̧, jua'amä̧ juätü ttü̧jä̧kuȩ ütawiyä jo̧mȩnü̧ aditü u̧ju̧ni̧na̧'a̧ttü̧.

1 Timoteo 6:19

Ja̧'wa̧nü̧ ttü̧ja̧ku̧ttü̧tä̧ pärätä ruwotü juottäkuotü yodojimä̧ ja̧'wa̧ta̧nü̧ kkä̧kuä̧wä̧ i'ko'i̧nä̧ ttu̧ju̧nä̧rä̧kuo̧tü̧.

Colosenses 1:5

mo̧ro̧jä̧ra̧'a̧ttü̧ ukuturu i̧yä̧wi̧'ä̧kuȩ tta̧kuä̧rä̧tu̧kua̧'a̧ttü̧. Jua̧u̧ ta̧kuä̧rä̧tu̧ku̧mä̧ ä̧ju̧kui̧nä̧tü̧jä̧ jueünä̧ jareü wȩnȩnä̧, Evangelio pä'ü mikunä̧,

Filipenses 1:7

Ukuturumä̧ o'katoi'ünä̧rü̧ ja̧'wa̧nü̧ adiwomȩnä̧ chamükuädünä̧ jä̧ku̧sä̧, cha̧mi̧so'kinä̧ chamükuä̧rä̧u̧ kuätukua'attü; isopäi'ünä̧ kärenä̧ chü̧'o̧mȩnä̧'i̧nä̧, ruwotü ttä'kattü jidäwomȩnä̧'i̧nä̧, jareü wȩnȩ jo̧mȩnü̧ rü̧ä̧chü̧nä̧, ukutumä̧ o'katoi'ünä̧ ttürü Dio iyinü̧ ppä'ädü usurä ȩmä̧wä̧tü̧jä̧.

Efesios 4:1

Ttü Tu̧ru̧wa̧ jäwänä̧ kärenä̧ pä̧nü̧ kkä̧nü̧, ukuturu jä'epüsä, Dio ukuturu woina̧'a̧ku̧, ukuotü ku̧ja̧kuä̧tu̧kua̧ pä'üsä.

Efesios 3:1

Ja̧'wa̧nü̧ jo̧mȩttü̧, Ttü Pauru-mä̧ Jesucrito kärenä̧ ütinä̧ku̧sä̧, ukutu judío pokotürü rekuä rü̧ji̧yä̧ku̧.

Hechos 21:33

Ja̧'wa̧nü̧ ja̧'a̧, su̧ro̧do̧u̧ ttu̧ru̧wa̧mä̧, Pauru-rü 'chuttäda pä'ü we'ünü̧, kärenä̧sa̧ to̧sa̧rȩnä̧ ttü̧nü̧'karü pä'ü we'inü̧. Ja̧'wa̧nü̧ jȩttü̧nä̧ wȩ'ä̧ji̧'ka̧ jä'epü ä̧ju̧kui̧nü̧, jua̧u̧mä̧ tidejua̧'a̧ ja̧ pä'ü ja̧'wa̧ta̧nü̧ däjé jȩä̧ja̧ ja̧ pä'ü.

Hechos 5:41

Ja̧'wa̧nü̧ ja̧'a̧ juätü ruwotüttü rä'opächü, apótore-mä̧ eseäkuäwinä̧tü̧ Jesú i̧mi̧nä̧ usurä ȩmä̧jä̧'kotü.

San Lucas 10:42

Ja̧'wa̧nü̧ ja̧'a̧nä̧, ji̧yȩtȩtä̧ kka̧'a̧ rekuä rü̧jü̧mä̧; ja̧'wa̧nü̧ ja̧'a̧ttü̧ María-mä̧ jua̧u̧tä̧ ȩmä̧jä̧ju̧, jua̧u̧mä̧ 'cho'ikuokoju jä̧kua̧ju̧.

