Gálatas 2:15 - Nuevo Testamento Uwotjüja

¹⁵ Ujutumä̧ judío-jä̧ tuwäpächinü̧tä̧ päi'ünä̧, ja̧'wa̧nü̧ ja̧'a̧ttü̧ surojümä̧ jȩpo̧ko̧tü̧jä̧ judío pokotü jȩttü̧'a̧nü̧mä̧.

TÄ̧DO Ä̧CUÄ̧ I̧HUȨNȨ

¹⁵ Ujutumä judíos ttö̧ja̧ päi'önä uhuäpächinätöjä, korotö ttö̧ja̧ suronä jȩttö̧'a̧nö̧ jȩta̧ pä'ömäcö̧.

Gálatas 2:15 Referans Kwoze

Tito 3:3

Isopäi'ünä̧ ujutu'i̧nä̧ ä'kojimä̧, amükuädäwä̧mä̧ jui'inä̧tü̧jä̧ ja̧'wa̧ta̧nü̧ pä̧i̧kui̧nä̧tü̧jä̧; re'tewächinä'kotü kue'ächü kkä̧nü̧ tidepä weü ujuturu kkü'kekutä o'kajuiyünä̧ jȩpü̧ kka̧kui̧nä̧tü̧jä̧. Surojünä̧ kkä̧nü̧, kkorotü ttu̧ju̧nä̧ri̧yä̧u̧ kkü'kokotü pinä̧tü̧jä̧, ttüjü'koko̧u̧mä̧, kkorotüku pä'ä'chäkuäutä kka̧kui̧nä̧tü̧jä̧.

Efesios 2:3

Ujutu'i̧nä̧ juätü jü̧ta̧'a̧nü̧ o'katoi'ünä̧ jua̧u̧ tidepä kkü'kekunä̧tä̧, tidepä wea'akutä, ujututä tamükuädünä̧ jȩpü̧ kka̧kui̧nä̧tü̧jä̧ ji̧yȩnü̧ mo̧ro̧mä̧. Kkada'kattü päi'ünä̧ pä̧i̧ i̧tti̧mü̧ winä̧tü̧jä̧ kkorotü jü̧ta̧'a̧nü̧.

Romanos 3:9

¿Ja̧'wa̧nü̧ ja̧'a̧ttü̧, ujutu judío-mä̧ juätüttü'i̧nä̧ abonä̧nü̧ adiwä isotü jü̧nä̧ wotüjä̧ tä̧jí̧? ja̧'wa̧nü̧mä̧ wokotüjä̧, täkü ji'äwäjätüjä̧ judío'i̧nä̧, judío pokotü'i̧nä̧, o'katoi'ünä̧ surojü kkȩdä̧rä̧u̧jä̧ pä'ü.

Filipenses 3:4

Ja̧'wa̧ta̧nü̧, jua̧u̧ ttidepä jäwänä̧ ukuo tedäuttü, ukuo te'äwajümä̧ ttütä ja̧'a̧:

Romanos 4:16

Ja̧'wa̧nü̧ ja̧'a̧ttü̧, Abraha̧-rü̧'i̧nä̧, i̧tti̧mü̧rü̧'i̧nä̧ iya pä'inü̧ mikuäwächi'ünä̧ ja̧ pä'ümä̧, mippoünä̧ iyinü̧, a̧'kua̧ u̧wȩnä̧ro̧mȩttü̧tä̧. Ja̧'wa̧nü̧ ja̧'a̧mä̧, suro weäwä wȩnȩ ukuotätürütä iya pä'ümä̧kü̧ ja̧'a̧; Abraha̧ ji̧nü̧ta'anü̧ tta̧'kua̧ wȩnä̧rä̧tü̧rü̧mä̧ o'katoi'ünä̧rü̧ iya pä'ü ja̧'a̧. Ja̧'wa̧nü̧ jo̧mȩnä̧ Abraha̧-mä̧ o'katoi'ünä̧ ttä'o ja̧'a̧.

Hechos 22:21

Päda'anä̧ Chu̧ru̧wa̧mä̧ päinä̧ku̧sä̧: Täkü täi, judío pokotü tti̧rȩjä̧ra̧'a̧, otó wedäkujä̧.

San Mateo 9:11

Ja̧'wa̧nü̧ ukua'a topü, fariseo wotümä̧, Jesú u̧wo̧juȩtä̧u̧rü jä'epü ä̧ju̧kui̧nä̧tü̧: —¿Tta̧'a̧nü̧ pä'ü ku̧ru̧wa̧tu̧ku̧mä̧ Roma-ra̧'a̧ iyäwä pärätä ka̧ka̧tä̧'i̧jä̧tu̧ku̧'i̧nä̧, suronä̧ jȩpä̧'i̧jä̧tu̧ku̧'i̧nä̧ u̧kuȩmä̧ ukua'ajä̧ttü̧?

San Lucas 24:7

Ubo I̧tti̧mä̧ surojünä̧ jȩpä̧tü̧ ttu̧mü̧nä̧ iyü ikuäwäkua̧ ja̧'wa̧nü̧ ja̧'a̧ ü̧jo̧kä̧nü̧ jäinä̧ 'korupäi'ünä̧ pȩ'o̧pü̧ ttu̧ju̧nu̧ o'ka'a, wäbodäkuä mo̧ro̧ päi'omȩnä̧ tto̧ä̧chä̧kua̧ päinü̧, ji̧nü̧.

Gálatas 2:17

Ja̧'wa̧nü̧ ja̧'a̧nä̧, Crito-nä̧ ȩma̧tü̧ pä'ü esetü tikuomȩnä̧mä̧, ujutu'i̧nä̧ surojünä̧ tü̧ja̧kua̧'a̧ wo̧jui̧'ä̧tü̧jä̧. ¿Ja̧'wa̧nü̧ ja̧'a̧mä̧, Crito'i̧nä̧ surojü jȩtü̧nä̧ wea'a tä̧jí̧? ¡Ja̧'wa̧nü̧mä̧ jo̧ka̧'a̧!