Gálatas 3:23 - Nuevo Testamento Uwotjüja

²³ Tta̧'kua̧ wȩnä̧rä̧kuä̧wä̧ ichäkua'a ä'kanä̧mä̧, weäwä wȩnȩtä̧ tta̧wä̧ri̧nä̧u̧jä̧ kärenä̧ ttü̧'a̧'a̧ jä̧'i̧nü̧'a̧nü̧, tta̧'kua̧ wȩnä̧rä̧kuä̧wä̧ i̧jȩkuä̧chü̧nä̧ ichomȩbü päi'ünä̧.

TÄ̧DO Ä̧CUÄ̧ I̧HUȨNȨ

²³ Jesucristorö esetäcuähuä huȩnȩ juiyäimä, hueähuä huȩnȩmä̧ yoröisotä cärenätä rötinä̧u̧jä̧. Ja̧'hua̧ ji̧yä̧u̧ Jesucristorö esetäcuähuä huȩnȩ tta̧'ä̧ri̧nä̧tö̧jä̧ tu̧huo̧jua̧ pä'ö.

Gálatas 3:23 Referans Kwoze

Gálatas 5:18

Ja̧'wa̧nü̧ ja̧'a̧nä̧, ukuturu Epíritu oipüttümä̧, täkü weäwä wȩnȩmä̧ wȩo̧ko̧u̧jä̧.

Gálatas 3:19

Ja̧'wa̧nü̧ jü̧ttü̧mä̧, ¿Weäwä wȩnȩmä̧ däjetä ppäda'a jä̧ttü̧? Jua̧u̧ weäwä wȩnȩ iyinü ttü̧ja̧ ttukuotokomȩttü̧, Abraha̧-rü̧ kui̧tti̧rü̧ chi̧yä̧kua̧jä̧ Dio päinä̧ku̧ icha'anä̧. Á̧gȩrȩ-tä̧ ji'äwinä̧tü̧, Moisé-mä̧ jua'a yabo jiäkuäwä i̧sa̧ jü̧nä̧tä̧ winü̧.

Romanos 11:32

Isopäi'ünä̧ Dio-mä̧ o'katoi'ünä̧rü̧tä̧ ttukuotü juiyünä̧ jȩpi̧nü̧, o'katoi'ünä̧rü̧ yoräteunä̧ rȩrü̧jü̧nü̧ toa pä'ümä̧.

Romanos 3:19

Ja̧'wa̧nü̧ ja̧'a̧nä̧ o'kajuiyünä̧ weäwä wȩnȩ päümä̧, jua̧u̧nä̧tä̧ ukuotü kka̧kuä̧tü̧rü̧ pä'a; o'katoi'ünä̧tä̧ ttü'koruchi'a pä'ü ja̧'wa̧ta̧nü̧ pi̧jä̧ o'kajuiyünä̧ kka̧kuä̧tü̧mä̧, Dio pä'aku, ttümä̧ su̧ro̧pa̧sä̧ pättäwa pä'ü.

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.

Hebreos 11:13

Juätümä̧ o'katoi'ünä̧tä̧ wa'ü ikuinä̧tü̧ Dio iya päinü̧mä̧ ttȩmo̧ka̧'a̧tä̧; ja̧'wa̧nü̧ ja̧'a̧nä̧ ta̧'kua̧ ttu̧wȩnä̧ro̧mȩttü̧, otonä̧tä̧ topinä̧tü̧, esetü ukuokuinä̧tü̧ pi̧jä̧mä̧ ttü̧ja̧mä̧kü̧jä̧, ujutumä̧ 'kuäokuä ttü̧ja̧jä̧, pä'ü.

Gálatas 4:21

Weäwä wȩnȩ päü'anü̧ ttü̧ja̧kua̧ pä'ätümä̧, ji̧yȩtȩ ji'äwätukuittü: ¿Ukutumä̧, weäwä wȩnȩ päümä̧ ä̧ju̧kuo̧ko̧tü̧ pä'ijätüjä̧ tä̧jí̧?

San Juan 3:34

Ja̧'wa̧nü̧ ja̧'a̧ttü̧, Dio I̧tti̧ ukuokuomȩnä̧mä̧, Dio-tä ja̧'a̧ ukuokumä̧; jua'amä̧ Dio-mä̧ Epíritu-ru jo̧mȩnü̧ iyäku ja̧'a̧ttü̧.