Gálatas 3:17 - Nuevo Testamento Uwotjüja

¹⁷ Ja̧'wa̧ta̧nü̧ pi̧yȩ pä'üsä: Dio-mä̧ pacto pättünä̧ Abraha̧-rü̧ eseku chi̧yä̧kua̧jä̧ päinü̧mä̧ jȩpi̧nü̧. Ja̧'wa̧nü̧ ji̧nü̧ o'ka'a, Moisé-rü weinü̧mä̧, weäwä wȩnȩ jü̧nä̧tä̧ pärowächina̧'a̧, cuatrocientos treinta años jo̧mȩnä̧ 'kuäopinü̧ o'ka'atä, ja̧'wa̧nü̧ ji̧na̧'a̧nä̧ jua̧u̧mä̧ Dio iya päinü̧mä̧ si'epümä̧ ikuoka'a.

TÄ̧DO Ä̧CUÄ̧ I̧HUȨNȨ

¹⁷ Ttö pädömä pi̧yȩjä̧: Dios o'ca juiyönä Abraham mi̧nä̧rö̧ ucuocuinömä jȩpi̧nö̧. Dios Abraham mi̧nä̧rö̧ ucuocuina'attömä, cuatro cientos treinta a̧'ȩ ji̧nö̧ o'ca'a, iyinödo Moisés hueähuä huȩnȩ. Ja̧u̧ Moisés hueähuä huȩnȩ yoröiso jȩpö̧ icuähuocö Dios iya päinö huȩnȩmä̧.

Gálatas 3:17 Referans Kwoze

2 Corintios 1:20

Ja̧'wa̧nü̧ ja̧'a̧ttü̧, o'kajuiyünä̧tä̧ Dio chi̧yä̧kua̧sä̧ päinü̧mä̧ ja̧'wa̧nü̧tä̧ 'kuäopa'a, chunä̧tä̧mä̧, ja̧'wa̧nü̧ ja̧'a̧ttü̧ Dio-rü tesewomȩnä̧, Crito-nä̧mä̧ «Amȩ́» pä'ätüjä̧.

Romanos 3:3

Ja̧'wa̧nü̧ ji̧na̧'a̧nä̧, juätüttü yotukunä̧ Dio-rü ttukuotoka'a ji̧na̧'a̧mä̧, Dio ppäda päinü̧mä̧, ppädü juiyünä̧mä̧ jo̧ka̧'a̧, ji̧nä̧sokutä ppä̧dä̧kua̧.

Colosenses 2:4

Pi̧yȩmä̧ ukuturu pä'üsä, kuju'kächi'ätukunä̧ adiu ji'äu ottipächätukuäku pä'ü.

Gálatas 5:4

Jitü, Dio ȩma̧tü̧ pä'ü weäwä wȩnȩ jȩpä̧tü̧mä̧, Crito rȩrü̧jü̧ topü ppädinü̧ kkü'kü jui'ü, jua̧u̧ttü̧mä̧ rä'ekuächätü.

Gálatas 3:15

Chawaruwä chi̧jä̧wa̧tü̧, ttü̧ja̧ ttukuokuä'ija'aku chukuokuä̧u̧jä̧: ji̧yȩtȩ pacto pättü esekuäkuäwä'i̧nä̧, ta̧ju̧ eseku ttiku o'ka'amä̧, ya̧tȩ'i̧nä̧ rü̧ä̧da̧ pä'ümä̧, ȩmü̧ ikua pä'ü'i̧nä̧ yoriso juiya'a, ttü̧ja̧ jäwä ja̧'a̧nä̧.

1 Corintios 1:17

Isopäi'ünä̧ Crito-mä̧, bautizo jȩcha̧ pä'ümä̧ weokoku pinü̧sä̧, jua̧u̧ ja̧jü̧jueimä̧ jareü wȩnȩtä̧ jidäwa pä'ü weinä̧ku̧sä̧; jua'a'i̧nä̧ wo̧juä̧wä̧ wȩnȩ kkü̧nä̧mä̧kü̧, Crito ü̧jo̧kä̧ jäinä̧ 'koru juo'ächinü̧, mikuäu toe'ächü juiya pä'ü.

