Gálatas 6:12 - Nuevo Testamento Uwotjüja

¹² Circuncisión pättü, jȩttä̧kuä̧wa̧ pä'ü wȩ'ä̧rä̧tü̧mä̧, ttü̧ja̧ku̧ adiunä̧ ttü̧ja̧kui̧'a̧ pä'ütä jȩpä̧tü̧, Crito ü̧jo̧kä̧ jäinä̧ 'korujuoächinü̧ jäwänä̧ kuä'äu ttikua pä̧ttä̧u̧ usurä ttȩmä̧u̧ juiya pä'ü.

TÄ̧DO Ä̧CUÄ̧ I̧HUȨNȨ

¹² Circuncisión jȩcu̧'ä̧tu̧cua̧ pä'ö hue'ätömä, jahuätömä ttö̧ja̧ adiu ttucuotatö pä'ötä jȩpä̧tö̧. Ja̧'hua̧ta̧nö̧ Cristo dau isodänä 'corupäi'inö huȩnȩ ttesetomenä, ttö̧ra̧huä̧rö̧ juiyatö pä'ö jȩpä̧tö̧.

Gálatas 6:12 Referans Kwoze

Gálatas 5:11

Chawaruwä chi̧jä̧wa̧tü̧, circuncisión pättü jȩttä̧kuä̧wa̧ pä'ü jidäwuttümä̧, chabo iyotümä̧ suronä̧ pä'ümä̧ ttusokoku pajüsä. Ja̧'wa̧ta̧nü̧ ü̧jo̧kä̧ jäinä̧ kkä̧nü̧ 'korupäi'inü̧ wȩnȩ tta̧mi̧ surunä̧ topokotü pa̧ja̧tü̧.

Colosenses 2:23

Isopäi'ünä̧ jua̧u̧mä̧ wo̧juä̧wä̧ ppädü 'kua̧rü̧ jä'i̧nü̧'a̧nü̧ ja̧'a̧, Dio-rü ukuoku'i̧nä̧, adiu ukuotü 'kua̧rü̧nä̧'i̧nä̧, ttidepä usurä ȩmä̧u̧nä̧ jȩtta̧'a̧ttü̧. Ja̧'wa̧nü̧ ja̧'a̧nä̧ ppädokü ja̧'a̧ ttidepä jäepümä̧.

2 Corintios 11:13

Isopäi'ünä̧ juätümä̧ yaparewätü, ujutumä̧ apótore-jä̧, Crito we'äwotüjä̧ pätta'anä̧; apótore 'kua̧rü̧nä̧tä̧ 'ka̧tä̧wi̧'ä̧tü̧.

Hechos 15:1

Ja̧'wa̧nü̧ ja̧'a̧ Judea rȩjȩttü̧ Antioquía ütawiyära̧'a̧ 'chä̧jä̧tü̧mä̧, Jesucrito-rü esetäjätürü wo̧juȩti̧nä̧tü̧: Moisé weinüta'anü̧ circuncisión jȩ'kuä̧kuä̧wä̧tu̧ku̧ juiyüttümä̧, surojüttümä̧ kki̧'o̧ko̧tü̧jä̧ pä'ü.

Gálatas 2:3

Ja̧'wa̧nü̧ ja̧'a̧nä̧, ttüku kue'ächü Tito Grecia ttü̧ja̧sa̧ ja̧'a̧nä̧'i̧nä̧, circuncisión jȩä̧kuä̧wa̧ pä'ümä̧ wettokoku pinü̧.

San Lucas 16:15

Jesú juätürü pä'inü̧: —Ukutumä̧ adiwäjuei jȩpä̧tü̧ 'kua̧rü̧nä̧, ttü̧ja̧ tottatü pä'ü i̧jȩkuä̧tü̧jä̧; ja̧'wa̧nü̧ ja̧'a̧nä̧ Dio-mä̧, kua̧mi̧so'kitukumä̧ wo̧jua̧; ja̧'wa̧nü̧ ja̧'a̧ttü̧ ttü̧ja̧ ukuo jäwä jü̧nä̧ tottümä̧, Dio-mä̧ üjü'kokü jäwä ja̧'a̧.

