Hebreos 1:2 - Nuevo Testamento Uwotjüja

² Jitä rüjí mo̧ro̧mä̧, Dio-mä̧ I̧tti̧nä̧tä̧ ukuokuinä̧u̧jä̧. Jua'amä̧ o'kajuiyünä̧tä̧ jua̧u̧ I̧tti̧nä̧tä̧ aditina̧'a̧ttü̧; o'kajuiyünä̧ u̧ru̧wa̧ päi'ünä̧ jȩpü̧ kku̧nu̧, Jua̧u̧ru̧mä̧.

TÄ̧DO Ä̧CUÄ̧ I̧HUȨNȨ

² Ja̧u̧nu̧ o'ca'a, jitämä I̧tti̧rö̧tä̧ ucuocuinödo ujuturu. Ja̧'hua̧ta̧nö̧ chutä I̧tti̧, Jä'o ujurunä aditinödo pi̧jä̧ o'ca juiyönä. Ja̧'hua̧ta̧nö̧ Dios o'ca juiyönä ku̧ni̧pi̧nö̧do ja̧u̧ru̧, I̧tti̧rö̧.

Hebreos 1:2 Referans Kwoze

1 Corintios 8:6

ja̧'wa̧nü̧ ja̧'a̧nä̧, ujuturumä̧ ya̧tȩtä̧ ja̧'a̧ tü̧ä̧nä̧wa̧ Dio-mä̧, Tä'omä̧, o'kajuiyünä̧ jua̧u̧ aditäwätä ja̧'a̧ ja̧'wa̧ta̧nü̧ ujutu'i̧nä̧ jua̧u̧ru̧ pä̧wä̧rü̧jo̧mȩnä̧tä̧ kka̧kuä̧tü̧jä̧. Ja̧'wa̧ta̧nü̧ Tu̧ru̧wa̧mä̧, ya̧tȩtä̧ ja̧'a̧ Jesucrito-tä, jua̧u̧nä̧tä̧tä̧ o'kajuiyünä̧ uwäbe'inü̧, ja̧'wa̧ta̧nü̧ ujututä'i̧nä̧.

San Juan 1:3

Jua̧u̧nä̧tä̧tä̧, kka̧ku̧mä̧ o'kajuiyünä̧ aditinü̧, Jua̧u̧ toünä̧mä̧ aditokü ji̧nü̧.

San Juan 1:14

Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

1 Pedro 1:20

Crito-mä̧ pi̧jä̧ uwäbe'äkua'a ä'kanä̧ ja̧'wa̧nü̧tä̧ jȩa̧ päinä̧ku̧, ja̧'wa̧nü̧ ja̧'a̧nä̧ pi̧yȩ rüjí mo̧ro̧mä̧ ukuturu ppädünä̧tä̧ i̧jȩkuä̧cha̧'a̧.

San Mateo 28:18

Ja̧'wa̧nü̧ ja̧'a̧ Jesú-mä̧ juätürü tü'künä̧nü̧ 'chä̧wi̧'ü̧ pä'inü̧: —Dio-mä̧ mo̧ro̧jä̧nä̧'i̧nä̧, pi̧jä̧nä̧'i̧nä̧ o'kajuiyünä̧ churuwo weda pä'ü iyinä̧ku̧sä̧.

San Juan 13:3

Jesú-mä̧ u̧mü̧nä̧, Jä'o Dio o'kajuiyünä̧ iyina̧'a̧'i̧nä̧ ja̧'wa̧ta̧nü̧ Dio-ttü ichina̧'a̧'i̧nä̧ wo̧juä̧u̧ kkä̧nü̧ pä'äjita'anü̧ jua'atä ppa̧wä̧cha̧'a̧'i̧nä̧ wo̧juä̧u̧,

San Mateo 17:5

Peduru-mä̧ ji̧nä̧ ukuoku ü̧ja̧'a̧nä̧, ajiya isoppa kkȩdȩpoppa juätü ttu̧wä̧mȩ jo̧mȩ mȩyȩwi̧a̧'a̧ttü̧, juoppattü ya̧tȩ i̧wȩnȩ rȩmi̧pi̧na̧'a̧: «Pidemä̧ ttü chi̧tti̧ rü̧ȩnä̧ eseu repedäku: Jua̧u̧ru̧mä̧ ä̧ju̧kuä̧tu̧kui̧», jü̧nä̧.

