Hebreos 10:11 - Nuevo Testamento Uwotjüja

¹¹ Isopäi'ünä̧ sacerdote-tü̧ judío-mä̧ mo̧ro̧ ji̧nü̧ a̧'u̧kuä̧ sacrificio pättü jȩpi̧nä̧tü̧, suronä̧ jȩttü̧mä̧ jȩpü̧ ikuokü ja̧'a̧nä̧.

TÄ̧DO Ä̧CUÄ̧ I̧HUȨNȨ

¹¹ Judíos ttö̧ja̧ttö̧ sacerdotes huotö mo̧ro̧ji̧nö̧ a̧'u̧cuä̧ sacrificios jȩpä̧tö̧do. Koronö'inä, koronö'inä jȩtto̧mȩnä̧, ji̧yȩä̧cuȩtä̧, suronä jȩttö̧ jȩpö̧ icuocö juäitä jȩpä̧tö̧do.

Hebreos 10:11 Referans Kwoze

Hebreos 10:4

Isopäi'ünä̧ pä̧kä̧yü̧'i̧nä̧, chiwotü̧'i̧nä̧ ttukuojamä̧ suronä̧ jȩttä̧'i̧jü̧mä̧ jȩpü̧ ikuoka'a ji̧na̧'a̧.

Hebreos 5:1

O'katoi'ünä̧ sacerdote-tü̧ tturuwotümä̧ ttü̧ja̧ ttü̧'kä̧tȩttü̧ pojopü ȩmä̧wo̧tü̧ ja̧'a̧, Dio ä'ka jo̧mȩ ttü̧ja̧ tti̧mi̧nä̧ ttukuokua pä'ü ja̧'wa̧ta̧nü̧ ofrenda jȩtta̧ pä'ü'i̧nä̧, suronä̧ jȩttä̧'i̧ja̧'a̧ sacrificio pättü jȩtta̧ pä'ü'i̧nä̧, jü̧nä̧.

Hebreos 7:27

Pide sacerdote-mä̧ rekuä rü̧jo̧ko̧ku̧, sacerdote-tü̧ tturuwotü ji̧nü̧'a̧nü̧ mo̧ro̧ ji̧nü̧ a̧kuä̧, tta̧mü̧nä̧ suronä̧ jȩttä̧'i̧ja̧'a̧ mikuäwächünä̧ sacrificio pättü jȩpä̧kuä̧wi̧'ü̧'ka̧, juȩnȩ o'komȩnä̧ ttü̧ja̧ suronä̧ jȩttä̧'i̧jü̧ mikuäwächünä̧ sacrificio jȩa̧ pä'ümä̧; Jesú-mä̧ ya'utenä̧tä̧ jȩpi̧nü̧, sacrificio-mä̧ 'kuäopünä̧tä̧ mikuäunä̧, a̧mü̧nä̧ pa̧ja̧tü̧ iyäkuäwomȩnä̧mä̧.

Hebreos 10:1

Isopäi'ünä̧ Moisé weinü̧ wȩnȩ ji̧nü̧mä̧, suro kkoro adiwä juei a̧'kua̧juä̧ yodoji i̧chä̧kuȩtä̧ ji̧na̧'a̧, ji̧nä̧so ji̧yȩtä̧ i̧chä̧kuȩmä̧kü̧. Ja̧'wa̧nü̧ ja̧'a̧ttü̧ weäwä wȩnȩnä̧mä̧, 'kuäopünä̧ año jü̧ta̧'a̧nü̧ Dio-rü sacrificio pättü jȩtta̧'a̧nä̧ jo̧mȩnü̧mä̧ adiwächokotü pinä̧tü̧.

Hebreos 8:2

Jua̧u̧ sacerdote Jesucrito-mä̧; Jua̧u̧ ja̧'a̧ santuario pättomȩ sacerdote jü̧nä̧ aditümä̧ isopäi'ünä̧ Tabenákuro; Tu̧ru̧wa̧ aditino̧mȩ Santuario pättomȩ, pi̧jä̧ ttü̧ja̧ ttäräbe'okomȩ, Tu̧ru̧wa̧ Dio-tä äräbe'ino̧mȩ.

Hebreos 8:4

Ja̧'wa̧nü̧ ja̧'a̧ttü̧, pi̧jä̧nä̧tä̧ ü̧ji̧nü̧ttü̧mä̧ sacerdote jü̧ juiyü'anü̧ ja̧'a̧, täkü sacerdote-tü̧ Moisé weäwä wȩnȩnä̧ wea'aku ofrenda iyü jȩpä̧tü̧ ttü̧ja̧kua̧'a̧ttü̧.