San Juan 1:17

Isopäi'ünä̧ weäwä wȩnȩmä̧ Moisé-nä̧ iyäwi'ina̧'a̧ttü̧; ja̧'wa̧nü̧ ja̧'a̧nä̧ re ü̧jü̧mä̧, isopäi'ünä̧ wȩnȩmä̧ Jesucrito-nä̧tä̧ ichina̧'a̧.

1 Pedro 1:20

Crito-mä̧ pi̧jä̧ uwäbe'äkua'a ä'kanä̧ ja̧'wa̧nü̧tä̧ jȩa̧ päinä̧ku̧, ja̧'wa̧nü̧ ja̧'a̧nä̧ pi̧yȩ rüjí mo̧ro̧mä̧ ukuturu ppädünä̧tä̧ i̧jȩkuä̧cha̧'a̧.

Hebreos 11:13

Juätümä̧ o'katoi'ünä̧tä̧ wa'ü ikuinä̧tü̧ Dio iya päinü̧mä̧ ttȩmo̧ka̧'a̧tä̧; ja̧'wa̧nü̧ ja̧'a̧nä̧ ta̧'kua̧ ttu̧wȩnä̧ro̧mȩttü̧, otonä̧tä̧ topinä̧tü̧, esetü ukuokuinä̧tü̧ pi̧jä̧mä̧ ttü̧ja̧mä̧kü̧jä̧, ujutumä̧ 'kuäokuä ttü̧ja̧jä̧, pä'ü.

Hebreos 7:18

Ja̧'wa̧nü̧ ja̧'a̧ttü̧, ä'koji weäwä wȩnȩ ji̧nü̧mä̧ siekuächa'a, ppädü juiyünä̧'i̧nä̧, ujuru'i̧nä̧ juiyinü̧ ja̧'a̧ttü̧.

Efesios 4:17

Ja̧'wa̧nü̧ ja̧'a̧ttü̧ ukuturu pä'üsä, Tu̧ru̧wa̧ i̧mi̧nä̧ jä'epünü̧: täkü, ukutumä̧ Dio-rü esetokotü ttü̧jü̧'a̧nü̧mä̧ ku̧ja̧kuä̧tu̧kuä̧, juätümä̧ ttamu̧kuäda'akutä surojü jȩpü̧ kka̧kuä̧tü̧,

Gálatas 3:21

¿Ja̧'wa̧nü̧ jü̧ttü̧mä̧ weäwä wȩnȩmä̧, Dio iya päinü̧ku̧mä̧ to'i ja̧'a̧ku̧ jäwä ja̧'a̧ tä̧jí̧? ¡Ja̧'wa̧nü̧mä̧ jo̧ka̧'a̧! isopäi'ünä̧ weäwä wȩnȩtä̧ kkä̧kuä̧wä̧ i'ko iyü jü̧ttü̧mä̧, Dio-mä̧ ȩma̧ja̧u̧jä̧ weäwä wȩnȩ tukuota'anä̧tä̧'i̧nä̧.

2 Corintios 9:6

Pi̧yȩ amükuädätukui: a̧'u̧ku̧nä̧tä̧ kku̧nu̧mä̧, a̧'u̧ku̧nä̧tä̧ ü̧ka̧ka̧tä̧kua̧ u̧wä̧ju̧mä̧; ja̧'wa̧ta̧nü̧ rü̧ȩnä̧ kku̧nu̧mä̧, rü̧ȩnä̧ ü̧ka̧ka̧tä̧kua̧, u̧wä̧ju̧mä̧.

