Hebreos 10:10 - Nuevo Testamento Uwotjüja

¹⁰ Jua̧u̧nä̧tä̧ Dio-rü pä̧wä̧rü̧ji̧nü̧nä̧ surojümä̧ jo̧mȩnü̧ jȩpü̧ ikuinä̧u̧jä̧, Jesucrito idepä jä̧ttä̧pä̧ya̧, ofrenda jü̧nä̧ ya'utenä̧tä̧ ji̧nü̧mä̧, 'kuäopünä̧tä̧ mikuäunä̧ jȩpü̧ kku̧ni̧nü̧.

TÄ̧DO Ä̧CUÄ̧ I̧HUȨNȨ

¹⁰ Jesucristo, Diosrö pä̧huä̧ rö̧jo̧mȩnä̧, chutä jä̧ttä̧pä̧ya̧ o'ca toi'önärö sacrificio päi'önä ya'utenätä iyähua'attö, Dios ujuturu aditö icuinödo.

Hebreos 10:10 Referans Kwoze

Hebreos 10:14

ja̧'wa̧nü̧ ja̧'a̧ttü̧ ofrenda pättümä̧, ji̧yȩtȩtä̧ jȩa̧'a̧nä̧, 'kuäopünä̧tä̧ jo̧mȩnü̧ mikuäwächünä̧ jȩpi̧nü̧.

Hebreos 10:12

Ja̧'wa̧nü̧ ji̧na̧'a̧nä̧, Jesucrito-mä̧, suronä̧ jȩttä̧'i̧jü̧ jȩpü̧ ikunä̧mä̧, suro ya'utenä̧tä̧ jȩpi̧nü̧, sacrificio pättümä̧ 'kuäopünä̧tä̧ mikuäunä̧; ja̧'wa̧nü̧ jȩpü̧ Dio u̧wo̧jua̧'a̧ku̧nä̧ pä̧mä̧di̧nü̧.

1 Corintios 6:11

Iweye, ä'kojimä̧ yotukunä̧mä̧ ja̧'wa̧nü̧ kka̧kui̧nä̧tü̧jä̧; ja̧'wa̧nü̧ ja̧'a̧nä̧ jitämä̧ surojü juiyünä̧ aditü ikuinä̧u̧jä̧, adiwä isotü jü̧nä̧ jȩi̧nä̧u̧jä̧ Tu̧ru̧wa̧ Jesucrito i̧mi̧nä̧'i̧nä̧ ja̧'wa̧ta̧nü̧ Dio i̧sa̧ Epíritu-nä̧'i̧nä̧ jü̧nä̧.

Hebreos 7:27

Pide sacerdote-mä̧ rekuä rü̧jo̧ko̧ku̧, sacerdote-tü̧ tturuwotü ji̧nü̧'a̧nü̧ mo̧ro̧ ji̧nü̧ a̧kuä̧, tta̧mü̧nä̧ suronä̧ jȩttä̧'i̧ja̧'a̧ mikuäwächünä̧ sacrificio pättü jȩpä̧kuä̧wi̧'ü̧'ka̧, juȩnȩ o'komȩnä̧ ttü̧ja̧ suronä̧ jȩttä̧'i̧jü̧ mikuäwächünä̧ sacrificio jȩa̧ pä'ümä̧; Jesú-mä̧ ya'utenä̧tä̧ jȩpi̧nü̧, sacrificio-mä̧ 'kuäopünä̧tä̧ mikuäunä̧, a̧mü̧nä̧ pa̧ja̧tü̧ iyäkuäwomȩnä̧mä̧.

San Juan 17:19

Ja̧'wa̧ta̧nü̧ pitü jäwänä̧, ttümä̧ cha̧mü̧nä̧ pa̧ja̧tü̧ usurä ȩmä̧u̧ iyäkuäusä ja̧'wa̧ta̧nü̧ jueü wȩnȩ pä'aku pitü'i̧nä̧ ttiyäkuäwa pä'üsä.

Hebreos 13:12

Ja̧'wa̧nü̧ ji̧nü̧ta'anü̧, Jesú-mä̧ Jerusarȩ́ ütawiyä u̧mi̧ttü̧ 'korujuo'ächinü̧, chutä ukuojanä̧, ȩmi̧nä̧u̧ suronä̧ jȩttä̧'i̧jü̧ Dio jȩpü̧ ikua pä'ümä̧.

