Gálatas 4:19 - Nuevo Testamento Uwotjüja

¹⁹ Chi̧tti̧mü̧ 'kua̧rü̧nä̧ ukuturu repeda'attü̧, ukutu Crito jü̧ta̧'a̧nü̧ juokuächätukuomȩbü päi'ünä̧ pä'äjita'anü̧ usurä ȩmä̧u̧sä̧, muchaju ku̧kuä̧ba̧ barawäkua usurä kkȩmä̧wa̧'a̧ 'kua̧rü̧nä̧.

TÄ̧DO Ä̧CUÄ̧ I̧HUȨNȨ

¹⁹ Chi̧tti̧mö̧, pä'äji ta'anö ubara ttu'usä ucuturu amöcuädö, yajute isaju ku̧mo̧du̧ma̧ ni̧yä̧cua̧ ubara ttujua'a jä̧'i̧nö̧'a̧nö̧. Ja̧'hua̧ta̧nö̧ ucutu Cristorö adiu cuesetätucuome jubö päi'önä ubara ttu̧dä̧cua̧sä̧.

Gálatas 4:19 Referans Kwoze

Romanos 8:29

Isopäi'ünä̧ ä'kanä̧ u̧wo̧jui̧nä̧u̧ru̧mä̧, ä'kojitä jȩpü̧ u̧ju̧ni̧nä̧u̧ I̧tti̧ jü̧ta̧'a̧nü̧ juottächa pä'ü, jua̧u̧ru̧mä̧ juätümä̧ ttä'kanä̧ ttubüo jü̧nä̧tä̧ jä̧kua̧'a̧nü̧.

Efesios 4:13

O'katoi'ünä̧ ji̧nä̧ ji̧yȩtȩnä̧tä̧ ta̧'kua̧ tu̧wȩnä̧ro̧mȩbü päi'ünä̧ ti̧rȩbȩwi̧'ü̧nä̧ ja̧'wa̧ta̧nü̧ Dio i̧tti̧rü̧ tu̧wo̧juä̧chi̧'ü̧nä̧tä̧ päi'ünä̧, ttü̧ja̧sa̧ surojü jui̧'a̧rü̧, Crito jü̧ta̧'a̧nü̧ jo̧mȩnü̧ tä̧mü̧ juota pä'ü.

Romanos 13:14

Pärokuänä̧ Tu̧ru̧wa̧ Jesucrito jäwänä̧ 'ka̧tä̧dä̧kuäwi̧'ä̧tu̧kui̧, kuidepä kkü'kekunä̧mä̧ kuiyäwätukuoka'a.

Efesios 4:24

ja̧'wa̧ta̧nü̧ ttü̧ja̧sa̧ ja̧rȩpa̧nä̧ pärowächätukui, Dio uwäbe'inä̧ku̧nä̧, surojü jui̧'a̧nä̧, jueü wȩnȩnä̧ kkä̧kuä̧wä̧ i̧sa̧nä̧.

Colosenses 4:12

Kui̧rȩjä̧tu̧ku̧ i̧sa̧, Crito-rü esetü, yaboku Dio-rü pä̧wä̧rü̧jo̧mȩnä̧ kui̧'chä̧tu̧kua̧ pä'ü Dio-rü ukuokuä'ijü, Epafra'i̧nä̧ ukuturu te'äu.

Colosenses 3:10

täkü pärokuä 'ka̧tä̧wä̧tu̧kui̧. Isopäi'ünä̧ pi̧yȩmä̧, Dio ukuturu uwäbe'inü̧ a̧'kua̧juä̧, yabonü̧ rü̧ä̧chä̧kua̧'a̧nü̧, Churutä jo̧mȩnü̧ ku̧wo̧juä̧chä̧tu̧ku̧nä̧.

Filipenses 2:5

Crito amükuädinü̧ta̧'a̧nü̧, ukutu'i̧nä̧ ji̧nä̧ ji̧yȩtȩ amükuädü kka̧kuä̧tu̧kui̧,

Santiago 1:18

Chutämä̧, ja̧'wa̧nü̧tä̧ pä̧wä̧rü̧ji̧nä̧ku̧, isopäi'ünä̧ wȩnȩnä̧tä̧ kkä̧kuä̧wä̧ i'komä̧ iyinä̧u̧jä̧, uwäbe'inä̧u̧ttü̧ ä̧kuo̧mȩnä̧ u̧wä̧ju̧ wotüta pä'ümä̧.

