Gálatas 4:5 - Nuevo Testamento Uwotjüja

⁵ jua̧u̧ weäwä wȩnȩnä̧ kka̧kuä̧tü̧rü̧ rä'epü iku, Dio-mä̧ i̧tti̧mü̧ päi'ünä̧ jȩi̧nä̧u̧jä̧.

TÄ̧DO Ä̧CUÄ̧ I̧HUȨNȨ

⁵ Ja̧u̧ ja̧'hua̧nö̧ ichinö ujutu hueähuä huȩnȩ jȩpä̧tö̧rö̧ jȩpö̧ icua pä'ö, Dios i̧tti̧mö̧ päti'önä ȩma̧tö̧ pä'ö.

Gálatas 4:5 Referans Kwoze

Hebreos 9:15

Ja̧'wa̧nü̧ ja̧'a̧ttü̧, Jesucrito-nä̧mä̧ jitä jareünä̧ esekuinü̧nä̧ dodepätüjä̧. Jua'amä̧ wa'arenä̧ 'korujuoächomȩnä̧ ä̧kuo̧mȩnä̧ esekuinü̧ jäwänä̧ kkä̧nü̧ suronä̧ jȩtti̧nü̧ttü̧mä̧ rä'epü ikuäu̧jä̧. Ja̧'wa̧nü̧tä̧ Dio woinä̧u̧mä̧ isopäi'ünä̧tä̧ ttȩmä̧kuo̧tü̧jä̧, i'ko iyatü päinü̧mä̧.

Efesios 1:5

Rü̧ȩnä̧ repea'attü̧, ä̧kuo̧mȩnä̧tä̧ päi'ünä̧ pojopü u̧ju̧ni̧nä̧u̧jä̧, I̧tti̧ Jesucrito-nä̧ i̧tti̧mü̧ päi'ünä̧ ȩma̧tü̧ pä'ümä̧, churutä pä̧wä̧rü̧jo̧mȩnä̧.

Efesios 1:7

Jua̧u̧ ukuojänä̧tä̧ i̧mi̧tä̧wi̧nä̧u̧jä̧, suronä̧ jȩtä̧'i̧ja̧'a̧mä̧, rȩrü̧jü̧ toäkuäwä u̧ju̧nä̧ra̧'a̧ttü̧,

Apocalipsis 5:9

Ja̧'wa̧nü̧ ja̧'a̧, juätümä̧ ji̧yȩtȩ jareü ra̧wä̧wä̧ ra̧'i̧nä̧tü̧: «Ukutäjä̧, juä'tä kuyäru'tä 'chukuädu'anü̧ wa̧mä̧ ja̧'wa̧ta̧nü̧ sello pättü jȩpü̧ kuiku'anü̧ wa̧mä̧, usurä ȩmä̧u̧ tokue'ächina̧'a̧ttü̧; kukuojanä̧ mitäu ȩmi̧nü̧jä̧, Dio i̧tti̧mü̧ päi'ünä̧, o'katoi'ünä̧ ttü̧ja̧ tti̧wȩnȩ pünä̧ ukuokuätürü'i̧nä̧, ttidepiyu pünä̧'i̧nä̧, jü̧nä̧.

Hebreos 9:12

Ja̧'wa̧ta̧nü̧ cabrío pä̧ttä̧u̧, pä̧kä̧yü̧ ppo̧'ä̧tü̧ ttukuoja'i̧nä̧ ttȩpa̧jü̧ jueimä̧ Chutä a̧mü̧nä̧ pa̧ja̧tü̧ ukuoja ȩpi̧nü̧, I̧so̧ka̧ Rü̧ȩnä̧ Ro̧ka̧nä̧, ya'utenä̧tä̧ do'ächinü̧ 'kuäopünä̧tä̧ mikuäwa pä'ü, surojü mikuäwächünä̧ mitäu kä'ädäji̧'ka̧mä̧.

