Hebreos 10:22 - Nuevo Testamento Uwotjüja

²² Ja̧'wa̧nü̧ ji̧na̧'a̧ttü̧, tütü'küwächätukua Dio-rümä̧ tamiso'kinä̧ jueünä̧tä̧ amükuädü, jo̧mȩnü̧tä̧ tta̧'kua̧ wȩnä̧rü̧, surojü juiyünä̧ adiunä̧tä̧ amükuädünü̧ tamiso'kinä̧mä̧ ja̧'wa̧ta̧nü̧ jättäpäyotü ajiya päkuoyanä tükäu ikuipü.

TÄ̧DO Ä̧CUÄ̧ I̧HUȨNȨ

²² Ja̧'hua̧nö̧ ja̧'a̧ttö̧ tami iso'quinä adiu amöcuädö, iso päi'önä esetö kä̧nö̧, Diosrö tötö'cöhuächö'a̧nö̧ ja̧'a̧. Ujutu suronä jȩti̧nö̧ tamöcuädö juiya pä'ö, chutä aditö icuinö tami iso'qui. Ujutu jättäpäyotörö'inä adihuoya, päcuäoyanä töcö icuinä̧u̧jä̧.

Hebreos 10:22 Referans Kwoze

San Juan 3:5

Jesú ädätinä̧ku̧: —Isopäi'ünätä̧ pädäkujä̧, ajiyattü'i̧nä̧, Epíritu-ttü'i̧nä̧ uwäpächokümä̧ Ru̧wa̧ Dio weomȩmä̧ do'ächokü jä̧kua̧.

1 Pedro 3:21

Ja̧'wa̧nü̧ ja̧'a̧ttü̧ ajiya ji̧no̧yamä̧ bautizo päwoya jü̧nä̧ wȩnȩkuä̧chi̧na̧'a̧, jitämä̧ ja̧u̧nä̧tä̧ suronä̧ jȩtä̧i'jü̧ttü̧mä̧ kka̧kui̧pä̧tü̧jä̧. Bautizo-mä̧ jättäpäyotümä̧ tükächi'okü, ja̧'wa̧nü̧ ja̧jü̧jueimä̧ adiu amükuädütä Dio-rümä̧ jä'epätukui, Jesucrito tto'ächäji̧'ka̧,

Efesios 5:26

Surojü juiyünä̧tä̧ 'kȩ'ȩpü̧ kku̧ni̧nü̧ igresia-rü, ajiyanä̧ aje i'ü tükü iku, chutä i̧wȩnȩ päomȩnä̧.

1 Corintios 6:11

Iweye, ä'kojimä̧ yotukunä̧mä̧ ja̧'wa̧nü̧ kka̧kui̧nä̧tü̧jä̧; ja̧'wa̧nü̧ ja̧'a̧nä̧ jitämä̧ surojü juiyünä̧ aditü ikuinä̧u̧jä̧, adiwä isotü jü̧nä̧ jȩi̧nä̧u̧jä̧ Tu̧ru̧wa̧ Jesucrito i̧mi̧nä̧'i̧nä̧ ja̧'wa̧ta̧nü̧ Dio i̧sa̧ Epíritu-nä̧'i̧nä̧ jü̧nä̧.

Hebreos 7:19

Isopäi'ünä̧ Moisé weäwä wȩnȩnä̧mä̧ ya̧tȩrü̧'i̧nä̧ jo̧mȩnü̧ juoächünä̧ ppädokü ji̧na̧'a̧, jitämä̧, jareünä̧ adiwä juei tta̧'kua̧ wȩnä̧rä̧kuä̧wä̧ tta̧'a̧rä̧tü̧jä̧, jitämä̧ jua̧u̧nä̧tä̧ Dio-rü tü'küpächätüjä̧.

2 Corintios 7:1

Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

Hebreos 4:16

Ja̧'wa̧nü̧ ja̧'a̧ttü̧, ta̧'kua̧ wȩnä̧rü̧ kkä̧nü̧, Dio rettü weomȩku̧ tütü'küwächa pä'ätukui. Rȩrü̧jü̧ toatü pä'ümä̧, ujuturu rekuä rü̧jü̧ mo̧ro̧ ja̧'a̧ttü̧.

Hebreos 12:24

Ja̧'wa̧ta̧nü̧ ichinä̧tü̧jä̧ Jesú-ku jareünä̧ esekuäkuäwänä̧ todetü iyinü̧ku̧. Ja̧'wa̧ta̧nü̧ ukuojanä̧ ujuturu toinoyanä̧, Abel ukuojattü'i̧nä̧ abonä̧nü̧ ppädinoyanä̧.

