Hebreos 10:26 - Nuevo Testamento Uwotjüja

²⁶ Isopäi'ünä̧, jo̧mȩnü̧ jueü wȩnȩ wo̧jui̧'i̧nü̧'kotü, ujuturu pä̧wä̧rü̧jo̧mȩnä̧ surojü jȩto̧mȩnä̧mä̧, sacrificio pättü jȩto̧mȩnä̧dä̧jä̧, Dio-mä̧ surojümä̧ jȩpü̧ ikuoko̧u̧jä̧;

TÄ̧DO Ä̧CUÄ̧ I̧HUȨNȨ

²⁶ Iso päi'önä huȩnȩ esetö tu̧huo̧ju̧ o'ca'a, juhua'a yabonö ujuturutä pä̧huä̧ rö̧jö̧tä̧ suronä jȩtö̧ttö̧mä̧, juhua'a yabonö sacrificios ujutu suronä jȩtö̧ jȩpö̧ icuähuä juiyäcua'a ujuturu.

Hebreos 10:26 Referans Kwoze

San Juan 9:41

Jesú ädätinü̧ juätürü: —Ukutu: isopäi'ünä̧ totü juiyünä̧ wotüjä̧ tä̧jí̧ päkuätukuttümä̧ surojü jui'ajatüjä̧ ja̧'wa̧nü̧ ja̧'a̧nä̧, topätüjä̧ päkuätukua'attü̧, surojü jȩ'kuä̧tu̧ku̧mä̧ ukutunä̧ kka̧kua̧'a̧.

San Lucas 12:47

Jua̧u̧ u̧mü̧wä̧ya̧mä̧ u̧ru̧wa̧ weinü̧mä̧ u̧wo̧jua̧'a̧nä̧, jo̧mȩnü̧ adikuäkuäwa'i̧nä̧ päoka'attü̧, ukuotadä̧jä̧ päoka'attü̧, rü̧ȩnä̧ kuäkuäpäkuäwä̧kua̧.

Santiago 4:17

Ja̧'wa̧nü̧ ja̧'a̧ttü̧ adiwäjuei jȩä̧kuä̧wä̧ u̧wo̧jua̧'a̧nä̧ jȩpo̧kü̧mä̧, surojütä jȩpü̧.

1 Juan 5:16

Ya̧tȩ ta̧wa̧ru̧wa̧ ti̧jä̧wa̧ Dio-ttü jo̧mȩnü̧ 'kȩ'ȩpü̧ ikuokü surojü jȩo̧mȩnä̧mä̧, jua̧u̧ru̧ Dio-rü ukuokui, jua̧u̧ru̧ Dio kkä̧kuä̧wä̧ iyarü, jua'a'i̧nä̧ Dio-ttü jo̧mȩnü̧ 'kȩ'ȩpü̧ ikuokü surojü jȩo̧mȩnä̧tä̧. Ja̧'wa̧nü̧ ja̧'a̧nä̧ kkoro surojü kka̧'a̧ Dio-ttü jo̧mȩnü̧ 'kȩ'ȩpü̧ iku, jua̧u̧ jȩü̧ttü̧mä̧, Dio-rümä̧ jättepa pä'oküsä.

2 Tesalonicenses 2:10

Ja̧'wa̧ta̧nü̧ surojümä̧ o'kajuiyünä̧tä̧ jȩä̧kua̧ ro̧ȩkuä̧ra̧'a̧ tti̧'chä̧kuo̧tü̧rü̧ üyaparewa pä'ümä̧, Isopäi'ünä̧ juätümä̧ ra̧wäpi̧jü̧ttü̧ ttü̧ji̧pa̧ pä'ümä̧ isopäi'ünä̧ wȩnȩmä̧ ttesewoka'a ja̧'wa̧ta̧nü̧ tteseta pättoka'a ji̧na̧'a̧ttü̧.

San Juan 13:17

Pi̧yȩ wȩnȩ wo̧jui̧'ü̧, jȩ'kuä̧tu̧ku̧ttü̧mä̧, rü̧ȩnä̧ eseäkuäwä ku̧'o̧kui̧'ä̧kuo̧tü̧jä̧.

1 Timoteo 1:13

ä'kojimä̧ churutä to'ija̧'a̧ku̧ suronä̧ ppädä'chia'anä̧, suronä̧ amükuädü chusina'a̧nä̧, ja̧'wa̧ta̧nü̧ suronä̧ wochina̧'a̧nä̧, Dio-mä̧ rȩrü̧jü̧ toinä̧ku̧sä̧, jua'amä̧ Dio-rü esetü jui'ü, jȩchü̧mä̧ chieruwa'attü̧.

1 Timoteo 2:4

Ja̧'wa̧ta̧nü̧ jua̧u̧mä̧ o'katoi'ünä̧ ra̧wä̧pi̧jü̧ttü̧ kka̧kui̧pü̧ isopäi'ünä̧ wȩnȩ ttu̧wo̧juä̧chi̧'o̧mȩbü päi'ünä̧ tti̧rȩbȩwa̧ pä̧wä̧rü̧jä̧ku̧.