Gálatas 2:19 - Nuevo Testamento Uwotjüja

¹⁹ Isopäi'ünä̧ weäwä wȩnȩnä̧mä̧, weäwä wȩnȩ pä'aku 'korujuo'ächinü̧sä̧, jua'amä̧ Dio pä'aku cha̧'kua̧ra̧ pä'ü.

TÄ̧DO Ä̧CUÄ̧ I̧HUȨNȨ

¹⁹ Moisés hueähuä huȩnȩmä̧ jȩcho̧mȩnä̧, 'corujuo'ächätö jä̧'i̧nö̧'a̧nö̧ jä̧cu̧sä̧ ttömä. Ja̧u̧tä̧ Moisés hueähuä huȩnȩ 'corupädi'önä jȩä̧cu̧sä̧ Dioscu chö̧ja̧ pä'ömä.

Gálatas 2:19 Referans Kwoze

Romanos 7:4

Ja̧'wa̧ta̧nü̧ ja̧'a̧ chawaruwä chü̧jä̧wa̧tü̧ ukutu'i̧nä̧, Crito-rü kuiyäwätukuomȩnä̧mä̧, jua̧u̧tä̧ku̧ 'korujuo'ächinä̧tü̧jä̧ weäwä wȩnȩttü̧mä̧, kka̧ra̧ wa'arettü tto'ädinü̧ isotü päkui'ätukua pä'ümä̧. Ja̧'wa̧nü̧ jo̧mȩnä̧ u̧wä̧ju̧mä̧ adiwäjuei Dio-rü ȩpü̧ tiyäkuotüjä̧.

Romanos 6:2

¡Isokü̧, ja̧'wa̧nü̧mä̧kü̧! ujutumä̧, isopäi'ünä̧ surojünä̧ jȩti̧nü̧mä̧ wa'ü ikuinä̧tü̧jä̧; ja̧'wa̧nü̧ ja̧'a̧ttü̧ surojümä̧ jȩpü̧ kka̧kuo̧ko̧tü̧jä̧.

1 Tesalonicenses 5:10

Jesucrito-tä ji̧na̧'a̧ ujutu jäwänä̧ 'korujuo'ächinü̧mä̧, 'korujuotächaja pä'ü'i̧nä̧, ta̧'kua̧ra̧ja̧ pä'ü'i̧nä̧, chutäku tü̧ja̧kua̧ pä'ü.

2 Corintios 5:15

Ja̧'wa̧nü̧ ja̧'a̧ttü̧ Crito-mä̧ o'katoi'ünä̧rü̧ ja̧'a̧tȩ'ü̧ 'korujuo'ächinü̧; a̧'kua̧rä̧tü̧mä̧, jitürütä pä̧wä̧rü̧jo̧mȩnä̧ ttü̧ja̧ku̧ juiya pä'ü, Churutä pä̧wä̧rü̧jo̧mȩnä̧ ttü̧ja̧kua̧ pä'ü.

Romanos 6:11

Ukutu'i̧nä̧ ja̧'wa̧ta̧nü̧ amükuädü kka̧kuä̧tu̧kui̧, ukuotäkuäwokü surojümä̧ wa'ü ikuinü̧ jü̧nä̧tä̧, jitä ku̧ja̧kuä̧tu̧ku̧mä̧ Dio eseunü̧tä̧ kka̧kuä̧tu̧kui̧ Crito Jesú-nä̧.

Romanos 8:2

Isopäi'ünä̧ Epíritu weäwä wȩnȩ, Crito Jesú-nä̧ tta̧'kua̧rü̧ iyümä̧, ukuotäkuäwokü weü wȩnȩttü̧'i̧nä̧, wa'arettü'i̧nä̧ rä'epü ikuinä̧ku̧sä̧.

