Hebreos 10:25 - Nuevo Testamento Uwotjüja

²⁵ Ka̧ka̧kuä̧rü̧ jȩpä̧tu̧kui̧, kkorotü jȩpü̧ weyejuottinü̧'a̧nü̧mä̧ ku̧ka̧ka̧kuä̧rä̧tu̧kuo̧ka̧'a̧mä̧ jȩ'kuä̧'chä̧tu̧kuä̧, ji'äkuäu wo̧juȩtü̧ jȩpä̧tu̧kui̧; Tu̧ru̧wa̧ u̧mo̧ro̧mä̧, täkü tü'kü ja̧'a̧.

TÄ̧DO Ä̧CUÄ̧ I̧HUȨNȨ

²⁵ Korotö cultora̧'a̧, Diosrö ttucuocuomecu 'cho̧co̧tö̧ jȩttö̧'a̧nö̧mä̧, jȩtö̧ juiyö'a̧nö̧ ja̧'a̧ ujutumä. Ujutumä, korotö korotönörö juhua'a yabonö adiu ppätädö'a̧nö̧ ja̧'a̧. Iso päi'önä Tu̧ru̧hua̧ ichä̧cuȩ mo̧ro̧ ötö'cöhuächa'a topö, ja̧'hua̧nö̧ jȩtö̧'a̧nö̧ ja̧'a̧.

Hebreos 10:25 Referans Kwoze

Hechos 2:42

Ja̧'wa̧nü̧ ja̧'a̧, apótore ttu̧wo̧juȩtü̧nä̧ kka̧kui̧nä̧tü̧, rekuä rü̧jü̧ ppä'ädäkuäu, ji̧nä̧ yo̧mȩtȩnä̧ kuä̧nü̧ ja̧'wa̧ta̧nü̧ Dio-rü ukuoku'i̧nä̧, jü̧nä̧.

San Mateo 18:20

Isopäi'ünä̧ ta̧ju̧tä̧ ja̧ pä'ü'i̧nä̧, wä̧mȩtukuätä ja̧ pä'ü'i̧nä̧ ttü chi̧mi̧nä̧ ka̧ka̧ku̧ ttü̧'ȩjü̧ttü̧mä̧, juätütäku ttü̧'kä̧tȩnä̧ kkü̧sä̧.

1 Tesalonicenses 5:11

Ja̧'wa̧nü̧ ja̧'a̧ttü̧, yotükupünä̧ esewächi'ätukui, yabonü̧ kujuru ȩmä̧tu̧kui̧, täkü jȩ'kuä̧tu̧ku̧ta̧'a̧nü̧.

Hebreos 3:13

Jua̧u̧ jü̧ juiyünä̧tä̧, mo̧ro̧ ji̧nü̧ a̧'u̧kuä̧ ji'äkuäu tätukui, wȩyu̧kuä̧ wȩnȩ päü'a̧kuä̧: «jitä mo̧ro̧» surojü yapareunä̧ juokuächätuku juiyäkua'anü̧.

Hebreos 10:24

Yotukunä̧ repe'äkuäwätukui, eseäkuäwä yabonü̧ rü̧ä̧chü̧nä̧ adiu ppä'ädäkuäu jȩ'kuä̧tu̧ku̧nä̧.

1 Corintios 5:4

Tu̧ru̧wa̧ Jesucrito i̧mi̧nä̧ ja̧'wa̧ta̧nü̧ Tu̧ru̧wa̧ Jesucrito ujurunä̧ ka̧ka̧ku̧ pȩjä̧mä̧tu̧kui̧, ttü'i̧nä̧ ukututäku 'kä̧dä̧wä̧rä̧kua̧sä̧ epíritu-nä̧tä̧,

1 Tesalonicenses 4:18

Ja̧'wa̧nü̧ ja̧'a̧ttü̧, pi̧yȩ ji'äkuäu, kuawaruwärümä̧ eseäkuäwätukui.

Hechos 2:1

Pentecostés pättü pä'käri pä̧nä̧ päi'omȩnä̧, Jesucrito-rü esetätümä̧ ji̧nä̧ yo̧mȩtȩ ka̧ka̧kuä̧jä̧'kotü ttü̧ja̧kua̧'a̧,

Hechos 20:7

Domiku̧ mo̧ro̧ Tu̧ru̧wa̧ u̧kuȩ ukuinü̧ tukua pä'ü tü̧'ȩjä̧ma̧ja̧'a̧, Pauru-mä̧, rü̧ȩnä̧ wo̧juȩti̧nü̧ Jesucrito-rü esetätürü. Kkoro mo̧ro̧, juorü räopäkua'a jä̧ku̧, yodó kkä'kobü päi'ünä̧ jiäwomȩnä̧.