Filemón 1:10

Chi̧tti̧ jä̧'i̧nü̧'a̧nü̧ wa̧ Onésimo-rü̧, kärenära̧'a̧ttü̧ esetü ikuinü̧rü̧.

Colosenses 1:27

Dio-mä̧ pi̧yȩ bäreu eseäkuäwä jäwämä̧ pi̧jä̧ o'kajuiyünä̧ ttü̧ja̧rü̧ iyinü̧, jua̧u̧mä̧ pi̧yȩ ja̧'a̧: Dio-mä̧ Crito-rü we'inü̧ ukutu ku̧'kä̧tȩtu̧ku̧nä̧ ü̧ja̧ pä'ü. Ja̧'wa̧nü̧ kkä̧nü̧ Dio ujuru'i̧nä̧, ukuo jäwä'i̧nä̧ iya pä'ü.

Colosenses 2:1

Ja̧'wa̧ta̧nü̧ ku̧wo̧juä̧tu̧kua̧ pä'üsä, ukutu jäwänä̧ usurä chȩmä̧u̧'i̧nä̧, ja̧'wa̧ta̧nü̧ Laodicea-nä̧ kka̧kuä̧tü̧rü̧ usurä chȩmä̧u̧'i̧nä̧, ja̧'wa̧ta̧nü̧ kkorotü ttürü jerupätürü'i̧nä̧ o'katoi'ünä̧rü̧.

Filipenses 2:17

Ja̧'wa̧ta̧nü̧ chukuoja sacrificio jü̧nä̧, altar pättomȩ tta̧'kua̧ wȩnä̧rü̧ ofrenda jü̧nä̧ ririäkuäwächünä̧ jȩtta̧ja̧ pä'ü'i̧nä̧, esewajüsä ukutu kua̧'kua̧ ku̧wȩnä̧rä̧tu̧ku̧ ukutuku chesewa pä'üsä.

Filipenses 1:8

Ja̧'wa̧ta̧nü̧ Dio-tä ja̧'a̧ ukutu o'katoi'ünä̧rü̧ repedü wo̧jua̧mä̧, Crito repe'ü eseuta'anü̧.

1 Juan 5:21

Chi̧tti̧mü̧ wotü, yaparewätü ttü̧ä̧nä̧wo̧tü̧rü̧ kuesetätukuä.

1 Juan 2:12

Ukutu chi̧tti̧mü̧ wotürü, wȩyu̧tu̧ we'üsä; ukutu suronä̧ jȩ'kuä̧'i̧jä̧tu̧ku̧mä̧, Jesucrito jȩi̧nü̧nä̧tä̧, Dio-mä̧ jȩpü̧ i̧kui̧nä̧u̧jä̧ pä'ü.

1 Juan 2:1

Chi̧tti̧mü̧ wotü, pi̧yȩ wȩnȩ wȩyu̧tu̧ wȩdä̧u̧jä̧, surojü jȩ'kuä̧tu̧ku̧ juiya pä'ü. Ja̧'wa̧nü̧ ja̧'a̧nä̧, yotukunä̧ surojü jȩttü̧ttü̧mä̧, Jä'o Dio ä'ka jo̧mȩ, ya̧tȩ ujuturu ppädäkuäwä i̧sa̧, ppä̧'ä̧dä̧rü̧rü̧ kku̧nä̧rä̧tü̧jä̧: Jua̧u̧mä̧ Jesucrito ja̧'a̧, adiwomȩnä̧ jȩä̧kuä̧wä̧ i̧sa̧mä̧.

Hebreos 5:7

Crito pi̧jä̧nä̧ ü̧ji̧nü̧mä̧, Dio-rü rü̧ȩnä̧ ujuruku ukuoku ajuäkuäwinü̧ i̧'chȩrȩjaku, wa'arettü rä'epü ikuäwä ujuru kku̧nä̧rü̧rü̧, jua̧u̧ttü̧ rä'epü ikuarü pä'ü; ja̧'wa̧nü̧ ja̧'a̧mä̧ ä̧ju̧kui̧nä̧ku̧ ye'ekunü̧ ukuotomȩttü̧.

