Gálatas 2:20 - Nuevo Testamento Uwotjüja

²⁰ Ja̧'wa̧nü̧ ja̧'a̧ttü̧ jitämä̧ a̧'kua̧ro̧kü̧sä̧, Crito-tä ja̧'a̧ ttünä̧ a̧'kua̧rü̧ kkü̧mä̧; jitä pi̧jä̧ttü̧ chidepänä̧ a̧'kua̧rü̧ chü̧jü̧mä̧, Dio i̧tti̧, ttürü re kkä̧nü̧ iyäkuäwinü̧nä̧ cha̧'kua̧ wȩnä̧rü̧ chü̧jü̧tä̧ ja̧'a̧.

TÄ̧DO Ä̧CUÄ̧ I̧HUȨNȨ

²⁰ Ttömä Cristocu 'corupä'i'inösä. Ja̧'hua̧nö̧ ja̧'a̧ttö̧ ttömäcö̧sä̧ jitä kö̧mä̧. Cristo ttörö kö̧mä̧. Jitä chö̧jö̧mä̧ Dios I̧tti̧rö̧ esetö kö̧sä̧. Ja̧u̧tä̧ hua'are iyähuinö ttörö rettö pä'ö.

Gálatas 2:20 Referans Kwoze

Gálatas 5:24

Isopäi'ünä̧ Jesucrito-ku juo'ächinä̧tü̧mä̧, täkü ü̧jo̧kä̧ jäinä̧ kuä'ü ikuinä̧tü̧ ttidepä kkü'kekumä̧.

2 Corintios 5:15

Ja̧'wa̧nü̧ ja̧'a̧ttü̧ Crito-mä̧ o'katoi'ünä̧rü̧ ja̧'a̧tȩ'ü̧ 'korujuo'ächinü̧; a̧'kua̧rä̧tü̧mä̧, jitürütä pä̧wä̧rü̧jo̧mȩnä̧ ttü̧ja̧ku̧ juiya pä'ü, Churutä pä̧wä̧rü̧jo̧mȩnä̧ ttü̧ja̧kua̧ pä'ü.

Romanos 6:8

Ja̧'wa̧nü̧ ja̧'a̧ttü̧ Crito-ku 'korujuotächüttümä̧, chutäku ta̧'kua̧rä̧kuo̧tü̧jä̧ pä'ü esetätüjä̧.

Gálatas 6:14

Ja̧'wa̧nü̧ ja̧'a̧nä̧ ttümä̧, chesewä̧kua̧sä̧ Jesucrito 'korujuo'ächü i̧mi̧täwinü̧tä̧ esetü kkä̧nü̧. Ja̧'wa̧nü̧ ja̧'a̧ttü̧ Crito 'korujuoächinü̧nä̧tä̧ eseusä, pi̧jä̧ ttü̧ja̧ tta̧mü̧kuädümä̧ wä̧i̧nä̧ ja̧'a̧, pi̧jä̧nä̧mä̧ wa'ü chikuina̧'a̧ 'kua̧rü̧nä̧tä̧ jä̧ku̧sä̧.

2 Corintios 13:5

Isopäi'ünä̧ tta̧'kua̧ wȩnä̧rä̧kuä̧wä̧nä̧ ku̧jä̧tu̧kua̧ja̧ pä'ü, kua̧mü̧nä̧tä̧ topäkuäwätukui; ukututä kka̧kuä̧mä̧kuä̧u̧ topäkuäwätukui. ¿Jesucrito ukutunä̧ ü̧ja̧'a̧mä̧ kuieruwätukua'a tä̧jí̧? ¡ja̧'wa̧nü̧ jo̧ka̧'a̧ jü̧ttü̧mä̧ Crito-mä̧ ukutunä̧mä̧ kko̧kü̧!

Romanos 6:13

Ja̧'wa̧ta̧nü̧ surojüra̧'a̧ku̧ oipa'anä̧mä̧ kuiyäwätukuä. Ja̧'wa̧nü̧ ja̧jü̧ jueimä̧, wa'ü ikui'ü'kotü tto'ächätü jü̧nä̧tä̧ Dio-rümä̧ iyäwätukui, adiwä juei ukuotätü jü̧nä̧tä̧.

