Gálatas 4:26 - Nuevo Testamento Uwotjüja

²⁶ Ja̧'wa̧nü̧ ja̧'a̧nä̧, Sara-rümä̧ wȩnȩkuä̧cha̧'a̧ jareünä̧ esekuäkuäwä wȩnȩ, ja̧'wa̧nü̧ jo̧mȩttü̧ mo̧ro̧jä̧ra̧'a̧ Jerusarȩ́ ütawiyä isotüjä̧, ttu̧wo̧juȩtä̧u̧ wokotü ttidepiyu jo̧mȩ,

TÄ̧DO Ä̧CUÄ̧ I̧HUȨNȨ

²⁶ Ja̧'hua̧nö̧ ja̧'a̧nä̧ mo̧ro̧jä̧ra̧'a̧ttö̧ Jerusalén ötahuiyämä ttumöhuäyotö ttoca'a. Ujutumä ja̧u̧ ötahuiyä ttö̧ja̧jä̧.

Gálatas 4:26 Referans Kwoze

Hebreos 12:22

Ja̧'wa̧nü̧ ji̧nü̧ juei ukutumä̧, tü'küpächi'inä̧tü̧jä̧, Sión mü̧ä̧'kanä̧, Dio wa'okü ü̧jo̧mȩ ütawiyänä̧, mo̧ro̧jä̧ra̧'a̧ttü̧ Jerusarȩ́-nä̧ ja̧'wa̧ta̧nü̧ rekuätü á̧gȩrȩ, Dio-rü eseäkuäu ttü̧ka̧ka̧kuo̧mȩku̧,

Filipenses 3:20

Ja̧'wa̧nü̧ ja̧'a̧nä̧ ujutumä̧ mo̧ro̧jä̧ ttü̧ja̧jä̧, jua'attü Tu̧ru̧wa̧ ra̧wä̧pi̧jü̧ttü̧ rä'epü ikuinü̧ Jesucrito-rü icha'a tetäwäkuotüjä̧.

Apocalipsis 21:2

Ja̧'wa̧ta̧nü̧ ttü Ju̧a̧-mä̧ topinü̧sä̧, surojü juiyü ütawiyä, jareünä̧ Jerusarȩ́, mo̧ro̧jä̧ Dio ü̧jo̧mȩttü̧ mȩyȩwä̧ja̧'a̧. Yajute kkirekuorü kkü'käwa pä'ü kkü̧'ka̧tä̧wi̧'a̧'a̧ jä̧'i̧nü̧'a̧nü̧.

Apocalipsis 3:12

Isó juo'epü surojü abo 'kuä'o'ürümä̧ chu̧ru̧wa̧ Dio-rü ukuokuäkuäwode 'chu̧ä̧rä̧'ka jü̧nä̧ jȩchä̧kuä̧u̧, juorümä̧ yoriso rättopü juiyünä̧tä̧; ja̧'wa̧ta̧nü̧ juätürümä̧ chü̧ä̧nä̧wa̧ Dio i̧mi̧'i̧nä̧, jareü ütawiyä Jerusarȩ́ mo̧ro̧jä̧ra̧'a̧ Dio-ttü ichü i̧mi̧'i̧nä̧, jareünä̧ chi̧mi̧'i̧nä̧ wȩyu̧tu̧ chü̧tä̧kua̧sä̧.

Gálatas 4:22

Jua̧u̧ wȩyu̧kuä̧ wȩnȩ jiäwa'a, Abraha̧ i̧tti̧mü̧ ta̧ju̧ru̧ u̧ju̧nä̧ri̧nü̧ wȩnȩ: Ya̧tȩmä̧ umüwäyaju esclava waju pättäkuattü ji̧na̧'a̧, kka̧ra̧mä̧ irekuattü, libre waju pättäkuattü ji̧na̧'a̧.

Romanos 6:18

Surojü 'chu̧ä̧ri̧nü̧ttü̧ rä'epü ikuinü̧ o̧'ko̧u̧mä̧, adiwomȩnä̧ jȩpü̧ kkä̧kuä̧wä̧nä̧ ku̧ja̧kuä̧tu̧kua̧ pä'ü dodepinä̧tü̧jä̧.

Romanos 6:14

Ja̧'wa̧nü̧ jo̧mȩnä̧ ukutunä̧mä̧ ukuotäkuäwokü surojümä̧ wȩo̧ko̧u̧ kuäkuotüjä̧, täkü weäwä wȩnȩnä̧mä̧ kka̧kuo̧ko̧tü̧jä̧, jitämä̧ Dio re ü̧ji̧nü̧nä̧ kka̧kuä̧tü̧jä̧.

San Juan 8:36

Ja̧'wa̧nü̧ ja̧'a̧ttü̧, I̧tti̧ ukuturu u̧mü̧wä̧ya̧ jü̧nä̧ 'chu̧ä̧rü̧ttü̧ rä'epü ikuttümä̧, isopäi'ünä̧tä̧ 'chu̧ä̧rü̧mä̧ juikuäkuotüjä̧.

1 Pedro 2:16

Ttü̧ja̧ surojüttü rä'epü ikuäwotü jü̧nä̧ kka̧kuä̧tu̧kui̧, surojüttü rä'epü ikuäwotü̧jä̧ pä'ü, surojü jȩ'kuä̧tu̧kua̧ pä'ümä̧kü̧, ja̧'wa̧nü̧ ja̧jü̧jueimä̧ Dio-rü ppä̧dä̧rä̧kuä̧wä̧ isotü jü̧nä̧tä̧.

Gálatas 5:1

Crito rä'epü ikuinü̧nä̧tä̧, 'kiyünä̧ kka̧kuä̧tu̧kui̧, pä'äjita'anü̧mä̧ weäwä wȩnȩ kkȩdä̧ra̧'a̧ku̧mä̧ ku̧ja̧kuä̧tu̧kuä̧.

Apocalipsis 17:5

juäju kki'änä̧mä̧ ttieruwuö wȩyu̧kua̧'a̧ rü̧tä̧ri̧nä̧ju̧: «Ukuo isomȩ Babironia ütawiyämä̧, pi̧jä̧ttü̧ ttidepä iyä'chäkuäwä'ijätü, o'katoi'ünä̧ surojünä̧ kkä̧'i̧jä̧tü̧ tta̧ju̧ ja̧'a̧» pä'a.

Gálatas 4:25

Aga-rümä̧ wȩnȩkuä̧cha̧'a̧ Sinaí mü̧ä̧'ka Arabia rȩjȩnä̧ kkä'kanä̧, jitämä̧ Jerusarȩ́ ütawiyänä̧, jua'amä̧ kki̧tti̧mü̧ku̧tä̧ ttu̧wo̧juȩtä̧u̧ esclavo jü̧nä̧ kkü̧ja̧'a̧ttü̧.

Apocalipsis 12:1

Mo̧ro̧jä̧ra̧'a̧ttü̧ i̧jȩkuä̧chi̧na̧'a̧: mo̧ro̧ kkä̧wa̧nä̧ juä'okui'äju o'kaju, isaju büa, kki̧jä̧pi̧yä̧ dȩa̧'a̧ kku̧nä̧ri̧nä̧ju̧ yodó kkä̧wa̧rü̧. Ja̧'wa̧ta̧nü̧ kkunä̧ kku̧nä̧ri̧nä̧ju̧ corona pättü kku'uttäwänä̧ doce-nü̧ si̧ri̧'ko̧tü̧rü̧mä̧.