Tito 3:5

ja̧'wa̧ta̧nü̧ ujutumä̧ adiu jȩti̧yä̧ku̧mä̧ ppädoko̧u̧ pinä̧tü̧jä̧ ja̧'wa̧nü̧ ja̧jü̧jueimä̧ chutä rȩrü̧jü̧nü̧ toomȩttü̧tä̧ surojümä̧ tükü iku pä'äjita'anü̧ uwäbetü ja̧'wa̧ta̧nü̧ tujuru jü̧nä̧ iyinä̧u̧jä̧ Epíritu Sa̧tu̧nä̧.

1 Pedro 1:2

Jä'o Dio amükuädina̧'a̧ku̧ mo̧tä̧ päi'ünä̧ pojopü ȩmi̧nä̧ru̧. Epíritu-nä̧ 'kȩ'ȩpü̧ u̧ju̧ni̧nä̧u̧jä̧ kukuotätukua pä'ü ja̧'wa̧ta̧nü̧ Jesucrito ukuojanä̧ tükü ikuätukuaku pä'ü. Mipponä̧ iyäwä rü̧ä̧chü̧'i̧nä̧, wȩnȩ juiyünä̧ kkä̧kuä̧wä̧'i̧nä̧ ȩmä̧tu̧kui̧.

Efesios 3:12

Ja̧'wa̧ta̧nü̧ jua̧u̧nä̧tä̧ ta̧'kua̧ wȩnä̧rü̧ Dio-rümä̧ wäjuönä̧ dodetünä̧ ja̧'a̧.

Santiago 4:8

Dio-rütä tü'küpächätukui, ja̧'wa̧nü̧ jo̧mȩnä̧tä̧ chutä'i̧nä̧ ütü'küwächäkuotüjä̧. Surojü jȩpä̧tü̧mä̧, ku̧mü̧tu̧ku̧ tükäu ikuätukui; ja̧'wa̧ta̧nü̧ todärenä̧ pä̧wä̧rü̧jä̧u̧mä̧ kua̧mi̧'iso'kituku tükäu ikuätukui.

Hebreos 9:19

Moisé-mä̧ ttü̧ja̧ o'katoi'ünä̧rü̧ weäwä wȩnȩ o'kajuiyünä̧ ji'äwäji̧'ka̧; pä̧kä̧yü̧ ppo̧'ä̧tü̧ ttukuoja'i̧nä̧, cabrío isotü u̧mä̧tü̧ ttukuoja'i̧nä̧, ajiyanä̧ wiwakua'a, lana escarlata pättünä̧'i̧nä̧, isade i̧sä̧ppä̧nä̧'i̧nä̧ akuäbe'äji̧'ka̧ riripinü̧ weäwä wȩnȩ kuyäru'tänä̧'i̧nä̧ ja̧'wa̧ta̧nü̧ ttü̧ja̧rü̧'i̧nä̧, jü̧nä̧.

San Mateo 3:11

Isopäi'ünä̧ ttümä̧, Dio-ku ppa̧kuä̧chä̧tu̧kua̧'a̧ kui̧jȩkuä̧tu̧kua̧ pä'ümä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧ ttü cho'komȩnä̧ ichümä̧ Epíritu Sa̧tu̧nä̧'i̧nä̧, okurä jäwänä̧'i̧nä̧ bautizo jȩä̧kua̧. Jua̧u̧mä̧ ttüttü'i̧nä̧ abonä̧nü̧ ujuru kku̧nä̧rü̧, jua̧u̧ ü̧jä̧pü̧ isäya chȩpü̧ juiyü'anü̧'i̧nä̧ wa̧sä̧.

Santiago 1:6

Ja̧'wa̧nü̧ ja̧'a̧nä̧ kua̧'kua̧ wȩnä̧rü̧ kkä̧nü̧ iyäkua̧sä̧di̧ päkuoka'a jäkuepa'anü̧ ja̧'a̧; isopäi'ünä̧ a̧'kua̧ wȩnä̧ro̧kü̧mä̧, kkä̧rü̧'koppa kkä̧rü̧'ko̧wo̧mȩnä̧ aje ppawäbi ji̧jä̧ku̧ ȩpa̧'a̧ jä̧'i̧nü̧'a̧nü̧ wa̧.

