Gálatas 3:29 - Nuevo Testamento Uwotjüja

²⁹ Ja̧'wa̧ta̧nü̧, Crito-rü kuesetätukuttümä̧, Abraha̧-mi̧nä̧ i̧tti̧mü̧ isotüjä̧ ja̧'wa̧nü̧ ja̧'a̧ttü̧ Dio i̧yä̧kuȩ päinü̧mä̧ kuȩmä̧tu̧kua̧ pä'ütä ja̧'a̧.

TÄ̧DO Ä̧CUÄ̧ I̧HUȨNȨ

²⁹ Iso päi'önä Cristorö cuesetätucuttumä, Abraham mi̧nä̧ isotö isotöjä. Ja̧'hua̧ta̧nö̧ o'ca juiyönä Dios iya päinömä cuȩmä̧cuo̧tö̧jä̧.

Gálatas 3:29 Referans Kwoze

Efesios 3:6

Jua̧u̧mä̧, pi̧yȩ ja̧'a̧: judío pokotü'i̧nä̧, irae ttü̧ja̧ku̧ yo̧mȩtȩnä̧ Dio jäwä ttȩmä̧kuo̧tü̧, ji̧nä̧ ya̧tȩnä̧tä̧ ji̧nä̧ yotüte ttäkuotü, Crito-nä̧ iya päinü̧mä̧ ttȩmä̧kuo̧tü̧, jareü wȩnȩnä̧.

Gálatas 3:7

Ja̧'wa̧nü̧ ji̧na̧'a̧ttü̧, tta̧'kua̧ wȩnä̧rä̧tü̧mä̧ Abraha̧ i̧tti̧mü̧ wotü ja̧'a̧.

Romanos 8:17

Ja̧'wa̧nü̧ i̧tti̧mü̧ ta'amä̧, iya päinü̧mä̧ tiäremä̧ tȩmä̧kuo̧tü̧jä̧ ja̧'wa̧ta̧nü̧ Crito üäremä̧ ujutu'i̧nä̧ tüäre ja̧'a̧, chutäku usurä tȩmä̧u̧ttü̧mä̧, chutäku uruwonä̧ iyäwi'äkuä̧u̧jä̧.

Tito 3:7

rü̧ȩnä̧ repeomȩttü̧, Dio-mä̧ ȩmi̧nä̧u̧jä̧ kkä̧kuä̧wä̧ i'ko tȩma̧ pä'ü iyinä̧u̧jä̧ tȩmä̧kuo̧tü̧jä̧ tta̧tä̧rä̧'i̧jü̧mä̧.

Apocalipsis 21:7

Surojü abo 'kuä'o'ümä̧ pi̧yȩ o'kajuiyünä̧ üäre jä̧kua̧'a̧; ttü jä̧kua̧'a̧ ü̧ä̧nä̧wa̧ Dio-mä̧ ja̧'wa̧ta̧nü̧ pärokua'akumä̧ chi̧tti̧ jä̧kua̧'a̧.

Gálatas 4:7

Ja̧'wa̧nü̧ ja̧'a̧ttü̧, täkü esclavo jü̧nä̧mä̧ u̧mü̧wä̧ya̧mä̧kü̧jä̧, jitämä̧ i̧tti̧jä̧; Dio-rü pä̧wä̧rü̧jo̧mȩnä̧ chutä iäre iya päinü̧mä̧ i̧yä̧kua̧jä̧.

Santiago 2:5

Chawaruwä chü̧jä̧wa̧tü̧ pi̧yȩ adiu ä̧ju̧kuä̧tu̧kui̧: Dio-mä̧ pi̧jä̧nä̧ttü̧ usurä isotürü pojopü ȩmi̧nü̧ tta̧'kua̧ wȩnä̧rä̧kuä̧wä̧nä̧ ruwotü juotta pä'ü, ja̧'wa̧ta̧nü̧ eseu rȩpȩä̧u̧ru̧ Ru̧wa̧ Dio iäre ju'to uruwotü pätti'ünä̧, chi̧yä̧kua̧sä̧ päinü̧ ji̧nü̧ ttȩma̧ pä'ümä̧;

2 Corintios 10:7

Ukutumä̧, ttü̧ja̧rü̧mä̧ wä̧mȩnä̧ jȩttü̧tä̧ topätüjä̧. Ya̧tȩ, a̧mü̧nä̧ pa̧ja̧tü̧ toäkuäwomȩnä̧ Crito u̧mü̧wä̧ya̧sä̧ päüttümä̧, jua̧u̧ jü̧ta̧'a̧nü̧ ujutu'i̧nä̧ Crito umüwäyotü wotüjä̧.

Hebreos 6:17

Ja̧'wa̧nü̧ ja̧'a̧ttü̧, iyäkuä̧u̧ru̧ Dio-mä̧ chi̧yä̧kua̧sä̧ päinü̧mä̧ pärowächü juiyünä̧ jueünä̧tä̧ iya pä'ü ukuokuinü̧, juramento pättünä̧ wȩnȩtü̧.

