Gálatas 5:7 - Nuevo Testamento Uwotjüja

⁷ Ukutumä̧ adiunä̧tä̧ kui̧'chi̧nä̧tu̧kua̧'a̧mä̧, ¿Dí ji̧nä̧ttü̧ jueü wȩnȩnä̧ kui̧'chä̧tu̧ku̧ juiyünä̧ tto'epinü̧mä̧?

TÄ̧DO Ä̧CUÄ̧ I̧HUȨNȨ

⁷ Ucutumä adiunä jȩpö̧ ka̧cui̧nä̧tö̧jä̧. ¿Dihuä adihuä juäi jarocuhui'ätucunä jȩi̧nä̧tu̧cuä̧cu̧?

Gálatas 5:7 Referans Kwoze

1 Corintios 9:24

Isopäi'ünä̧ wo̧juä̧tü̧jä̧, joäkuäwä isotü jottomȩnä̧mä̧, o'katoi'ünä̧tä̧ jopätü pä'ü ja̧'wa̧nü̧ ja̧'a̧nä̧ ya̧tȩtä̧ ja̧'a̧ joäji mikuä premio pättü ȩmi̧pü̧mä̧. Ja̧'wa̧nü̧ jü̧ta̧'a̧nü̧, ukutu'i̧nä̧ premio pättü kuȩmä̧tu̧ku̧nä̧ päi'ünä̧ jopätukui.

Gálatas 3:1

¡Isoo, Galacia ttü̧ja̧, Kuamükuädü jui'ätüjä̧ttü̧! ¿Dí ji̧nä̧ttü̧ ukuturu märipänä̧ surojuo'epinü̧mä̧ jueü wȩnȩ kukuotätuku juiya pä'ümä̧? Ttütä wäjuönä̧ jidäwinä̧u̧jä̧ Jesucrito ü̧jo̧kä̧nü̧ daunä̧ kkä̧nü̧ 'korujuoächinü̧ wȩnȩmä̧.

Hebreos 12:1

Ja̧'wa̧nü̧ ji̧nü̧ta'anü̧, ujutu'i̧nä̧, tta̧'kua̧ wȩnä̧ri̧nä̧tü̧rü̧ rekuätürü tippeyänä tu̧ju̧nä̧ra̧'a̧ttü̧, o'kajuiyünä̧ tto̧ȩpä̧rü̧mä̧, suronä̧ jȩä̧kuä̧wä̧'i̧nä̧ kä'ädi'ü, joäkuäwämä̧, tujuruku ta̧mi̧ 'ki'ächi'ü jotätukua.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

2 Corintios 10:5

ttü̧ja̧ ttu̧wo̧juö̧'i̧nä̧, Dio-rü wo̧jui̧'ü̧ jui'ü rowäwäkuäwä'i̧nä̧ o'kajuiyütä si'epü iku, 'chu'ädü rütü yaboku 'chä̧tü̧jä̧ Crito-rü ukuotümä̧,

Romanos 2:8

Ja̧'wa̧nü̧ ja̧'a̧nä̧ jarodi'ü, tturuwonä̧ ukuo te'äkuäu, jueü wȩnȩ ukuotü jui'ü, suronä̧ jȩä̧kuä̧wä̧tä̧ ukuotätürümä̧ Dio-mä̧ rü̧ȩnä̧ ra̧wä̧rü̧ ro̧ȩpä̧kuä̧u̧.

San Mateo 13:21

kkada'ka 'chu̧ä̧ro̧mȩ juitta'a, 'kiyünä̧ kko̧ko̧tü̧rü̧; Dio i̧wȩnȩ jäwänä̧ surojü rȩbȩä̧kuä̧wo̧mȩnä̧, ma̧'ä̧chä̧tü̧rü̧.

2 Tesalonicenses 1:8

Ro̧ȩpa̧ pä'ü i̧chä̧kua̧, Dio-rü ttu̧wo̧jui̧pa̧ pä'okotürü, ja̧'wa̧ta̧nü̧ ukuotokotürü adiwäjuei wȩnȩ Tu̧ru̧wa̧ Jesucrito ütü'kü.

