Gálatas 2:21 - Nuevo Testamento Uwotjüja

²¹ Dio rettü ppädinü̧mä̧ ya'okuoküsä. Isopäi'ünä̧ weäwä wȩnȩnä̧tä̧ Dio ȩmü̧ttü̧mä̧, Crito 'korujuoächinü̧mä̧ mikuäwokütä ja̧ja̧'a̧.

TÄ̧DO Ä̧CUÄ̧ I̧HUȨNȨ

²¹ Ja̧'hua̧nö̧ ja̧'a̧ttö̧ ttömä chä̧ppö̧tä̧ra̧ pä'ocösä Dios adihuä juäi iyömä. Ya̧tȩ Moisés hueähuä huȩnȩ jȩo̧mȩnä̧, Dios ȩma̧rö̧ pä'ö jö̧ttö̧mä̧, Cristo 'corujuoächinömä yoröiso micuähuocö ja̧ji̧.

Gálatas 2:21 Referans Kwoze

Romanos 11:6

Ja̧'wa̧nü̧ ja̧'a̧ttü̧ Dio mippoünä̧ ppädino̧mȩttü̧ ja̧'a̧, ttü̧ja̧ jȩtti̧nü̧ttü̧mä̧kü̧; ja̧'wa̧nü̧ jȩtti̧nü̧ttü̧ jü̧ttü̧mä̧ Dio mippoünä̧ ppädümä̧ juiyaja'a.

Gálatas 3:21

¿Ja̧'wa̧nü̧ jü̧ttü̧mä̧ weäwä wȩnȩmä̧, Dio iya päinü̧ku̧mä̧ to'i ja̧'a̧ku̧ jäwä ja̧'a̧ tä̧jí̧? ¡Ja̧'wa̧nü̧mä̧ jo̧ka̧'a̧! isopäi'ünä̧ weäwä wȩnȩtä̧ kkä̧kuä̧wä̧ i'ko iyü jü̧ttü̧mä̧, Dio-mä̧ ȩma̧ja̧u̧jä̧ weäwä wȩnȩ tukuota'anä̧tä̧'i̧nä̧.

Hebreos 7:11

Irae ttü̧ja̧mä̧ weäwä wȩnȩ iyäwi'inä̧u̧ Rewí jäwä sacerdote-tü̧ jäwänä̧ adiu juettekuächa pä'ü. Ja̧'wa̧nü̧ ja̧'a̧nä̧ jua̧u̧nä̧mä̧ juettekuächü juiyünä̧ jo̧mȩttü̧ kka̧ra̧ sacerdote i̧mi̧ku̧nä̧ wa̧ räopa pä'ü rekuä rü̧ji̧na̧'a̧: Aaro̧ isotü i̧sa̧ pokü, Mequisede ji̧nü̧'a̧nü̧ wa̧.

1 Corintios 15:14

ja̧'wa̧ta̧nü̧ Crito wa'arettü ttoächü juiyinü̧ttü̧mä̧, jitäu wȩnȩ'i̧nä̧, ja̧'wa̧ta̧nü̧ kua̧'kua̧ ku̧wȩnä̧rä̧tu̧ku̧'i̧nä̧ yoriso mikuäwokütä jü̧'a̧nü̧ ja̧'a̧.

Gálatas 2:16

Ujutumä̧ wo̧juä̧tü̧jä̧, weäwä wȩnȩ päü jȩä̧kuä̧wä̧nä̧tä̧mä̧ Dio-mä̧ ȩmo̧kü̧ jä̧kua̧ pä'ümä̧, ja̧'wa̧nü̧ ja̧'a̧nä̧ Jesucrito-rü tta̧'kua̧ wȩnä̧rä̧kuä̧wä̧nä̧tä̧ ȩmä̧u̧jä̧. Ja̧'wa̧nü̧ jo̧mȩnä̧, ujutu'i̧nä̧ Jesucrito-rü esetinä̧tü̧jä̧, Jesucrito-nä̧ ȩma̧tü̧ pä'ümä̧, weäwä wȩnȩnä̧ jo̧ka̧'a̧ttü̧. Ja̧'wa̧nü̧ ja̧'a̧ttü̧, suro weäwä wȩnȩ päütä ttukuotüttümä̧, Dio-mä̧ ȩmo̧ko̧u̧ ttäkuotü.

