Gálatas 4:17 - Nuevo Testamento Uwotjüja

¹⁷ Juätümä̧ ujuturu ä'kuoyäutä jȩpä̧tü̧ ukuturumä̧, jua'a'i̧nä̧ adiu jȩtta̧ pä'ü amükuädümä̧kü̧tä̧. Jua'amä̧ ujututtü 'kȩ'ȩpü̧ ttikua pä'ütä.

TÄ̧DO Ä̧CUÄ̧ I̧HUȨNȨ

¹⁷ Jahuätö ttö̧ja̧ i̧mi̧cu̧nä̧ huo̧juȩti̧nä̧tö̧mä̧ juiyo pä̧huä̧ rö̧jä̧u̧ ucuturu. Ja̧'hua̧nö̧ ttamöcuädömä adiumäcö̧. Jahuätö pä̧huä̧ rö̧jä̧u̧ ujututtu 'quȩttȩpa̧ pä'ö ucuturu, jahuätörötä cuesetätucua pä'ö.

Gálatas 4:17 Referans Kwoze

Romanos 16:18

Juätümä̧ Tu̧ru̧wa̧ Jesucrito-rü ukuotümä̧ jȩpo̧ko̧tü̧, pärokua'aku tta̧mü̧nä̧ jäwätä usú, tti̧wȩnȩmä̧ adiu ukuokuätü, tteseunä̧ jȩpü̧ jerupätürü yaparewätü, ttesetünä̧.

2 Pedro 2:3

Pärätä tta̧'kua̧ ro'ekumä̧, ukuturu kuesetipätukunä̧ ttu̧wo̧juȩtä̧kuo̧tü̧jä̧; ja̧'wa̧nü̧ ja̧'a̧nä̧ usurä ttȩmä̧u̧nä̧ päwi'ino̧mȩ tta̧wä̧rä̧u̧, ja̧'wa̧nü̧ ja̧'a̧ttü̧ mo̧tä̧ päi'ünä̧ usurä ttȩmä̧wä̧kuo̧tü̧ pä'ü kku̧nä̧wo̧tü̧.

1 Corintios 4:8

Täkü, ukutumä̧ jo̧mȩnü̧ kku̧nä̧rä̧tü̧jä̧ kuju'kätukumä̧: Täkü ruwotüjä̧, ruwotü 'kua̧rü̧nä̧ jȩpü̧ kkä̧nü̧, ujuturu rekuä rü̧jo̧ko̧u̧ 'kua̧rü̧nä̧ jȩ'kuä̧tu̧kua̧'a̧ttü̧. ¡Isopäi'ünä̧ ruwotü kuätukuado, ujutu'i̧nä̧ ukututäku jua̧u̧ ruwonä̧ wetäkua'anü̧!

Romanos 10:2

Wo̧jua̧sä̧ Dio-rü rü̧ȩnä̧ ukuo te'äwätü pä'ümä̧ ja̧'wa̧nü̧ ja̧'a̧nä̧ isopäi'ünä̧mä̧ jo̧mȩnü̧mä̧ ttu̧wo̧juo̧ka̧'a̧tä̧ wotü.

San Mateo 23:15

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ rȩjȩnä̧'i̧nä̧, rü̧ä̧ ajenä̧'i̧nä̧ kue'ächätüjä̧ ukuturu esetürü ku̧'o̧kui̧'ä̧tu̧kua̧ pä'ü. Ja̧'wa̧nü̧ jȩpü̧ ku̧'o̧kui̧'ä̧tu̧kuä̧ku̧ru̧mä̧ ukututtü'i̧nä̧ yabonä̧nü̧ todäre jo̧mȩnä̧ okurä ä̧tȩkua̧ jü̧nä̧ juo'epätüjä̧.

2 Pedro 2:18

Kkorojueimä̧ pä̧i̧ku̧nä̧ pätta'anä̧ jui'ätü, ja̧'wa̧ta̧nü̧ ji̧yȩnä̧tä̧ juoächäkuäwänä̧, ttü̧ja̧rü̧ pä̧wä̧rü̧jü̧nä̧, suronä̧ jȩttü̧ttü̧ rättopächa pä'ü kka̧kuä̧tü̧rü̧ ttesetipünä̧ jȩpä̧tü̧.

Filipenses 2:21

Isopäi'ünä̧ o'katoi'ünä̧ jitürütä pä̧wä̧rü̧jü̧tä̧ usú jȩpä̧tü̧, ja̧'wa̧nü̧ ja̧'a̧nä̧ Jesucrito-rü pä̧wä̧rü̧jü̧mä̧ jȩpo̧ko̧tü̧.

2 Corintios 11:3

Ja̧'wa̧nü̧ ja̧'a̧nä̧, yedekunä̧ jä̧ku̧sä̧, Ewa-rü ä̧ka̧ üyaparewinü̧ta̧'a̧nü̧, ukutu'i̧nä̧ Crito-rü eseunu̧ kukuotätukuttü 'kä̧kui̧pä̧chä̧tu̧ku̧'a̧nü̧ ji̧yä̧ku̧.

1 Corintios 11:2

Chawaruwä chi̧jä̧wa̧tü̧ ukuturu eseusä o'kajuiyünä̧tä̧ ttürü amükuädü jȩ'kuä̧tu̧kua̧'a̧ttü̧, chu̧wo̧juȩti̧nü̧'i̧nä̧ ukuotü jȩ'kuä̧tu̧kua̧'a̧ttü̧.

1 Corintios 4:18

Ukututtü yotukunä̧mä̧, täkü topü ichokü pä'ü pä̧wä̧rü̧ja̧'a̧ku̧ kka̧kuä̧tü̧;

Gálatas 4:16

Ja̧'wa̧nü̧ ji̧na̧'a̧ jitämä̧, ¡ukuturu jueü wȩnȩ pädomenä̧tä̧'i̧nä̧ ukutu kua̧bo̧i̧ya̧tu̧ku̧ päi'ünä̧ wa̧sä̧!

Gálatas 4:18

Ä'kuoyäunü̧ jȩä̧kuä̧wä̧mä̧ iweye adiwa'a, ppä'ädü jȩä̧kuä̧wä̧nä̧mä̧. Jua̧u̧'i̧nä̧ 'kuäopünä̧tä̧, suro ttü ukutuku chü̧jo̧mȩnä̧tä̧mä̧kü̧.