Romanos 6:17

Ja̧'wa̧nü̧ ja̧'a̧nä̧ Dio-rü esewätüjä̧, ä'kojimä̧ surojü jȩä̧kuä̧wä̧tä̧ umüwäyotü kuinä̧tu̧kua̧'a̧mä̧, kua̧mi̧'iso'kituku o'kajuiyünä̧ kukuotätukua'attü̧, kkä̧kuä̧wä̧ kuesetinä̧tu̧ku̧nä̧.

Hebreos 5:9

ja̧'wa̧nü̧ adiunä̧ jue'ekuächü, ra̧wä̧pi̧jü̧ttü̧ kki̧'ä̧kuä̧wä̧ ba'epü kku̧ni̧nü̧, o'katoi'ünä̧ jua̧u̧ru̧ esetü ukuotätürümä̧.

Romanos 16:26

Ja̧'wa̧nü̧ ji̧na̧'a̧nä̧, jitämä̧ i̧jȩkuä̧chi̧na̧'a̧ profeta winä̧tü̧ tti̧wȩyu̧ti̧nü̧nä̧'i̧nä̧, Dio 'kuäopünä̧tä̧ kkü̧ weinüta'anü̧, i̧jȩkuä̧chi̧nü̧ pi̧jä̧ ttü̧ja̧ o'katoi'ünä̧rü̧, tta̧'kua̧ wȩnä̧rä̧kuä̧wä̧ ttukuota pä'ü.

Romanos 15:18

Ja̧'wa̧nü̧ ja̧'a̧ttü̧ kkoromä̧ chukuokuoka'a, Crito ttünä̧ judío pokotürü, Dio-rü ttukuotächünä̧ jidäwa pä'ü jȩi̧nü̧tä̧ ji'äusä. Jua̧u̧mä̧ chi̧wȩnȩnä̧'i̧nä̧, tottünä̧'i̧nä̧ jȩpä'ijüsä.

Romanos 10:16

Ja̧'wa̧nü̧ ja̧'a̧nä̧, o'katoi'ünä̧mä̧ esetokotü pinä̧tü̧ jareü wȩnȩmä̧; Isaía-mä̧ pä'inü̧: Chu̧ru̧wa̧ ¿Ditäjä̧ttü̧ jitäu esetäkua̧mä̧?

Hebreos 11:8

A̧'kua̧ u̧wȩnä̧ro̧mȩttü̧, Abraha̧-mä̧ Dio woäkumä̧ ukuotü, rä'opinü̧ kui̧rȩjä̧ chi̧yä̧kua̧jä̧ päjäkumä̧. Ja̧'wa̧nü̧ ja̧'a̧ttü̧ i̧rȩjä̧ttü̧mä̧ rä'opinü̧, ieruwa'a päte'ü.

Hechos 6:7

Ja̧'wa̧nü̧ ja̧'a̧mä̧, yabokutä Dio i̧wȩnȩmä̧ rü̧ä̧chi̧na̧'a̧, Jerusarȩ́-nä̧mä̧ Jesucrito-rü esetätümä̧ rekuächinä̧tü̧; ja̧'wa̧ta̧nü̧ rekuätü sacerdote'i̧nä̧ esetächinä̧tü̧, jua̧u̧ tta̧'kua̧ wȩnä̧rä̧kuä̧wä̧mä̧.

Gálatas 2:2

Jua'amä̧ 'chi̧nü̧sä̧, chi̧'cha̧ pä'ü Dio i̧jȩpä̧jä̧ku̧. Ja̧'wa̧ta̧nü̧ jua'attümä̧ chaditä'ijü'i̧nä̧, chaditä̧kuȩ'i̧nä̧ ji̧ya̧'a̧kuä̧ra̧'a̧ aditü jui'ü, chu̧wo̧jua̧ pä'ü, ukuo isotüku i̧mi̧ku̧nä̧ ka̧ka̧kui̧pü̧ ukuokuinü̧sä̧, judío pokotürü chaditä'ijü jareü wȩnȩ tü'kü.

Gálatas 5:10

Ttümä̧ Chu̧ru̧wa̧rü̧tä̧ cha̧'kua̧ wȩnä̧rü̧sä̧, ukuturumä̧ kkara'akumä̧ amükuädokotüjä̧ pä'ü; ja̧'wa̧nü̧ ja̧'a̧nä̧ ukuturu tto̧'ȩpä̧rü̧rü̧mä̧ Dio ro̧ȩpä̧kua̧, jȩpü̧rü̧mä̧.