Gálatas 3:14 - Nuevo Testamento Uwotjüja

¹⁴ Ja̧'wa̧nü̧ ja̧'a̧ttü̧, Jesucrito-nä̧tä̧ Abraha̧-rü̧, Dio iya päinü̧ adiwä jueimä̧ judío pokotürü'i̧nä̧ rȩbȩä̧kuä̧wi̧na̧'a̧. Ja̧'wa̧nü̧ jo̧mȩttü̧, ta̧'kua̧ tu̧wȩnä̧ro̧mȩnä̧mä̧, Dio iya päinä̧ku̧ Epíritu Sa̧tu̧rü̧ ȩmä̧tü̧jä̧.

TÄ̧DO Ä̧CUÄ̧ I̧HUȨNȨ

¹⁴ Ja̧u̧ 'cuäopina'a Dios Abraham mi̧nä̧rö̧ ppädäcuähuä ucuocuinö huȩnȩ judíos huocotörö ppäda pä'ö Cristo Jesúsnä. Ja̧'hua̧ta̧nö̧ ujutu o'ca toi'önä esetö tȩma̧ pä'ö Espíritu Santo, Dios iya päinäcuru.

Gálatas 3:14 Referans Kwoze

1 Corintios 12:13

Ujututtümä̧ judío'i̧nä̧, judío pokotü'i̧nä̧, Grecia ttü̧ja̧'i̧nä̧, esclavo jü̧nä̧ ttumüwäyotü'i̧nä̧, esclavo jü̧nä̧ ttu̧wo̧juȩtä̧u̧ pokotü'i̧nä̧ ji̧nä̧ yotütetä päti'ünä̧, Epíritu-nä̧ bautizo jȩpä̧kuä̧wi̧nä̧tü̧jä̧, ji̧yȩtȩ igresia päti'ünä̧, ji̧nä̧ yotüte wotütä, ji̧nä̧ ya̧tȩ Epíritu Sa̧tu̧rü̧ iyinä̧u̧jä̧ Dio-mä̧.

Efesios 2:18

Ja̧'wa̧nü̧ ji̧na̧'a̧ttü̧, Jua̧u̧nä̧tä̧ yotukunä̧ Jä'o ü̧ja̧'a̧mä̧ dodepätüjä̧, Epíritumä̧ ji̧nä̧ ya̧tȩnä̧tä̧.

Gálatas 3:2

Ukuturu ji̧yȩtȩtä̧ jä'epü chä̧ju̧kua̧ pä'üsä: ¿Dio i̧sa̧ Epíritu-rumä̧, toku kuȩmi̧nä̧tu̧kuä̧ttü̧: weäwä wȩnȩ kukuotätukuomȩnä̧; ja̧'wa̧nü̧ jo̧ka̧'a̧ jü̧ttü̧'i̧nä̧ kua̧'kua̧ wȩnä̧rü̧ kuä̧ju̧kuä̧tu̧kuo̧mȩnä̧ jo̧ka̧'a̧ ji̧na̧'a̧ tä̧jí̧?

Hechos 2:33

Ja̧'wa̧nü̧ jȩpü̧, Dio-mä̧ mo̧ro̧jä̧ra̧'a̧ ȩpü̧, ujuru uruwo iyü u̧wo̧jua̧'a̧ku̧nä̧ ütinä̧ku̧; Epíritu Sa̧tu̧rü̧ ȩmi̧nü̧'ka̧ ujuturu'i̧nä̧ iyäjä̧u̧jä̧, jitä to'kuätukumä̧.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

San Juan 7:39

Ja̧'wa̧nü̧ päomȩnä̧mä̧, churutä esetätümä̧, Epíritu-ru ttȩmä̧kua̧'a̧ ji'äu pä'inü̧; ja̧'wa̧nü̧ ja̧'a̧mä̧, Epíritumä̧ ji̧nä̧ ichü juiyäi ji̧na̧'a̧, Jesú-mä̧ ji̧nä̧ wa'ü ikuäji̧'ka̧ wa'arettü ttoächü juiyäi ja̧'a̧ttü̧.

Efesios 4:30

Epíritu Sa̧tu̧rü̧ a̧'kua̧ tta̧wȩpü̧nä̧mä̧ jȩ'kuä̧tu̧kuä̧, jua̧u̧nä̧tä̧ sello tatta'a jä̧'i̧nü̧'a̧nü̧ jȩpü̧ u̧ju̧ni̧nä̧u̧jä̧, ji̧yȩnü̧ mo̧ro̧ surojüttü rä'epü ikuomȩnä̧ u̧wo̧jua̧ pä'ü.

