Hebreos 1:1 - Nuevo Testamento Uwotjüja

¹ Mo̧ täbokütä päi'ünä̧ Dio-mä̧ tü̧tä̧mü̧ mi̧nä̧rü̧mä̧, profeta-nä̧'i̧nä̧, kkoro jueinä̧'i̧nä̧, rü̧ȩnä̧ ukuokuinü̧'ka̧.

TÄ̧DO Ä̧CUÄ̧ I̧HUȨNȨ

¹ Täbocö Dios chutä i̧huȩnȩ jiäcuähuä isotörö jiähuinömä, juhua'a yabocu ji'ähuinätödo ujutu tä̧do̧tö̧ mi̧nä̧rö̧, rö̧ȩnä̧ koro juäinä jȩpö̧ ucuocu.

Hebreos 1:1 Referans Kwoze

San Lucas 24:27

Jua̧u̧ pä'ü kä'ädü, Moisé i̧wȩyu̧ti̧nü̧ttü̧ kkä̧mä̧dü̧, profeta tti̧wȩyu̧ti̧nü̧'i̧nä̧ ukuokuinä̧u̧, wȩyu̧kuä̧ wȩnȩ chutä ütü'kü ukuokumä̧ o'kajuiyünä̧tä̧.

Hechos 2:30

Ja̧'wa̧nü̧ ji̧na̧'a̧nä̧ Dawi-mä̧ profeta ja̧'a̧ttü̧, Dio-mä̧ i̧tti̧mü̧ttü̧ Crito-rü äräbe'äkua'a jiäwinä̧ku̧.

San Lucas 1:55

Tä̧do̧tü̧ mi̧nä̧rü̧ 'kuäopünä̧tä̧ ppä̧dä̧kuȩ ukuokuinü̧. Abraha̧-ttü̧ kkä̧mä̧dü̧ jua'a yabo i̧tti̧mü̧ o'kotürü'i̧nä̧ 'kuäopünä̧tä̧ päi'ünä̧.

Hechos 13:32

Ja̧'wa̧nü̧ ja̧'a̧ jitämä̧ ukuturu pi̧yȩ jareü wȩnȩ ji'äwätüjä̧: Tü̧tä̧mü̧ mi̧nä̧rü̧, Dio-mä̧ jȩchä̧kua̧sä̧ päinü̧ta'anü̧ jȩpi̧nü̧ pä'ü,

Hebreos 2:2

Isopäi'ünä̧ Dio umüwäyotü á̧gȩrȩ jittäwinü̧mä̧ jueü wȩnȩ ji̧na̧'a̧, ja̧'wa̧nü̧ ja̧'a̧nä̧ esetokotümä̧ usurä ȩmä̧u̧nä̧ ro̧ȩkui̧'i̧nä̧ku̧.

San Lucas 1:72

Tä̧do̧tü̧ mi̧nä̧rü̧ eseku, rȩrü̧jü̧ to̧chä̧kuä̧u̧jä̧ päinü̧.

Hechos 28:23

Ja̧'wa̧nü̧ ja̧'a̧ttü̧, ji̧yȩtȩ mo̧ro̧ ttü̧ka̧ka̧kua̧ pä'ü, pätetü ttu̧ju̧nä̧ja̧'a̧ rekuätü ichinä̧tü̧ Pauru ü̧jodenä̧. Juodettü jiäwinä̧u̧ ru̧wa̧ Dio weü wȩnȩ yo̧ä̧i̧ ü̧jä̧mä̧dä̧ja̧'a̧mä̧ ni̧pä̧ro̧mȩbü päi'ünä̧. Pauru-mä̧ jiäwinä̧u̧ Moisé weäwä wȩnȩnä̧'i̧nä̧ ja̧'wa̧ta̧nü̧ profeta-tü̧ ttukuokuinü̧nä̧'i̧nä̧, jü̧nä̧; Jesú-ru tesetiyarü pä'ümä̧.

San Juan 9:29

Ujutumä̧, Dio-mä̧ Moisé-rü ukuokuinü̧ pä'ü wo̧juä̧tü̧jä̧ ja̧'wa̧nü̧ ja̧'a̧nä̧, chujuamä̧, ichinomȩ'i̧nä̧ tieruwäku.

San Juan 7:22

Ja̧'wa̧nü̧ ja̧'a̧nä̧, Moisé-mä̧ circuncisión jȩ'kuä̧tu̧kua̧ pä'ü weinä̧u̧jä̧ (Moisé-ttümä̧ ichokü ji̧na̧'a̧nä̧, kuä'o̧tü̧ mi̧nä̧ttü̧ ichinü̧ ja̧'a̧nä̧), ja̧'wa̧nü̧ ja̧'a̧ ukutumä̧, 'kuä'ächi'ü pä̧mä̧dä̧kuä̧wä̧ mo̧ro̧'i̧nä̧ circuncisión jȩpä̧tü̧jä̧.

San Lucas 24:44

Ja̧'wa̧ta̧nü̧ päinä̧u̧: —Pi̧yȩ ukuokuinü̧sä̧ ukutuku kue'ächümä̧: Ttü chütü'kümä̧, Moisé i̧wȩyu̧ti̧nü̧'i̧nä̧, profeta tti̧wȩyu̧ti̧nü̧'i̧nä̧ ja̧'wa̧ta̧nü̧ Salmos-nä̧ wȩyu̧kuä̧'i̧nä̧ o'kajuiyünä̧tä̧ 'kuäopäkua'a pädinü̧mä̧.