Gálatas 3:16

Ja̧'wa̧nü̧ ja̧'a̧ttü̧ Dio, Abraha̧-rü̧ chi̧yä̧kua̧jä̧ pä'ü ukuokuinü̧mä̧, churutä'i̧nä̧, i̧tti̧rü̧'i̧nä̧ pätetü ji̧na̧'a̧. Rekuätünä̧, «kui̧tti̧mü̧rü̧» päwächoka'a, ya̧tȩrü̧tä̧ «kuakuä i̧sa̧rü̧» päwächina̧'a̧, Jua̧u̧mä̧ Crito-tä ja̧'a̧.

Hebreos 11:18

«Isaa-nä̧ ku̧ju̧nä̧rä̧kua̧jä̧ kui̧tti̧mü̧rü̧mä̧,» päinä̧ku̧,

Hebreos 11:7

A̧'kua̧ u̧wȩnä̧ra̧'a̧ttü̧, Nuémä̧, Dio jiäwomȩnä̧mä̧, ji̧nä̧ 'kuäopäkuȩmä̧ tooka'anä̧ esetü woi'ka aditinü̧ i̧tti̧mü̧tä̧ku̧ ü̧ji̧pa̧ pä'ümä̧. Ja̧'wa̧nü̧ a̧'kua̧ u̧wȩnä̧ro̧mȩnä̧mä̧ pi̧jä̧ ttü̧ja̧mä̧ to'e'inä̧tü̧ ja̧'wa̧nü̧ ja̧'a̧nä̧ Nuémä̧ Dio-ttü ȩmi̧nü̧ adiwäjuei, Churutä tta̧'kua̧ wȩnä̧rä̧tü̧rü̧ iyü.

Hebreos 1:14

Isopäi'ünä̧ A̧gȩrȩ-mä̧ o'katoi'ünä̧tä̧ Dio umüwäyotü uwäpokotü ja̧'a̧, surojü ra̧wä̧pi̧jü̧ttü̧ kki̧'ä̧tü̧ o'katoi'ünä̧rü̧ ppättäda pä'ü Dio wȩä̧u̧.

Gálatas 5:24

Isopäi'ünä̧ Jesucrito-ku juo'ächinä̧tü̧mä̧, täkü ü̧jo̧kä̧ jäinä̧ kuä'ü ikuinä̧tü̧ ttidepä kkü'kekumä̧.

Gálatas 3:28

Ja̧'wa̧nü̧ ja̧'a̧ttü̧, täkü toa'a judío'i̧nä̧, Grecia ttü̧ja̧'i̧nä̧, ttu̧wo̧juȩtä̧u̧ esclavo wotü'i̧nä̧, ttu̧ru̧wa̧ to'ätü'i̧nä̧, ubo'i̧nä̧, isaju'i̧nä̧, jü̧nä̧; isopäi'ünä̧ Crito Jesú-nä̧mä̧, ukutu o'katoi'ünä̧ ji̧nä̧ ya̧tȩ wotüjä̧.

1 Corintios 15:23

Ja̧'wa̧nü̧ ja̧'a̧nä̧ yotukunä̧rü̧ pä'ü rütäu'akuä jä̧kua̧'a̧: Ä̧kuo̧mȩnä̧mä̧ Crito ji̧na̧'a̧, jua̧u̧nü̧ o'ka'amä̧ Crito-rü esetätürü jä̧kua̧'a̧, Chutä ichomȩnä̧.

San Mateo 3:9

Ja̧'wa̧ta̧nü̧ kua̧mü̧nä̧tu̧ku̧mä̧: Ujutumä̧ Abraha̧ i̧tti̧mü̧ isotüjä̧, pä'ümä̧ kuamükuädätukuä; isopäi'ünä̧ pädäu̧jä̧: Dio-mä̧ po'ki ido'kittü'i̧nä̧, Abraha̧ i̧tti̧mü̧rü̧mä̧ rä'epü u̧ju̧nu̧'a̧nü̧ ja̧'a̧.

Gálatas 3:18

Isopäi'ünä̧ Dio ujuturu iya päinü̧mä̧, Moisé weäwä wȩnȩ ukuotätürütä iya päinü̧ttü̧mä̧, jua̧u̧nu̧mä̧, täkü mipponä̧mä̧ jo̧ka̧'a̧; ja̧'wa̧nü̧ ja̧'a̧nä̧ Abraha̧-rü̧mä̧ Dio-mä̧ chi̧yä̧kua̧jä̧ päinü̧mä̧, mikuämä̧ jäepoka'atä chi̧yä̧kua̧jä̧ päinä̧ku̧.

Gálatas 4:1

Ja̧'wa̧ta̧nü̧ pi̧yȩ pä'üsä: Jä'o iäre ȩmä̧kua̧ ja̧'a̧nä̧, ji̧nä̧ ji̧'ki̧cha̧wa̧ jo̧mȩnä̧mä̧, esclavo pättäku jü̧ta̧'a̧nü̧ wa̧, o'kajuiyünä̧tä̧ u̧ru̧wa̧ ja̧'a̧nä̧.

Gálatas 6:16

Ja̧'wa̧nü̧ ja̧'a̧ttü̧, o'katoi'ünä̧ pi̧yȩ päü'anü̧ kka̧kuä̧tü̧mä̧, rȩrü̧jü̧ toinü̧nä̧, wȩnȩ juiyü eseäkuäwä̧nä̧ kka̧kuä̧tü̧, ja̧'wa̧ta̧nü̧ o'katoi'ünä̧ Dio i̧tti̧mü̧ irae ttü̧ja̧'i̧nä̧.