Gálatas 6:13 - Nuevo Testamento Uwotjüja

¹³ Juätü circuncisión pättü jȩpä̧kuä̧wo̧tü̧'i̧nä̧ o'kajuiyünä̧ weäwä wȩnȩ päü'a̧nü̧mä̧ jȩpo̧ko̧tü̧. Ja̧'wa̧nü̧ ja̧'a̧nä̧ ukuturutä circuncisión jȩ'kui̧yä̧tu̧kua̧tü̧ pä'ätü, wȩti̧nä̧u̧ pä'ü topü tteseäkuäwa pä'ü.

TÄ̧DO Ä̧CUÄ̧ I̧HUȨNȨ

¹³ Iso päi'önä circuncisión jȩpä̧tö̧'i̧nä̧ hueähuä huȩnȩ o'ca juiyönä hueömä jȩpo̧co̧tö̧. Ja̧'hua̧nö̧ ja̧'a̧nä̧ ucutu circuncisión jȩcu̧'ä̧tu̧cua̧ pä'ätö, jitötä ttu̧huo̧juȩti̧nö̧ jȩtti̧yä̧u̧ adiu ttucuocuäcua'a̧nö̧ jahuätörö.

Gálatas 6:13 Referans Kwoze

Filipenses 3:3

Isopäi'ünä̧ circuncisión pättü jȩpä̧kuä̧wo̧tü̧mä̧ ujututä ja̧'a̧, Epíritu-nä̧ Tä'o Dio-rü esewätütä ja̧'wa̧nü̧ jȩpü̧ Crito Jesú-nä̧ eseäkuäwätüjä̧, tidepä jäwänä̧ ukuo tetäwoka'a.

1 Corintios 5:6

Pi̧yȩ jäwänä̧ ukuo te'äu kueseäkuäwätukua pä'ümä̧ jui'ätüjä̧. ¿Ukutumä̧ jerupätüjä̧ tä̧jí̧?: ¿«Levadura-mä̧ a̧'u̧ku̧nä̧tä̧ ja̧'a̧nä̧'i̧nä̧ isäwa ppü̧ä̧mi̧'ü̧nä̧ jü̧ pä'ümä̧»?

2 Pedro 2:19

Pä̧wä̧rü̧ja̧'a̧ku̧ jȩtti̧ya̧tü̧ pä'ätü, jitütämä̧ surojü jȩä̧kuä̧wä̧ umüwäyotü tta'anä̧; isopäi'ünä̧ o'katoi'ünä̧ surojü umüwäyotümä̧ jua̧u̧tä̧ wȩä̧u̧ ja̧'a̧ttü̧.

2 Corintios 11:18

Ja̧'wa̧nü̧ tta̧mü̧nä̧ ttüadiwä ukuokuätü rekuätü ttü̧ja̧kua̧'a̧mä̧ ¿tta̧'a̧nü̧ pä'ü, ttü'i̧nä̧ chüadiwämä̧ chukuokuoka'ajä̧ttü̧?

San Mateo 23:15

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ rȩjȩnä̧'i̧nä̧, rü̧ä̧ ajenä̧'i̧nä̧ kue'ächätüjä̧ ukuturu esetürü ku̧'o̧kui̧'ä̧tu̧kua̧ pä'ü. Ja̧'wa̧nü̧ jȩpü̧ ku̧'o̧kui̧'ä̧tu̧kuä̧ku̧ru̧mä̧ ukututtü'i̧nä̧ yabonä̧nü̧ todäre jo̧mȩnä̧ okurä ä̧tȩkua̧ jü̧nä̧ juo'epätüjä̧.

San Mateo 23:3

Ja̧'wa̧nü̧ ja̧'a̧ttü̧, juätü wettümä̧ o'kajuiyünä̧ ukuotü jȩpä̧tu̧kui̧; ja̧'wa̧nü̧ ja̧'a̧nä̧ juätü jȩttü̧mä̧ jȩ'kuä̧tu̧kuä̧, suro ttänä̧mä̧ adiu pätta'anä̧ jȩtto̧ka̧'a̧nä̧tä̧ ukuokuätü, juätümä̧.

1 Corintios 3:21

Ja̧'wa̧nü̧ ja̧'a̧ttü̧, pi̧jä̧ ttü̧ja̧ ttu̧ju̧nä̧rü̧mä̧ kueseäkuäwätukuä; jua̧u̧mä̧, o'kajuiyünä̧ ukututä jäwätä ja̧'a̧:

San Mateo 23:23

¡Isottü̧ ukutuwe, weäwä wȩnȩ wo̧juȩtä̧tü̧mä̧, fariseo wotümä̧, ä'koyättütä esetätüjä̧! mentattü'i̧nä̧, anísttü̧'i̧nä̧, comino-ttü̧'i̧nä̧ o'kajuiyünä̧tä̧ diezmo-mä̧ kuiyätukua'anä̧, ji̧nä̧so weäwä wȩnȩttü̧ ukuo jäwämä̧ jäyä kku̧ni̧pä̧tü̧jä̧: adiwomȩnä̧, rȩrü̧jü̧nü̧ topü, tta̧'kua̧ wȩnä̧rü̧ jȩä̧kuä̧wä̧mä̧. Jua̧u̧mä̧ iweye jȩtta̧ pä'ü rekuä rü̧ja̧'a̧ ja̧'wa̧nü̧ ja̧'a̧nä̧ pi̧yȩ'i̧nä̧ jȩpü̧ kkä̧nü̧.

San Lucas 5:38

Ja̧'wa̧nü̧ jü̧ ja̧'a̧ttü̧ vino isoya jareoyamä̧ ji̧yȩta̧'a̧kuä̧ odres isäba jareäbanä̧ 'karü kku̧nä̧wä̧ ja̧'a̧.