1 Tesalonicenses 5:10

Jesucrito-tä ji̧na̧'a̧ ujutu jäwänä̧ 'korujuo'ächinü̧mä̧, 'korujuotächaja pä'ü'i̧nä̧, ta̧'kua̧ra̧ja̧ pä'ü'i̧nä̧, chutäku tü̧ja̧kua̧ pä'ü.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

Gálatas 1:4

Jä'o Dio-rü pä̧wä̧rü̧jo̧mȩnä̧, suronä̧ jȩtü̧ mikuäwächünä̧, pi̧jä̧ surojüttü rä'epü ikua pä'ü a̧mü̧nä̧ pa̧ja̧tü̧ iyäwinü̧rü̧tä̧,

San Juan 17:21

Jua'amä̧ o'katoi'ünä̧ ji̧nä̧ ya̧tȩ ttäkua'anü̧; Chä'o uku'i̧nä̧, ttünä̧ jä̧'i̧jü̧'ta̧'a̧nü̧; ja̧'wa̧ta̧nü̧ ttü'i̧nä̧, ukuku chä'ijüta'anü̧, juätü'i̧nä̧ ji̧nä̧ya̧tȩtä̧ ttünä̧, ujutunä̧; jua'amä̧ ttürü wekuina̧'a̧, pi̧jä̧ ttü̧ja̧ ttesetäkua'anü̧.

Romanos 8:37

Ja̧'wa̧nü̧ ja̧'a̧nä̧, pi̧yȩmä̧ o'kajuiyünä̧ 'kuäopa'anä̧, abo 'kuä'o'ätüjä̧ chu, Jesucrito ujuturu repe'inü̧nä̧tä̧.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

Efesios 5:2

Eseäkuäutä kka̧kuä̧tu̧kui̧, Crito ujuturu esewinü̧ta'anü̧; ja̧'wa̧nü̧ repe'ümä̧, ujutu jäwänä̧ ofrenda jü̧nä̧, sacrificio jü̧nä̧, Dio-rü adiu a̧mȩu̧nä̧ iyäkuäwinü.

Filipenses 4:13

Crito-nä̧mä̧ o'kajuiyünä̧tä̧ iso juo'epüsä, chujuru iya'attü.

Efesios 3:17

Kua̧'kua̧ ku̧wȩnä̧rä̧tu̧ku̧nä̧ ji̧yȩnä̧tä̧ Crito-rü kua̧mi̧ iso'kitukunä̧ ü̧ja̧ pä'üsä, kuesewätukumä̧ kkada'ka jü̧nä̧tä̧ 'chu̧ä̧rü̧nä̧.

Gálatas 3:11

Isopäi'ünä̧ Dio ä'kattümä̧, ya̧tȩ'i̧nä̧ toa'a weäwä wȩnȩnä̧tä̧ ukuotü adiwächümä̧; wȩyu̧kuä̧ wȩnȩmä̧ pa̧'a̧nü̧ pä'attü̧: «Adiwä juei jȩpü̧mä̧, a̧'kua̧ wȩnä̧rü̧tä̧ ü̧jä̧kua̧.»

San Juan 3:16

Isopäi'ünä̧ Dio-mä̧ pi̧jä̧ ttü̧ja̧rü̧ rü̧ȩnä̧ repea'attü̧; Ttü i̧tti̧ chu̧'ä̧kua̧rü̧ iyinä̧u̧jä̧. O'katoi'ünä̧ Ttürü esetätümä̧ 'korujuottächü juiyäkua'anü̧; pärokuä kkä̧kuä̧wä̧ i'kotä ttu̧ju̧nä̧rä̧kua̧'a̧nü̧.

1 Juan 1:7

Ja̧'wa̧nü̧ ja̧'a̧nä̧, Dio tȩya̧u̧nä̧ ü̧jü̧ta̧'a̧nü̧, ujutu'i̧nä̧ tȩya̧u̧nä̧ kue'ächü, kkorotüku ji̧nä̧ ji̧yȩtȩnä̧ tü̧ja̧ku̧ttü̧mä̧, Tu̧ru̧wa̧ Jesucrito, Dio i̧tti̧ ukuojamä̧ tükü i̧kuä̧u̧jä̧.

Colosenses 1:27

Dio-mä̧ pi̧yȩ bäreu eseäkuäwä jäwämä̧ pi̧jä̧ o'kajuiyünä̧ ttü̧ja̧rü̧ iyinü̧, jua̧u̧mä̧ pi̧yȩ ja̧'a̧: Dio-mä̧ Crito-rü we'inü̧ ukutu ku̧'kä̧tȩtu̧ku̧nä̧ ü̧ja̧ pä'ü. Ja̧'wa̧nü̧ kkä̧nü̧ Dio ujuru'i̧nä̧, ukuo jäwä'i̧nä̧ iya pä'ü.