1 Corintios 10:19

¿Toku pä'ü päda'ajä̧ttü̧? ¿Ttü̧ä̧nä̧wo̧tü̧rü̧ ukuokuäkuäwämä̧ abonä̧nü̧ mikuäu pä'ü? ja̧'wa̧nü̧ jü̧ juiya pä'ü'i̧nä̧ ¿ttü̧ä̧nä̧wo̧tü̧rü̧ wȩnȩtü̧ ukuokuäkuäwä ji̧yȩtä̧mä̧, abonä̧nü̧ mikuäu pä'ü? ja̧'wa̧nü̧mä̧kü̧.

1 Corintios 7:29

Chawaruwä chi̧jä̧wa̧tü̧, ukuturu pi̧yȩ pä'üsä: täkü, mo̧ro̧mä̧ a̧'u̧ku̧nä̧tä̧ ja̧'a̧. Ja̧'wa̧nü̧ ja̧'a̧ttü̧ ttirekuarü kku̧nä̧rä̧tü̧mä̧, to'ätü 'kua̧rü̧nä̧ kka̧kuä̧tu̧kui̧;

1 Corintios 1:12

Ukututtü, yotüte pättü pä'üsä: «Ttümä̧ Pauru umüwäyotü i̧sa̧sä̧»; kkorotü pä'ätü: «Ttümä̧ Aporo umüwäyotü i̧sa̧sä̧»; kkorotütä pä'ätü: «Ttümä̧ Cefa umüwäyotü i̧sa̧sä̧,» ja̧'wa̧ta̧nü̧ ttümä̧: «Crito umüwäyotü i̧sa̧sä̧,» jü̧nä̧.

Romanos 3:25

Dio-mä̧, Crito-rü ukuoja erünä̧ jȩo̧mȩnä̧, eseku ikuäwä iya pä'ü iyinü̧. Jua̧u̧ eseku ikuäwämä̧ tta̧'kua̧ wȩnä̧rü̧tä̧ rȩbȩä̧kuä̧wä̧ ja̧'a̧. Ja̧'wa̧nü̧ jȩpü̧ Dio-mä̧, i̧jȩpi̧nä̧u̧jä̧ adiwä jueinä̧tä̧ pärotü ikumä̧, suronä̧ jȩtä̧'i̧jü̧, jȩpü̧ ikua'attü̧.

Hechos 7:6

Ja̧'wa̧ta̧nü̧ Dio-mä̧ päinä̧ku̧: Kui̧tti̧mü̧ o'kotümä̧ kkorotü tti̧rȩjä̧nä̧ ttü̧ja̧kuä̧kuo̧tü̧ ja̧'wa̧nü̧ jo̧mȩnä̧ ttu̧wo̧juȩtä̧u̧ jü̧nä̧ ttü̧ja̧'a̧, wewepü, kuäkuäpü jȩttä̧kuä̧u̧, cuatrocientos año jo̧mȩnä̧.

Gálatas 5:16

Ja̧'wa̧nü̧ ja̧'a̧ttü̧ pä'üsä: Dio i̧sa̧, Epíritu üjü'komȩnä̧tä̧ kka̧kuä̧tu̧kui̧, kuidepätuku kkü'kekunä̧mä̧ ku̧jä̧tu̧kuä̧.

Efesios 2:12

Amükuädätukui ji̧yȩnü̧ mo̧ro̧mä̧ Crito-ttümä̧ otó winä̧tü̧jä̧, Irae ttü̧ja̧ttü̧'i̧nä̧ ikuikuotü winä̧tü̧jä̧. Ja̧'wa̧ta̧nü̧ Dio iya pä'ü esekuinü̧ttü̧'i̧nä̧ otó winä̧tü̧jä̧, tta̧'ä̧rü̧ kuamükuä̧rä̧tu̧ku̧'i̧nä̧ jui'inä̧tü̧jä̧, Dio-rü'i̧nä̧ pi̧jä̧ttü̧mä̧ to'inä̧tü̧jä̧.