Filipenses 3:18

Isopäi'ünä̧ rekuätü kka̧kuä̧tü̧, jȩttü̧ juiya pä'ü ro̧dȩpä̧rä̧'i̧jü̧nä̧, ü̧jo̧kä̧nü̧ jäi dau Crito 'korujuoächinä̧i aboiyotü wotü, jitä pä'äjita'anü̧ ji̧dä̧wä̧u̧jä̧ ajuäunü̧.

Filipenses 2:4

Ya̧tȩ'i̧nä̧ suro, churutä a̧mü̧nä̧ pa̧ja̧tü̧ rekuä rü̧jü̧tä̧mä̧ kusätukuä, pärokua'aku kkorotürü rekuä rü̧jü̧'i̧nä̧ usätukui.

Filipenses 1:15

Isopäi'ünä̧ yotukupünä̧mä̧ Crito ütü'kü ji'äwätü, ttürü tta̧mi̧suru topütä, ä'kuoyäutä ja̧'wa̧nü̧ ja̧'a̧nä̧ kkorotümä̧ eseunü̧tä̧ adiu ji'äwätü.

Gálatas 6:13

Juätü circuncisión pättü jȩpä̧kuä̧wo̧tü̧'i̧nä̧ o'kajuiyünä̧ weäwä wȩnȩ päü'a̧nü̧mä̧ jȩpo̧ko̧tü̧. Ja̧'wa̧nü̧ ja̧'a̧nä̧ ukuturutä circuncisión jȩ'kui̧yä̧tu̧kua̧tü̧ pä'ätü, wȩti̧nä̧u̧ pä'ü topü tteseäkuäwa pä'ü.

Gálatas 2:14

Ja̧'wa̧nü̧ jȩtto̧mȩnä̧, jareü wȩnȩ pä'aku jȩpo̧ko̧tü̧ pinä̧tü̧, ja̧'wa̧nü̧ ji̧yä̧ku̧ Peduru-rü, o'katoi'ünä̧ ttä'ka jo̧mȩttü̧ pä'inü̧sä̧: Ukú, judío i̧sa̧'i̧nä̧, judío pokotü 'kua̧rü̧nä̧ ku̧ja̧'a̧nä̧; ¿Tta̧'a̧nü̧ pä'ü judío pokotürümä̧, judío jȩttü̧ jäwänä̧ ttü̧ja̧kua̧ päkua'ajä̧ttü̧?

2 Corintios 10:12

Ttümä̧, tta̧mü̧nä̧ pa̧ja̧tü̧ ttüadiwä ukuokuätuku chüyorekua pä'ümä̧ yorisotä jui̧'a̧sä̧; ja̧'wa̧nü̧ jȩchü̧ttü̧mä̧, yapare mikuäwokü wȩnȩtä̧ ja̧'a̧,

Hechos 15:5

Ja̧'wa̧nü̧ jittäwa'a ä̧ju̧ku̧, Fariseo wotü ja̧'a̧nä̧ Jesucrito-rü esetätü yotukunä̧mä̧ pä'inä̧tü̧: —Judío pokotü, Jesucrito-rü esetü ikuätümä̧, Moisé weinü̧, circuncisión jȩttä̧kuä̧wa̧ pä'ü'i̧nä̧ ja̧'wa̧ta̧nü̧ weäwä wȩnȩ ttukuota pä'ü'i̧nä̧ ja̧'a̧.

San Juan 7:18

Ya̧tȩ chutä a̧mü̧nä̧ pa̧ja̧tü̧ amükuädäkuäu ukuokumä̧, churutä tesewarü pä'ü usú ja̧'wa̧nü̧ ja̧'a̧nä̧, churutä we'inü̧rü̧ ttesewiyarü pä'ü usomȩnä̧mä̧, jueü wȩnȩtä̧ ukuoku, surojü jui'attü.

San Lucas 20:47

Ja̧'wa̧ta̧nü̧ rȩkua̧mü̧rü̧ ttoju odewiyä 'choipä'chü, adiu jȩpä̧tü̧jä̧ pä'ü, rekuo Dio-rü ukuokuätürü. Juätümä̧ kkorotüttü'i̧nä̧ abonä̧nü̧ usurä ttȩmä̧wä̧kuo̧tü̧.»

