Gálatas 2:14 - Nuevo Testamento Uwotjüja

¹⁴ Ja̧'wa̧nü̧ jȩtto̧mȩnä̧, jareü wȩnȩ pä'aku jȩpo̧ko̧tü̧ pinä̧tü̧, ja̧'wa̧nü̧ ji̧yä̧ku̧ Peduru-rü, o'katoi'ünä̧ ttä'ka jo̧mȩttü̧ pä'inü̧sä̧: Ukú, judío i̧sa̧'i̧nä̧, judío pokotü 'kua̧rü̧nä̧ ku̧ja̧'a̧nä̧; ¿Tta̧'a̧nü̧ pä'ü judío pokotürümä̧, judío jȩttü̧ jäwänä̧ ttü̧ja̧kua̧ päkua'ajä̧ttü̧?

TÄ̧DO Ä̧CUÄ̧ I̧HUȨNȨ

¹⁴ Ttö tochomenä, jahuätörö adihuä huȩnȩ, suronä jȩttö̧ jȩpö̧ icu huȩnȩ, päö'a̧nö̧ cuettächoca'a ji̧yä̧cu̧, Pedrorö o'ca toi'önä ttä'ca jo̧mȩttö̧ pä'inösä: “Ucu judíos ttö̧ja̧ i̧sa̧ cu'a'anä judíos huocotö ttö̧jö̧'a̧nö̧ kä̧ji̧jä̧. Judíos ttö̧ja̧ ttö̧jö̧'a̧nö̧ ko̧cö̧ pä̧ji̧jä̧. ¿Tta̧'a̧nö̧ pä'öjo, judíos huocotörö judíos ttö̧ja̧ ttö̧jö̧'a̧nö̧ ttö̧ja̧cua̧ päcuhua'amä?”

Gálatas 2:14 Referans Kwoze

Gálatas 2:5

Ja̧'wa̧nü̧ ja̧'a̧nä̧, juätü pätta'akumä̧ jȩpo̧ko̧tü̧ pi̧nä̧tu̧jä̧, ukutunä̧ jareünä̧ jueü wȩnȩ kka̧ päta'attü̧.

Hechos 10:28

Juätürü Peduru-mä̧ pä'inü̧: —Ukutumä̧ wo̧juä̧tü̧jä̧ judío wa̧, judío pokotüku esekua pä'ümä̧, weäwi'o̧ko̧u̧ pä'ü. Ja̧'wa̧nü̧ ja̧'a̧nä̧ Dio-mä̧ i̧jȩpä̧jä̧ku̧sä̧, ttü̧ja̧sa̧rü̧mä̧ ya̧tȩrü̧'i̧nä̧, su̧ro̧pa̧ pä'ümä̧ okuä pä'ü.

1 Timoteo 5:20

Yabokutä surojü jȩpä̧tü̧rü̧mä̧ o'katoi'ünä̧ ttä'ka jo̧mȩttü̧ ra̧wä̧ri̧pü̧nü̧ ji'äwätukuitü, kkorotü'i̧nä̧ yettekuächäkua'anü̧.

Gálatas 6:12

Circuncisión pättü, jȩttä̧kuä̧wa̧ pä'ü wȩ'ä̧rä̧tü̧mä̧, ttü̧ja̧ku̧ adiunä̧ ttü̧ja̧kui̧'a̧ pä'ütä jȩpä̧tü̧, Crito ü̧jo̧kä̧ jäinä̧ 'korujuoächinü̧ jäwänä̧ kuä'äu ttikua pä̧ttä̧u̧ usurä ttȩmä̧u̧ juiya pä'ü.

Hebreos 12:13

ja̧'wa̧ta̧nü̧ mä̧ni̧yä̧ jueü o̧mä̧nä̧ jopätukui, kui̧jä̧pü̧ ppi̧sä̧ ppi̧sä̧ jo̧mȩ jue'ekuächünä̧.

Hebreos 9:10

Suro kuäkuäwätä, awäwätä, ttütükäwinü̧tä̧, jȩta̧jä̧ pä'ü rütäwä ji̧na̧'a̧ wä̧mȩnä̧ jäwätä, Dio kkoronä̧ ü'ärotomebütä päi'ünä̧ rü̧ȩnä̧ adiu mikuäu jäwänä̧.

