Gálatas 6:14 - Nuevo Testamento Uwotjüja

¹⁴ Ja̧'wa̧nü̧ ja̧'a̧nä̧ ttümä̧, chesewä̧kua̧sä̧ Jesucrito 'korujuo'ächü i̧mi̧täwinü̧tä̧ esetü kkä̧nü̧. Ja̧'wa̧nü̧ ja̧'a̧ttü̧ Crito 'korujuoächinü̧nä̧tä̧ eseusä, pi̧jä̧ ttü̧ja̧ tta̧mü̧kuädümä̧ wä̧i̧nä̧ ja̧'a̧, pi̧jä̧nä̧mä̧ wa'ü chikuina̧'a̧ 'kua̧rü̧nä̧tä̧ jä̧ku̧sä̧.

TÄ̧DO Ä̧CUÄ̧ I̧HUȨNȨ

¹⁴ Ttömä ucuturu chu̧huo̧juȩti̧nö̧mä̧ adiu huo̧juȩti̧nö̧sä̧ päda pä'ocösä. Ji̧yȩä̧cuȩtä̧ Chu̧ru̧hua̧ Jesucristo dau isodänä 'corupäi'inötä, ja̧u̧tä̧, adiu chucuocua pä'ösä. Ja̧u̧ Cristorö chesetomenä, pi̧jä̧ jähuä 'corupäi'ina'a jä̧cu̧sä̧ ttömä. Ja̧'hua̧ta̧nö̧ pi̧jä̧ jähuä pä̧huä̧ juida'anä 'corupädi'ina'a ja̧'a̧.

Gálatas 6:14 Referans Kwoze

Romanos 6:6

Täkü wo̧juä̧tü̧jä̧, ä'koji jȩpü̧ tü̧ji̧nü̧mä̧, chutäku yo̧mȩtȩnä̧ ü̧jo̧kä̧ jäinä̧ toe'ächomȩnä̧, ji̧yȩku̧ tu'uttächinü̧ surojä'ijü ujuru si'epü ikuina̧'a̧ pä'ü, täkü jua̧u̧ ukuotäkuäwokü wea'anä̧ ti̧'chü̧ juiya pä'ümä̧.

Gálatas 2:20

Ja̧'wa̧nü̧ ja̧'a̧ttü̧ jitämä̧ a̧'kua̧ro̧kü̧sä̧, Crito-tä ja̧'a̧ ttünä̧ a̧'kua̧rü̧ kkü̧mä̧; jitä pi̧jä̧ttü̧ chidepänä̧ a̧'kua̧rü̧ chü̧jü̧mä̧, Dio i̧tti̧, ttürü re kkä̧nü̧ iyäkuäwinü̧nä̧ cha̧'kua̧ wȩnä̧rü̧ chü̧jü̧tä̧ ja̧'a̧.

1 Corintios 2:2

Ja̧'wa̧ta̧nü̧, ukutuku chü̧ji̧nü̧mä̧ kkoro juei ttukuokuajü jueimä̧, suro Jesucrito ütü'kütä, ü̧jo̧kä̧ jäinä̧ toe'ächinü̧tä̧ ji'äwinü̧sä̧.

Filipenses 3:3

Isopäi'ünä̧ circuncisión pättü jȩpä̧kuä̧wo̧tü̧mä̧ ujututä ja̧'a̧, Epíritu-nä̧ Tä'o Dio-rü esewätütä ja̧'wa̧nü̧ jȩpü̧ Crito Jesú-nä̧ eseäkuäwätüjä̧, tidepä jäwänä̧ ukuo tetäwoka'a.

Romanos 1:16

Isopäi'ünä̧ jareü wȩnȩ ji'äumä̧ dä'ä ttu'oküsä, jua̧u̧mä̧ surojüttü kki̧'ä̧kuä̧wä̧ Dio ujuru ja̧'a̧ttü̧ esetätürümä̧, ä̧kuo̧mȩnä̧mä̧ judío-rü'i̧nä̧, judío pokotürü'i̧nä̧, jü̧nä̧.

Gálatas 5:24

Isopäi'ünä̧ Jesucrito-ku juo'ächinä̧tü̧mä̧, täkü ü̧jo̧kä̧ jäinä̧ kuä'ü ikuinä̧tü̧ ttidepä kkü'kekumä̧.

1 Corintios 3:21

Ja̧'wa̧nü̧ ja̧'a̧ttü̧, pi̧jä̧ ttü̧ja̧ ttu̧ju̧nä̧rü̧mä̧ kueseäkuäwätukuä; jua̧u̧mä̧, o'kajuiyünä̧ ukututä jäwätä ja̧'a̧:

1 Corintios 15:58

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, kua̧mi̧'ki'ächi'ü yaboku tätukui, yabonü̧, 'kuäopünä̧tä̧ Tu̧ru̧wa̧ aditäwä aditü; Tu̧ru̧wa̧nä̧ adikuämä̧ yaparemä̧ adikuokü pä'ü.