Efesios 3:16

Epíritu jäwänä̧, chutä uruwo kka̧'a̧ku̧, kujurutuku iyätukuaku pä'ü ukuokusä, kua̧'kua̧rü̧ jakuänä̧.

Efesios 2:22

Jua̧u̧nä̧tä̧, ji̧nä̧ yo̧mȩtȩnä̧ aditäu̧jä̧, Epíritu Sa̧tu̧nä̧ Dio-mä̧ ü̧jä̧tu̧kua̧ku̧ pä'ü.

Gálatas 4:6

Ja̧'wa̧nü̧, täkü i̧tti̧mü̧ ta'attü̧ Dio-mä̧ i̧tti̧ a̧'kua̧rü̧ i̧sa̧ Epíritu-ru we'inü̧ ta̧mi̧'iso'kinä̧: jua̧u̧ Epíritu ja̧'a̧, ¡Abbá! ¡Chä'o! pä'ü wopümä̧.

Gálatas 3:16

Ja̧'wa̧nü̧ ja̧'a̧ttü̧ Dio, Abraha̧-rü̧ chi̧yä̧kua̧jä̧ pä'ü ukuokuinü̧mä̧, churutä'i̧nä̧, i̧tti̧rü̧'i̧nä̧ pätetü ji̧na̧'a̧. Rekuätünä̧, «kui̧tti̧mü̧rü̧» päwächoka'a, ya̧tȩrü̧tä̧ «kuakuä i̧sa̧rü̧» päwächina̧'a̧, Jua̧u̧mä̧ Crito-tä ja̧'a̧.

2 Corintios 1:22

ja̧'wa̧ta̧nü̧ Jua̧u̧tä̧tä̧, sello-nä̧ jȩpü̧ u̧ju̧ni̧nä̧u̧jä̧, Chutä isotü ta pä'ümä̧: Ja̧'wa̧nü̧ jȩpü̧mä̧ Epíritu Sa̧tu̧rü̧ iyinä̧u̧jä̧ ta̧mi̧ iso'kinä̧.

Hechos 5:32

Pi̧yȩ topinä̧tü̧mä̧ ujututäjä̧ ja̧'wa̧ta̧nü̧ Dio, churutä ukuotätürü iyinä̧ku̧ Epíritu Sa̧tu̧'i̧nä̧ wo̧jua̧.

Hechos 4:12

Ya̧tȩtä̧ Jesú-tä ja̧'a̧ surojüttü kki̧'ä̧kuä̧wä̧ ujuru kku̧nä̧rü̧mä̧; pi̧jä̧ra̧'a̧ mo̧ro̧jä̧ra̧'a̧ttü̧ weinä̧ku̧ kka̧ra̧mä̧ toa'a; Jua̧u̧tä̧tä̧ ja̧'a̧ i̧mi̧nä̧ ra̧wä̧pi̧jü̧ttü̧ ttü̧ja̧ kki̧'ä̧kuä̧wa̧mä̧.

San Lucas 24:49

Ja̧'wa̧ta̧nü̧ Chä'o ukuturu iya päinü̧ wȩdä̧kua̧sä̧; ja̧'wa̧nü̧ ja̧'a̧nä̧, ji̧nä̧ Jerusarȩ́ ütawiyänä̧tä̧ ku̧ja̧kuä̧tu̧kua̧jä̧, mo̧ro̧jä̧ra̧'a̧ttü̧ kujurutuku 'ka̧tä̧wi̧'o̧mȩbü päi'ünä̧.

San Lucas 11:13

Isopäi'ünä̧ ukutumä̧ suropätü kuätükua'anä̧'i̧nä̧, kui̧tti̧mü̧tu̧ku̧ru̧mä̧ adiwäjueitä iyä'ijätüjä̧. Juȩnȩ abonä̧nü̧ wa̧ ja̧'a̧ttü̧, Kuä'otuku Dio mo̧ro̧jä̧ ru̧wa̧mä̧, Epíritu Sa̧tu̧rü̧ jäkuepätukuomenä̧mä̧ i̧yä̧kuä̧u̧jä̧.

1 Pedro 3:9

Surojünä̧mä̧ mikuämä̧ päkuätukuä, ja̧'wa̧ta̧nü̧ suronä̧ pä'chäkuäwänä̧'i̧nä̧, to'ija̧'a̧ku̧tä̧ adiwäjueitä iyätukui, ja̧'wa̧nü̧ ja̧'a̧ttü̧ Dio-mä̧ adiwäjuei kuȩmä̧tu̧kua̧ pä'ü woinä̧u̧jä̧.