Biblia Todo Logo
Bib sou entènèt

- Piblisite -




Gálatas 2:17 - Nuevo Testamento Uwotjüja

17 Ja̧'wa̧nü̧ ja̧'a̧nä̧, Crito-nä̧ ȩma̧tü̧ pä'ü esetü tikuomȩnä̧mä̧, ujutu'i̧nä̧ surojünä̧ tü̧ja̧kua̧'a̧ wo̧jui̧'ä̧tü̧jä̧. ¿Ja̧'wa̧nü̧ ja̧'a̧mä̧, Crito'i̧nä̧ surojü jȩtü̧nä̧ wea'a tä̧jí̧? ¡Ja̧'wa̧nü̧mä̧ jo̧ka̧'a̧!

Gade chapit la Kopi

TÄ̧DO Ä̧CUÄ̧ I̧HUȨNȨ

17 Ja̧'hua̧nö̧ ja̧'a̧ Diosmä Cristonä ȩma̧tö̧ pätöttömä, “Ujutu'inä suronä jȩpä̧tö̧jä̧” pätäu'a̧nö̧ ja̧'a̧. Ja̧'hua̧nö̧ jȩpö̧ ¿Cristorö esetömä suronä jȩta̧ pä̧u̧jä̧ tä̧ji̧? Yoröiso juhua'acumäcö̧.

Gade chapit la Kopi




Gálatas 2:17
17 Referans Kwoze  

Ja̧'wa̧ta̧nü̧ wo̧juä̧tü̧jä̧, Jesucrito-mä̧ ttü̧ja̧ suronä̧ jȩttü̧ si'epü ikua pä'ü ichinü̧, pä'ü. Jua'amä̧ Chutä'i̧nä̧ surojü jui̧'a̧ ja̧'a̧ttü̧.


Ujutumä̧ judío-jä̧ tuwäpächinü̧tä̧ päi'ünä̧, ja̧'wa̧nü̧ ja̧'a̧ttü̧ surojümä̧ jȩpo̧ko̧tü̧jä̧ judío pokotü jȩttü̧'a̧nü̧mä̧.


¿Jua̧u̧nu̧mä̧ toku ji̧na̧'a̧jä̧ttü̧? Irae ttü̧ja̧mä̧ ttusinü̧mä̧ po̧kui̧po̧ko̧tü̧ pinä̧tü̧ ja̧'wa̧nü̧ ja̧'a̧nä̧ pojopü ȩmi̧nä̧u̧tä̧ ji̧na̧'a̧ po̧kui̧pi̧nä̧tü̧mä̧. Kkorotümä̧ tta̧mi̧ 'kittädäkuäwa'anä̧;


Jua̧u̧ sacerdote Jesucrito-mä̧; Jua̧u̧ ja̧'a̧ santuario pättomȩ sacerdote jü̧nä̧ aditümä̧ isopäi'ünä̧ Tabenákuro; Tu̧ru̧wa̧ aditino̧mȩ Santuario pättomȩ, pi̧jä̧ ttü̧ja̧ ttäräbe'okomȩ, Tu̧ru̧wa̧ Dio-tä äräbe'ino̧mȩ.


¿Ja̧'wa̧nü̧ jü̧ttü̧mä̧ weäwä wȩnȩmä̧, Dio iya päinü̧ku̧mä̧ to'i ja̧'a̧ku̧ jäwä ja̧'a̧ tä̧jí̧? ¡Ja̧'wa̧nü̧mä̧ jo̧ka̧'a̧! isopäi'ünä̧ weäwä wȩnȩtä̧ kkä̧kuä̧wä̧ i'ko iyü jü̧ttü̧mä̧, Dio-mä̧ ȩma̧ja̧u̧jä̧ weäwä wȩnȩ tukuota'anä̧tä̧'i̧nä̧.


Ja̧'wa̧nü̧ ja̧'a̧nä̧, Antioquía ütawiyänä̧ ichi'äja'a Peduru-rü pä'inü̧sä̧, ukú jȩ'ku̧mä̧ suroja'a, jü̧nä̧. Iweye pädarü pä'ü ji̧na̧'a̧.


Ja̧'wa̧ta̧nü̧ ukuturu pä'üsä Crito'i̧nä̧ circuncisión pättü jȩpä̧kuä̧wo̧ko̧tü̧ ttu̧mü̧wä̧ya̧ päi'ünä̧ ichinü̧ Dio jäwä jueü wȩnȩ jȩpü̧, tä̧'o̧tü̧ mi̧nä̧rü̧ iyäkua'a ukuokuinü̧ iso juoünä̧,


¡Ja̧'wa̧nü̧mä̧kü̧ ja̧'a̧!; Dio adiwomȩnä̧ jȩä̧kuä̧wä̧ i̧sa̧ jü̧ juiyüttümä̧, ¿Tta̧'a̧nü̧ ü'ojo'äkua'ajä̧ttü̧ adiu jȩpi̧nä̧tü̧rü̧'i̧nä̧, suronä̧ jȩpi̧nä̧tü̧rü̧'i̧nä̧, jü̧nä̧mä̧?


¡Ja̧'wa̧nü̧mä̧kü̧ ja̧'a̧! ttü̧ja̧mä̧ o'katoi'ünä̧ yapareäkuäwä isotü ja̧'a̧nä̧, Dio-mä̧ jueü wȩnȩ i̧sa̧ ja̧'a̧; wȩyu̧kuä̧ wȩnȩmä̧ pä'a: «Kukuoku ji̧yȩnä̧tä̧, ttü̧ja̧mä̧ jueü wȩnȩ kukuokua'a tottäkuotü, ja̧'wa̧nü̧ jo̧mȩnä̧ abo 'kuäkuo'äkua̧jä̧, suronä̧ pättü'i̧nä̧.»


Juäju María-mä̧, kki̧tti̧ uborü kkuwäbekuäkuaju, jua̧u̧ i̧mi̧mä̧ Jesú pä'ü okuarüjä̧, jua'amä̧ awaruwärü suronä̧ jȩttä̧'i̧jü̧ttü̧ rä'epü i̧kuä̧kua̧ ja̧'a̧ttü̧.


Däjé pättoka'anü̧, ichi'ü kuä'äu iku, kkorotürütä i̧yä̧kua̧ uwa pättamä̧. Jesú pi̧yȩ jiäwa'a ä̧ju̧ku̧ pä'inä̧tü̧: —¡Jua̧u̧mä̧ 'kuäopoka'a jä̧kua̧'a̧!


Ja̧'wa̧nü̧ ja̧'a̧nä̧ ttümä̧, chesewä̧kua̧sä̧ Jesucrito 'korujuo'ächü i̧mi̧täwinü̧tä̧ esetü kkä̧nü̧. Ja̧'wa̧nü̧ ja̧'a̧ttü̧ Crito 'korujuoächinü̧nä̧tä̧ eseusä, pi̧jä̧ ttü̧ja̧ tta̧mü̧kuädümä̧ wä̧i̧nä̧ ja̧'a̧, pi̧jä̧nä̧mä̧ wa'ü chikuina̧'a̧ 'kua̧rü̧nä̧tä̧ jä̧ku̧sä̧.


Swiv nou:

Piblisite


Piblisite