Hebreos 11:3

Ta̧'kua̧ wȩnä̧rä̧tü̧jä̧, Dio-mä̧ pi̧jä̧mä̧ i̧wȩnȩnä̧tä̧ aditinü̧ pä'ü ja̧'wa̧nü̧ ja̧'a̧ttü̧ jitä totümä̧, toäkuäwokü ji̧nü̧ttü̧ adikui'inü̧do pä'ü.

Romanos 8:17

Ja̧'wa̧nü̧ i̧tti̧mü̧ ta'amä̧, iya päinü̧mä̧ tiäremä̧ tȩmä̧kuo̧tü̧jä̧ ja̧'wa̧ta̧nü̧ Crito üäremä̧ ujutu'i̧nä̧ tüäre ja̧'a̧, chutäku usurä tȩmä̧u̧ttü̧mä̧, chutäku uruwonä̧ iyäwi'äkuä̧u̧jä̧.

San Juan 3:16

Isopäi'ünä̧ Dio-mä̧ pi̧jä̧ ttü̧ja̧rü̧ rü̧ȩnä̧ repea'attü̧; Ttü i̧tti̧ chu̧'ä̧kua̧rü̧ iyinä̧u̧jä̧. O'katoi'ünä̧ Ttürü esetätümä̧ 'korujuottächü juiyäkua'anü̧; pärokuä kkä̧kuä̧wä̧ i'kotä ttu̧ju̧nä̧rä̧kua̧'a̧nü̧.

San Mateo 26:63

Ja̧'wa̧nü̧ pä'anä̧ Jesú-mä̧ ädätokoku, sacerdote ttu̧ru̧wa̧mä̧ jua̧u̧ru̧ pä'inü̧: —Dio kkü̧ i̧mi̧nä̧ wedäkujä̧, isopäi'ünä̧ Dio i̧tti̧ Jesucrito kuttümä̧ jikuäwatü pä'üsä.

San Mateo 21:38

Ja̧'wa̧nü̧ pä'ü weäjäku i̧tti̧rü̧ topo'ü, adikuä isotümä̧ pä'inä̧tü̧: Pide ja̧'a̧, jä'o i'ätta u̧ru̧wa̧ jä̧kua̧mä̧, kuä'ü tikuarü; ujututä pätta uruwotü päti'äkua'anü̧;

Hebreos 5:8

Ja̧'wa̧ta̧nü̧ Crito-mä̧, Chutä Dio I̧tti̧ ja̧'a̧nä̧, usurä ȩmä̧u̧ ukuotäkuäwä wo̧jui̧pi̧nü̧;

Efesios 1:10

Mo̧ro̧ jo̧mȩnü̧ päi'omȩnä̧, Dio-mä̧ Jua̧u̧nä̧tä̧ o'kajuiyünä̧ ka̧ka̧tü̧ u̧ju̧nä̧kua̧. O'kajuiyünä̧ mo̧ro̧jä̧nä̧ kka̧ku̧'i̧nä̧, pi̧jä̧nä̧ kka̧ku̧'i̧nä̧, Crito-mä̧ u̧ru̧wa̧tä̧ päi'ünä̧.

Hebreos 7:3

Jua̧u̧ awaruwä ttütü'kümä̧ yoriso jeruwäkuäwa'a, jä'orü'i̧nä̧, ja̧ju̧ru̧'i̧nä̧, ü̧tä̧mü̧mi̧nä̧rü'i̧nä̧ jü̧nä̧; ja̧'wa̧ta̧nü̧ uwäpächinomȩ'i̧nä̧, 'korujuoächinü̧'i̧nä̧ jeruwäkuäwa'a ja̧'wa̧nü̧ ja̧'a̧ttü̧mä̧ Dio I̧tti̧ 'kua̧rü̧nä̧tä̧ wa̧, 'kuäopünä̧ sacerdote jü̧nä̧tä̧ wa̧ ja̧'a̧.

Hebreos 2:3

Rü̧ȩnä̧ jü̧ ra̧wä̧pi̧jü̧ttü̧ kki̧'i̧kuä̧'i̧nä̧ ja̧'a̧tä̧ tota'amä̧ ¿toku tü̧ja̧kui̧'ä̧kua̧'a̧jä̧ttü̧? Jua̧u̧mä̧ Chutä Tu̧ru̧wa̧ jiäwinü̧ o'ka'a, Jua̧u̧ru̧ ä̧ju̧kui̧nä̧tü̧'i̧nä̧ ji'äwinä̧tü̧.