1 Corintios 1:30

Ja̧'wa̧nü̧ ja̧'a̧nä̧, Chutä Dio-tä ja̧'a̧ ukuturu Jesucrito-ku ji̧nä̧ ji̧yȩtȩ päi'ünä̧ jȩpi̧nü̧mä̧ ja̧'wa̧nü̧ jȩpü̧ Crito-nä̧mä̧ wo̧juä̧wä̧ kkü̧nä̧, adiwomȩnä̧ jȩä̧kuä̧wä̧ kkü̧nä̧, 'kȩ'ȩpü̧ ȩmä̧wo̧tü̧ jü̧nä̧'i̧nä̧ ja̧'wa̧ta̧nü̧ mitäu ȩmi̧nä̧u̧ jü̧nä̧'i̧nä̧, jȩi̧nä̧u̧jä̧.

Hebreos 9:28

Ja̧'wa̧ta̧nü̧ Crito'i̧nä̧ ya'utenä̧tä̧ usurä ȩmä̧u̧ iyäwinü̧, rekuätü suronä̧ jȩttü̧ jȩpü̧ ikua pä'ümä̧. Juȩnȩ o'komȩnä̧mä̧ i̧chä̧kua̧, täkü surojü jȩpü̧ ikumä̧kü̧, Churutä tta̧'a̧rä̧tü̧rü̧ rä'epü iku ichütä.

Hebreos 9:12

Ja̧'wa̧ta̧nü̧ cabrío pä̧ttä̧u̧, pä̧kä̧yü̧ ppo̧'ä̧tü̧ ttukuoja'i̧nä̧ ttȩpa̧jü̧ jueimä̧ Chutä a̧mü̧nä̧ pa̧ja̧tü̧ ukuoja ȩpi̧nü̧, I̧so̧ka̧ Rü̧ȩnä̧ Ro̧ka̧nä̧, ya'utenä̧tä̧ do'ächinü̧ 'kuäopünä̧tä̧ mikuäwa pä'ü, surojü mikuäwächünä̧ mitäu kä'ädäji̧'ka̧mä̧.

1 Pedro 2:24

Crito-mä̧ chutätä surojü jȩtä̧'i̧jü̧mä̧ ja̧ttä̧pä̧ya̧ ü̧jo̧kä̧ jäinä̧ ȩpi̧nü̧, ujutu surojünä̧ 'korujuo'ächi'ü'kotü a̧'kua̧rä̧kuä̧wä̧ra̧'a̧ ttü̧ja̧kua̧ pä'ümä̧. Crito-mä̧ ta'ü ttikuinä̧ku̧ ukutu ku̧'ȩji̧'ä̧tu̧kua̧ pä'ümä̧.

Hebreos 10:20

Jesú 'korujuoächomȩnä̧, Dio-rü ukuokuäwodenä̧ 'kuätto'ü juiyünä̧ tto̧ȩpä̧rä̧ta̧ ba'epinü̧, idepänä̧tä̧.

Hebreos 9:26

Ja̧'wa̧nü̧ jü̧ juiyüttümä̧, Crito-mä̧ kko̧ro̧nü̧ jü̧ta̧'a̧nü̧, pi̧jä̧ uwäbe'inomȩttü̧ kkä̧mä̧dü̧ 'koru juoächä'cha pä'ü ji̧na̧'a̧. Ja̧'wa̧nü̧ ja̧'a̧nä̧, jitä rüjí mo̧ro̧ päi'omȩnä̧, ya'utenä̧tä̧ usurä ȩmä̧u̧ iyäu ikuinü̧, suronä̧ jȩttä̧'i̧jü̧ jȩpü̧ ikua pä'ümä̧.

Hebreos 2:14

Ja̧'wa̧ta̧nü̧ ji̧nä̧ ya̧tȩ i̧tti̧mü̧, ttidepättü'i̧nä̧, ttukuojattü'i̧nä̧ ji̧nä̧ ji̧yȩtȩnä̧ ttä'ijüta'anü̧, Jesú'i̧nä̧ ttü̧ja̧ ttidepänä̧'i̧nä̧, ukuojanä̧'i̧nä̧ winü̧; wa'ü ikuomȩnä̧ ji̧yȩnä̧tä̧ wa'are ujuru kkȩdü̧ ikua pä'ümä̧, jua̧u̧mä̧ äwettärü ji̧na̧'a̧.

1 Juan 5:6

Pidetä, Jesucrito-tä ja̧'a̧ ajiyanä̧'i̧nä̧, ukuojanä̧'i̧nä̧ ichinümä̧, bautizo jȩtti̧nä̧ku̧ ajiyanä̧'i̧nä̧, 'korujuoächomȩnä̧ ukuoja werächinä̧ku̧. Dio-ttü ichü Epíritu-tä ja̧'a̧ pi̧yȩ toinü̧ ji'äumä̧, jua̧u̧ jiäumä̧ o'kajuiyünä̧ jueü wȩnȩtä̧ ja̧'a̧.