Gálatas 1:4

Jä'o Dio-rü pä̧wä̧rü̧jo̧mȩnä̧, suronä̧ jȩtü̧ mikuäwächünä̧, pi̧jä̧ surojüttü rä'epü ikua pä'ü a̧mü̧nä̧ pa̧ja̧tü̧ iyäwinü̧rü̧tä̧,

1 Corintios 1:23

ja̧'wa̧nü̧ ja̧'a̧nä̧, ujutumä̧ Crito-rü ü̧jo̧kä̧ jäinä̧ 'korujuo'ächinü̧rü̧ ji'äwätüjä̧. Pi̧yȩmä̧ judío-rümä̧ tto̧ȩpä̧rü̧ wȩnȩ ja̧'a̧nä̧, judío pokotürütä ttu̧'ȩpä̧ro̧ko̧tü̧ ttukuokua'a jä̧'i̧nü̧'a̧nü̧ jü̧ wȩnȩ ja̧'a̧;

Romanos 6:2

¡Isokü̧, ja̧'wa̧nü̧mä̧kü̧! ujutumä̧, isopäi'ünä̧ surojünä̧ jȩti̧nü̧mä̧ wa'ü ikuinä̧tü̧jä̧; ja̧'wa̧nü̧ ja̧'a̧ttü̧ surojümä̧ jȩpü̧ kka̧kuo̧ko̧tü̧jä̧.

2 Corintios 11:12

Ja̧'wa̧nü̧ ja̧'a̧ttü̧ jȩchä̧'i̧jü̧ta̧'a̧nü̧tä̧, ukutu kuiäretuku pärätämä̧ jädepoka'atä chaditäkua̧sä̧. Ja̧'wa̧nü̧ jȩcho̧mȩnä̧mä̧ jitü profeta-tü̧ yapare isotümä̧ ukuo tettäu juiyä̧kuä̧u̧, ujutu'i̧nä̧ Jesucrito we'äwotü apótore-jä̧ pä'ü, ujutuku yorekuä'chü, yapareu jittäwä'cha'anä̧.

San Lucas 20:16

Däjé pättoka'anü̧, ichi'ü kuä'äu iku, kkorotürütä i̧yä̧kua̧ uwa pättamä̧. Jesú pi̧yȩ jiäwa'a ä̧ju̧ku̧ pä'inä̧tü̧: —¡Jua̧u̧mä̧ 'kuäopoka'a jä̧kua̧'a̧!

Gálatas 2:17

Ja̧'wa̧nü̧ ja̧'a̧nä̧, Crito-nä̧ ȩma̧tü̧ pä'ü esetü tikuomȩnä̧mä̧, ujutu'i̧nä̧ surojünä̧ tü̧ja̧kua̧'a̧ wo̧jui̧'ä̧tü̧jä̧. ¿Ja̧'wa̧nü̧ ja̧'a̧mä̧, Crito'i̧nä̧ surojü jȩtü̧nä̧ wea'a tä̧jí̧? ¡Ja̧'wa̧nü̧mä̧ jo̧ka̧'a̧!

Gálatas 2:19

Isopäi'ünä̧ weäwä wȩnȩnä̧mä̧, weäwä wȩnȩ pä'aku 'korujuo'ächinü̧sä̧, jua'amä̧ Dio pä'aku cha̧'kua̧ra̧ pä'ü.

Gálatas 3:21

¿Ja̧'wa̧nü̧ jü̧ttü̧mä̧ weäwä wȩnȩmä̧, Dio iya päinü̧ku̧mä̧ to'i ja̧'a̧ku̧ jäwä ja̧'a̧ tä̧jí̧? ¡Ja̧'wa̧nü̧mä̧ jo̧ka̧'a̧! isopäi'ünä̧ weäwä wȩnȩtä̧ kkä̧kuä̧wä̧ i'ko iyü jü̧ttü̧mä̧, Dio-mä̧ ȩma̧ja̧u̧jä̧ weäwä wȩnȩ tukuota'anä̧tä̧'i̧nä̧.

Filipenses 3:18

Isopäi'ünä̧ rekuätü kka̧kuä̧tü̧, jȩttü̧ juiya pä'ü ro̧dȩpä̧rä̧'i̧jü̧nä̧, ü̧jo̧kä̧nü̧ jäi dau Crito 'korujuoächinä̧i aboiyotü wotü, jitä pä'äjita'anü̧ ji̧dä̧wä̧u̧jä̧ ajuäunü̧.

Colosenses 2:20

Täkü Crito-ku, ü̧jo̧kä̧nü̧ jäinä̧ ji̧nä̧ ji̧yȩtȩnä̧ 'korujuo'ächinä̧tü̧jä̧ pi̧jä̧ jäwättümä̧. Ja̧'wa̧nü̧ ja̧'a̧nä̧, ¿tta̧'a̧nü̧ pä'ü, pi̧jä̧ jäwänä̧ kkä̧nü̧ jä̧'i̧nü̧'a̧nü̧ kka̧kuä̧tü̧jä̧ttü̧? Pa̧'a̧nü̧