Biblia Todo Logo
Bib sou entènèt

- Piblisite -




Gálatas 3:11 - Nuevo Testamento Uwotjüja

11 Isopäi'ünä̧ Dio ä'kattümä̧, ya̧tȩ'i̧nä̧ toa'a weäwä wȩnȩnä̧tä̧ ukuotü adiwächümä̧; wȩyu̧kuä̧ wȩnȩmä̧ pa̧'a̧nü̧ pä'attü̧: «Adiwä juei jȩpü̧mä̧, a̧'kua̧ wȩnä̧rü̧tä̧ ü̧jä̧kua̧.»

Gade chapit la Kopi

TÄ̧DO Ä̧CUÄ̧ I̧HUȨNȨ

11 Iso päi'önä Moisés hueähuä huȩnȩtä̧ jȩpä̧tö̧rö̧mä̧ Dios jȩpo̧cö̧ ja̧u̧cu̧ ji̧nä̧ ji̧yȩtȩ huotö tta pä'ö. Huȩyu̧cuä̧ Huȩnȩ päa'a: “Dios jȩä̧u̧ ja̧u̧cu̧ ji̧nä̧ ji̧yȩtȩ huotö tta pä'ö Cristorötä esetö ttö̧ja̧cuä̧cuo̧tö̧.”

Gade chapit la Kopi




Gálatas 3:11
20 Referans Kwoze  

Isopäi'ünä̧ jareü wȩnȩmä̧, Dio ujuturu adiwomȩnä̧ jȩü̧mä̧ i̧jȩkuä̧cha̧'a̧; tta̧'kua̧ ttu̧wȩnä̧ro̧mȩttü̧ kkä̧mä̧dü̧, yaboku tta̧'kua̧ ttu̧wȩnä̧rü̧nä̧, wȩyu̧kuä̧ wȩnȩmä̧ pa̧'a̧nü̧ pä'attü̧: «adiwä juei jȩpü̧ kkü̧mä̧ a̧'kua̧ wȩnä̧rü̧tä̧ ü̧jä̧kua̧.»


Ja̧'wa̧nü̧ ja̧'a̧ttü̧, adiwä jueinä̧ jȩpü̧ kkü̧mä̧, tta̧'kua̧ wȩnä̧rä̧kuä̧wä̧nä̧tä̧ ü̧jä̧kua̧; ja̧'wa̧nü̧ ja̧'a̧nä̧ o'ka'aku ppa̧'a̧chä̧chü̧rü̧mä̧, cha̧'kua̧rü̧ esewoka'a jä̧kua̧'a̧.


Ujutumä̧ wo̧juä̧tü̧jä̧, weäwä wȩnȩ päü jȩä̧kuä̧wä̧nä̧tä̧mä̧ Dio-mä̧ ȩmo̧kü̧ jä̧kua̧ pä'ümä̧, ja̧'wa̧nü̧ ja̧'a̧nä̧ Jesucrito-rü tta̧'kua̧ wȩnä̧rä̧kuä̧wä̧nä̧tä̧ ȩmä̧u̧jä̧. Ja̧'wa̧nü̧ jo̧mȩnä̧, ujutu'i̧nä̧ Jesucrito-rü esetinä̧tü̧jä̧, Jesucrito-nä̧ ȩma̧tü̧ pä'ümä̧, weäwä wȩnȩnä̧ jo̧ka̧'a̧ttü̧. Ja̧'wa̧nü̧ ja̧'a̧ttü̧, suro weäwä wȩnȩ päütä ttukuotüttümä̧, Dio-mä̧ ȩmo̧ko̧u̧ ttäkuotü.


Ja̧'wa̧nü̧ ja̧'a̧, juätümä̧ ji̧yȩtȩ jareü ra̧wä̧wä̧ ra̧'i̧nä̧tü̧: «Ukutäjä̧, juä'tä kuyäru'tä 'chukuädu'anü̧ wa̧mä̧ ja̧'wa̧ta̧nü̧ sello pättü jȩpü̧ kuiku'anü̧ wa̧mä̧, usurä ȩmä̧u̧ tokue'ächina̧'a̧ttü̧; kukuojanä̧ mitäu ȩmi̧nü̧jä̧, Dio i̧tti̧mü̧ päi'ünä̧, o'katoi'ünä̧ ttü̧ja̧ tti̧wȩnȩ pünä̧ ukuokuätürü'i̧nä̧, ttidepiyu pünä̧'i̧nä̧, jü̧nä̧.


O'katoi'ünä̧tä̧ surojümä̧ jȩpä̧tü̧jä̧; Jua̧u̧nu̧mä̧ ya̧tȩ ukuokunä̧ surojü päoka'a jü̧ttü̧mä̧, jua̧u̧mä̧ adiu kkü̧, ja̧'wa̧ta̧nü̧ jä̧ttä̧pä̧ya̧mä̧ o'kajuiyünä̧tä̧ juȩ'ȩpä̧rä̧kuä̧wa̧'a̧ wa̧.


Jä'o Dio-rü esetäwämä̧ churutä eseäkuäwä ja̧'a̧ ja̧'wa̧ta̧nü̧ adiu jȩä̧kuä̧wä̧mä̧ reyotü usurä ȩmä̧wä̧tü̧rü̧'i̧nä̧, rȩkua̧mü̧rü̧'i̧nä̧ ppädäkuäwä ja̧'a̧, ja̧'wa̧ta̧nü̧ pi̧jä̧ jäwä surojuo'epünä̧mä̧ kuiditäkuäwätukuä.


Swiv nou:

Piblisite


Piblisite