Gálatas 5:13 - Nuevo Testamento Uwotjüja

¹³ Chawaruwä chi̧jä̧wa̧tü̧, 'chu̧ä̧rü̧ juiyünä̧ ku̧jä̧tu̧kua̧ pä'ü woinä̧u̧jä̧. Ja̧'wa̧nü̧ ja̧'a̧nä̧, jua̧u̧ 'chu̧ä̧ro̧kü̧nä̧ kkä̧nü̧mä̧ kuidepätuku wea'aku jȩpü̧ ku̧ja̧kuä̧tu̧kuä̧. Pärokuänä̧tä̧, yotukunä̧ eseu repe'äkuäutä kka̧kuä̧tu̧kui̧.

TÄ̧DO Ä̧CUÄ̧ I̧HUȨNȨ

¹³ Chö̧jä̧hua̧tö̧, Dios ucutumä ttumöhuäyotö päi'önä cu̧ja̧cuä̧tu̧cu̧ juiya pä'ö huoinä̧u̧jä̧. Ja̧'hua̧nö̧ ja̧'a̧nä̧ adiunä kä̧nö̧, ucuturutä cuamönätucutä pä̧huä̧ rö̧jö̧mä̧ jȩcu̧'ä̧tu̧cu̧ juiyö'a̧nö̧ ja̧'a̧. Cuahuaruhuärö repe'ö kä̧nö̧, ka̧ra̧ ka̧ra̧nö̧ ppä'ädätucui.

Gálatas 5:13 Referans Kwoze

1 Pedro 2:16

Ttü̧ja̧ surojüttü rä'epü ikuäwotü jü̧nä̧ kka̧kuä̧tu̧kui̧, surojüttü rä'epü ikuäwotü̧jä̧ pä'ü, surojü jȩ'kuä̧tu̧kua̧ pä'ümä̧kü̧, ja̧'wa̧nü̧ ja̧jü̧jueimä̧ Dio-rü ppä̧dä̧rä̧kuä̧wä̧ isotü jü̧nä̧tä̧.

1 Corintios 9:19

Ya̧tȩ'i̧nä̧, esclavo chunä̧ u̧mü̧wä̧ya̧mä̧ choka'anä̧, o'katoi'ünä̧ esclavo jü̧nä̧ ttu̧mü̧wä̧ya̧tä̧ juo'ächinü̧sä̧, rekuätü Jesucrito-rü esetü ttikunä̧ jidäwa pä'ü.

1 Corintios 8:9

Ja̧'wa̧nü̧ ja̧'a̧nä̧, ukutu unichä̧rü̧ jȩpü̧ ku̧jä̧tu̧ku̧mä̧, jiyüpätürü kkä'ü kuikuätuku juiyünä̧ kka̧kuä̧tu̧kui̧.

Gálatas 5:14

Isopäi'ünä̧ weäwä wȩnȩmä̧ o'kajuiyünä̧, pi̧yȩ ji̧yȩtȩnä̧tä̧ ka̧ka̧kuä̧cha̧'a̧: «Kuawaruwärümä̧, ya̧ku̧nä̧rü̧ eseu repe'ätukui, kua̧mü̧nä̧ pa̧ja̧tü̧ repekuäkuäuta'anü̧» jü̧nä̧.

Efesios 5:21

Dio-rü ukuotätümä̧, jikuäkuäwätukumä̧ ukuotäkuäu kka̧kuä̧tu̧kui̧.

Gálatas 6:2

Ya̧tȩ ȩpü̧mä̧, kkorotü'i̧nä̧ ppä'ädäkuäu ȩpä̧tu̧kui̧, ja̧'wa̧nü̧ jȩpü̧tä̧ Crito aditinü̧mä̧ kuaditäkuotüjä̧.

Judas 1:4

Cha̧'kua̧tta̧nü̧ jä̧ku̧sä̧, ku̧'kä̧tȩtu̧ku̧nä̧ dodepü yapareu ji'u, Jesucrito-mä̧ Tu̧ru̧wa̧mä̧kü̧, kukuotätukuärü pä'ü ttu̧wo̧juȩto̧mȩnä̧. Juätümä̧, pä'ätü Dio-mä̧ ujuturu rü̧ȩnä̧ repea'attü̧ suronä̧ jȩta̧'a̧nä̧'i̧nä̧ ro̧'ȩpo̧kü̧ jä̧kua̧, jü̧nä̧. Isopäi'ünä̧ ja̧'wa̧nü̧ ja̧'a̧ttü̧ wȩyu̧kuä̧ wȩnȩmä̧, mo̧ täbokütä päi'ünä̧ jiäwina̧'a̧, juätürü Dio ro̧ȩpä̧kuȩ wȩnȩmä̧.

2 Pedro 2:19

Pä̧wä̧rü̧ja̧'a̧ku̧ jȩtti̧ya̧tü̧ pä'ätü, jitütämä̧ surojü jȩä̧kuä̧wä̧ umüwäyotü tta'anä̧; isopäi'ünä̧ o'katoi'ünä̧ surojü umüwäyotümä̧ jua̧u̧tä̧ wȩä̧u̧ ja̧'a̧ttü̧.