San Juan 19:34

Ja̧'wa̧nü̧ ja̧'a̧nä̧, su̧ro̧do̧u̧ttü̧ ya̧tȩ, i'esubänä̧ dakuodänä̧ tawomȩnä̧, ukuojamä̧ ajiyakutä werächi'ina̧'a̧.

Hebreos 2:11

Isopäi'ünä̧ o'katoi'ünä̧ surojüttü jȩpü̧ iku'i̧nä̧ ja̧'wa̧ta̧nü̧ surojüttü jȩpü̧ ikuinä̧u̧'i̧nä̧, o'katoi'ünä̧ ji̧nä̧ ya̧tȩtä̧ isotü wotüjä̧; ja̧'wa̧nü̧ ja̧'a̧ttü̧ chü̧jä̧wa̧tü̧ pä'ü o̧ä̧u̧jä̧, dä'ä juiyünä̧tä̧.

Hebreos 10:5

Ja̧'wa̧nü̧ ja̧'a̧ttü̧ Crito-mä̧, pi̧jä̧ra̧'a̧ ichinü̧, Dio-rü päinü̧mä̧ pä'a: Sacrificio jü̧nä̧, ofrenda jü̧nä̧, jȩttü̧mä̧ kkü'kü jui'ü, ttü chidepä kkü̧nä̧ iyinü̧jä̧.

San Juan 6:51

Jua̧u̧ kuäkuäwä a̧'kua̧rü̧mä̧, mo̧ro̧jä̧ra̧'a̧ttü̧ mȩyȩwi̧nü̧mä̧ Ttütäsä; jua̧u̧ kuäkuäwättü kumä̧, 'kuäopünä̧tä̧ ü̧jä̧kua̧. Jua̧u̧ kuäkuäwä chi̧yä̧kuȩmä̧, ttütä chidepä jä̧kua̧'a̧. Jua̧u̧mä̧ pi̧jä̧ ttü̧ja̧ tta̧'kua̧rü̧ kka̧ pä'ü chi̧yä̧kua̧sä̧.

Efesios 5:2

Eseäkuäutä kka̧kuä̧tu̧kui̧, Crito ujuturu esewinü̧ta'anü̧; ja̧'wa̧nü̧ repe'ümä̧, ujutu jäwänä̧ ofrenda jü̧nä̧, sacrificio jü̧nä̧, Dio-rü adiu a̧mȩu̧nä̧ iyäkuäwinü.

Efesios 5:26

Surojü juiyünä̧tä̧ 'kȩ'ȩpü̧ kku̧ni̧nü̧ igresia-rü, ajiyanä̧ aje i'ü tükü iku, chutä i̧wȩnȩ päomȩnä̧.

Hebreos 5:7

Crito pi̧jä̧nä̧ ü̧ji̧nü̧mä̧, Dio-rü rü̧ȩnä̧ ujuruku ukuoku ajuäkuäwinü̧ i̧'chȩrȩjaku, wa'arettü rä'epü ikuäwä ujuru kku̧nä̧rü̧rü̧, jua̧u̧ttü̧ rä'epü ikuarü pä'ü; ja̧'wa̧nü̧ ja̧'a̧mä̧ ä̧ju̧kui̧nä̧ku̧ ye'ekunü̧ ukuotomȩttü̧.

Hebreos 9:14

Ja̧'wa̧nü̧ ji̧na̧'a̧nä̧, juȩnȩ abonä̧nü̧ ujuru kka̧'a̧ Jesucrito ukuojamä̧. Jua'amä̧ Epíritu 'kuäopünä̧ kkü̧ jäwänä̧, chutä a̧mü̧nä̧ pa̧ja̧tü̧, surojü jui̧'a̧tä̧ iyäwina̧'a̧ttü̧ Dio ä'ka jo̧mȩ; ja̧'wa̧nü̧ jȩpü̧ wa'are jäwä tamükuädinü̧mä̧ tükü ikuinü̧, Dio a̧'kua̧rü̧rü̧ ukuotü tü̧ji̧ya̧rü̧ pä'ümä̧.

Hebreos 10:29

Juȩnȩ abonä̧nü̧ ¿tta̧'a̧nü̧ rü̧ȩnä̧ ro̧ȩkuä̧kua̧'a̧ päkuätukua'ajä̧ttü̧ Dio I̧tti̧ ukuoja kkü'kü jui'ü 'kuȩ'ku̧ru̧mä̧ ja̧'wa̧ta̧nü̧ Dio i̧sa̧ Epíritu repeäkuru suronä̧ pä'ürümä̧?

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.