Gálatas 3:13

Crito-mä̧ weäwä wȩnȩ ukuotokü, usurä ȩmä̧wa̧jü̧ juei usurä ȩmä̧wi̧nü̧ ujutu jäwänä̧, ja̧'wa̧nü̧ jȩpü̧tä̧ ȩmi̧nä̧u̧jä̧. Wȩyu̧kuä̧ wȩnȩmä̧ pä'a: «Dio-mä̧ suronä̧ pä̧kua̧, ü̧jo̧kä̧ jäi daunä̧ 'korujuo'ächürümä̧.»

Romanos 8:23

Suro, pi̧jä̧ jäwätämä̧ usurä ȩmä̧wo̧ka̧'a̧, ujutu Epíritu Sa̧tu̧rü̧ kku̧nä̧rä̧tü̧mä̧ usurä ȩmä̧wä̧tü̧jä̧, Dio i̧yä̧kuȩmä̧ tȩmä̧kuo̧tü̧ ta'anä̧. Jakuänä̧mä̧ amükuä̧rä̧tü̧jä̧ Dio i̧tti̧mü̧ päi'ünä̧ jo̧mȩnü̧ ȩmä̧kuȩ mo̧ro̧.

Gálatas 4:7

Ja̧'wa̧nü̧ ja̧'a̧ttü̧, täkü esclavo jü̧nä̧mä̧ u̧mü̧wä̧ya̧mä̧kü̧jä̧, jitämä̧ i̧tti̧jä̧; Dio-rü pä̧wä̧rü̧jo̧mȩnä̧ chutä iäre iya päinü̧mä̧ i̧yä̧kua̧jä̧.

Gálatas 3:26

Ja̧'wa̧nü̧ ja̧'a̧ttü̧ ukutumä̧ o'katoi'ünä̧ Dio i̧tti̧mü̧jä̧, Crito Jesú-ru kua̧'kua̧ ku̧wȩnä̧rä̧tu̧kua̧'a̧mä̧.

Romanos 9:4

Juätümä̧ Irae i̧tti̧mü̧ isotü ttomȩttü̧ ja̧'wa̧ta̧nü̧ Dio i̧tti̧mü̧ jü̧nä̧ ȩmi̧nä̧u̧ tta'attü̧; Dio-mä̧ juätütäku kki̧nü̧, ujuru'i̧nä̧ i̧jȩpi̧nä̧u̧ ja̧'wa̧ta̧nü̧ juätütäku eseku, jȩttä̧kuȩ wȩnȩ'i̧nä̧ iyinä̧u̧. Isopäi'ünä̧ ttesewarü pä'ü wo̧juȩtü̧ kkä̧nü̧, i̧yä̧kuȩ'i̧nä̧ ukuokuinä̧u̧.

San Juan 1:12

Ja̧'wa̧nü̧ ja̧'a̧nä̧ o'katoi'ünä̧, jua̧u̧ru̧ yattokuoka'a do'ädinä̧tü̧rü̧mä̧; churutä esetätürümä̧, Dio i̧tti̧mü̧ päi'ünä̧tä̧ juo'epü ikuinä̧u̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

Romanos 8:19

Isopäi'ünä̧ Dio aditäwämä̧, a̧mi̧ 'ki'ächi'ü tta̧wä̧ra̧'a̧, Dio i̧tti̧mü̧ tti̧jȩkuä̧chi̧'ä̧kuȩ mo̧ro̧.

Efesios 5:2

Eseäkuäutä kka̧kuä̧tu̧kui̧, Crito ujuturu esewinü̧ta'anü̧; ja̧'wa̧nü̧ repe'ümä̧, ujutu jäwänä̧ ofrenda jü̧nä̧, sacrificio jü̧nä̧, Dio-rü adiu a̧mȩu̧nä̧ iyäkuäwinü.

Gálatas 4:21

Weäwä wȩnȩ päü'anü̧ ttü̧ja̧kua̧ pä'ätümä̧, ji̧yȩtȩ ji'äwätukuittü: ¿Ukutumä̧, weäwä wȩnȩ päümä̧ ä̧ju̧kuo̧ko̧tü̧ pä'ijätüjä̧ tä̧jí̧?

