Hebreos 1:9 - Nuevo Testamento Uwotjüja

⁹ «Adiwomȩnä̧ jȩä̧kuä̧wä̧tä̧ esewinü̧jä̧, surojümä̧ kkü'kokü pinü̧jä̧; ja̧'wa̧nü̧ jo̧mȩnä̧ Dio-mä̧, pojopü ȩmi̧nä̧ku̧jä̧, kuä'o Dio jü̧nä̧, eseäkuäwä iyinä̧ku̧jä̧, kuawaruwättü'i̧nä̧ abonä̧nü̧.»

TÄ̧DO Ä̧CUÄ̧ I̧HUȨNȨ

⁹ Adihuä juäi kö'quinöjä. Suronä jȩä̧cuä̧huä̧ kö'cocö pi̧nö̧jä̧. Ja̧'hua̧nö̧ ja̧'a̧ttö̧ Dios, Cuä̧do̧ ä̧cua̧ Dios, cuahuaruhuättö'inä abonänö eseäcuähuä iyinäcujä.

Hebreos 1:9 Referans Kwoze

Gálatas 5:22

Ja̧'wa̧nü̧ ja̧'a̧nä̧ Epíritumä̧ iyü, eseu repeäkuäwä, eseäkuäwä, wȩnȩ juiyü kkä̧kuä̧wä̧, jurunä̧ woäkuäwokü, adiwä i̧sa̧, ppädäkuäwä i̧sa̧, jueünä̧tä̧ ukuoku,

Romanos 15:13

Ja̧'wa̧nü̧ ja̧'a̧ttü̧ Dio tta̧wä̧rä̧kuä̧wä̧ iyütä, jo̧mȩnü̧ kuesewätukunä̧, wȩnȩ juiyünä̧ kua̧'kua̧ wȩnä̧rä̧tü̧rü̧mä̧ iyätukuäku pä'üsä, Epíritu Sa̧tu̧ ujurunä̧tä̧.

San Lucas 4:18

Dio i̧sa̧ Epíritu ttünä̧tä̧ kkü̧, Jua'amä̧ ȩmi̧nä̧ku̧ cha'attü, usurä isotürü adiwäjuei jareü wȩnȩ ȩpü̧ chiya pä'ü; weinä̧ku̧sä̧ tta̧mi̧ iso'kinä̧ usurä ȩmä̧wä̧tü̧rü̧ aditü chikua pä'ü. Kärenä̧ pȩjä̧tü̧rü̧ rä'epü chikua pä'ü. Ja̧'wa̧ta̧nü̧ ä̧to̧kä̧tü̧rü̧ tottünä̧ jȩcha̧ pä'ü; suronä̧ jȩttä̧u̧ usurä ȩmä̧wä̧tü̧rü̧ rä'epü chikua pä'ü;

1 Juan 1:3

Jua̧u̧ totinü̧tä̧, tä̧ju̧kui̧nü̧tä̧tä̧, ji'äwätüjä̧, ukutu'i̧nä̧ ujutuku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü. Jua̧u̧ ji̧nä̧ ji̧yȩtȩnä̧ ku̧jä̧kua̧tu̧kua̧ pädümä̧, Jä'okutä, I̧tti̧ Jesucrito-kutä ja̧'a̧.

1 Pedro 1:3

Tu̧ru̧wa̧ Jesucrito jä'o Dio-rü tesewätukua, rü̧ä̧nä̧ rȩrü̧jü̧ toa'a'ttü̧ Jesucrito ttoächinünä̧ jareünä̧ tuwäpächünä̧ jȩi̧nä̧u̧jä̧, pi̧yȩ ja̧'a̧ tta̧wa̧rä̧kuä̧wä̧ iyümä̧,

Hebreos 7:26

Ja̧'wa̧nü̧ ja̧'a̧ttü̧, ja̧'wa̧nü̧ wa̧ sacerdote-rü rekuä rü̧ji̧nä̧u̧jä̧: surojü'i̧nä̧ jui̧'a̧rü̧, idiku'i̧nä̧ jui̧'a̧rü̧, suronä̧ jȩpä̧tü̧ttü̧'i̧nä̧ otó wa̧rü̧ ja̧'wa̧ta̧nü̧, mo̧ro̧jä̧'i̧nä̧ u̧wä̧mȩnä̧ jü̧nä̧ jȩi̧nä̧ku̧ru̧.

Filipenses 2:9

Ja̧'wa̧nü̧ iyäwina̧'a̧ttü̧ Dio-mä̧ o'kajuiyünä̧ u̧wä̧mȩnä̧ kku̧nu̧, o'kajuiyünä̧tä̧ i̧mi̧pi̧yä̧ kkü̧mä̧ u̧wä̧mȩnä̧ jȩi̧nä̧ku̧.

Efesios 1:3

Tu̧ru̧wa̧ Jesucrito, Jä'o Dio-rü tesewätukua, Jua̧u̧ Crito-nä̧mä̧ epíritu jäwä mo̧ro̧jä̧ra̧'a̧ttü̧ i'chächü iyinä̧u̧ ta'attü̧.