Romanos 10:3

Wo̧jui̧'o̧ko̧tü̧ Dio-mä̧ su̧ro̧pa̧rü̧'i̧nä̧ adiwä i̧sa̧ päi'ünä̧ jȩpü̧ päümä̧. Ja̧'wa̧nü̧ ja̧'a̧ttü̧ kkoro jueitä jȩtta̧ pä'ü amükuädinä̧tü̧ Dio ȩma̧tü̧ pä'ümä̧. Isopäi'ünä̧ ja̧'wa̧nü̧ jȩpü̧ Dio ȩma̧ pä'ü amükuädina̧'a̧ku̧mä̧ ya'okuinä̧tü̧.

1 Corintios 15:2

Ja̧'wa̧ta̧nü̧ pi̧yȩ jareü wȩnȩnä̧tä̧ ja̧'a̧ kuesetätukuttümä̧, ji̧yȩnä̧tä̧ ku̧ji̧pä̧tu̧kuä̧kua̧'a̧mä̧ surojü ra̧wä̧pi̧jü̧ttü̧; ja̧'wa̧nü̧ jo̧ka̧'a̧ jü̧ttü̧mä̧, yaparetä esetinä̧tü̧jä̧.

Gálatas 2:18

Weäwä wȩnȩ iso juoepokü pädinü̧, pä'äjita'anü̧ chukuotüttümä̧, o'kajuiyünä̧ jäyä jȩcha̧'a̧tä̧ i̧jȩpü̧sä̧. Jua'amä̧ Dio pä'aku cha̧'kua̧ra̧ pä'ü.

Romanos 8:31

Ja̧'wa̧nü̧ ja̧'a̧ttü̧ ¿pi̧yȩ tü'kümä̧ toku pätäkua'ajä̧ttü̧? Dio ujutuku ü̧ja̧'a̧mä̧, ¿Ditä jä̧ttü̧ ujuturu suronä̧ jȩpü̧mä̧?

San Marcos 7:9

Ja̧'wa̧ta̧nü̧ päinä̧u̧. —Ku̧tä̧mü̧mi̧nä̧ jȩpü̧ ttü̧ji̧nü̧nä̧tä̧ juiyo adiu ukuotü jȩpä̧tü̧jä̧, Dio weinü̧mä̧ ukuotü jȩ'kuä̧tu̧kuo̧ka̧'a̧nä̧.

1 Corintios 15:17

ja̧'wa̧ta̧nü̧ Crito wa'arettü ttoächoka'a ji̧nü̧ttü̧mä̧, ukutu kua̧'kua̧ ku̧wȩnä̧rä̧tu̧ku̧'i̧nä̧ mikuäwoka'atä kua̧'kua̧ wȩnä̧rä̧tü̧jä̧; ja̧'wa̧ta̧nü̧ surojü jȩ'kuä̧'i̧jä̧tu̧ku̧'i̧nä̧ jȩpü̧ ikuoka'a ji̧yȩnä̧tä̧ kka̧kua̧ja̧tü̧jä̧.

Romanos 4:25

Jua̧u̧mä̧ wa'arera̧'a̧ iyinä̧ku̧ ujutu suronä̧ jȩtü̧ i̧mi̧täunä̧ ja̧'wa̧ta̧nü̧ jua̧u̧ ttoächomȩnä̧, adiwä isotü ttü̧ja̧ jü̧nä̧tä̧ ȩmi̧nä̧u̧jä̧.