San Juan 16:13

Ja̧'wa̧nü̧ ja̧'a̧nä̧, Epíritu Sa̧tu̧ ichomȩnä̧mä̧, o'kajuiyünä̧ jueünä̧ ku̧wo̧juä̧tu̧ku̧nä̧ juȩpä̧rä̧kuä̧u̧jä̧; ja̧'wa̧nü̧ ja̧'a̧ttü̧ pä̧wä̧rü̧jü̧mä̧ ukuokuokotü kuäkuotüjä̧, pä'a kuä̧ju̧kua̧'a̧ku̧tä̧ kukuokuäkuotüjä̧ ja̧'wa̧ta̧nü̧ 'kuäopä̧kuȩ wȩnȩ'i̧nä̧ ku̧wo̧juä̧tu̧ku̧nä̧ ji̧ä̧wä̧kuä̧u̧jä̧.

Hechos 3:21

Jitämä̧ mo̧ro̧jä̧ra̧'a̧tä̧ ü̧ja̧ pä'ü ja̧'a̧ Jesú-mä̧, Dio aditü ikuomȩbü päi'ünä̧, täbokü kka̧kui̧nä̧tü̧ profeta-nä̧ ukuokuinü̧ ji̧nü̧ ta̧'a̧nü̧.

Hebreos 2:3

Rü̧ȩnä̧ jü̧ ra̧wä̧pi̧jü̧ttü̧ kki̧'i̧kuä̧'i̧nä̧ ja̧'a̧tä̧ tota'amä̧ ¿toku tü̧ja̧kui̧'ä̧kua̧'a̧jä̧ttü̧? Jua̧u̧mä̧ Chutä Tu̧ru̧wa̧ jiäwinü̧ o'ka'a, Jua̧u̧ru̧ ä̧ju̧kui̧nä̧tü̧'i̧nä̧ ji'äwinä̧tü̧.

Hebreos 3:5

Ja̧'wa̧ta̧nü̧, Moisé-mä̧, Dio u̧mü̧wä̧ya̧ jü̧nä̧mä̧ adiu ukuotinü̧; ja̧'wa̧ta̧nü̧ Dio ȩmi̧nä̧u̧ru̧ tta̧'ä̧ri̧nü̧ weäwi'inü̧'a̧kuä̧mä̧; ja̧'wa̧ta̧nü̧ ji'äwinü̧ juätürü 'kuäopä̧kuȩ wȩnȩ'i̧nä̧.

Hebreos 4:8

Isopäi'ünä̧ Josué Irae ttü̧ja̧rü̧ 'kuä'ächi'ü ttü̧jü̧nä̧ iyinü̧ttü̧mä̧, Dio-mä̧ kkoro mo̧ro̧, 'kuä'ächi'ü kkä̧kuä̧wä̧ mo̧ro̧mä̧ ukuokuokü pi̧na̧jü̧.

Hebreos 5:5

Ja̧'wa̧nü̧ ji̧nü̧ta'anü̧, Crito'i̧nä̧, a̧mü̧nä̧ pa̧ja̧tü̧mä̧ sacerdote-tü̧ ttu̧ru̧wa̧ päi'ünä̧mä̧ rütäwokü pinü̧, suro Chutä, Dio-tä iyinä̧ku̧, jua̧u̧ uruwomä̧, pa̧'a̧nü̧ pä'ü: «Ukumä̧ chi̧tti̧jä̧; pi̧yȩ mo̧ro̧ chuwäbe'äkujä̧.»

Hebreos 9:19

Moisé-mä̧ ttü̧ja̧ o'katoi'ünä̧rü̧ weäwä wȩnȩ o'kajuiyünä̧ ji'äwäji̧'ka̧; pä̧kä̧yü̧ ppo̧'ä̧tü̧ ttukuoja'i̧nä̧, cabrío isotü u̧mä̧tü̧ ttukuoja'i̧nä̧, ajiyanä̧ wiwakua'a, lana escarlata pättünä̧'i̧nä̧, isade i̧sä̧ppä̧nä̧'i̧nä̧ akuäbe'äji̧'ka̧ riripinü̧ weäwä wȩnȩ kuyäru'tänä̧'i̧nä̧ ja̧'wa̧ta̧nü̧ ttü̧ja̧rü̧'i̧nä̧, jü̧nä̧.

Hebreos 11:2

Dio-mä̧, tü̧tä̧mü̧ mi̧nä̧rü̧mä̧ tta̧'kua̧ ttu̧wȩnä̧ro̧mȩttü̧ adiu esewinä̧u̧.

Hebreos 11:18

«Isaa-nä̧ ku̧ju̧nä̧rä̧kua̧jä̧ kui̧tti̧mü̧rü̧mä̧,» päinä̧ku̧,

Hebreos 12:25

Ja̧'wa̧nü̧ ja̧'a̧ttü̧, ttu̧'ȩpä̧rü̧nü̧ esetätukui Dio ukuokuomȩnä̧mä̧. Isopäi'ünä̧ pi̧jä̧nä̧ttü̧ ro̧ȩpi̧nü̧ jarodinä̧tü̧mä̧ to'e'ächinä̧tü̧. Juȩnȩ abonä̧nü̧ tü̧ja̧kui̧'ü̧ juiyü'anü̧ ja̧'a̧ mo̧ro̧jä̧ra̧'a̧ttü̧ ro̧ȩpo̧mȩnä̧mä̧.