Hebreos 1:5

Isopäi'ünä̧, Dio jua̧u̧ru̧ päinü̧'a̧nü̧ á̧gȩrȩ-ttü̧ päinä̧ku̧mä̧ ¿Ditä jä̧ttü̧?, Jua̧u̧ru̧mä̧ pä'inü̧: «Ukumä̧ ttü chi̧tti̧jä̧; jitä mo̧ro̧ chuwäbe'äkujä̧.» Ja̧'wa̧nü̧ pä'ü kkä̧nü̧ päinä̧ku̧: «Ttümä̧, jua̧u̧mä̧ Jä'o chä̧kua̧sä̧, ja̧'wa̧ta̧nü̧ jua̧u̧mä̧ ttü chi̧tti̧ jä̧kua̧», jü̧nä̧.

Efesios 3:9

Ja̧'wa̧ta̧nü̧ weinä̧ku̧sä̧ o'katoi'ünä̧ ttu̧wo̧juä̧chi̧'ü̧nä̧ jidäwa pä'ü, Dio amükuädü u̧ju̧ni̧nü̧, mo̧ täbokütä päi'ünä̧ yä̧wä̧i̧nä̧ chunä̧tä̧ kka̧kui̧nü̧, pi̧jä̧ ruwäkuiyä adikuä i̧sa̧nä̧.

Gálatas 4:4

Ja̧'wa̧nü̧ ja̧'a̧nä̧, ji̧yȩnü̧ mo̧ro̧ rȩbȩwo̧mȩnä̧mä̧, Dio i̧tti̧rü̧ we'inü̧, isaju yajutenä̧ uwäpächünä̧, Moisé weäwä wȩnȩ päü'a̧kuä̧,

Hechos 10:36

Dio-mä̧ Irae i̧tti̧mü̧ o'kotürümä̧ ukuokuinü̧, wȩnȩ juiyünä̧ kkä̧kuä̧wä̧mä̧, o'katoi'ünä̧ Tu̧ru̧wa̧ Jesucrito ya̧tȩnä̧tä̧.

San Juan 15:15

Täkü, chumüwäyotü pä'ümä̧ pä̧do̧ko̧u̧jä̧, ttu̧mü̧wä̧ya̧mä̧ u̧ru̧wa̧ jȩü̧ jȩru̧pa̧ ja̧'a̧ttü̧; jitämä̧ chawaruwäjä̧, jua'amä̧ Chä'ottü chä̧ju̧kui̧nü̧mä̧, o'kajuiyünä̧tä̧ chu̧wo̧juȩti̧nä̧u̧ kuätukua'attü.

Judas 1:18

juätümä̧ ji'äwinä̧tü̧: «Rüjí mo̧ro̧mä̧ jitürütä pä̧wä̧rü̧jo̧mȩnä̧ ya̧'a̧wä̧'chä̧tü̧'i̧nä̧, ttidepä wea'aku kka̧kuä̧tü̧'i̧nä̧ ttü̧ja̧kuä̧kuo̧tü̧,» jü̧nä̧.

Romanos 1:4

Jua̧u̧mä̧ Dio ujurunä̧, Epíritu Surojü jui̧'a̧ a̧'kua̧ iweyenä̧, Dio I̧tti̧ jü̧nä̧ i̧jȩpi̧nä̧ku̧ wa'arettü ttoächomȩnä̧.

Hechos 2:17

Dio-mä̧ pä'inü̧, rüjí mo̧ro̧ päi'omȩnä̧mä̧, pi̧jä̧ ttü̧ja̧ o'katoi'ünä̧rü̧ chi̧yä̧kua̧sä̧ ttü i̧sa̧ Epíritu Sa̧tu̧rü̧ jo̧mȩnü̧; ja̧'wa̧nü̧ jo̧mȩnä̧ kui̧tti̧mü̧tu̧ku̧ u̧mä̧tü̧'i̧nä̧, nä̧tü̧'i̧nä̧ chi̧wȩnȩ jittäwäkuotü; ja̧'wa̧ta̧nü̧ mü̧ä̧yotü'i̧nä̧ Dio i̧jȩpü̧ tottäkuotü ja̧'wa̧ta̧nü̧ büäkuätümä̧ ttu̧'kuo̧ti̧nä̧ tottäkuotü;

San Juan 17:2

Isopäi'ünä̧ uku kui̧tti̧rü̧mä̧, pi̧jä̧ ttü̧ja̧ ttu̧wä̧mȩnä̧ jü̧nä̧ ujuru iyinü̧jä̧, o'katoi'ünä̧ uku kuiyinä̧u̧ru̧ kkä̧kuä̧wä̧ i'ko chiya pä'ü.

