Gálatas 1:24 - Nuevo Testamento Uwotjüja

²⁴ Ja̧'wa̧nü̧ ttürü pärotü ikuina̧'a̧ topü, Dio-rümä̧ juiyo eseäkuäwinä̧tü̧.

TÄ̧DO Ä̧CUÄ̧ I̧HUȨNȨ

²⁴ Diosrö adiu esehuinätö ttörö ä̧ju̧cu̧.

Gálatas 1:24 Referans Kwoze

Hechos 11:18

Ja̧'wa̧nü̧ jiäwa'a ä̧ju̧ku̧, 'koruchi'ijä'kotü Dio-rütä eseu pä'inä̧tü̧: —¡Ja̧'wa̧nü̧ jü̧ttü̧mä̧, Dio-mä̧ Judío pokotürü'i̧nä̧ surojüttü kki̧'ä̧kuä̧wä̧ra̧'a̧ku̧ ttü̧ji̧pi̧ya̧rü̧ pä'ü iyäja'a tä̧jí̧!

San Lucas 15:32

Ja̧'wa̧nü̧ ja̧'a̧nä̧ kui̧jä̧wa̧rü̧mä̧ pä'käri jȩpü̧ tesewa pä'ü ja̧'a̧, jua̧u̧mä̧ 'korujuoächina̧'a̧nä̧, ttoächäja'attü̧; ja̧'wa̧ta̧nü̧ to'e'ächinü̧rü̧ tü̧'o̧kui̧'ä̧ja̧'a̧ttü̧.

San Lucas 15:10

Isopäi'ünä̧ pä'üsä ukuturu, ja̧'wa̧nü̧ jü̧ta̧'a̧nü̧, ya̧tȩ suronä̧ jȩpü̧ ü̧jä̧'ijü̧ttü̧ kädi'omȩnä̧mä̧, Dio umüwäyotü A̧gȩrȩ-mä̧ eseäkuäwätü.

San Lucas 2:14

«¡Mo̧ro̧jä̧nä̧ttü̧mä̧ Dio-rü uruwo eseäkuäwi'a'a! ¡ja̧'wa̧ta̧nü̧ pi̧jä̧nä̧ttü̧ wȩnȩ juiya'a Dio esewäu̧ru̧mä̧!»

San Mateo 9:8

Ja̧'wa̧nü̧ ja̧'a̧ topü ttü̧ja̧mä̧ ukuo te'äunu̧, Dio-rü esewinä̧tü̧, ttü̧ja̧rü̧ ttukuo iyini̧yä̧u̧.

2 Tesalonicenses 1:12

Ja̧'wa̧nü̧ ja̧'a̧ttü̧, Tu̧ru̧wa̧ Jesú i̧mi̧mä̧ ukututtütä ukuomä̧ kkä̧kua̧'a̧, ja̧'wa̧ta̧nü̧ pärokua'aku ukutumä̧ kukuo kkä̧kua̧'a̧ chuttutä Dio-ttü ja̧'wa̧ta̧nü̧ Tu̧ru̧wa̧ Jesucrito rȩrü̧jü̧ toinü̧'a̧kuä̧.

2 Tesalonicenses 1:10

Ji̧yȩnü̧ mo̧ro̧ Tu̧ru̧wa̧ ichü mo̧ro̧ umüwäyotü pojopü ȩmi̧nä̧u̧ surojü jui'ätü eseäkuäu ukuo tettäwarü pä'ü. Isopäi'ünä̧ ukutu'i̧nä̧ juätü jü̧ta̧'a̧nü̧ pojopü ȩmi̧nä̧u̧jä̧ esetinä̧tü̧jä̧ adiwäjuei jareü wȩnȩ ujutu jitäwomȩnä̧.

2 Corintios 9:13

Pi̧yȩ kuiyätukua'a topü, Dio-rü tteseäkuäwäkuotü, Crito weinü̧nä̧ kukuotätukua'attü̧ ja̧'wa̧ta̧nü̧ ppäkuätukua'attü jitürütä'i̧nä̧, kkorotü o'katoi'ünä̧rü̧'i̧nä̧, jü̧nä̧;

San Lucas 7:16

Ja̧'wa̧nü̧ ja̧'a̧ topü o'katoi'ünä̧tä̧ ye'ünü̧, Dio-rü eseäkuäu, pä'inä̧tü̧: —Ujutu tü̧'kä̧tȩnä̧ttü̧, rü̧ȩnä̧ profeta wa̧ rä'opü. Pä'ükkä̧nü̧ pä'inä̧tü̧: —Dio-mä̧ ujutu u̧mü̧wä̧yotürü ppä'ädü ichäji ja̧'a̧.

San Marcos 2:12

Ja̧'wa̧nü̧ päku, na̧'ä̧chä̧ji̧mä̧, yotäku ä̧rä̧mi̧'ü̧ ttü̧ja̧ o'katoi'ünä̧ ttä'ka jo̧mȩttü̧ ü̧'ä̧bä ȩmi̧pü̧, juorümä̧ rä'opächü, 'chi̧nü̧. Ja̧'wa̧nü̧ ji̧yä̧u̧, o'katoi'ünä̧, Dio-rü eseäkuäu, pä'inä̧tü̧: —Yoriso, pa̧'a̧nü̧ jü̧mä̧ topokotü pä'ijä̧tü̧jä̧, jü̧nä̧.