Hebreos 10:14 - Nuevo Testamento Uwotjüja

¹⁴ ja̧'wa̧nü̧ ja̧'a̧ttü̧ ofrenda pättümä̧, ji̧yȩtȩtä̧ jȩa̧'a̧nä̧, 'kuäopünä̧tä̧ jo̧mȩnü̧ mikuäwächünä̧ jȩpi̧nü̧.

TÄ̧DO Ä̧CUÄ̧ I̧HUȨNȨ

¹⁴ Iso päi'önä chutä ya'utenä ofrenda jȩpö̧ o'ca toi'önärö aditö icuä̧u̧ru̧ adihuä isotö pätti'önä jȩi̧nä̧u̧do.

Hebreos 10:14 Referans Kwoze

Hebreos 10:1

Isopäi'ünä̧ Moisé weinü̧ wȩnȩ ji̧nü̧mä̧, suro kkoro adiwä juei a̧'kua̧juä̧ yodoji i̧chä̧kuȩtä̧ ji̧na̧'a̧, ji̧nä̧so ji̧yȩtä̧ i̧chä̧kuȩmä̧kü̧. Ja̧'wa̧nü̧ ja̧'a̧ttü̧ weäwä wȩnȩnä̧mä̧, 'kuäopünä̧ año jü̧ta̧'a̧nü̧ Dio-rü sacrificio pättü jȩtta̧'a̧nä̧ jo̧mȩnü̧mä̧ adiwächokotü pinä̧tü̧.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.

Hebreos 9:14

Ja̧'wa̧nü̧ ji̧na̧'a̧nä̧, juȩnȩ abonä̧nü̧ ujuru kka̧'a̧ Jesucrito ukuojamä̧. Jua'amä̧ Epíritu 'kuäopünä̧ kkü̧ jäwänä̧, chutä a̧mü̧nä̧ pa̧ja̧tü̧, surojü jui̧'a̧tä̧ iyäwina̧'a̧ttü̧ Dio ä'ka jo̧mȩ; ja̧'wa̧nü̧ jȩpü̧ wa'are jäwä tamükuädinü̧mä̧ tükü ikuinü̧, Dio a̧'kua̧rü̧rü̧ ukuotü tü̧ji̧ya̧rü̧ pä'ümä̧.

Hebreos 2:11

Isopäi'ünä̧ o'katoi'ünä̧ surojüttü jȩpü̧ iku'i̧nä̧ ja̧'wa̧ta̧nü̧ surojüttü jȩpü̧ ikuinä̧u̧'i̧nä̧, o'katoi'ünä̧ ji̧nä̧ ya̧tȩtä̧ isotü wotüjä̧; ja̧'wa̧nü̧ ja̧'a̧ttü̧ chü̧jä̧wa̧tü̧ pä'ü o̧ä̧u̧jä̧, dä'ä juiyünä̧tä̧.

Romanos 15:16

Judío pokotürü Jesucrito weäwänä̧, Dio jäwä jareü wȩnȩ jidäwiyarü pä'ü weinä̧ku̧ cha'attü̧; ofrenda jü̧nä̧, Epíritu Sa̧tu̧ aditäwänä̧ surojü juiyünä̧ tta pä'ü Dio-rü.

Hebreos 13:12

Ja̧'wa̧nü̧ ji̧nü̧ta'anü̧, Jesú-mä̧ Jerusarȩ́ ütawiyä u̧mi̧ttü̧ 'korujuo'ächinü̧, chutä ukuojanä̧, ȩmi̧nä̧u̧ suronä̧ jȩttä̧'i̧jü̧ Dio jȩpü̧ ikua pä'ümä̧.