1 Corintios 14:3

Ja̧'wa̧nü̧ ja̧'a̧nä̧, Dio i̧mi̧nä̧ jiäkuäwämä̧ ttü̧ja̧rü̧ äräbe'ü kkä̧nü̧, ro̧'ȩpü̧'i̧nä̧ ro̧'ȩpü̧ kkä̧nü̧, ttajuäkuäu'i̧nä̧ jȩpü̧ ikua'a.

Romanos 12:8

kkorotürü ro̧kuȩpa̧ pä'ü, ro̧ȩkuä̧ iyinü̧ttü̧mä̧, ro̧'ȩpi̧. Iyü ppäda pä'ü iyinä̧ku̧mä̧, repekuoka'a ppä'ädi; kkorotürü oikuä iyinä̧ku̧mä̧, eseunu̧ o'ipi; rekuä rü̧jä̧u̧ru̧ ppädäkuäwä iyinä̧ku̧mä̧, eseunü̧tä̧ ppä'ädi.

Filipenses 4:5

Ukutu eseu jȩ'kuä̧tu̧ku̧mä̧ kkorotü o'katoi'ünä̧ tu̧wo̧juö̧nä̧ kka̧kuä̧tu̧kui̧. Tu̧ru̧wa̧ ichäkuomȩmä̧ täkü tü'küwächa'a.

2 Pedro 3:9

Tu̧ru̧wa̧ jȩa̧ päinü̧ jo̧mȩnü̧ päi'a pä'ümä̧ rekuodä'chokü, yotukunä̧ ttamükuäda'anü̧mä̧, ja̧'wa̧nü̧ ja̧jü̧jueimä̧ ukutukumä̧ tta̧mi̧ 'ki'ächi'äkuäwä kku̧nä̧rü̧, ja̧'wa̧nü̧ ja̧'a̧ttü̧ ya̧tȩ'i̧nä̧ wa'ü ikuamä̧ pä'okü, wa'ü ttikuajueimä̧ o'katoi'ünä̧tä̧ Dio-kutä ppa̧ttä̧cha̧tä̧ pä'ü.

Santiago 5:8

Ja̧'wa̧ta̧nü̧ ukutu'i̧nä̧ kua̧mi̧ 'ki'ächi'ü, jo̧mȩnü̧ 'kiyünä̧ tta̧'a̧rä̧tu̧kui̧, isopäi'ünä̧ Tü̧ä̧nä̧wa̧ ppa̧wä̧chä̧kua̧'a̧mä̧ täkü tü'küwächa'a.

1 Corintios 14:23

Isopäi'ünä̧ igresia isotü ka̧ka̧kui̧'ä̧jä̧'kotü ttü̧'ȩjo̧mȩ, ya̧tȩ jȩru̧pa̧, Dio-rü esetokü, o'katoi'ünä̧ tti̧wȩnȩ pünä̧ ttukuokua'a do'ächi'ü ä̧ju̧ku̧ttü̧mä̧ ¿jitüjamä̧ tä̧'ä̧mä̧kuä̧wä̧tü̧ ja̧'a̧, pä'ümä̧ amükuädokü tä̧jí̧?

Judas 1:19

Juätü ttü̧ja̧mä̧ ttü̧ja̧ rowäkuäu tti̧'kȩ'chä̧wä̧chü̧nä̧ ji'äwätü, jitürütä pä̧wä̧rü̧jü̧tä̧, Dio i̧sa̧ Epíritu-ru totta'attü.

2 Pedro 3:14

Ja̧'wa̧nü̧ ja̧'a̧ttü̧ chi̧jä̧wa̧tü̧, ji̧nä̧ pi̧yȩ tta̧'a̧rü̧ kkä̧nü̧, o'kajuiyünä̧ jȩ'kuä̧tu̧ku̧'a̧nü̧ jü̧mä̧ jȩpä̧tu̧kui̧, wȩnȩ'i̧nä̧ juiyünä̧, surojü'i̧nä̧ jȩpo̧ko̧tü̧ jü̧nä̧ ja̧'wa̧ta̧nü̧ idiku'i̧nä̧ juiyünä̧ Dio-mä̧ ü̧'o̧kui̧'ä̧kua̧'a̧nü̧.