1 Corintios 1:9

Dio-mä̧ iya päinü̧mä̧ iyü, Jua̧u̧tä̧ ja̧'a̧ chutä I̧tti̧, Tu̧ru̧wa̧ Jesucrito-ku ji̧nä̧ ji̧yȩtȩnä̧ ku̧ja̧kuä̧tu̧kua̧ pä'ü wopinü̧mä̧.

San Juan 20:17

Jesú-mä̧ päinä̧kua̧: —¡Mȩkuä̧ttü̧!, ji̧nä̧ Chä'o ü̧ja̧'a̧mä̧ 'chä̧wi̧'o̧kü̧sä̧; ja̧'wa̧nü̧ ja̧'a̧nä̧ chawaruwä chi̧jä̧wa̧tü̧rü̧ pa̧'a̧nü̧ jikuäwajä̧: Ttümä̧ Chä'o Dio, ukutu'i̧nä̧ Kuä'otuku Dio ü̧ja̧'a̧ 'chä̧nü̧ kä'ekuächüsä.

San Juan 1:41

André-mä̧, ä̧kuo̧mȩnä̧mä̧ ubüo Simón-rü̧ 'chä̧wi̧'ü̧ pä'inü̧: —Mesía-rü po̧kui̧pä̧jä̧tü̧jä̧ (Jua̧u̧mä̧ Crito pä'ü päwä).

Apocalipsis 2:15

Ja̧'wa̧ta̧nü̧ kku̧nä̧rü̧jä̧, yotukunä̧rü̧ nicoraítas jȩttü̧ jäwänä̧ jȩpä̧tü̧rü̧.

2 Corintios 11:31

Tu̧ru̧wa̧ Jesucrito jä'o Dio-mä̧, mo̧ro̧ 'kuäopünä̧ eseäkuäwa̧mä̧, wo̧jua̧ ttü chuyaparewoka'amä̧.

Romanos 12:9

Ä'koyättütä repekuäwätukuoka'a, adiu repe'äkuäwätukui. Surojümä̧ kkü'kü juiyünä̧ amükuädü, adiwä jueikutä tätukui.

Hechos 10:38

Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.

Hechos 4:27

«Isopäi'ünä̧ ukú kui̧tti̧ surojü jui̧'a̧rü̧ suronä̧ jȩtta̧ pä'ü ka̧ka̧kui̧nä̧tü̧, Herodes'i̧nä̧, Poncio Pilato'i̧nä̧, Irae ttü̧ja̧ wokotü'i̧nä̧, Irae ttü̧ja̧'i̧nä̧, jü̧nä̧.

San Juan 3:34

Ja̧'wa̧nü̧ ja̧'a̧ttü̧, Dio I̧tti̧ ukuokuomȩnä̧mä̧, Dio-tä ja̧'a̧ ukuokumä̧; jua'amä̧ Dio-mä̧ Epíritu-ru jo̧mȩnü̧ iyäku ja̧'a̧ttü̧.

Hebreos 2:11

Isopäi'ünä̧ o'katoi'ünä̧ surojüttü jȩpü̧ iku'i̧nä̧ ja̧'wa̧ta̧nü̧ surojüttü jȩpü̧ ikuinä̧u̧'i̧nä̧, o'katoi'ünä̧ ji̧nä̧ ya̧tȩtä̧ isotü wotüjä̧; ja̧'wa̧nü̧ ja̧'a̧ttü̧ chü̧jä̧wa̧tü̧ pä'ü o̧ä̧u̧jä̧, dä'ä juiyünä̧tä̧.

San Juan 10:17

Ja̧'wa̧nü̧ ja̧'a̧ttü̧ Chä'omä̧ repeäkusä, cha̧'kua̧rü̧ chiyäwa'attü, pä'äji jä̧ji̧ta̧'a̧nü̧ chȩma̧ pä'ü.

Hechos 4:26

Pi̧jä̧ttü̧ ruwotümä̧ ja̧'wa̧ta̧nü̧ ttippeyänä̧ we'ätü'i̧nä̧ Ttu̧ru̧wa̧rü̧, Crito-rü ka̧ka̧ku̧ suronä̧ jȩtta̧ pä'ü amükuädinä̧tü̧.

Hebreos 2:9

Ja̧'wa̧nü̧ ji̧na̧'a̧nä̧ topätüjä̧ chu Jesú-ru, ya'utenä̧mä̧ á̧gȩrȩ-tü̧ttü̧'i̧nä̧ tti̧dȩa̧'a̧nä̧ jurunä̧tä̧ jȩi̧nä̧ku̧ru̧ ja̧'a̧nä̧, jitämä̧ uruwo iyü kkä̧nü̧ ukuo'i̧nä̧ iyinä̧ku̧ wa'ü ikuino̧mȩttü̧, Dio re ü̧jü̧nä̧ o'katoi'ünä̧rü̧ ppäda pä'ü.