Gálatas 3:2 - Nuevo Testamento Uwotjüja

² Ukuturu ji̧yȩtȩtä̧ jä'epü chä̧ju̧kua̧ pä'üsä: ¿Dio i̧sa̧ Epíritu-rumä̧, toku kuȩmi̧nä̧tu̧kuä̧ttü̧: weäwä wȩnȩ kukuotätukuomȩnä̧; ja̧'wa̧nü̧ jo̧ka̧'a̧ jü̧ttü̧'i̧nä̧ kua̧'kua̧ wȩnä̧rü̧ kuä̧ju̧kuä̧tu̧kuo̧mȩnä̧ jo̧ka̧'a̧ ji̧na̧'a̧ tä̧jí̧?

TÄ̧DO Ä̧CUÄ̧ I̧HUȨNȨ

² Chu̧huo̧jua̧ ji'ähuätucuittö: ¿Ucutumä Espíritu Santorö ku̧nä̧rä̧tö̧jä̧ tä̧ji̧, Moisés hueähuä huȩnȩ jȩcu̧'i̧nä̧tu̧cua̧'a̧ttö̧mä̧? Isocö̧. Ucutumä Espíritu Santorö ku̧nä̧rä̧tö̧jä̧, ujutu jitähuinö esetö cuä̧ju̧cui̧nä̧tu̧cua̧'a̧ttö̧.

Gálatas 3:2 Referans Kwoze

Gálatas 3:14

Ja̧'wa̧nü̧ ja̧'a̧ttü̧, Jesucrito-nä̧tä̧ Abraha̧-rü̧, Dio iya päinü̧ adiwä jueimä̧ judío pokotürü'i̧nä̧ rȩbȩä̧kuä̧wi̧na̧'a̧. Ja̧'wa̧nü̧ jo̧mȩttü̧, ta̧'kua̧ tu̧wȩnä̧ro̧mȩnä̧mä̧, Dio iya päinä̧ku̧ Epíritu Sa̧tu̧rü̧ ȩmä̧tü̧jä̧.

Hechos 15:8

Ja̧'wa̧nü̧ ja̧'a̧, Dio-mä̧ tta̧mi̧ iso'ki wo̧jua̧ ja̧'a̧ttü̧ juätürü'i̧nä̧ Epíritu Sa̧tu̧rü̧ iyinä̧u̧ totünä̧, ujuturu jü̧ta̧'a̧nü̧;

Gálatas 3:5

Chú, Epíritu-ru Dio iya'amä̧ ja̧'wa̧ta̧nü̧ jȩtto̧kü̧ juei jȩa̧'a̧mä̧, ¿ti̧yȩ jȩ'kuä̧tu̧kuo̧mȩnä̧ ja̧'a̧ jä̧ttü̧?, ¿weäwä wȩnȩ kukuotätukuomȩnä̧ ja̧'a̧ tä̧jí̧?, ¿jareü wȩnȩ kua̧'kua̧ wȩnä̧rü̧ kuesetätukuomȩnä̧tä̧ ja̧'a̧ tä̧jí̧?

Hebreos 2:4

Juätünä̧tä̧, Dio-mä̧ ji'äwinü̧ ttieruwü'i̧nä̧ tottünä̧ i̧jȩpü̧kkä̧nü̧, na̧nȩttü̧'i̧nä̧ aditü ikukkä̧nü̧, Epíritu Sa̧tu̧rü̧'i̧nä̧ iyinä̧u̧ a̧'kua̧ iweyenä̧tä̧.

Hechos 8:15

Ja̧'wa̧nü̧ ja̧'a̧ jua'a rȩbȩwi̧pü̧mä̧, Dio-rü esetätürü, Dio-rü ukuokuinä̧tü̧, juätürü'i̧nä̧ Epíritu Sa̧tu̧ ü̧jä̧mä̧da̧ pä'ü.