San Juan 16:15

Chä'o u̧ju̧nä̧rü̧mä̧ o'kajuiyünä̧, ttü'i̧nä̧ chiäre; ja̧'wa̧nü̧ ja̧'a̧ttü̧, pä'äjisä, Epíritumä̧ ttü chiärettü ȩmä̧kua̧, ukuturu i̧jȩpa̧ pä'ümä̧, pädäjimä̧.

San Marcos 12:6

Täkü rüjinä̧mä̧, suro i̧tti̧ ya̧tȩtä̧ kki̧'i̧nü̧, rü̧ȩnä̧ repeäku: Jua̧u̧ru̧tä̧ we'inü̧, chi̧tti̧ ji̧yä̧u̧ ttukuotäkuotü 'kua̧ra̧'a̧ pä'ü, amükuädü.

San Marcos 1:1

Tü̧ä̧nä̧wa̧ Dio I̧tti̧, i̧chä̧kua̧ pä'ü ukuowinü̧, Jesú ütü'kü jäwä, jareü wȩnȩmä̧, pa̧'a̧nü̧ kkä̧mä̧di̧na̧'a̧.

2 Pedro 3:3

Ä̧kuo̧mȩnä̧mä̧ pi̧yȩ wo̧juä̧tü̧kui̧: rüjí mo̧ro̧mä̧ tta̧mü̧nä̧ jäwä surojü kkü'kekunä̧ o̧ipä̧u̧ ttichäkuotü, ja̧'wa̧ta̧nü̧ juätümä̧ ya̧'a̧wä̧'chü̧

Hebreos 1:8

Ja̧'wa̧nü̧ ja̧'a̧nä̧ I̧tti̧ ütü'kümä̧ pä'inü̧: «Uku kuruwomä̧ beipokü jä̧kuȩ, ja̧'wa̧ta̧nü̧ kujurumä̧ adiwomȩnä̧tä̧ wȩkuä̧kua̧jä̧.»

Hebreos 9:26

Ja̧'wa̧nü̧ jü̧ juiyüttümä̧, Crito-mä̧ kko̧ro̧nü̧ jü̧ta̧'a̧nü̧, pi̧jä̧ uwäbe'inomȩttü̧ kkä̧mä̧dü̧ 'koru juoächä'cha pä'ü ji̧na̧'a̧. Ja̧'wa̧nü̧ ja̧'a̧nä̧, jitä rüjí mo̧ro̧ päi'omȩnä̧, ya'utenä̧tä̧ usurä ȩmä̧u̧ iyäu ikuinü̧, suronä̧ jȩttä̧'i̧jü̧ jȩpü̧ ikua pä'ümä̧.

San Juan 3:25

Ja̧'wa̧nü̧ ja̧'a̧, Ju̧a̧ u̧wo̧juȩtä̧u̧mä̧ judío i̧sa̧ku̧ pä'ä'chäkuäwinä̧tü̧ surojü tükäu ikuäwä tü'kü.

San Mateo 3:17

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ i̧wȩnȩ ji̧yȩtȩ rä̧mi̧pi̧na̧'a̧: «Pidemä̧ chi̧tti̧ rü̧ȩnä̧ rȩni̧'a̧, jua̧u̧ru̧ juiyo eseusä.»

San Mateo 13:39

A̧bo̧i̧ya̧ surojü adiyä kku̧ni̧nü̧ päjimä̧, äwettä ja̧'a̧. U̧wä̧ju̧ 'kiyächomȩnä̧ ttü̧ka̧ka̧ti̧na̧'a̧ jä̧ji̧mä̧, rüjí mo̧ro̧ ü'ojo'äkuomȩ jä̧kua̧'a̧ ja̧'wa̧ta̧nü̧ u̧wä̧ju̧ ka̧ka̧ti̧nä̧tü̧ päjätümä̧ á̧gȩrȩ ja̧'a̧.

San Marcos 12:7

Ja̧'wa̧nü̧ ja̧'a̧nä̧, pätta adikuä isotümä̧ pä'inä̧tü̧: Pidetä jä̧kua̧'a̧ ü'ätta u̧ru̧wa̧ päi'ä̧kua̧mä̧, kuä'ü tikuarü, ujututä pätta uruwotü päti'äkua'anü̧.