San Lucas 1:68

¡Irae ttü̧ja̧ ttu̧ru̧wa̧ Dio-rü teseäkuäwätukua, isopäi'ünä̧ u̧mü̧wä̧yotürü topü ichükkä̧nü̧, surojüttü rä'epü iku ichä'attü̧!

Hebreos 1:3

Jua̧u̧tä̧ ja̧'a̧, i̧wȩnȩ ujurunä̧nä̧tä̧ 'chü̧ä̧rä̧kuä̧wä̧ i̧sa̧, uruwo kkȩdȩpa̧mä̧, ja̧'wa̧ta̧nü̧ Dio a̧'kua̧juä̧mä̧. Jua̧u̧mä̧ suronä̧ jȩtü̧ tükü ikuinü̧ o'ka'amä̧, mo̧ro̧jä̧nä̧ pä̧mä̧di̧nü̧, Dio uruwo dȩä̧kä̧ u̧wo̧jua̧'a̧ku̧nä̧.

San Mateo 20:28

Ttü, Ubo I̧tti̧ chüta'anü̧, ttümä̧ weda pä'ümä̧ ichokü pinü̧sä̧, pärokua'aku ttu̧mü̧wä̧ya̧ jü̧nä̧tä̧, rekuätürü ppä'ädü iku cha̧'kua̧rü̧ iyäu ichinü̧sä̧.

Hechos 20:28

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧, Epíritu Sa̧tu̧ igresia-nä̧ pató-tü̧ päi'ünä̧ tta̧kuä̧rä̧tu̧kua̧ pä'ü iyina̧'a̧mä̧, Tu̧ru̧wa̧ ukuojanä̧ i̧mi̧täwina̧'a̧ttü̧.

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.

Apocalipsis 14:3

Juätümä̧ jareü ji̧yȩtȩ ra̧'i̧nä̧tü̧, ruwo dȩä̧kä̧ ä'ka jo̧mȩttü̧ ja̧'wa̧ta̧nü̧, pa̧ja̧kuä̧nü̧ wotü a̧'kua̧rä̧tü̧ ttä'kattü'i̧nä̧ ja̧'wa̧ta̧nü̧ A̧ci̧a̧nu̧tu̧ ttä'kattü'i̧nä̧, jü̧nä̧. Jua̧u̧ ra̧ttü̧mä̧ ya̧tȩ'i̧nä̧ ttu̧wo̧jui̧pü̧ juiyünä̧ ji̧na̧'a̧, suro ciento cuarenta y cuatro mil jo̧mȩnä̧ wotü, pi̧jä̧ra̧'a̧ttü̧ surojüttü kka̧kui̧pi̧nä̧tü̧tä̧ wo̧jui̧nä̧tü̧ jua̧u̧mä̧.

Romanos 8:14

O'katoi'ünä̧ Dio i̧sa̧ Epíritu oipa'anä̧ 'chä̧tü̧mä̧, Dio i̧tti̧mü̧ ja̧'a̧.

Romanos 8:15

Isopäi'ünä̧ Dio ukuturu iyinä̧ku̧ Epíritumä̧ 'chu̧'ä̧ro̧kü̧ ja̧'wa̧ta̧nü̧ yekuekuätukunä̧'i̧nä̧ jȩpo̧kü̧. Ja̧'wa̧nü̧ ja̧jü̧jueimä̧, pärokua'aku Epíritumä̧ Dio i̧tti̧mü̧ juokuächätukunä̧ juoepinä̧u̧jä̧. Jua̧u̧nä̧tä̧tä̧ ajuäkuäwätüjä̧: ¡Abbá, Chä'o pä'ümä̧!

Romanos 10:4

Isopäi'ünä̧ weäwä wȩnȩ ji̧nü̧mä̧ beipa'a Crito-nä̧tä̧, o'katoi'ünä̧ Churutä tta̧'kua̧ wȩnä̧rü̧ esetätürümä̧ adiwä isotütä päi'ünä̧ pärotü ikuatü pä'ü.