Gálatas 2:9

Ja̧'wa̧nü̧ ja̧'a̧ttü̧, adiwä juei ttürü iyäwi'ina̧'a̧ wo̧jui̧'ü̧ Sa̧ti̧a̧ku̧'i̧nä̧, Cefa'i̧nä̧, Ju̧a̧'i̧nä̧ igresia 'chu̧'ä̧rä̧tü̧ ja̧'a̧ttü̧ tettäwinä̧u̧jä̧, ttürü'i̧nä̧, Bernawérü'i̧nä̧, ji̧nä̧ ji̧yȩtȩ adikuä isotü jü̧nä̧: Ujutumä̧ judío pokotürü ji'äu ti̧'cha̧'a̧nä̧, jitütämä̧ judío-rü jittäwa pä'ü.

Gálatas 2:7

Pärokua'aku, judío pokotürü jidäwiyarü pä'ü Dio weina̧'a̧tä̧ wo̧jui̧'i̧nä̧tü̧, Peduru-rü'i̧nä̧ judío-rü jiäwa pä'ü weinüta'anü̧.

Romanos 14:14

Ja̧'wa̧ta̧nü̧ wo̧jua̧sä̧ Chu̧ru̧wa̧ Jesucrito-nä̧tä̧ tu̧kuȩ ji̧yȩnä̧tä̧mä̧ surojümä̧ juiya'a pä'ü. Ja̧'wa̧nü̧ ja̧'a̧nä̧, ya̧tȩ pi̧yȩmä̧ surojü pä'ü amükuädüttümä̧, iweye churutämä̧ surojü ja̧'a̧.

Hechos 15:24

Ujutu pottümä̧ ä̧ju̧kuä̧jä̧tü̧jä̧, ujutumä̧ wetoka'anä̧ pottütä 'chä̧jä̧'kotü ukuturu, kua̧'kua̧ tta̧kuȩkuä̧tu̧ku̧nä̧, circuncisión'i̧nä̧, weäwä wȩnȩ'i̧nä̧ jȩ'kuä̧tu̧kua̧ pä'ü wȩttä̧u̧do pätta'a.

Gálatas 2:3

Ja̧'wa̧nü̧ ja̧'a̧nä̧, ttüku kue'ächü Tito Grecia ttü̧ja̧sa̧ ja̧'a̧nä̧'i̧nä̧, circuncisión jȩä̧kuä̧wa̧ pä'ümä̧ wettokoku pinü̧.

Hechos 15:1

Ja̧'wa̧nü̧ ja̧'a̧ Judea rȩjȩttü̧ Antioquía ütawiyära̧'a̧ 'chä̧jä̧tü̧mä̧, Jesucrito-rü esetäjätürü wo̧juȩti̧nä̧tü̧: Moisé weinüta'anü̧ circuncisión jȩ'kuä̧kuä̧wä̧tu̧ku̧ juiyüttümä̧, surojüttümä̧ kki̧'o̧ko̧tü̧jä̧ pä'ü.

Hechos 15:5

Ja̧'wa̧nü̧ jittäwa'a ä̧ju̧ku̧, Fariseo wotü ja̧'a̧nä̧ Jesucrito-rü esetätü yotukunä̧mä̧ pä'inä̧tü̧: —Judío pokotü, Jesucrito-rü esetü ikuätümä̧, Moisé weinü̧, circuncisión jȩttä̧kuä̧wa̧ pä'ü'i̧nä̧ ja̧'wa̧ta̧nü̧ weäwä wȩnȩ ttukuota pä'ü'i̧nä̧ ja̧'a̧.

Gálatas 1:6

Rü̧ȩnä̧ chamükuädünä̧ jä̧ku̧sä̧, Jesucrito re ü̧jü̧nä̧ woinä̧u̧mä̧, jua̧u̧ttü̧ yotäku rä'opächü kkoro jareü wȩnȩnä̧ bokuipächäjiyätukuäku.

Gálatas 1:18

Ja̧'wa̧nü̧ ji̧na̧'a̧ttü̧mä̧, wäbodäkuä a̧'ȩ o'ka'a, Peduru-rü topü 'chä̧nü̧ Jerusarȩ́-ra̧'a̧ku̧ 'cha'ächinü̧sä̧, ja̧'wa̧nü̧ ja̧'a̧ jua̧u̧ku̧mä̧ ttü̧jä̧pü̧ttü̧nü̧ ji̧mü̧tȩ mo̧ro̧ jo̧mȩnä̧ kki̧nü̧sä̧;

Colosenses 1:5

mo̧ro̧jä̧ra̧'a̧ttü̧ ukuturu i̧yä̧wi̧'ä̧kuȩ tta̧kuä̧rä̧tu̧kua̧'a̧ttü̧. Jua̧u̧ ta̧kuä̧rä̧tu̧ku̧mä̧ ä̧ju̧kui̧nä̧tü̧jä̧ jueünä̧ jareü wȩnȩnä̧, Evangelio pä'ü mikunä̧,