Gálatas 3:1 - Nuevo Testamento Uwotjüja

¹ ¡Isoo, Galacia ttü̧ja̧, Kuamükuädü jui'ätüjä̧ttü̧! ¿Dí ji̧nä̧ttü̧ ukuturu märipänä̧ surojuo'epinü̧mä̧ jueü wȩnȩ kukuotätuku juiya pä'ümä̧? Ttütä wäjuönä̧ jidäwinä̧u̧jä̧ Jesucrito ü̧jo̧kä̧nü̧ daunä̧ kkä̧nü̧ 'korujuoächinü̧ wȩnȩmä̧.

TÄ̧DO Ä̧CUÄ̧ I̧HUȨNȨ

¹ Juiyo di̧ji̧ huo̧juä̧chi̧'o̧co̧tö̧jä̧, Gálatas ttö̧ja̧. ¿Dihuä ja̧'hua̧nö̧ jȩi̧nä̧tu̧cuä̧cu̧ iso päi'önä suronä jȩttö̧ jȩpö̧ icu huȩnȩ cuesetätucu juiyönämä? Adihuä huȩnȩ jitäumä, ucutu'inä ja̧u̧tä̧ Jesucristo daunä 'corupä'i'inörö tocu'ätucua pä'ö ji'ähuätöjä.

Gálatas 3:1 Referans Kwoze

2 Corintios 11:3

Ja̧'wa̧nü̧ ja̧'a̧nä̧, yedekunä̧ jä̧ku̧sä̧, Ewa-rü ä̧ka̧ üyaparewinü̧ta̧'a̧nü̧, ukutu'i̧nä̧ Crito-rü eseunu̧ kukuotätukuttü 'kä̧kui̧pä̧chä̧tu̧ku̧'a̧nü̧ ji̧yä̧ku̧.

Apocalipsis 2:20

Ja̧'wa̧nü̧ ja̧'a̧nä̧, ukuru chüjü'kokü ji̧yȩtȩ a̧'u̧ku̧nä̧ kku̧nä̧rü̧sä̧: Juäju profeta isajusä pä'äkuäwäju Jezabe-rü, chu̧wo̧juȩtä̧u̧rü yaparetü nä̧tü̧rü̧'i̧nä̧, u̧mä̧tü̧rü̧'i̧nä̧ jȩttä̧'chü̧nä̧ jȩpü̧ kkä̧nü̧'i̧nä̧, ttü̧ä̧nä̧wo̧tü̧rü̧ sacrificio pättü ukuoku jȩä̧kuä̧wä̧'i̧nä̧ ttukunä̧ jȩpä̧'chä̧ju̧ru̧ ja̧'a̧tä̧ to'kuomȩnä̧.

Gálatas 1:6

Rü̧ȩnä̧ chamükuädünä̧ jä̧ku̧sä̧, Jesucrito re ü̧jü̧nä̧ woinä̧u̧mä̧, jua̧u̧ttü̧ yotäku rä'opächü kkoro jareü wȩnȩnä̧ bokuipächäjiyätukuäku.

1 Pedro 4:17

Täkü rȩbȩwä̧ja̧'a̧ pojokuä mo̧ro̧mä̧ chutä Dio i̧tti̧mü̧ttü̧ kkä̧mä̧dü̧, ja̧'wa̧nü̧ pojokuä ujutunä̧ kkä̧mä̧da̧'a̧mä̧ ¿Toku jä̧kua̧'a̧jä̧ttü̧ rüjí mo̧ro̧mä̧, jareü Dio i̧wȩnȩ ukuotokotürümä̧?

2 Pedro 2:18

Kkorojueimä̧ pä̧i̧ku̧nä̧ pätta'anä̧ jui'ätü, ja̧'wa̧ta̧nü̧ ji̧yȩnä̧tä̧ juoächäkuäwänä̧, ttü̧ja̧rü̧ pä̧wä̧rü̧jü̧nä̧, suronä̧ jȩttü̧ttü̧ rättopächa pä'ü kka̧kuä̧tü̧rü̧ ttesetipünä̧ jȩpä̧tü̧.

Hebreos 11:8

A̧'kua̧ u̧wȩnä̧ro̧mȩttü̧, Abraha̧-mä̧ Dio woäkumä̧ ukuotü, rä'opinü̧ kui̧rȩjä̧ chi̧yä̧kua̧jä̧ päjäkumä̧. Ja̧'wa̧nü̧ ja̧'a̧ttü̧ i̧rȩjä̧ttü̧mä̧ rä'opinü̧, ieruwa'a päte'ü.