Hebreos 7:19

Isopäi'ünä̧ Moisé weäwä wȩnȩnä̧mä̧ ya̧tȩrü̧'i̧nä̧ jo̧mȩnü̧ juoächünä̧ ppädokü ji̧na̧'a̧, jitämä̧, jareünä̧ adiwä juei tta̧'kua̧ wȩnä̧rä̧kuä̧wä̧ tta̧'a̧rä̧tü̧jä̧, jitämä̧ jua̧u̧nä̧tä̧ Dio-rü tü'küpächätüjä̧.

Efesios 5:26

Surojü juiyünä̧tä̧ 'kȩ'ȩpü̧ kku̧ni̧nü̧ igresia-rü, ajiyanä̧ aje i'ü tükü iku, chutä i̧wȩnȩ päomȩnä̧.

Hechos 20:32

Ja̧'wa̧nü̧ ja̧'a̧ttü̧ chawaruwä chü̧jä̧wa̧tü̧ Dio u̧mü̧nä̧ wedipä̧u̧jä̧ ja̧'wa̧ta̧nü̧ rettü iyipinü̧ i̧wȩnȩnä̧. Jua̧u̧tä̧tä̧ ja̧'a̧ Epíritu jäwänä̧ buojuokuätukunä̧ ppä̧dä̧kua̧mä̧ ja̧'wa̧ta̧nü̧ Chutä ȩmi̧nä̧u̧ o'katoi'ünä̧rü̧ chi̧yä̧kua̧sä̧ pä'inü̧, iyümä̧.

Judas 1:1

Ttü Juda, Jesucrito u̧mü̧wä̧ya̧ jü̧nä̧ wa̧ ja̧'wa̧ta̧nü̧ Sa̧ti̧a̧ku̧'i̧nä̧ ü̧jä̧wa̧, chi̧wȩnȩ we'üsä: ukutu Jä'o Dio repe'ü ȩmi̧nä̧u̧ru̧ ja̧'wa̧ta̧nü̧ Jesucrito-nä̧ tta̧wä̧rä̧u̧ru̧.

Hebreos 9:10

Suro kuäkuäwätä, awäwätä, ttütükäwinü̧tä̧, jȩta̧jä̧ pä'ü rütäwä ji̧na̧'a̧ wä̧mȩnä̧ jäwätä, Dio kkoronä̧ ü'ärotomebütä päi'ünä̧ rü̧ȩnä̧ adiu mikuäu jäwänä̧.

Hechos 26:13

Ja̧'wa̧nü̧ chi̧'cha̧'a̧ jakuänä̧, ¡ru̧wa̧ rey!, mä̧nä̧ kkä'kottü, kkä̧wa̧ jueü kkü̧rü̧ päia'a, mo̧ro̧jä̧ra̧'a̧ttü̧ tȩya̧u̧ kkȩdȩ'i̧na̧'a̧, kkä̧wa̧ttü̧'i̧nä̧ abonä̧nü̧ tȩya̧u̧ topinü̧sä̧, ujutumä̧ jakuätä päti'ünä̧.

Hebreos 10:10

Jua̧u̧nä̧tä̧ Dio-rü pä̧wä̧rü̧ji̧nü̧nä̧ surojümä̧ jo̧mȩnü̧ jȩpü̧ ikuinä̧u̧jä̧, Jesucrito idepä jä̧ttä̧pä̧ya̧, ofrenda jü̧nä̧ ya'utenä̧tä̧ ji̧nü̧mä̧, 'kuäopünä̧tä̧ mikuäunä̧ jȩpü̧ kku̧ni̧nü̧.

Hebreos 10:12

Ja̧'wa̧nü̧ ji̧na̧'a̧nä̧, Jesucrito-mä̧, suronä̧ jȩttä̧'i̧jü̧ jȩpü̧ ikunä̧mä̧, suro ya'utenä̧tä̧ jȩpi̧nü̧, sacrificio pättümä̧ 'kuäopünä̧tä̧ mikuäunä̧; ja̧'wa̧nü̧ jȩpü̧ Dio u̧wo̧jua̧'a̧ku̧nä̧ pä̧mä̧di̧nü̧.