San Mateo 23:28

Ja̧'wa̧nü̧ jü̧ta̧'a̧nü̧ wotüjä̧: wä̧mȩnä̧mä̧ adiwä isotü 'kua̧rü̧nä̧ kui̧jȩkuä̧tukua'anä̧, jakuänä̧ ä'koyättü esetäkuäwätä ja̧'wa̧ta̧nü̧ surojütä kkä̧u̧jä̧.

San Mateo 23:5

O'kajuiyünä̧ jȩttü̧mä̧, ttü̧ja̧ tottatü pä'ütätä jȩpä̧tü̧. Ttüokuoränämä̧ weäwä wȩnȩ jäwä wȩyu̧kuȩ'ü̧ ru̧nä̧wä̧tü̧, ttüjonä̧'i̧nä̧ ja̧'wa̧ta̧nü̧ ttü̧'ka̧tä̧wä̧ti̧yu̧'i̧nä̧ otoü 'ka̧tä̧wȩ'ä̧tü̧, juiyo Dio-rü ukuotätü pättatü pä'ü.

San Mateo 6:16

Ukutu Dio-rü ukuoku ku̧kuȩ kua̧do̧chä̧tu̧kuo̧mȩnä̧, ä'koyättü esetätü jȩttü̧'a̧nü̧mä̧, kui'ätukunä̧ kua̧'kua̧ tta̧'ȩku̧ 'kua̧rü̧nä̧mä̧, jȩ'kuä̧tu̧kuä̧ ttü̧ja̧ tottätukuaku pä'ümä̧. Ja̧'wa̧nü̧ jȩ'kuä̧tu̧ku̧ttü̧mä̧ ukuturu pä'üsä, täkü jua̧u̧tä̧ po̧kui̧pä̧tü̧jä̧, mikuä jäkuepätukumä̧.

San Mateo 6:2

Ja̧'wa̧nü̧ ja̧'a̧ttü̧ usurä isotürü ppäkuädomenä̧mä̧, sinagogas odewiyättü'i̧nä̧, mä̧ni̧yä̧ttü̧'i̧nä̧ ttü̧ja̧ ttu̧wo̧jui̧pü̧nä̧mä̧ jikuäwä, adiwä isotüjä̧ pä'ätü jȩttü̧'a̧nü̧mä̧; ja̧'wa̧nü̧ jȩ'kuä̧tu̧ku̧ttü̧mä̧ premio pättümä̧, täkü ȩmä̧tü̧jä̧.

San Mateo 6:5

Ja̧'wa̧ta̧nü̧ Dio-rü kukuokuätukuomȩnä̧mä̧, ä'koyättü esetätü jȩttü̧'a̧nü̧mä̧ jȩ'kuä̧tu̧kuä̧; juätümä̧ sinagogas odewiyättü'i̧nä̧, mä̧ni̧yä̧ u̧yu̧'ka̧ri̧ttü̧'i̧nä̧ kkä̧nü̧ Dio-rü ukuokuäkuäwätä kkü'kätü, ttü̧ja̧ tottatü pä'ü. Isopäi'ünä̧ ukuturu pä'üsä: Ja̧'wa̧nü̧ jȩ'kuä̧tu̧ku̧ttü̧mä̧, premio pättü kuȩmä̧tu̧kua̧ pä'ü ji̧nü̧mä̧, täkü ȩmä̧tü̧jä̧.

San Mateo 5:10

Eseäkuäwä kka̧'a̧ adiu jȩtti̧yä̧u̧ suronä̧ jȩtta̧ pä'ü ttu̧sä̧rä̧u̧ru̧, jua'amä̧ mo̧ro̧jä̧ttü̧ weümä̧ juätütä ttȩmä̧kuȩ ja̧'a̧ttü̧.

San Mateo 23:27

¡Isottü̧ ukutuwe, weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧, ä'koyättütä esetätüjä̧!, ukutumä̧ wa'are rütäwomȩ; wä̧mȩnä̧tä̧ adiu teünä̧ tuwekua'a jä̧'i̧nü̧'a̧nü̧ wotüjä̧, jakuänä̧mä̧ surojü wa'ü ikuinä̧satä, surojütä ȩka̧'a̧ jä̧'i̧nü̧'a̧nü̧.