Efesios 4:14

Ja̧'wa̧nü̧ jo̧mȩnä̧mä̧ ppo̧'ä̧tü̧ tta̧mi̧ 'kuä'ätü jä̧'i̧nü̧'a̧nü̧, kkoro ttu̧wo̧juȩtü̧ jü̧'a̧kuä̧mä̧ kue'ächü kko̧ko̧tü̧ täkuotüjä̧. Pi̧jä̧ ttü̧ja̧ tta̧mü̧kuäda'aku ma̧ttä̧chü̧nä̧ jȩpä̧'chä̧tü̧ku̧mä̧.

Gálatas 4:9

Ja̧'wa̧nü̧ ja̧'a̧nä̧ jitä Dio-rü ku̧wo̧juä̧chi̧nä̧tu̧kua̧'a̧mä̧, ja̧'wa̧nü̧ pä'ü jui'ü'i̧nä̧ Dio u̧wo̧juä̧u̧ kuätukua'amä̧ ¿tta̧'a̧nü̧ pä'ü ppa̧kuä̧chä̧tu̧kua̧'a̧jä̧ttü̧ ttü̧ä̧nä̧wo̧tü̧ juiyupätürü, mikuäwokotürü, kukuotätukua pä'ümä̧?

Gálatas 3:3

¿Yoriso amükuädokotüjä̧ tä̧jí̧? Epíritu jäwänä̧ kkä̧mä̧di̧nü̧'kotü'i̧nä̧, ttidepä jäwänä̧ käkuädäkuäwätukua'amä̧.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

Hebreos 5:9

ja̧'wa̧nü̧ adiunä̧ jue'ekuächü, ra̧wä̧pi̧jü̧ttü̧ kki̧'ä̧kuä̧wä̧ ba'epü kku̧ni̧nü̧, o'katoi'ünä̧ jua̧u̧ru̧ esetü ukuotätürümä̧.

Efesios 5:15

Ja̧'wa̧nü̧ ja̧'a̧ttü̧, tta̧'ä̧rä̧kuä̧u̧ kkä̧wi̧; tta̧mü̧kuädü jui'ätü ttü̧jü̧'a̧nü̧mä̧ kkü̧jä̧, pärokua'aku amükuädätü ttü̧jü̧'a̧nü̧tä̧ kkä̧wi̧.

1 Timoteo 6:4

Jua̧u̧mä̧ wo̧jua̧sä̧ pä'ü ukuo teäwa'anä̧ yoriso jȩru̧pa̧. Jua̧u̧ru̧ pä'chäkuäwämä̧ mä̧richei jä̧'i̧nü̧'a̧nü̧ wa̧ttü̧mä̧; kkü'käwokü, ra̧wä̧rä̧kuä̧wä̧tä̧, tta̧'kua̧ wȩnä̧rä̧kuä̧wo̧kü̧tä̧ icha'a,

Gálatas 2:14

Ja̧'wa̧nü̧ jȩtto̧mȩnä̧, jareü wȩnȩ pä'aku jȩpo̧ko̧tü̧ pinä̧tü̧, ja̧'wa̧nü̧ ji̧yä̧ku̧ Peduru-rü, o'katoi'ünä̧ ttä'ka jo̧mȩttü̧ pä'inü̧sä̧: Ukú, judío i̧sa̧'i̧nä̧, judío pokotü 'kua̧rü̧nä̧ ku̧ja̧'a̧nä̧; ¿Tta̧'a̧nü̧ pä'ü judío pokotürümä̧, judío jȩttü̧ jäwänä̧ ttü̧ja̧kua̧ päkua'ajä̧ttü̧?

1 Corintios 11:26

Ja̧'wa̧nü̧ ja̧'a̧ttü̧, 'kuäopünä̧tä̧ trigo i̧ri̧si̧, pi̧si̧ kukuätukuomȩnä̧mä̧ ja̧'wa̧ta̧nü̧ po̧'ta̧ isoya kuäwätukuomȩnä̧mä̧, Tu̧ru̧wa̧ 'korujuoächinü̧ ji'äwätüjä̧, Chutä ichomȩbü päi'ünä̧.

1 Corintios 2:2

Ja̧'wa̧ta̧nü̧, ukutuku chü̧ji̧nü̧mä̧ kkoro juei ttukuokuajü jueimä̧, suro Jesucrito ütü'kütä, ü̧jo̧kä̧ jäinä̧ toe'ächinü̧tä̧ ji'äwinü̧sä̧.

Romanos 6:17

Ja̧'wa̧nü̧ ja̧'a̧nä̧ Dio-rü esewätüjä̧, ä'kojimä̧ surojü jȩä̧kuä̧wä̧tä̧ umüwäyotü kuinä̧tu̧kua̧'a̧mä̧, kua̧mi̧'iso'kituku o'kajuiyünä̧ kukuotätukua'attü̧, kkä̧kuä̧wä̧ kuesetinä̧tu̧ku̧nä̧.