1 Pedro 4:7

O'kajuiyünä̧ beipächäkua'amä̧ täkü tü'küwächa'a. Ja̧'wa̧nü̧ ja̧'a̧ttü̧, ukutumä̧ adiwomȩnä̧ amükuädätukui ja̧'wa̧ta̧nü̧ tta̧'a̧rä̧kuä̧ü̧nü̧ Dio-rü ukuokuätukui.

2 Pedro 3:11

Pi̧yȩ o'kajuiyünä̧mä̧ pa̧'a̧nü̧tä̧ toe'ächäkua'a, ¡ukutumä̧ adiu jȩpü̧ Dio-rütätä kukuotätukua'anü̧ ja̧'a̧!

1 Corintios 11:20

Ja̧'wa̧nü̧ ja̧'a̧ttü̧, ka̧ka̧ku̧ kukuätukuomȩnä̧mä̧, Tu̧ru̧wa̧ u̧kuȩ ukuinü̧ cena-mä̧ kuokotüjä̧.

1 Corintios 3:13

Ttaditäwämä̧ wäjuönä̧ i̧jȩkuä̧chä̧kua̧'a̧ jȩtti̧nü̧'a̧kuä̧ ü'ojo'ü mo̧ro̧ päi'omȩnä̧; isopäi'ünä̧ jua̧u̧nü̧ mo̧ro̧mä̧ okuränä̧tä̧ i̧jȩkuä̧chä̧kua̧'a̧; ja̧'wa̧nü̧ ja̧'a̧ttü̧ yotukunä̧ jȩtti̧nü̧mä̧ okuränä̧tä̧ kka̧kuä̧mü̧ toäkuäwäkua'a.

Hechos 16:16

Ja̧'wa̧nü̧ ja̧'a̧, Dio-rü ttukuokuä'ijomȩku̧ ti̧'cho̧mȩnä̧, po̧kui̧pi̧nä̧tü̧jä̧ müäyajuru epíritu su̧ro̧pa̧ weäkua, jä̧kuȩmä̧ wo̧juȩku̧nä̧ wo̧jua̧ju̧ru̧. Juäjumä̧ ttu̧mü̧wäyaju ja̧'a̧ ja̧'wa̧nü̧ ji'äwe'ümä̧, kkuruwotürü rü̧ȩnä̧ pärätä ttȩmü̧nä̧ jȩpä̧'i̧jä̧ju̧ ji̧na̧'a̧.

San Mateo 10:15

Isopäi'ünä̧ pädäu̧jä̧, ü'ojo'ü mo̧ro̧ päi'omȩnä̧mä̧ Sodoma rȩjȩ ttü̧ja̧rü̧ ji̧no̧mȩttü̧'i̧nä̧, Gomorra rȩjȩ ttü̧ja̧rü̧ ji̧no̧mȩttü̧'i̧nä̧ abonä̧nü̧ usurä ttȩmä̧wä̧kuo̧tü̧ juȩnȩ ütawiyä ttü̧ja̧mä̧.

San Juan 12:48

Ttürü kkü'kü jui'ü, chi̧wȩnȩ esetokürü, usurä ȩmä̧u̧nä̧ ro̧ȩpä̧kuȩmä̧ täkü kka̧'a̧: Ji̧yȩtä̧ chi̧wȩnȩ chukuokutä jä̧kua̧'a̧, usurä ttȩmä̧u̧nä̧ ro̧ȩpä̧kuȩmä̧, rüjí mo̧ro̧ päi'omȩnä̧.

Hebreos 10:37

Wȩyu̧kuä̧ wȩnȩmä̧ pä'a: Isopäi'ünä̧ a̧'u̧kua̧'a̧tä̧ ja̧'a̧nä̧, icha pä'inü̧mä̧, i̧chä̧kua̧. Rekuomä̧ to'epokü jä̧kua̧.

Hebreos 13:22

Chawaruwä chü̧jä̧wa̧tü̧, pi̧yȩ a̧'u̧ku̧nä̧ ro̧'ȩpü̧nü̧ ukuoku chi̧wȩyu̧tä̧ji̧, kua̧mi̧ 'ki'ächi'ünü̧ kuä̧ju̧kuä̧tu̧kua̧ pä'üsä.