Gálatas 3:22 - Nuevo Testamento Uwotjüja

²² Wȩyu̧kuä̧ wȩnȩmä̧ pä'a, o'katoi'ünä̧rü̧tä̧ surojü pecado pättümä̧ kkȩdä̧rä̧u̧jä̧, ja̧'wa̧nü̧ ja̧'a̧ttü̧ Dio mippoünä̧ iya päinü̧mä̧ Jesucrito-rü tta̧'kua̧ wȩnä̧rä̧tü̧rü̧tä̧ ttȩma̧ pä'ü ja̧'a̧.

TÄ̧DO Ä̧CUÄ̧ I̧HUȨNȨ

²² Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ päö'a̧nö̧ o'ca toi'önä surojötä jȩpä̧tö̧ 'cuäopönä. Ja̧u̧mä̧ ja̧'hua̧nö̧ päa'a Jesucristorö esetätö Dios iya päinömä ttu̧ju̧nä̧ra̧ pä'ö.

Gálatas 3:22 Referans Kwoze

Romanos 11:32

Isopäi'ünä̧ Dio-mä̧ o'katoi'ünä̧rü̧tä̧ ttukuotü juiyünä̧ jȩpi̧nü̧, o'katoi'ünä̧rü̧ yoräteunä̧ rȩrü̧jü̧nü̧ toa pä'ümä̧.

Hebreos 9:15

Ja̧'wa̧nü̧ ja̧'a̧ttü̧, Jesucrito-nä̧mä̧ jitä jareünä̧ esekuinü̧nä̧ dodepätüjä̧. Jua'amä̧ wa'arenä̧ 'korujuoächomȩnä̧ ä̧kuo̧mȩnä̧ esekuinü̧ jäwänä̧ kkä̧nü̧ suronä̧ jȩtti̧nü̧ttü̧mä̧ rä'epü ikuäu̧jä̧. Ja̧'wa̧nü̧tä̧ Dio woinä̧u̧mä̧ isopäi'ünä̧tä̧ ttȩmä̧kuo̧tü̧jä̧, i'ko iyatü päinü̧mä̧.

Gálatas 3:23

Tta̧'kua̧ wȩnä̧rä̧kuä̧wä̧ ichäkua'a ä'kanä̧mä̧, weäwä wȩnȩtä̧ tta̧wä̧ri̧nä̧u̧jä̧ kärenä̧ ttü̧'a̧'a̧ jä̧'i̧nü̧'a̧nü̧, tta̧'kua̧ wȩnä̧rä̧kuä̧wä̧ i̧jȩkuä̧chü̧nä̧ ichomȩbü päi'ünä̧.

1 Juan 2:25

Ja̧'wa̧nü̧ jo̧mȩttü̧, pi̧yȩ ja̧'a̧ ujuturu, chi̧yä̧kuä̧u̧jä̧ päinü̧mä̧: kkä̧kuä̧wä̧ i'ko.

San Juan 3:36

I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.

San Juan 12:46

Ttü, tȩya̧u̧mä̧ pi̧jä̧ra̧'a̧ ichinü̧sä̧; Ttürü esetätümä̧ yo̧ü̧nä̧ ttü̧jü̧ juiya pä'ü.

San Juan 5:24

Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

2 Pedro 3:13

Ja̧'wa̧nü̧ ja̧'a̧nä̧ ujutumä̧ mo̧ro̧jä̧'i̧nä̧, rȩjȩ'i̧nä̧ ja̧rȩä̧jä̧ Dio iya päinä̧jä̧ tta̧'a̧rä̧tü̧, juȩnȩmä̧ o'kajuiyünä̧ adiwäkuomȩ.

2 Pedro 1:4

Pi̧yȩ jäwänä̧tä̧ iya päinü̧mä̧ iyinä̧u̧jä̧, ja̧u̧mä̧ ri̧u̧ jäwä ja̧'wa̧ta̧nü̧ rü̧ä̧nä̧ mikuäu ja̧'a̧, ja̧u̧nä̧tä̧ Dio jäwä ku̧ju̧nä̧rä̧kuo̧tü̧jä̧ ja̧'wa̧nü̧ ja̧'a̧ttü̧ pi̧jä̧ jäwä surojuoepü ttidepä kkü'keku pi̧jä̧ra̧'a̧ i'kächinü̧ttü̧mä̧ dü'ekuächätukui.

2 Timoteo 1:1

Ttü Pauru Jesucrito u̧mü̧wä̧ya̧, Dio-rü pä̧wä̧rü̧jo̧mȩnä̧, Jesucrito-nä̧tä̧ kka̧ku̧ kkä̧kuä̧wä̧ i'ko chi̧yä̧kua̧sä̧ pä'inü̧ ji̧nü̧ jidäwa pä'ü wȩ'ä̧wa̧mä̧,

Gálatas 3:29

Ja̧'wa̧ta̧nü̧, Crito-rü kuesetätukuttümä̧, Abraha̧-mi̧nä̧ i̧tti̧mü̧ isotüjä̧ ja̧'wa̧nü̧ ja̧'a̧ttü̧ Dio i̧yä̧kuȩ päinü̧mä̧ kuȩmä̧tu̧kua̧ pä'ütä ja̧'a̧.