Tito 1:4

Tito, Jesucrito-nä̧ kua̧'kua̧ ku̧wȩnä̧ra̧ pä'ü ppädädinä̧ku̧jä̧ ja̧'wa̧nü̧ ja̧'a̧ttü̧ isopäi'ünä̧ chi̧tti̧ jä̧'i̧nü̧'a̧nü̧ wa̧jä̧. Ttü'i̧nä̧ uku'i̧nä̧ Dio-rü ta̧'kua̧ tu̧wȩnä̧ro̧mȩttü̧ jua̧u̧ru̧mä̧ jä'epüsä Tä'o jo̧mȩttü̧ ja̧'wa̧ta̧nü̧ tu̧ru̧wa̧ Jesucrito ra̧wä̧pi̧jü̧ttü̧ tü̧ji̧pü̧nä̧ ppädäkuäwä i̧sa̧rü̧mä̧ eseäkuäwä'i̧nä̧ unichä̧rü̧ kkä̧kuä̧wä̧'i̧nä̧ ttiyäku pä'ü.

Filemón 1:19

Ttü Pauru, wȩyu̧tu̧ we'üsä; jua'akumä̧ ttütä chi̧mi̧tä̧kua̧jä̧ (ji̧nä̧, uku'i̧nä̧ ttürü kuimi̧ppota'a, pä'ü jui'ü).

1 Timoteo 1:2

Isopäi'ünä̧ tta̧'kua̧ wȩnä̧rä̧kuä̧wä̧ i̧tti̧ Timoteo-rü te'äu. Tä'o Dio-tä ja̧'wa̧ta̧nü̧ Tu̧ru̧wa̧ Jesucrito-tä, mippoünä̧ iyäwämä̧, re kkä̧kuä̧wä̧mä̧, wȩnȩ juiyünä̧ kkä̧kuä̧wä̧nä̧ iyätukuakujä̧.

San Lucas 22:44

Rü̧ȩnä̧ ajuäu Dio-rü ukuokuomȩnä̧; a̧ja̧rȩjamä̧ ttukuoja rü̧ȩnä̧ era'a jä'i̧nü̧'a̧nü̧ rȩjȩra̧'a̧ erina̧'a̧.]

2 Corintios 12:14

Täkü jo̧mȩnü̧ wa̧sä̧, wäbodäkuä päi'ünä̧ ukuturu do'ächü chichäkua'amä̧; jitä'i̧nä̧ ukuturu jä̧'ȩpä̧ro̧kü̧ chä̧kua̧sä̧. Ukutu ku̧ju̧nä̧rä̧tu̧ku̧ jädepa pä'ümä̧ usoküsä, ji̧nä̧somä̧ ukuturu ususä; isopäi'ünä̧ ttä̧'o̧tü̧tä̧ ja̧'a̧ tti̧tti̧mü̧ ttiäre pärätä ka̧ka̧tä̧tü̧mä̧, pärokua'aku tti̧tti̧mü̧mä̧, ttä̧'o̧tü̧ ttiäremä̧ ka̧ka̧to̧ko̧tü̧.

1 Tesalonicenses 2:7

Jua'akumä̧, Crito we'äwotü apótore ta'attü̧ ukuturumä̧ jätepü'anü̧ ja̧'a̧nä̧, jȩpo̧ko̧tü̧jä̧, pärokua'aku ttu̧wȩkuä̧nä̧ eseunü̧tä̧ jȩti̧nä̧u̧jä̧. Yajute tta̧ju̧ kki̧tti̧mü̧rü̧ tta̧'ä̧rü̧, atate ajü kku'uttädajü'a̧nü̧tä̧.

3 Juan 1:4

Chi̧tti̧mü̧ wotü jueü wȩnȩnä̧ päü'anü̧ ttü̧ja̧kua̧'a̧ ä̧ju̧ku̧mä̧, kkorottü'i̧nä̧ abonä̧nü̧ eseusä.