Gálatas 3:19 - Nuevo Testamento Uwotjüja

¹⁹ Ja̧'wa̧nü̧ jü̧ttü̧mä̧, ¿Weäwä wȩnȩmä̧ däjetä ppäda'a jä̧ttü̧? Jua̧u̧ weäwä wȩnȩ iyinü ttü̧ja̧ ttukuotokomȩttü̧, Abraha̧-rü̧ kui̧tti̧rü̧ chi̧yä̧kua̧jä̧ Dio päinä̧ku̧ icha'anä̧. Á̧gȩrȩ-tä̧ ji'äwinä̧tü̧, Moisé-mä̧ jua'a yabo jiäkuäwä i̧sa̧ jü̧nä̧tä̧ winü̧.

TÄ̧DO Ä̧CUÄ̧ I̧HUȨNȨ

¹⁹ Ja̧'hua̧nö̧ ja̧'a̧ttö̧ ¿Diosmä dä̧bö̧ iyina'ajä̧ttö̧ Moisés hueähuä huȩnȩ? Ja̧u̧ hueähuä huȩnȩmä̧ iyinö suronä jȩtto̧mȩnä̧ ttu̧huo̧jua̧ pä'ö. Ja̧u̧ Dios Abraham mi̧nä̧rö̧ iya päinäcu ichome jubö päi'önätä ttu̧ju̧nä̧ra̧ pä'ö iyinö ja̧u̧ hueähuä huȩnȩmä̧. Ja̧u̧ hueähuä huȩnȩ ángeles jittähuinö Moisés mi̧nä̧rö̧. Ja̧'hua̧ta̧nö̧ chutä Moisés mi̧nä̧ juhua'a yabo ji'ähuinö pi̧jä̧ ttö̧ja̧rö̧.

Gálatas 3:19 Referans Kwoze

Hechos 7:53

Ukutumä̧ á̧gȩrȩ ppättäda'anä̧ weäwä wȩnȩ kuȩmi̧nä̧tu̧kua̧'a̧nä̧ ukuotokotü pinä̧tü̧jä̧.

Hebreos 2:2

Isopäi'ünä̧ Dio umüwäyotü á̧gȩrȩ jittäwinü̧mä̧ jueü wȩnȩ ji̧na̧'a̧, ja̧'wa̧nü̧ ja̧'a̧nä̧ esetokotümä̧ usurä ȩmä̧u̧nä̧ ro̧ȩkui̧'i̧nä̧ku̧.

Gálatas 3:16

Ja̧'wa̧nü̧ ja̧'a̧ttü̧ Dio, Abraha̧-rü̧ chi̧yä̧kua̧jä̧ pä'ü ukuokuinü̧mä̧, churutä'i̧nä̧, i̧tti̧rü̧'i̧nä̧ pätetü ji̧na̧'a̧. Rekuätünä̧, «kui̧tti̧mü̧rü̧» päwächoka'a, ya̧tȩrü̧tä̧ «kuakuä i̧sa̧rü̧» päwächina̧'a̧, Jua̧u̧mä̧ Crito-tä ja̧'a̧.

Romanos 4:15

Weäwä wȩnȩ ukuotokotürü ro̧'ȩpü̧ Dio-mä̧; ja̧'wa̧nü̧ ja̧'a̧nä̧ weäwä wȩnȩ juiyomȩmä̧ tä̧bo̧tä̧kuä̧wä̧'i̧nä̧ juiya'a, jua'amä̧ weäwä wȩnȩttü̧ to'ija̧'a̧ku̧ jȩä̧kuä̧wä̧ juiya'attü̧.

Romanos 2:13

Isopäi'ünä̧ Dio-mä̧ ȩmü̧, adiwä juei jȩpä̧tü̧mä̧ Moisé weinü̧ wȩnȩ ä̧ju̧ku̧tä̧ ä̧ju̧kuä̧tü̧tä̧mä̧kü̧ ja̧'a̧, ji̧nä̧somä̧ weäwä wȩnȩ ukuotätürü.

Hechos 7:38

Ja̧'wa̧ta̧nü̧, jua̧u̧ Moisé-tä ji̧na̧'a̧, irae ttü̧ja̧ ka̧ka̧kui̧nä̧tü̧ tü̧tä̧mü̧ mi̧nä̧rü̧, kkä̧kuä̧wä̧ wȩnȩ jua'a yabo 'kuä'epäjipü iku ji'äwinü̧mä̧, Sinaí mü̧ä̧'kattü á̧gȩ ukuoku wȩnȩ.

San Juan 15:22

Ttü ji'äu chichü juiyinü̧ttü̧mä̧, surojü jȩttü̧mä̧ wȩjo̧ko̧u̧ pa̧ja̧tü̧. Ja̧'wa̧nü̧ ja̧'a̧nä̧, jitä suronä̧ jȩttä̧'i̧jü̧ jȩpo̧ko̧tü̧jä̧ pätta pä'ümä̧ jui'ätü.

San Juan 1:17

Isopäi'ünä̧ weäwä wȩnȩmä̧ Moisé-nä̧ iyäwi'ina̧'a̧ttü̧; ja̧'wa̧nü̧ ja̧'a̧nä̧ re ü̧jü̧mä̧, isopäi'ünä̧ wȩnȩmä̧ Jesucrito-nä̧tä̧ ichina̧'a̧.

Hebreos 2:5

Dio-mä̧, á̧gȩrȩ-rü̧mä̧ juä̧jä̧ tukuokuä̧jä̧ wetta pä'ümä̧ pä̧o̧ko̧u̧ pinä̧tü̧;

San Lucas 16:31

Päomȩnä̧, Abraha̧-mä̧ päinä̧ku̧: Moisé-rü'i̧nä̧, profeta winä̧tü̧rü̧'i̧nä̧ ttesetü juiyüttümä̧, wa'inä̧tü̧ttü̧ tto'ächü jittäwaja pä'ü'i̧nä̧ esetokotü ttäkuotü.