San Mateo 19:21

Päku Jesú-mä̧ ädätinä̧ku̧: —O'kajuiyünä̧ jo̧mȩnü̧ kua päkuttümä̧, ku̧ju̧nä̧rü̧ kuiäre mikuä pä'ü iyä'chü ikui, usurä isotürü ppäkuäda. Ja̧'wa̧nü̧ jȩ'ku̧ttü̧mä̧, mo̧ro̧jä̧ra̧'a̧ttü̧ rü̧ȩnä̧ mikuäu ku̧ju̧nä̧rä̧kua̧jä̧. Ja̧'wa̧nü̧ jȩpü̧, cho'ka'anä̧ ichi.

2 Timoteo 2:9

Jua̧u̧, adiwäjuei wȩnȩ jäwä jidäwomȩttü̧ rü̧ȩnä̧ usurä ȩmä̧u̧mä̧, kärenä̧ pü̧sä̧; ttü̧ja̧rü̧ kuäwä i̧sa̧ 'kua̧rü̧nä̧, kä̧rȩnä̧sa̧nä̧ nü̧'käwa'amä̧ ttü̧tä̧rä̧ku̧sä̧; ja̧'wa̧nü̧ ja̧'a̧nä̧ Dio i̧wȩnȩmä̧ nü̧'käwa'amä̧ po̧ka̧'a̧.

2 Corintios 5:1

Isopäi'ünä̧ tojusode pi̧jä̧ isode, pode tabenákuro pättodemä̧, ya'ute mo̧ro̧ toe'ächäkuode pä'ü wo̧juä̧tü̧jä̧. Ja̧'wa̧nü̧ ja̧'a̧nä̧, mo̧ro̧jä̧nä̧mä̧ kku̧nä̧rä̧tü̧jä̧ tojusode beipokode, Dio adikuode, pi̧jä̧ ttü̧ja̧mä̧ adikuokode.

Hechos 28:20

Ja̧'wa̧nü̧ ja̧'a̧ttü̧ ukuturu topü kkä̧nü̧ pi̧yȩtä̧ jidäwa pä'ü wopäjisä; ujutu Irae ttü̧ja̧ tta̧tä̧rä̧'i̧jü̧ jäwä jo̧mȩttü̧, pa̧'a̧nü̧mä̧, pi̧sa̧ kärenä̧sa̧ nü̧'käwa'amä̧ kkü̧sä̧.

2 Timoteo 4:8

Jitämä̧ ji̧yȩnü̧ mo̧ro̧ chu̧ru̧wa̧ Juez premio pättüjuei i̧yä̧kuȩ chȩma̧ pä'ü tta̧wä̧rä̧ku̧sä̧, ttürütämä̧ iyokü jä̧kua̧ ja̧u̧ ja̧jü̧jueimä̧ o'katoi'ünä̧ i̧chä̧kuȩ mo̧ro̧ eseunu̧ tta̧'a̧rä̧tü̧rü̧'i̧nä̧ i̧yä̧kua̧.

San Lucas 9:25

Ja̧'wa̧nü̧ ja̧'a̧ttü̧ ¿Däjenä̧tä̧ ü̧ji̧pä̧kua̧'a̧jä̧ttü̧, pi̧jä̧ jäwä o'kajuiyünä̧ ȩma̧ja̧ pä'ü'i̧nä̧, a̧'kua̧rü̧ toe'ächomȩnä̧mä̧?

Hebreos 9:15

Ja̧'wa̧nü̧ ja̧'a̧ttü̧, Jesucrito-nä̧mä̧ jitä jareünä̧ esekuinü̧nä̧ dodepätüjä̧. Jua'amä̧ wa'arenä̧ 'korujuoächomȩnä̧ ä̧kuo̧mȩnä̧ esekuinü̧ jäwänä̧ kkä̧nü̧ suronä̧ jȩtti̧nü̧ttü̧mä̧ rä'epü ikuäu̧jä̧. Ja̧'wa̧nü̧tä̧ Dio woinä̧u̧mä̧ isopäi'ünä̧tä̧ ttȩmä̧kuo̧tü̧jä̧, i'ko iyatü päinü̧mä̧.

Hebreos 13:14

Isopäi'ünä̧ pi̧jä̧ttü̧mä̧, ütawiyä beipächünätä kka̧kú̧; ujutumä̧ usätüjä̧ yodoji kkä̧kuä̧wä̧kuȩ ütawiyä.