Romanos 5:2

Jua̧u̧ Jesucrito-nä̧tä̧, ta̧'kua̧ tu̧wȩnä̧ro̧mȩnä̧, re ü̧ji̧nü̧nä̧ dodepinä̧tü̧jä̧, jitä ta̧mi̧ 'ki'ächi'ü tü̧ja̧ku̧nä̧mä̧, ja̧'wa̧nü̧ jo̧mȩttü̧ eseäkuäwätüjä̧, ujutu'i̧nä̧ Dio ukuo jäwänä̧ päti'äkuotüjä̧ pä'ü, tta̧'ä̧rü̧ kkä̧nü̧.

Romanos 1:17

Isopäi'ünä̧ jareü wȩnȩmä̧, Dio ujuturu adiwomȩnä̧ jȩü̧mä̧ i̧jȩkuä̧cha̧'a̧; tta̧'kua̧ ttu̧wȩnä̧ro̧mȩttü̧ kkä̧mä̧dü̧, yaboku tta̧'kua̧ ttu̧wȩnä̧rü̧nä̧, wȩyu̧kuä̧ wȩnȩmä̧ pa̧'a̧nü̧ pä'attü̧: «adiwä juei jȩpü̧ kkü̧mä̧ a̧'kua̧ wȩnä̧rü̧tä̧ ü̧jä̧kua̧.»

2 Corintios 13:3

Ja̧'wa̧nü̧ jo̧mȩnä̧ ku̧wo̧juä̧kuo̧tü̧jä̧, Crito ttünä̧ ukuokua'amä̧. Ja̧'wa̧nü̧ ja̧'a̧ttü̧ Crito-mä̧ ukuturumä̧ 'kuäunä̧mä̧ jȩpo̧kü̧, ujurutä i̧jȩpä̧kua̧ ukuturumä̧.

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

1 Tesalonicenses 1:10

Ja̧'wa̧ta̧nü̧ juätümä̧ wo̧juä̧tü̧ mo̧ro̧jä̧ra̧'a̧ttü̧ i̧chä̧kua̧rü̧, wa'arettü tto'ächinü̧rü̧, Dio ro̧ȩpä̧kuȩttü̧ rä'epü ikuäwä i̧sa̧ Jesucrito ichakua'a tta̧kuä̧rä̧tu̧kua̧'a̧mä̧.

San Juan 10:11

Ttütäsä ji̧nä̧so oweja-tü̧ ttu̧ru̧wa̧mä̧. Ji̧nä̧so, oweja-tü̧ ttu̧ru̧wa̧mä̧, juätü jäwänä̧ a̧'kua̧rü̧ iyäu.

San Juan 6:57

Chä'o ttürü we'inü̧mä̧, a̧'kua̧rä̧kuä̧wä̧ kku̧nä̧rü̧ ja̧'wa̧nü̧ ja̧'a̧ttü̧ ttümä̧ jua̧u̧nä̧ a̧'kua̧rü̧sä̧ ja̧'wa̧nü̧ jü̧ta̧'a̧nü̧ chidepä kumä̧, ttünä̧tä̧ a̧'kua̧rä̧kua̧.

Apocalipsis 3:20

Ttümä̧ äpatenä̧ kkä̧nü̧ wopüsä; ya̧tȩ wochü ä̧ju̧ku̧ äpate bawepüttümä̧, jua̧u̧ ojusodenä̧ do'ächü, jua̧u̧tä̧ku̧ yo̧mȩtȩnä̧ chu̧kuä̧kua̧sä̧.

1 Pedro 1:8

Ukutumä̧ Jesucrito-rü to'kuätukuoka'a jä̧'i̧ja̧'a̧nä̧ eseu repe'ätüjä̧; ja̧'wa̧ta̧nü̧ to'kuätukuokoku ja̧'a̧nä̧ esetü, rü̧ä̧nä̧ eseäkuäwänä̧ esewätüjä̧ tti̧wȩnȩnä̧'i̧nä̧ jittäu juiyünä̧ jü̧nä̧.

San Mateo 20:28

Ttü, Ubo I̧tti̧ chüta'anü̧, ttümä̧ weda pä'ümä̧ ichokü pinü̧sä̧, pärokua'aku ttu̧mü̧wä̧ya̧ jü̧nä̧tä̧, rekuätürü ppä'ädü iku cha̧'kua̧rü̧ iyäu ichinü̧sä̧.

San Juan 15:13

Awaruwä jäwänä̧ a̧'kua̧rü̧ iyäwomȩnä̧tä̧ ja̧'a̧, ji̧nä̧so ji̧yȩtä̧ eseu repeäkuäwä u̧ju̧nä̧ra̧'a̧mä̧.