2 Corintios 4:5

Ujututä ta̧mü̧nä̧ pa̧ja̧tü̧mä̧ ji'äwokotüjä̧, ji̧nä̧somä̧ Jesucrito-mä̧, Tu̧ru̧wa̧ ja̧'a̧ pä'ü ji'äu kkä̧nü̧, ukutumä̧ ku̧wo̧juȩtä̧u̧jä̧ pä'ätüjä̧, Crito-rü eseu repeta'attü̧.

Hechos 20:35

O'kajuiyünä̧tä̧ chu̧wo̧juȩtä̧'i̧jä̧ujä̧, rekuä rü̧jä̧u̧ru̧ ppätäda pä'ümä̧, tadita pä'ü rekuä rü̧ja̧'a̧ pä'ü. Tu̧ru̧wa̧ Jesú pa̧'a̧nü̧ päinü̧ amükuädü: iyäwänä̧mä̧, Ȩmä̧wä̧ttü̧'i̧nä̧ abonä̧nü̧ eseäkuäwä kka̧'a̧ pä'ü.

Gálatas 5:22

Ja̧'wa̧nü̧ ja̧'a̧nä̧ Epíritumä̧ iyü, eseu repeäkuäwä, eseäkuäwä, wȩnȩ juiyü kkä̧kuä̧wä̧, jurunä̧ woäkuäwokü, adiwä i̧sa̧, ppädäkuäwä i̧sa̧, jueünä̧tä̧ ukuoku,

San Lucas 4:18

Dio i̧sa̧ Epíritu ttünä̧tä̧ kkü̧, Jua'amä̧ ȩmi̧nä̧ku̧ cha'attü, usurä isotürü adiwäjuei jareü wȩnȩ ȩpü̧ chiya pä'ü; weinä̧ku̧sä̧ tta̧mi̧ iso'kinä̧ usurä ȩmä̧wä̧tü̧rü̧ aditü chikua pä'ü. Kärenä̧ pȩjä̧tü̧rü̧ rä'epü chikua pä'ü. Ja̧'wa̧ta̧nü̧ ä̧to̧kä̧tü̧rü̧ tottünä̧ jȩcha̧ pä'ü; suronä̧ jȩttä̧u̧ usurä ȩmä̧wä̧tü̧rü̧ rä'epü chikua pä'ü;

Gálatas 4:22

Jua̧u̧ wȩyu̧kuä̧ wȩnȩ jiäwa'a, Abraha̧ i̧tti̧mü̧ ta̧ju̧ru̧ u̧ju̧nä̧ri̧nü̧ wȩnȩ: Ya̧tȩmä̧ umüwäyaju esclava waju pättäkuattü ji̧na̧'a̧, kka̧ra̧mä̧ irekuattü, libre waju pättäkuattü ji̧na̧'a̧.

1 Tesalonicenses 1:3

Tä'o Dio ä'ka jo̧mȩ tukuokuomȩnä̧mä̧ amükuädätü̧jä̧, kua̧'kua̧ wȩnä̧rü̧ kuaditä'ijätuku'i̧nä̧, eseu kuaditä'ijätuku'i̧nä̧ ja̧'wa̧ta̧nü̧ 'kiyünä̧, Tu̧ru̧wa̧ Jesucrito surojüttü kki̧'ä̧kuä̧wä̧ i̧yä̧kuȩ tta̧kuä̧rä̧tu̧ku̧'i̧nä̧, jü̧nä̧.

2 Corintios 12:15

Ja̧'wa̧nü̧ ja̧'a̧ttü̧, eseunü̧tä̧ bedekuä̧kua̧sä̧ ttü chiärettümä̧ ja̧'wa̧ta̧nü̧ ttütä'i̧nä̧ be'ipächüsä ukuturu ppä'ädümä̧. Isopäi'ünä̧ ukuturu rü̧ȩnä̧ eseu repeda'anä̧ ¿tta̧'a̧nü̧ pä'ü a̧'u̧ku̧nä̧tä̧ kuesewätukuäkusättü̧?

2 Corintios 3:17

Jua'amä̧, Tu̧ru̧wa̧mä̧ Epíritu jü̧nä̧tä̧ wa̧ ja̧'a̧ttü̧; isopäi'ünä̧ Tu̧ru̧wa̧ i̧sa̧ Epíritu ü̧jo̧mȩmä̧, wȩnȩ juiyünä̧ kkä̧kuä̧wä̧ kka̧'a̧.

Gálatas 2:4

Jua'akumä̧, yä̧wȩi̧nä̧ tü̧'kä̧tȩnä̧ to̧ttä̧ri̧nä̧u̧jä̧ Crito-rü esetätüjä̧ pä'ätümä̧, Crito ujuturu rä'epü ikuinü̧nä̧ tü̧ja̧ku̧ttü̧ rä'epü iku, pä'äjita'anü̧ weäwä wȩnȩku̧ esclavo pättünä̧ tü̧ja̧ku̧nä̧ jȩtta̧ pä'ümä̧.

Gálatas 5:1

Crito rä'epü ikuinü̧nä̧tä̧, 'kiyünä̧ kka̧kuä̧tu̧kui̧, pä'äjita'anü̧mä̧ weäwä wȩnȩ kkȩdä̧ra̧'a̧ku̧mä̧ ku̧ja̧kuä̧tu̧kuä̧.

2 Corintios 2:8

Ja̧'wa̧nü̧ ji̧yä̧ku̧, jua̧u̧ru̧ repe'ü kuesewätuku kui̧jȩpä̧tu̧kua̧rü̧ pä'üsä.