Gálatas 5:11 - Nuevo Testamento Uwotjüja

¹¹ Chawaruwä chi̧jä̧wa̧tü̧, circuncisión pättü jȩttä̧kuä̧wa̧ pä'ü jidäwuttümä̧, chabo iyotümä̧ suronä̧ pä'ümä̧ ttusokoku pajüsä. Ja̧'wa̧ta̧nü̧ ü̧jo̧kä̧ jäinä̧ kkä̧nü̧ 'korupäi'inü̧ wȩnȩ tta̧mi̧ surunä̧ topokotü pa̧ja̧tü̧.

TÄ̧DO Ä̧CUÄ̧ I̧HUȨNȨ

¹¹ Juhuorö'inä chö̧jä̧hua̧tö̧, ttö ji̧nä̧ circuncisión jȩtta̧ pä'ö chu̧huo̧juȩtö̧ttö̧mä̧, judíos ttö̧ja̧ yoröiso ttö̧ra̧huä̧ro̧co̧cu̧sä̧. Ja̧'hua̧nö̧ jö̧ttö̧mä̧ Cristo dau isodänä 'corupäi'inö huȩnȩmä̧ ttä̧ju̧cuo̧mȩnä̧, ra̧huä̧ro̧co̧tö̧ pajatö a̧'cua̧ra̧'a̧.

Gálatas 5:11 Referans Kwoze

1 Corintios 1:23

ja̧'wa̧nü̧ ja̧'a̧nä̧, ujutumä̧ Crito-rü ü̧jo̧kä̧ jäinä̧ 'korujuo'ächinü̧rü̧ ji'äwätüjä̧. Pi̧yȩmä̧ judío-rümä̧ tto̧ȩpä̧rü̧ wȩnȩ ja̧'a̧nä̧, judío pokotürütä ttu̧'ȩpä̧ro̧ko̧tü̧ ttukuokua'a jä̧'i̧nü̧'a̧nü̧ jü̧ wȩnȩ ja̧'a̧;

Gálatas 6:12

Circuncisión pättü, jȩttä̧kuä̧wa̧ pä'ü wȩ'ä̧rä̧tü̧mä̧, ttü̧ja̧ku̧ adiunä̧ ttü̧ja̧kui̧'a̧ pä'ütä jȩpä̧tü̧, Crito ü̧jo̧kä̧ jäinä̧ 'korujuoächinü̧ jäwänä̧ kuä'äu ttikua pä̧ttä̧u̧ usurä ttȩmä̧u̧ juiya pä'ü.

Gálatas 4:29

Ja̧'wa̧nü̧ ji̧yȩnü̧ mo̧ro̧ ttidepä pä̧wä̧rü̧jo̧mȩnä̧ kkuwäbekuinä̧ku̧, Epíritu jäwänä̧ kkuwäbekuinä̧ku̧ru̧ üjü'kü juiyinü̧ta'anü̧, jitä'i̧nä̧ ja̧'wa̧nü̧tä̧ 'kuäopa'a.

Gálatas 2:3

Ja̧'wa̧nü̧ ja̧'a̧nä̧, ttüku kue'ächü Tito Grecia ttü̧ja̧sa̧ ja̧'a̧nä̧'i̧nä̧, circuncisión jȩä̧kuä̧wa̧ pä'ümä̧ wettokoku pinü̧.

1 Corintios 15:30

Ja̧'wa̧ta̧nü̧ ¿ujutumä̧, tta̧'a̧nü̧ pä'ü o'kajuiyünä̧ mo̧ro̧ ji̧nü̧ a̧'u̧kuä̧ tote'ächü'anü̧ ra̧wä̧pi̧jü̧nä̧ kka̧kuä̧tü̧jä̧ttü̧?

Hechos 21:21

Ja̧'wa̧nü̧ ja̧'a̧nä̧ ukú kutü'kümä̧ ä̧ju̧kuä̧jä̧tü̧, kko̧ro̧jä̧ rȩjȩnä̧ kka̧kuä̧tü̧ judío-rü Moisé weäwä wȩnȩ ttukuotü juiyünä̧'i̧nä̧, tti̧tti̧mü̧rü̧ circuncisión jȩttü̧ juiyünä̧'i̧nä̧, ujutu judío jȩpü̧ tü̧jä̧'i̧jü̧'i̧nä̧ jȩttü̧ juiya pä'ü we'üdo pä'ü ukuowa'a.

Gálatas 6:17

Jitä yabokumä̧, ya̧tȩ'i̧nä̧ suronä̧ jȩtta̧ttü̧mä̧ pä'oküsä; chidepänä̧mä̧ Jesú usurä ȩmä̧wi̧nü̧ rü̧tä̧rü̧sä̧.

1 Corintios 1:18

Isopäi'ünä̧, Crito ü̧jo̧kä̧ jäinä̧ 'korujuoächinü̧mä̧, suräjuä wȩnȩ ja̧'a̧ to'e'ächätürümä̧; ja̧'wa̧nü̧ ja̧'a̧nä̧, ra̧wä̧pi̧jü̧ttü̧ kka̧kui̧pä̧tü̧, ujuturumä̧ Dio ujurutä ja̧'a̧.

Hechos 21:28

wopinä̧tü̧: «¡Irae ttü̧ja̧, ppä'ädätukuitü! ¡pide ja̧'a̧ ujutu jäwä'i̧nä̧, weäwä wȩnȩ'i̧nä̧, ja̧'wa̧ta̧nü̧ tü̧jo̧mȩ'i̧nä̧ to'ija̧'a̧ku̧ ji'äu wo̧juȩtä̧'i̧jü̧mä̧. Ja̧'wa̧ta̧nü̧ jitämä̧ yotüte Griego-rü'i̧nä̧ do'ädäji Dio-rü ukuokuäkuäwode surojuoächünä̧!»

Hechos 16:3

Pauru-mä̧, Timoteo-rü oipa pä'ü amükuädinü̧ ja̧'wa̧nü̧ ja̧'a̧nä̧ ä̧kuo̧mȩnä̧mä̧ circuncisión jȩtta̧rü̧ pä'ü weinä̧ku̧, juȩnȩ kka̧kuä̧tü̧ Judío suronä̧ tta̧mü̧kuädü juiya pä'ü. Jua'amä̧ Timoteo, jä'omä̧ Grecia ttü̧ja̧sa̧ pä'ü ttü̧wo̧jui̧yä̧ku̧ jȩpi̧nü̧.

Gálatas 3:1

¡Isoo, Galacia ttü̧ja̧, Kuamükuädü jui'ätüjä̧ttü̧! ¿Dí ji̧nä̧ttü̧ ukuturu märipänä̧ surojuo'epinü̧mä̧ jueü wȩnȩ kukuotätuku juiya pä'ümä̧? Ttütä wäjuönä̧ jidäwinä̧u̧jä̧ Jesucrito ü̧jo̧kä̧nü̧ daunä̧ kkä̧nü̧ 'korujuoächinü̧ wȩnȩmä̧.