Hebreos 11:28

A̧'kua̧ u̧wȩnä̧ra̧'a̧ttü̧, Moisé-mä̧ Pacua pä'käri jȩpü̧, äpatiyänä̧ ttukuoja tuttepe'a pä'ü we'inü̧, jua'amä̧ Irae ttü̧ja̧ tti̧tti̧mü̧ ä̧kuo̧mȩnä̧ isotürü, wa'are i̧sa̧ á̧gȩ mȩü̧ juiya pä'ü.

Hebreos 10:19

Ja̧'wa̧nü̧ ji̧na̧'a̧ttü̧, chawaruwä chü̧jä̧wa̧tü̧, Surojü Juiyomȩ pättomȩ dotächa pä'ü jo̧mȩnü̧ wotüjä̧, Jesucrito ukuoja jinoyanä̧mä̧.

Hebreos 9:10

Suro kuäkuäwätä, awäwätä, ttütükäwinü̧tä̧, jȩta̧jä̧ pä'ü rütäwä ji̧na̧'a̧ wä̧mȩnä̧ jäwätä, Dio kkoronä̧ ü'ärotomebütä päi'ünä̧ rü̧ȩnä̧ adiu mikuäu jäwänä̧.

1 Timoteo 4:2

Yaparetü jȩpä̧tü̧rü̧tä̧ ja̧'wa̧ta̧nü̧ yaparewätürütä, dä'ärü̧jü̧'i̧nä̧ yoriso amükuädokotü wettütä jȩttä̧kuo̧tü̧.

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

Efesios 6:5

Tturuwotürü kku̧nä̧rä̧tü̧mä̧, pi̧jä̧nä̧ttü̧ kuruwotürü ukuotätukui. Ye'ekunü̧tä̧, eseunü̧tä̧ ukuotätukui kua̧mi̧ iso'kitukunä̧, Crito-rü kukuotätukuta'anü̧.

Hechos 8:21

Ukumä̧ pi̧yȩ jäwämä̧ kuȩmü̧ juiyü'anü̧ wa̧jä̧, Dio ä'ka jo̧mȩttü̧ adiu jueünä̧ kuamü̧kuädoka'attü̧.

San Juan 8:9

Ja̧'wa̧nü̧ pä'a ä̧ju̧ku̧, tta̧mü̧kuädü jakuänä̧ ji̧ä̧wä̧u̧ ya̧ku̧nä̧ dü'ekuinä̧tü̧, büäkuächätüttü kkä̧mä̧dü̧ yoyoja̧'a̧ año a̧'u̧kuo̧tübü päi'ünä̧. Ja̧'wa̧nü̧ ja̧'a̧ Jesú-mä̧ kkatä, isajukutä kki̧'i̧pü̧.

San Lucas 1:1

Rekuätü ja̧'a̧ ujutu tü̧'kä̧tȩttü̧, 'kuäopinü̧ jueü wȩnȩ yorätetü wȩyu̧tu̧ rütü jȩtta̧ pä'ü amükuädätümä̧.

Hechos 22:16

Ja̧'wa̧nü̧ ja̧'a̧ttü̧, yabonü̧ rekuomä̧ tta̧kuä̧ro̧ka̧'a̧, ä̧rä̧mi̧'ü̧, bautizo jȩpä̧kuä̧u̧, Ku̧ru̧wa̧rü̧ ajuäkuäunü̧ jä'epi surojü jȩpü̧ ikuaku.

Hebreos 6:11

Ja̧'wa̧nü̧ ja̧'a̧nä̧ ukutu yotukunä̧ jua̧u̧ kuesewätukumä̧ rüjibü päi'ünä̧ tottünä̧ jȩpü̧ ku̧jä̧tu̧kua̧ pä̧wä̧rü̧jä̧u̧jä̧ ujutumä̧, tta̧'a̧rü̧ ku̧jä̧'i̧jä̧tu̧ku̧ jo̧mȩnü̧ jä̧kua̧'a̧nü̧.

Hebreos 10:1

Isopäi'ünä̧ Moisé weinü̧ wȩnȩ ji̧nü̧mä̧, suro kkoro adiwä juei a̧'kua̧juä̧ yodoji i̧chä̧kuȩtä̧ ji̧na̧'a̧, ji̧nä̧so ji̧yȩtä̧ i̧chä̧kuȩmä̧kü̧. Ja̧'wa̧nü̧ ja̧'a̧ttü̧ weäwä wȩnȩnä̧mä̧, 'kuäopünä̧ año jü̧ta̧'a̧nü̧ Dio-rü sacrificio pättü jȩtta̧'a̧nä̧ jo̧mȩnü̧mä̧ adiwächokotü pinä̧tü̧.