1 Pedro 2:24

Crito-mä̧ chutätä surojü jȩtä̧'i̧jü̧mä̧ ja̧ttä̧pä̧ya̧ ü̧jo̧kä̧ jäinä̧ ȩpi̧nü̧, ujutu surojünä̧ 'korujuo'ächi'ü'kotü a̧'kua̧rä̧kuä̧wä̧ra̧'a̧ ttü̧ja̧kua̧ pä'ümä̧. Crito-mä̧ ta'ü ttikuinä̧ku̧ ukutu ku̧'ȩji̧'ä̧tu̧kua̧ pä'ümä̧.

Romanos 6:14

Ja̧'wa̧nü̧ jo̧mȩnä̧ ukutunä̧mä̧ ukuotäkuäwokü surojümä̧ wȩo̧ko̧u̧ kuäkuotüjä̧, täkü weäwä wȩnȩnä̧mä̧ kka̧kuo̧ko̧tü̧jä̧, jitämä̧ Dio re ü̧ji̧nü̧nä̧ kka̧kuä̧tü̧jä̧.

1 Pedro 4:6

Ja̧'wa̧nü̧ ja̧'a̧ttü̧ 'koru juo'ächinä̧tü̧rü̧'i̧nä̧ jareü wȩnȩmä̧ ji'äwinü̧, pi̧jä̧ ttü̧ja̧ tta̧mü̧kuäda'aku ttü'ojo'ä̧u̧ ja̧'a̧nä̧ tta̧'kua̧rü̧nä̧ Dio päina̧'a̧ku̧ ttü̧jä̧kua̧'a̧nü̧.

Hebreos 9:14

Ja̧'wa̧nü̧ ji̧na̧'a̧nä̧, juȩnȩ abonä̧nü̧ ujuru kka̧'a̧ Jesucrito ukuojamä̧. Jua'amä̧ Epíritu 'kuäopünä̧ kkü̧ jäwänä̧, chutä a̧mü̧nä̧ pa̧ja̧tü̧, surojü jui̧'a̧tä̧ iyäwina̧'a̧ttü̧ Dio ä'ka jo̧mȩ; ja̧'wa̧nü̧ jȩpü̧ wa'are jäwä tamükuädinü̧mä̧ tükü ikuinü̧, Dio a̧'kua̧rü̧rü̧ ukuotü tü̧ji̧ya̧rü̧ pä'ümä̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

Colosenses 2:20

Täkü Crito-ku, ü̧jo̧kä̧nü̧ jäinä̧ ji̧nä̧ ji̧yȩtȩnä̧ 'korujuo'ächinä̧tü̧jä̧ pi̧jä̧ jäwättümä̧. Ja̧'wa̧nü̧ ja̧'a̧nä̧, ¿tta̧'a̧nü̧ pä'ü, pi̧jä̧ jäwänä̧ kkä̧nü̧ jä̧'i̧nü̧'a̧nü̧ kka̧kuä̧tü̧jä̧ttü̧? Pa̧'a̧nü̧

Gálatas 3:24

Weäwä wȩnȩmä̧ wo̧juȩkuä̧ i̧sa̧ jä̧'i̧nü̧'a̧nü̧tä̧ ȩpi̧nä̧u̧jä̧ Jesucrito-bümä̧, Jua̧u̧ru̧ ta̧'kua̧ tu̧wȩnä̧ro̧mȩnä̧ Dio ȩma̧tü̧ pä'ümä̧.

Gálatas 2:20

Ja̧'wa̧nü̧ ja̧'a̧ttü̧ jitämä̧ a̧'kua̧ro̧kü̧sä̧, Crito-tä ja̧'a̧ ttünä̧ a̧'kua̧rü̧ kkü̧mä̧; jitä pi̧jä̧ttü̧ chidepänä̧ a̧'kua̧rü̧ chü̧jü̧mä̧, Dio i̧tti̧, ttürü re kkä̧nü̧ iyäkuäwinü̧nä̧ cha̧'kua̧ wȩnä̧rü̧ chü̧jü̧tä̧ ja̧'a̧.

