Gálatas 6:15 - Nuevo Testamento Uwotjüja

¹⁵ Isopäi'ünä̧ circuncisión jȩtta̧ja̧ pä'ü'i̧nä̧, jȩttü̧ juiyaja pä'ü'i̧nä̧ mikuäwoka'a; ji̧nä̧somä̧ pärokuänä̧ ttuwäpächütä ja̧'a̧ mikuäumä̧.

TÄ̧DO Ä̧CUÄ̧ I̧HUȨNȨ

¹⁵ Ja̧'hua̧ta̧nö̧ Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧, yoröiso micuähuocö. Cristorö esetö jareönä ttö̧ja̧ päti'omenätä micuähua'a.

Gálatas 6:15 Referans Kwoze

2 Corintios 5:17

Ja̧'wa̧nü̧ ja̧'a̧ttü̧, ya̧tȩ Crito-nä̧ ü̧jü̧ttü̧mä̧, jareünä̧ uwäbe'äkuäwa̧ ja̧'a̧. Täbo jäwä ji̧nü̧mä̧ 'kuäopina̧'a̧; o'kajuiyünä̧tä̧ jareünä̧ pärotü ikuäwätä ja̧'a̧.

Efesios 4:24

ja̧'wa̧ta̧nü̧ ttü̧ja̧sa̧ ja̧rȩpa̧nä̧ pärowächätukui, Dio uwäbe'inä̧ku̧nä̧, surojü jui̧'a̧nä̧, jueü wȩnȩnä̧ kkä̧kuä̧wä̧ i̧sa̧nä̧.

Efesios 2:10

Ja̧'wa̧nü̧ ja̧'a̧ttü̧ Dio-tä aditinä̧u̧jä̧: Crito-nä̧tä̧ aditinä̧u̧jä̧ adiwä juei jȩpü̧ tü̧ja̧kua̧ pä'ü, ä'kojitä päi'ünä̧ amükuädü kku̧ni̧nü̧ jua̧u̧ jȩpü̧ tü̧ja̧kuä̧kuȩmä̧.

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.

1 Corintios 7:19

Isopäi'ünä̧ ji̧nä̧so ji̧yȩtä̧ ukuo kkü̧mä̧ Dio weinü̧ wȩnȩtä̧ ja̧'a̧ ja̧'wa̧ta̧nü̧ circuncisión jȩä̧kuä̧wä̧'i̧nä̧, jȩä̧kuä̧wo̧kü̧'i̧nä̧ iso jäwämä̧kü̧ ja̧'a̧.

Romanos 2:28

Isopäi'ünä̧ judío jü̧nä̧ kkä̧kuä̧wä̧mä̧ ttidepä wä̧mȩ jäwämä̧kü̧, ja̧'wa̧ta̧nü̧ circuncisión'i̧nä̧ ttidepä wä̧mȩnä̧ jäwämä̧kü̧.

Romanos 8:1

Ja̧'wa̧nü̧ ja̧'a̧ttü̧, jitämä̧ ttidepä pä̧wä̧rü̧ja̧'a̧ku̧ tti̧'cho̧ka̧'a̧ Crito Jesú-nä̧ kka̧kuä̧tü̧rü̧mä̧, Epíritu-ru pä̧wä̧rü̧jo̧mȩnä̧ kka̧kuä̧tü̧rü̧mä̧ ro̧ȩkuä̧mä̧ juiyäkua'a.

Apocalipsis 21:5

Ja̧'wa̧nü̧ ja̧'a̧ uruwo dȩä̧kä̧nä̧ pü̧mä̧ pä'inü̧: «Ttümä̧ o'kajuiyünä̧ jareü jü̧nä̧tä̧ jȩpü̧sä̧.» Ja̧'wa̧ta̧nü̧ pä'inü̧: «Wȩyu̧ti̧; pi̧yȩmä̧ jueünä̧tä̧, isopäi'ünä̧tä̧ jü̧ ja̧'a̧.»

Romanos 2:26

Ja̧'wa̧nü̧ ja̧'a̧ttü̧ circuncisión pättü jȩpä̧kuä̧wo̧kü̧ ja̧'a̧nä̧, weäwä wȩnȩ weü'anü̧ jȩpü̧ ü̧jo̧mȩnä̧mä̧, circuncisión pättü jȩpä̧kuä̧wa̧ 'kua̧rü̧nä̧ wa̧.

Romanos 6:4

Isopäi'ünä̧ bautizo jȩtä̧kuä̧wi̧nü̧nä̧, Crito-ku 'koru juotächa'a 'turu ikuäwotü jü̧nä̧tä̧ wotüjä̧, jä'o üadiwä ujurunä̧ Crito wa'arettü ttoächinü̧ta̧'a̧nü̧, ujutu'i̧nä̧ jareünä̧ kkä̧kuä̧wä̧nä̧ kuetächa pä'ü.

Efesios 2:15

Weäwä wȩnȩ ji̧nü̧mä̧ si'epü ikuinü̧, Chutä weü wȩnȩ jȩpü̧ kku̧nu̧. Pi̧yȩmä̧ jȩpi̧nü̧ Chutä a̧mü̧nä̧ pa̧ja̧tü̧, tosare isotü winä̧tü̧ttü̧mä̧ ji̧nä̧ ya̧tȩ ttü̧ja̧sa̧ ja̧rȩpa̧rü̧ uwäbe'ü kku̧nu̧, chunä̧tä̧, wȩnȩ juiyü jäwä uwäbe'ü kku̧ni̧nü̧.

Filipenses 3:3

Isopäi'ünä̧ circuncisión pättü jȩpä̧kuä̧wo̧tü̧mä̧ ujututä ja̧'a̧, Epíritu-nä̧ Tä'o Dio-rü esewätütä ja̧'wa̧nü̧ jȩpü̧ Crito Jesú-nä̧ eseäkuäwätüjä̧, tidepä jäwänä̧ ukuo tetäwoka'a.