Gálatas 5:17 - Nuevo Testamento Uwotjüja

¹⁷ Isopäi'ünä̧ kuidepätuku kkü'kekumä̧, Epíritu abo jäwä ja̧'a̧, ja̧'wa̧ta̧nü̧ Epíritumä̧, ttidepä kkü'keku a̧bo̧i̧ya̧ ja̧'a̧. Jua̧u̧ todärenä̧ jü̧mä̧ mi̧kuä̧ri̧yä̧kuä̧u̧ rowäwa'a, ukutu kuju'kätuku jȩ'kuä̧tu̧ku̧ juiyünä̧.

TÄ̧DO Ä̧CUÄ̧ I̧HUȨNȨ

¹⁷ Ujutu tamönä pä̧huä̧ rö̧jö̧mä̧ Espíritu Santo jähuämäcö̧. Ja̧'hua̧ta̧nö̧ Espíritu Santomä ujutu tamönätä pä̧huä̧ rö̧jö̧mä̧ yoröiso kö'cocö. Espíritu Santo öjö'cö'inä, ujutu tamönä pä̧huä̧ rö̧jö̧'i̧nä̧ i̧mi̧cu̧nä̧ jö̧. Ja̧'hua̧nö̧ ja̧'a̧ttö̧ ucuturutä pä̧huä̧ rö̧jö̧mä̧ jȩcu̧'ä̧tu̧cu̧ juiyö'a̧nö̧ ja̧'a̧.

Gálatas 5:17 Referans Kwoze

Romanos 8:13

Isopäi'ünä̧ kuidepä pä̧wä̧rü̧ja̧'a̧ku̧ ku̧ja̧kuä̧tu̧kuo̧mȩnä̧mä̧ wa'ü kuikuäkuotüjä̧. Ja̧'wa̧nü̧ ja̧'a̧nä̧ Epíritu Sa̧tu̧ ujurunä̧, jua̧u̧ kuidepä weü si'eku kuikuätukuttümä̧ kkä̧kuä̧wä̧ ku̧ju̧nä̧rä̧kuo̧tü̧jä̧.

San Juan 3:6

Ttü̧ja̧ttü̧ uwäpächümä̧, ttü̧ja̧sa̧ ja̧'a̧; ja̧'wa̧ta̧nü̧ Epíritu-ttü uwäpächümä̧ Epíritu i̧sa̧ ja̧'a̧.

San Mateo 26:41

To̧pä̧rü̧ Dio-rü ukuokuätukui kua̧mi̧ 'kuäkuätukunä̧ ma̧kuä̧chä̧tu̧ku̧ juiyäkua'anü̧. Isopäi'ünä̧ epíritumä̧ jȩa̧ pä'anä̧ ttidepämä̧ juiyuwa'a.

Santiago 3:2

O'katoi'ünä̧tä̧ surojümä̧ jȩpä̧tü̧jä̧; Jua̧u̧nu̧mä̧ ya̧tȩ ukuokunä̧ surojü päoka'a jü̧ttü̧mä̧, jua̧u̧mä̧ adiu kkü̧, ja̧'wa̧ta̧nü̧ jä̧ttä̧pä̧ya̧mä̧ o'kajuiyünä̧tä̧ juȩ'ȩpä̧rä̧kuä̧wa̧'a̧ wa̧.

San Mateo 16:23

Ja̧'wa̧nü̧ päku, Jesú-mä̧ kkärächi'ü, Peduru-rü pä'inü̧: —¡Ttüttümä̧ 'kȩ'i̧pä̧chi̧, ukumä̧ satanás-jä̧, ttürü tto̧'ȩpä̧rü̧jä̧! pi̧jä̧ ttü̧ja̧ jäwätä topüjä̧, Dio jäwämä̧ topoküjä̧.

San Lucas 22:46

Ja̧'wa̧nü̧ ji̧yä̧ku̧ päinä̧u̧: —¿Tta̧'a̧nü̧ pä'ü ä'eku ku'ȩjä̧tu̧kua̧'a̧jä̧ttü̧? ä̧rä̧mi̧'ü̧ Dio-rü ukuokuätukui, tta̧mi̧ 'kuäwänä̧ ma̧kuä̧chä̧tu̧ku̧ juiyäkua'anü̧.

San Mateo 12:30

Ttürü ppä'ädokümä̧, ttü cha̧bo̧i̧ya̧tä̧ wa̧; ja̧'wa̧ta̧nü̧ ttüku ka̧ka̧to̧kü̧mä̧, pperetütä iku.

Gálatas 3:21

¿Ja̧'wa̧nü̧ jü̧ttü̧mä̧ weäwä wȩnȩmä̧, Dio iya päinü̧ku̧mä̧ to'i ja̧'a̧ku̧ jäwä ja̧'a̧ tä̧jí̧? ¡Ja̧'wa̧nü̧mä̧ jo̧ka̧'a̧! isopäi'ünä̧ weäwä wȩnȩtä̧ kkä̧kuä̧wä̧ i'ko iyü jü̧ttü̧mä̧, Dio-mä̧ ȩma̧ja̧u̧jä̧ weäwä wȩnȩ tukuota'anä̧tä̧'i̧nä̧.

San Lucas 22:33

Simón-mä̧ pä'inü̧: —Chu̧ru̧wa̧, kärenä̧ra̧'a̧'i̧nä̧ ukutäku chi̧'chä̧kua̧sä̧. Suro, jua̧u̧tä̧mä̧kü̧, ukutäku wä̧i̧nä̧ kuä'ü'i̧nä̧ tti̧kuä̧kua̧sä̧.

San Mateo 16:17

Ädätäku Jesú-mä̧ päinä̧ku̧: —Simón, Joná i̧tti̧ ukumä̧ rü̧ȩnä̧ eseäkuäwä po̧kui̧pü̧jä̧, pi̧yȩ ku̧wo̧juö̧mä̧ ukutä jäwämä̧kü̧ ja̧'a̧, Chä'o Dio mo̧ro̧jä̧nä̧ kkü̧tä̧ jiäwäkujä̧.

San Mateo 5:6

Eseäkuäwä kka̧'a̧ adiwomȩnä̧ jȩä̧kuä̧wä̧ rekuä rü̧jä̧u̧ru̧, jua'amä̧ jo̧mȩnü̧tä̧ ttü̧'o̧kui̧'ä̧kua̧'a̧ttü̧.