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

Hebreos 6:4

Isopäi'ünä̧ weyekua'a, ya'utenä̧ tȩya̧u̧ kkȩdȩ'ä̧u̧, Dio mippoünä̧ iyü kkü'kü, Epíritu Sa̧tu̧rü̧ ȩmi̧nä̧tü̧ ppa̧ttä̧cha̧ pä'ümä̧,

Romanos 1:17

Isopäi'ünä̧ jareü wȩnȩmä̧, Dio ujuturu adiwomȩnä̧ jȩü̧mä̧ i̧jȩkuä̧cha̧'a̧; tta̧'kua̧ ttu̧wȩnä̧ro̧mȩttü̧ kkä̧mä̧dü̧, yaboku tta̧'kua̧ ttu̧wȩnä̧rü̧nä̧, wȩyu̧kuä̧ wȩnȩmä̧ pa̧'a̧nü̧ pä'attü̧: «adiwä juei jȩpü̧ kkü̧mä̧ a̧'kua̧ wȩnä̧rü̧tä̧ ü̧jä̧kua̧.»

1 Pedro 1:12

Ja̧'wa̧nü̧ ja̧'a̧nä̧, Dio-mä̧, jittäu jitütä jäwämä̧ jo̧ka̧'a̧ pä'ü ttu̧wo̧juö̧nä̧ jȩi̧nä̧u̧, ja̧'wa̧nü̧ ja̧jü̧ jueimä̧ ukuturu ppädomȩnä̧tä̧, ja̧'wa̧nü̧ ja̧'a̧ttü̧ pi̧yȩ ja̧'a̧ Epíritu Sa̧tu̧ mo̧ro̧jä̧nä̧ttü̧ wȩ'ä̧wa̧ ujurunä̧ jareü wȩnȩ jiäwinü̧mä̧. ¡Pi̧yȩmä̧ á̧gȩrȩ'i̧nä̧ jȩtta̧ pä'ü tta̧mü̧kuädü ja̧'a̧!

2 Corintios 11:4

Isopäi'ünä̧ ujutu jitäwä'ijäku Jesú-ttü'i̧nä̧, Epíritu Sa̧tu̧ttü̧'i̧nä̧, jareü wȩnȩ jitäwä'ijüttü'i̧nä̧, kkoromȩnä̧ a̧mu̧kuädätü ttichomȩnä̧mä̧ ukutumä̧ 'kuäünä̧ ȩmä̧tü̧jä̧.

1 Corintios 9:21

Ja̧'wa̧ta̧nü̧ Moisé weäwä wȩnȩ juiyünä̧ kka̧kuä̧tü̧rü̧mä̧, ttü'i̧nä̧ weäwä wȩnȩ juiyünä̧ kkü̧sä̧ (jua'akumä̧ Dio weinü̧ wȩnȩ, Crito weäwä wȩnȩ juiyünä̧mä̧ chü̧jo̧ka̧'a̧nä̧), weäwä wȩnȩ juiyünä̧ kka̧kuä̧tü̧, Crito-rü esetü ttikua pä'ü.

Gálatas 3:3

¿Yoriso amükuädokotüjä̧ tä̧jí̧? Epíritu jäwänä̧ kkä̧mä̧di̧nü̧'kotü'i̧nä̧, ttidepä jäwänä̧ käkuädäkuäwätukua'amä̧.

Hebreos 4:2

Isopäi'ünä̧ ujutu'i̧nä̧ juätü Irae ttü̧ja̧ Egito-ttü rä'opinä̧tü̧ ji̧nü̧ta'anü̧ jareü adiwä wȩnȩ jittäwi̧nä̧u̧jä̧; ja̧'wa̧nü̧ ja̧'a̧nä̧ juätürümä̧ ppädoka'a ji̧na̧'a̧ ä̧ju̧ku̧tä̧ ttä̧ju̧kuo̧mȩnä̧mä̧, esetü tta̧'kua̧ ttu̧wȩnä̧ro̧ko̧mȩnä̧mä̧.