Gálatas 2:16

Ujutumä̧ wo̧juä̧tü̧jä̧, weäwä wȩnȩ päü jȩä̧kuä̧wä̧nä̧tä̧mä̧ Dio-mä̧ ȩmo̧kü̧ jä̧kua̧ pä'ümä̧, ja̧'wa̧nü̧ ja̧'a̧nä̧ Jesucrito-rü tta̧'kua̧ wȩnä̧rä̧kuä̧wä̧nä̧tä̧ ȩmä̧u̧jä̧. Ja̧'wa̧nü̧ jo̧mȩnä̧, ujutu'i̧nä̧ Jesucrito-rü esetinä̧tü̧jä̧, Jesucrito-nä̧ ȩma̧tü̧ pä'ümä̧, weäwä wȩnȩnä̧ jo̧ka̧'a̧ttü̧. Ja̧'wa̧nü̧ ja̧'a̧ttü̧, suro weäwä wȩnȩ päütä ttukuotüttümä̧, Dio-mä̧ ȩmo̧ko̧u̧ ttäkuotü.

2 Corintios 10:3

Isopäi'ünä̧ ujutumä̧ pi̧jä̧ ttü̧ja̧ ta'anä̧, pi̧jä̧ ttü̧ja̧ jü̧'a̧nü̧mä̧ tidepä weünä̧ kko̧ko̧tü̧jä̧.

San Juan 6:69

Ja̧'wa̧nü̧ ja̧'a̧ttü̧, ujutumä̧ täkü esetinä̧tü̧jä̧, ukumä̧ Dio kkü̧ i̧tti̧jä̧ pä'ü.

San Juan 1:49

Päku, Natanael-mä̧ pä'inü̧: —Wo̧juȩkuä̧ i̧sa̧ ¡Ukumä̧ isopäi'ünä̧ Dio i̧tti̧jä̧, Irae ttü̧ja̧ ttu̧ru̧wa̧ Rey-jä̧!

2 Corintios 1:24

Ukutu kua̧'kua̧ ku̧wȩnä̧rä̧tu̧ku̧nä̧ wetamä̧ pätoka'anä̧, yabonü̧ kuesewätukunä̧ ppätäda pä'ätüjä̧, täkü 'kiyünä̧ kua̧'kua̧ wȩnä̧rü̧ ku̧jä̧tu̧kua̧'a̧ topü.

Hechos 9:20

Ja̧'wa̧nü̧ jä̧ji̧ o'ka'a, yotäku sinagogas odewiyänä̧ Jesucrito ütü'kü ji'äwinü̧, jua̧u̧tä̧ ja̧'a̧ Dio i̧tti̧mä̧ pä'ü.

Efesios 5:25

Ttirekuomü̧mä̧, kuirekuamü̧tu̧ku̧ru̧ eseunu̧ repe'ätukui, Crito igresia-rü eseu repe'ü a̧'kua̧rü̧ iyäwinü̧ta̧'a̧nü̧.

2 Corintios 5:7

Jua'amä̧ ti'ärenä̧ topü ti̧'cho̧ka̧'a̧, tta̧'kua̧ wȩnä̧rä̧kuä̧wä̧nä̧tä̧ ti̧'cha̧'a̧ttü̧;

San Juan 3:35

Jä'o Dio-mä̧, i̧tti̧rü̧ eseu repea'attü̧, o'kajuiyünä̧ u̧mü̧nä̧ jü̧nä̧tä̧ iyinä̧ku̧.

1 Juan 4:14

Ja̧'wa̧ta̧nü̧ ujutujä̧ topinä̧tü̧ ta'attü̧, Jä'o Dio-mä̧, I̧tti̧rü̧ pi̧jä̧ra̧'a̧, surojüttü rä'epü ikua pä'ü we'inü̧, pä'ü ji'äwätümä̧.

Hechos 8:36

Jua̧u̧nü̧ o'ka'a, aje kko̧mȩ 'kuäto'omȩnä̧, Etiopía i̧sa̧mä̧ pä'inü̧; —Pȩnȩtä̧ akua'a ajiyamä̧; ¿däjetä tto̧ȩpä̧ra̧'a̧jä̧ttü̧, bautizo jȩchä̧kuä̧wa̧ pä'ümä̧? [

San Mateo 4:3

Ja̧'wa̧nü̧ ja̧'a̧ Äwettämä̧ kka̧kuä̧mü̧ toa pä'ü, Jesú ü̧jo̧mȩku̧ ichi'ü päinä̧ku̧: —Isopäi'ünä̧ Dio I̧tti̧ kuttümä̧, pi̧yȩ inä̧du kuäkuäwä päi'ünä̧ pärowächünä̧, pä'i.

