Gálatas 5:21 - Nuevo Testamento Uwotjüja

²¹ jui'ü ra̧wä̧rä̧kuä̧wä̧'i̧nä̧; tä̧mä̧'chä̧kuä̧wä̧'i̧nä̧, abo 'kuäo'ünä̧ kuäkuäwä'i̧nä̧, ja̧'wa̧ta̧nü̧ jü̧ kkoro jȩä̧'chä̧kuä̧wä̧'i̧nä̧. Mo̧ jidäwinü̧ta'anü̧, jitä'i̧nä̧ ji'äusä, jua̧u̧ jȩpä̧tü̧mä̧ ru̧wa̧ Dio weomȩmä̧ dodettokäkuotü.

TÄ̧DO Ä̧CUÄ̧ I̧HUȨNȨ

²¹ Korotö ttu̧ju̧nä̧rö̧'a̧nö̧ ttu̧ju̧nä̧ra̧ pä'ätö. Korotörö cuä'ö icuätö. Fiesta jȩpö̧ rö̧ȩnä̧ tä̧'ä̧mä̧tö̧. Koro ja̧'hua̧ta̧nö̧ jö̧'i̧nä̧ jȩpä̧tö̧. Ucuturu ji'äusä ä'coji jidähuinö ta'anö, ja̧'hua̧nö̧ jȩpä̧tö̧mä̧ Dios ö̧jo̧mȩ rȩbȩhuo̧co̧tö̧.

Gálatas 5:21 Referans Kwoze

Romanos 13:13

Mo̧ro̧ kuettächa'a jä̧'i̧nü̧'a̧nü̧ kuetächätukua, adiwomȩnä̧tä̧ amükuädü. Tu̧kuȩ rü̧ȩnä̧ abo 'kuäo'ünä̧ kuä̧nü̧, tä̧'ä̧mä̧'chü̧mä̧kü̧, nä̧tü̧rü̧ jȩpä̧'chü̧mä̧kü̧, rowäkuäumä̧kü̧, kka̧ra̧ u̧ju̧nä̧rü̧ mȩ'o̧pä̧rü̧mä̧kü̧.

Romanos 8:13

Isopäi'ünä̧ kuidepä pä̧wä̧rü̧ja̧'a̧ku̧ ku̧ja̧kuä̧tu̧kuo̧mȩnä̧mä̧ wa'ü kuikuäkuotüjä̧. Ja̧'wa̧nü̧ ja̧'a̧nä̧ Epíritu Sa̧tu̧ ujurunä̧, jua̧u̧ kuidepä weü si'eku kuikuätukuttümä̧ kkä̧kuä̧wä̧ ku̧ju̧nä̧rä̧kuo̧tü̧jä̧.

Efesios 5:18

Vino isoyattümä̧ tä̧kuä̧mä̧kuä̧wä̧tu̧kuä̧, juoyamä̧ ja̧'a̧tä̧ surojuoepoya; pärokua'attü Epíritu Sa̧tu̧ jäwätä jo̧mȩnü̧ kka̧kuä̧tu̧kui̧.

1 Corintios 5:11

Ja̧'wa̧ta̧nü̧ pä'üsä, wȩyu̧tu̧ we'inü̧sä̧ Crito-nä̧ chi̧jä̧wa̧tü̧ tta'anä̧, tti̧rȩkua̧mü̧ wokotüku jȩä̧'chä̧kuä̧wä̧nä̧'i̧nä̧, ruwotü juotta pä'ü tta̧'kua̧ roekuäkuäwänä'i̧nä̧, ttü̧ä̧nä̧wo̧tü̧rü̧ kku̧nä̧rä̧'chä̧kuä̧wä̧nä̧'i̧nä̧; surojuo'epü pä'chäkuäwänä̧'i̧nä̧, tä̧mä̧'chä̧kuä̧wä̧nä̧'i̧nä̧, nä̧u̧kuä̧rä̧kuä̧wä̧nä̧'i̧nä̧ kka̧kuä̧tü̧rü̧. Ja̧'wa̧nü̧ wa̧ku̧mä̧ ttu̧kuȩ'i̧nä̧, ttüku juiya pä'ü.

Apocalipsis 21:27

Juȩnȩmä̧, yorisotä surojümä̧ doächoka'a jä̧kua̧'a̧, ya̧tȩ surojü jȩpü̧'i̧nä̧, yapareu'i̧nä̧ do'ächokü jä̧kua̧, jua̧u̧ ja̧jü̧ jueimä̧ kkä̧kuä̧wä̧ kuyäru'tä, oweja mü̧ä̧ya̧ jü̧nä̧ wa̧ üäre'tänä̧ i̧mi̧ rü̧tä̧rü̧tä̧ do̧ä̧chä̧kua̧.