San Juan 1:10

Jua̧u̧ I̧wȩnȩ ji̧nü̧mä̧ pi̧jä̧nä̧ kki̧na̧'a̧; ja̧'wa̧ta̧nü̧ pi̧jä̧'i̧nä̧ jua̧u̧nä̧tä̧ aditinä̧jä̧ ja̧'a̧nä̧, pi̧jä̧ ttü̧ja̧mä̧, ttu̧wo̧juo̧ko̧ku̧ pinü̧.

San Juan 5:26

Isopäi'ünä̧ Jä'o chutä a̧mü̧nä̧ pa̧ja̧tü̧ a̧'kua̧rü̧ u̧ju̧nä̧rü̧ta̧'a̧nü̧, I̧tti̧rü̧'i̧nä̧ iyinü̧ chutä a̧mü̧nä̧ pa̧ja̧tü̧ a̧'kua̧rü̧ u̧ju̧nä̧ra̧ pä'ü.

San Juan 5:27

Ja̧'wa̧nü̧ ja̧'a̧ttü̧, adiu jȩtta̧ja̧ pä'ü'i̧nä̧, suronä̧ jȩtta̧ja̧ pä'ü'i̧nä̧, päa pä'ü uruwo iyinä̧ku̧.

San Juan 9:29

Ujutumä̧, Dio-mä̧ Moisé-rü ukuokuinü̧ pä'ü wo̧juä̧tü̧jä̧ ja̧'wa̧nü̧ ja̧'a̧nä̧, chujuamä̧, ichinomȩ'i̧nä̧ tieruwäku.

1 Corintios 2:7

Ja̧'wa̧nü̧ ja̧'a̧ttü̧ ukuokuätüjä̧, Dio jäwä wo̧juä̧wä̧ wȩnȩ wo̧jui̧'ä̧kuä̧wo̧kü̧. Mo̧ täbokütä päi'ünä̧ ttieruwomȩnä̧ amükuädü u̧ju̧ni̧nü̧ chutä uruwo ujuturu iya pä'ü.

Hebreos 3:6

Ja̧'wa̧nü̧ ja̧'a̧nä̧ Crito-mä̧, Dio I̧tti̧ ja̧'a̧, Chutä ojusode tta̧wä̧rä̧kuä̧wä̧ i̧sa̧, juodemä̧ ujututä ja̧'a̧. Ja̧'wa̧ta̧nü̧ ujutumä̧ juätütä isotüjä̧ isopäi'ünä̧ eseunu̧ ta̧mi̧ 'ki'ächi'ü ti̧'chü̧ttü̧mä̧, surojüttü kki̧'ä̧kuä̧wä̧ tȩmä̧kuo̧tü̧jä̧.

Hebreos 4:14

Ja̧'wa̧nü̧ ja̧'a̧ttü̧ Jesú-mä̧, ukuo i̧sa̧ sacerdote-tü̧ ttu̧ru̧wa̧ ja̧'a̧, mo̧ro̧jä̧ra̧'a̧ do'ächinü̧. Ja̧'wa̧ta̧nü̧ yabokutä tesetinü̧mä̧ tta̧'kua̧ tu̧wȩnä̧ra̧rü̧ pä'ü ja̧'a̧.

Hebreos 7:28

Moisé weäwä wȩnȩnä̧mä̧ sacerdote-tü̧ tturuwotü päi'ünä̧ jȩpi̧nä̧tü̧, adiwä juei jo̧mȩnü̧mä̧ jȩttü̧ juiyünä̧ wotürü; ja̧'wa̧nü̧ ja̧'a̧nä̧, jua̧u̧ o'ka'a juramento pättünä̧, Dio jȩpi̧nü̧ I̧tti̧rü̧, sacerdote-tü̧ ttu̧ru̧wa̧ päi'ünä̧, 'kuäopünä̧tä̧ adiwä juei kku̧nä̧rü̧rü̧.

San Juan 13:32

Ja̧'wa̧ta̧nü̧ Dio ukuo jäwä, jua̧u̧nä̧ i̧jȩpü̧ttü̧mä̧ ja̧'wa̧ta̧nü̧ Dio'i̧nä̧, jua̧u̧ i̧tti̧ ukuo jäwä i̧jȩpä̧kua̧; jua'amä̧ jitätä ja̧'a̧ku̧.