Romanos 3:22

O'katoi'ünä̧ Jesucrito-rü esetü tta̧'kua̧ wȩnä̧rä̧tü̧rü̧mä̧, Dio-mä̧ adiwä juei isotü jü̧nä̧ juo'epü. Judío'i̧nä̧, judío pokotürü'i̧nä̧ yoräteunä̧tä̧,

Romanos 4:25

Jua̧u̧mä̧ wa'arera̧'a̧ iyinä̧ku̧ ujutu suronä̧ jȩtü̧ i̧mi̧täunä̧ ja̧'wa̧ta̧nü̧ jua̧u̧ ttoächomȩnä̧, adiwä isotü ttü̧ja̧ jü̧nä̧tä̧ ȩmi̧nä̧u̧jä̧.

Romanos 5:6

Isopäi'ünä̧ Crito-mä̧, tujuru jui'ätü ta'anä̧, pätekuächü mo̧ro̧ 'koru juo'ächinü̧, suronä̧ jȩpä̧tü̧rü̧ ppä'ädümä̧.

Romanos 5:8

Ja̧'wa̧nü̧ ja̧'a̧nä̧, Dio-mä̧ rü̧ȩnä̧ ujuturu repeü i̧jȩpi̧nä̧u̧jä̧, surojü jȩpä̧tü̧ ta'anä̧, Crito-mä̧ ujutu jäwänä̧ 'korujuo'ächinü̧.

Romanos 8:10

Jua'a yabo päi'ünä̧, Crito ukutunä̧ ü̧ja̧'a̧mä̧, kuidepätukumä̧ wa'ü ikuina̧'a̧ ukuotäkuäwokü jäwänä̧. Ja̧'wa̧nü̧ ja̧'a̧nä̧ Epíritumä̧ a̧'kua̧rü̧ kkü̧, Dio surojü jui̧'a̧ jü̧nä̧ ukuru aditü ikuina̧'a̧ttü̧.

Romanos 14:7

Isopäi'ünä̧ ujutu ta̧'kua̧ra̧'a̧mä̧ ja̧'wa̧ta̧nü̧ wa'ü tikuomȩnä̧'i̧nä̧, ujutu jäwämä̧kü̧ ja̧'a̧; Dí jäwätä ja̧'a̧.

1 Corintios 6:17

Ja̧'wa̧nü̧ ja̧'a̧nä̧, Tu̧ru̧wa̧rü̧ ppä'ächi'ümä̧, Epíritu-nä̧mä̧ ji̧nä̧ ya̧tȩ wotü, chutäkumä̧.

2 Corintios 5:14

Isopäi'ünä̧ Crito eseu repeümä̧, rü̧ȩnä̧ ujuturu 'chu̧ä̧ra̧'a̧, pi̧yȩ tamükuädomȩnä̧: Ujuturu ja̧'a̧tȩ'ü̧mä̧ ya̧tȩtä̧ 'korujuoächina̧'a̧nä̧, jua̧u̧nü̧ o'ka'amä̧ ujutu o'katoi'ünä̧ 'korujuo'ächinä̧tü̧jä̧;

2 Corintios 11:10

¡Crito jäwä jueü wȩnȩ ttünä̧ kka̧'a̧ttü̧!, Acaya rȩjȩ pünä̧ ji'äu cheseumä̧ 'chottipokoku chä̧kua̧sä̧.

Filipenses 1:21

Isopäi'ünä̧ ttürümä̧, pi̧jä̧ttü̧ kkä̧kuä̧wä̧mä̧ Crito-tä ja̧'a̧ ja̧'wa̧nü̧ ja̧'a̧nä̧ 'korujuoächäkuäwämä̧ mikuä po̧kui̧kuä̧ ja̧'a̧.

Hebreos 8:3

O'katoi'ünä̧ pi̧jä̧ttü̧ sacerdote-tü̧ tturuwotü päi'ünä̧ kku̧nä̧wo̧tü̧mä̧ eseu ttiya pä'ü ja̧'wa̧ta̧nü̧ ttü̧ja̧ suronä̧ jȩtta̧'a̧ mikuäwächü sacrificio'i̧nä̧ jȩpi̧nä̧tü̧ ja̧'wa̧nü̧ ji̧na̧'a̧ttü̧ Jesucrito'i̧nä̧ ji̧yȩtȩ Dio-rü iya pä'ü ja̧'a̧.