Romanos 10:9

Isopäi'ünä̧ Jesú-mä̧ Chu̧ru̧wa̧ ja̧'a̧, kuänä̧ päkuttümä̧ ja̧'wa̧ta̧nü̧ Dio-mä̧ wa'arettü'i̧nä̧ tto'ädinä̧kü̧ pä'ü kua̧mi̧'iso'kinä̧ kuesetüttümä̧, ra̧wä̧pi̧jü̧ttü̧mä̧ ku̧ji̧pä̧kua̧jä̧.

Romanos 5:12

Ja̧'wa̧nü̧ ja̧'a̧ttü̧, pi̧jä̧ra̧'a̧mä̧ ttü̧ja̧sa̧ ya̧tȩnä̧tä̧ doächina̧'a̧ ukuotäkuäwokümä̧ ja̧'wa̧ta̧nü̧ jua̧u̧ ukuotäkuäwokünä̧ doächina̧'a̧ wa'aremä̧ ja̧'wa̧nü̧ jo̧mȩnä̧ wa'aremä̧ o'katoi'ünä̧rü̧ yoäwächina̧'a̧, jua'amä̧ o'katoi'ünä̧ ttukuotoka'a ji̧na̧'a̧ttü̧.

Romanos 3:23

jua'amä̧, o'katoi'ünä̧ surojü jȩtti̧na̧'a̧ttü̧, Dio ädiwättümä̧ otó wotüjä̧.

Hechos 16:31

Päomȩnä̧ ttädätinä̧ku̧: —Jesucrito-rü kuesetüttümä̧, uku'i̧nä̧, kuojusodenä̧ kka̧kuä̧tü̧'i̧nä̧ surojüttümä̧ ku̧ja̧kui̧'ä̧kuo̧tü̧jä̧.

San Juan 20:31

Ja̧'wa̧nü̧ ja̧'a̧nä̧, pi̧yȩmä̧ wȩyu̧kui̧'i̧na̧'a̧, Jesú-mä̧ Crito ja̧'a̧, Dio I̧tti̧ pä'ü esetü, jua̧u̧ i̧mi̧nä̧ kkä̧kuä̧wä̧ i'ko ttu̧ju̧nä̧ra̧ pä'ü.

San Juan 6:40

Isopäi'ünä̧ Chä'orü pä̧wä̧rü̧jü̧mä̧, o'katoi'ünä̧ I̧tti̧rü̧ topü, jua̧u̧ru̧ esetätümä̧ kkä̧kuä̧wä̧ i'ko ttu̧ju̧nä̧ri̧ya̧rü̧ pä'ü; rüjí mo̧ro̧ päi'omȩnä̧ juätürü wa'arettü ttodäda pä'ü.

Gálatas 3:17

Ja̧'wa̧ta̧nü̧ pi̧yȩ pä'üsä: Dio-mä̧ pacto pättünä̧ Abraha̧-rü̧ eseku chi̧yä̧kua̧jä̧ päinü̧mä̧ jȩpi̧nü̧. Ja̧'wa̧nü̧ ji̧nü̧ o'ka'a, Moisé-rü weinü̧mä̧, weäwä wȩnȩ jü̧nä̧tä̧ pärowächina̧'a̧, cuatrocientos treinta años jo̧mȩnä̧ 'kuäopinü̧ o'ka'atä, ja̧'wa̧nü̧ ji̧na̧'a̧nä̧ jua̧u̧mä̧ Dio iya päinü̧mä̧ si'epümä̧ ikuoka'a.

Gálatas 3:14

Ja̧'wa̧nü̧ ja̧'a̧ttü̧, Jesucrito-nä̧tä̧ Abraha̧-rü̧, Dio iya päinü̧ adiwä jueimä̧ judío pokotürü'i̧nä̧ rȩbȩä̧kuä̧wi̧na̧'a̧. Ja̧'wa̧nü̧ jo̧mȩttü̧, ta̧'kua̧ tu̧wȩnä̧ro̧mȩnä̧mä̧, Dio iya päinä̧ku̧ Epíritu Sa̧tu̧rü̧ ȩmä̧tü̧jä̧.

San Marcos 16:16

Esetürü, bautizo jȩttä̧ku̧mä̧ ra̧wä̧pi̧jü̧ttü̧ ü̧ji̧pä̧kua̧; ja̧'wa̧nü̧ ja̧'a̧nä̧, esetokürümä̧ usurä ȩmä̧wa̧ pä'ütä pätetü kku̧nä̧wä̧kua̧'a̧.

Romanos 3:22

O'katoi'ünä̧ Jesucrito-rü esetü tta̧'kua̧ wȩnä̧rä̧tü̧rü̧mä̧, Dio-mä̧ adiwä juei isotü jü̧nä̧ juo'epü. Judío'i̧nä̧, judío pokotürü'i̧nä̧ yoräteunä̧tä̧,