Romanos 2:8

Ja̧'wa̧nü̧ ja̧'a̧nä̧ jarodi'ü, tturuwonä̧ ukuo te'äkuäu, jueü wȩnȩ ukuotü jui'ü, suronä̧ jȩä̧kuä̧wä̧tä̧ ukuotätürümä̧ Dio-mä̧ rü̧ȩnä̧ ra̧wä̧rü̧ ro̧ȩpä̧kuä̧u̧.

Hechos 6:7

Ja̧'wa̧nü̧ ja̧'a̧mä̧, yabokutä Dio i̧wȩnȩmä̧ rü̧ä̧chi̧na̧'a̧, Jerusarȩ́-nä̧mä̧ Jesucrito-rü esetätümä̧ rekuächinä̧tü̧; ja̧'wa̧ta̧nü̧ rekuätü sacerdote'i̧nä̧ esetächinä̧tü̧, jua̧u̧ tta̧'kua̧ wȩnä̧rä̧kuä̧wä̧mä̧.

Apocalipsis 18:3

Ja̧'wa̧ta̧nü̧ ruwäkuiyä pa̧ja̧ku̧nä̧, juäjutäku kkü̧ä̧nä̧wo̧tü̧rü̧ eseäkuäwinä̧tü̧; Ja̧'wa̧ta̧nü̧tä̧ pi̧jä̧nä̧ttü̧ ruwotü'i̧nä̧ jȩpi̧nä̧tü̧, «Pi̧jä̧ttü̧ ruwotümä̧ juäjuttütä ruwotü juo'inä̧tü̧, pä̧wä̧rü̧jü̧, ttidepä weü ȩmü̧, iso juottepa pä'ümä̧.»

2 Tesalonicenses 1:8

Ro̧ȩpa̧ pä'ü i̧chä̧kua̧, Dio-rü ttu̧wo̧jui̧pa̧ pä'okotürü, ja̧'wa̧ta̧nü̧ ukuotokotürü adiwäjuei wȩnȩ Tu̧ru̧wa̧ Jesucrito ütü'kü.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

2 Corintios 10:5

ttü̧ja̧ ttu̧wo̧juö̧'i̧nä̧, Dio-rü wo̧jui̧'ü̧ jui'ü rowäwäkuäwä'i̧nä̧ o'kajuiyütä si'epü iku, 'chu'ädü rütü yaboku 'chä̧tü̧jä̧ Crito-rü ukuotümä̧,

Romanos 10:16

Ja̧'wa̧nü̧ ja̧'a̧nä̧, o'katoi'ünä̧mä̧ esetokotü pinä̧tü̧ jareü wȩnȩmä̧; Isaía-mä̧ pä'inü̧: Chu̧ru̧wa̧ ¿Ditäjä̧ttü̧ jitäu esetäkua̧mä̧?

San Lucas 24:25

Ja̧'wa̧nü̧ jitäwäku Jesú-mä̧ päinä̧u̧: —¡Isoo, ukutumä̧, ku̧wo̧jui̧pä̧tu̧kua̧ pä'ü'i̧nä̧ jui'ätüjä̧ tä̧jí̧, kuesetätukua pä'ü'i̧nä̧ kua̧mi̧ 'ki'ätüjä̧ tä̧jí̧, profetas jittäwinü̧mä̧!

San Mateo 24:24

Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧,

San Mateo 7:26

Ja̧'wa̧nü̧ ja̧'a̧nä̧ yotukunä̧ ttü pädü ä̧ju̧ku̧ ukuotokümä̧, ya̧tȩ wo̧juȩku̧nä̧ amükuädokü ojusodemä̧ rȩba̧nä̧ aditinü̧'a̧nü̧ wa̧.

Hechos 16:6

Frigia rȩjȩnä̧'i̧nä̧, Galacia rȩjȩnä̧'i̧nä̧ 'kuättopomȩnä̧ Epíritu Sa̧tu̧mä̧, Dio i̧wȩnȩ jittäu juiyünä̧ päinä̧u̧ Asia-nä̧mä̧.

Gálatas 1:2

Te'äwuösä ji̧nä̧ yo̧mȩtȩnä̧, chawaruwä chi̧jä̧wa̧tu̧ku̧ ukuturu Galacia rȩjȩttü̧, igresia wotürü:

Gálatas 5:11

Chawaruwä chi̧jä̧wa̧tü̧, circuncisión pättü jȩttä̧kuä̧wa̧ pä'ü jidäwuttümä̧, chabo iyotümä̧ suronä̧ pä'ümä̧ ttusokoku pajüsä. Ja̧'wa̧ta̧nü̧ ü̧jo̧kä̧ jäinä̧ kkä̧nü̧ 'korupäi'inü̧ wȩnȩ tta̧mi̧ surunä̧ topokotü pa̧ja̧tü̧.