1 Pedro 4:3

Ukutumä̧ rekuo mo̧ro̧ judío pokotü jȩttä̧'i̧jü̧ jȩpi̧nä̧tü̧jä̧ ja̧'wa̧ta̧nü̧ kukuojatuku juoächünä̧tä̧, surojü kkü'kekunä̧tä̧, pä'kärinä̧tä̧, tä̧mä̧'chä̧kuä̧wä̧nä̧tä̧ ja̧'wa̧ta̧nü̧ kkü'käwokü tturuwo juoekuänä̧tä̧ kka̧kui̧nä̧tü̧jä̧.

Colosenses 3:6

Pi̧yȩmä̧ o'kajuiyütä Dio üjü'kokü jäwä ja̧'a̧, ukuotokotü jȩttü̧ ja̧'a̧ttü̧;

1 Tesalonicenses 5:7

Isopäi'ünä̧ ä'ekuätümä̧ yodó ä'ekuätü ja̧'wa̧ta̧nü̧ tä̧'ä̧mä̧kuä̧wä̧tü̧mä̧, yodó tä̧'ä̧mä̧kuä̧wä̧tü̧.

1 Corintios 15:50

Chawaruwä chi̧jä̧wa̧tü̧, pi̧yȩ pä'üsä ukuturu: Ttidepä'i̧nä̧, ttukuoja jäwä'i̧nä̧, ru̧wa̧ Dio weükumä̧ wiwawächoka'a; surojuoächü jäwämä̧, beipächokükumä̧ weoka'a.

Apocalipsis 22:15

Ja̧'wa̧nü̧ ja̧'a̧nä̧ suropätü'i̧nä̧, märipä jȩpä̧'chä̧tü̧'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧ttü̧'i̧nä̧, ttü̧ja̧rü̧ kuä'äwätü'i̧nä̧, tätäwä'kiyu esetätü'i̧nä̧ ja̧'wa̧ta̧nü̧ o'katoi'ünä̧ eseu, yapareäkuäwänä̧ kka̧kuä̧tü̧'i̧nä̧ u̧mi̧nä̧tä̧ ttü̧ja̧kui̧'ä̧kuo̧tü̧.

San Mateo 25:34

Ja̧'wa̧nü̧ ja̧'a̧ Ru̧wa̧ Rey-mä̧ u̧wo̧jua̧'a̧ku̧nä̧ kka̧kuä̧tü̧rü̧ pä̧kua̧: Ichätukui Chä'o ppädinä̧u̧mä̧, pi̧jä̧ adikui'ino̧mȩttü̧ päi'ünä̧ ukuturu wekuätukua pä'ü jo̧mȩnü̧ jȩpü̧ u̧ju̧ni̧nü̧ kuȩmä̧tu̧kua̧.

San Lucas 21:34

Ja̧'wa̧ta̧nü̧ kua̧mü̧nä̧ pa̧ja̧tü̧ ttu̧'ȩpä̧rä̧kuäu̧nu̧ kka̧kuä̧tu̧kui̧, abo 'kuäo'ünä̧ kuä̧nü̧mä̧, tä̧'ä̧mä̧kuä̧u̧mä̧ ja̧'wa̧ta̧nü̧ pi̧jä̧ jäwämä̧ rü̧ȩnä̧ amükuädümä̧ jȩ'kuä̧tu̧kuä̧ ja̧'wa̧nü̧ jȩ'kuä̧tu̧ku̧ttü̧mä̧ ku̧ni̧chä̧rä̧tu̧kua̧'a̧nä̧ jua̧u̧ mo̧ro̧ rȩbȩä̧kuä̧u̧ juiyäkua'anü̧.

Hebreos 13:4

O'katoi'ünä̧ tti̧rȩkua̧mü̧rü̧ kku̧nä̧rä̧tü̧rü̧mä̧ ukuotätukui ja̧'wa̧ta̧nü̧ kuirekuamü̧tu̧ku̧ku̧ ku̧ja̧kuä̧kuä̧wä̧tu̧ku̧mä̧ surojü juiyünä̧tä̧ kka̧kuä̧wä̧tu̧kui̧; jua'amä̧ ttȩmä̧kuä̧wo̧ka̧'a̧nä̧ kka̧kuä̧wä̧tü̧rü̧'i̧nä̧ ja̧'wa̧ta̧nü̧ kkorotü tti̧rȩkua̧mü̧rü̧ jȩpä̧'chä̧tü̧rü̧'i̧nä̧, Dio-mä̧ ü̧tä̧bo̧tä̧kua̧ ja̧'a̧.

2 Tesalonicenses 2:5

Amükuädätukui pi̧yȩ tü'kümä̧ täkü jidäwinä̧u̧jä̧, ukututäku chü̧jä̧i̧.