Colosenses 3:3

Isopäi'ünä̧ ukutumä̧ 'korujuo'ächinä̧tü̧jä̧ ja̧'wa̧nü̧ ja̧'a̧nä̧ Crito-nä̧ dajäwinä̧tü̧jä̧ Dio jäwättümä̧.

Gálatas 3:10

Weäwä wȩnȩnä̧ tta̧'kua̧ wȩnä̧rä̧tü̧rü̧ surojü ma̧ä̧ma̧ pä'ü, pa̧'a̧nü̧ päwina̧'a̧ wȩyu̧kuä̧ wȩnȩmä̧: «surojütä ma̧ä̧mä̧kua̧'a̧ o'katoi'ünä̧ wȩyu̧kuä̧ wȩnȩnä̧ pȩjü̧ ukuotokürümä̧.»

1 Corintios 10:31

Ja̧'wa̧nü̧ jä̧'cha̧'a̧ttü̧, kukuätukuomȩnä̧'i̧nä̧, kuawätukuomȩnä̧'i̧nä̧, o'kajuiyünä̧tä̧ Dio-rü pä̧wä̧rü̧ja̧'a̧ku̧tä̧ jȩpä̧tu̧kui̧.

Romanos 7:14

Isopäi'ünä̧ weäwä wȩnȩmä̧ Epíritu jäwä ja̧'a̧ pä'ümä̧ wo̧juä̧tü̧jä̧ ja̧'wa̧nü̧ ja̧'a̧nä̧ ttümä̧ pi̧jä̧ ttü̧ja̧sa̧sä̧, surojü ujuru wea'anä̧tä̧ kkä̧kuä̧wä̧ i̧sa̧sä̧.

Romanos 5:20

Isopäi'ünä̧ weäwä wȩnȩmä̧, surojütä yaboku rü̧ä̧chü̧nä̧ kkiopina̧'a̧; ja̧'wa̧nü̧ ji̧na̧'a̧nä̧, surojü kki̧no̧mȩmä̧, Dio re ü̧ji̧nü̧mä̧ abo 'kuäo'ünä̧ juiyo rü̧i̧na̧'a̧.

Romanos 4:15

Weäwä wȩnȩ ukuotokotürü ro̧'ȩpü̧ Dio-mä̧; ja̧'wa̧nü̧ ja̧'a̧nä̧ weäwä wȩnȩ juiyomȩmä̧ tä̧bo̧tä̧kuä̧wä̧'i̧nä̧ juiya'a, jua'amä̧ weäwä wȩnȩttü̧ to'ija̧'a̧ku̧ jȩä̧kuä̧wä̧ juiya'attü̧.

1 Corintios 9:20

Judío ttü̧'kä̧tȩnä̧ chü̧jo̧mȩnä̧mä̧, judío i̧sa̧ jü̧nä̧tä̧ kkü̧sä̧; juätü'i̧nä̧ Crito-rü esetü ttikua pä'ü. Moisé weäwä wȩnȩnä̧ kka̧kuä̧tü̧rü̧ (ttütämä̧ weäwä wȩnȩnä̧ chü̧jo̧ka̧'a̧nä̧) weäwä wȩnȩnä̧ chü̧ja̧'a̧ 'kua̧rü̧nä̧ kkü̧sä̧, weäwä wȩnȩnä̧ kka̧kuä̧tü̧ Crito-rü esetü ttikua pä'ü.

Gálatas 6:14

Ja̧'wa̧nü̧ ja̧'a̧nä̧ ttümä̧, chesewä̧kua̧sä̧ Jesucrito 'korujuo'ächü i̧mi̧täwinü̧tä̧ esetü kkä̧nü̧. Ja̧'wa̧nü̧ ja̧'a̧ttü̧ Crito 'korujuoächinü̧nä̧tä̧ eseusä, pi̧jä̧ ttü̧ja̧ tta̧mü̧kuädümä̧ wä̧i̧nä̧ ja̧'a̧, pi̧jä̧nä̧mä̧ wa'ü chikuina̧'a̧ 'kua̧rü̧nä̧tä̧ jä̧ku̧sä̧.